<p>31 წლის ფორვარდი ჯაბა დვალი ჯერაც უგუნდოდაა, თუმცა საქმეს ისეთი პირი უჩანს, ახალ კლუბს მალე იპოვის <br> 31 წლის ფორვარდი ჯაბა დვალი ჯერაც უგუნდოდაა, თუმცა საქმეს ისეთი პირი უჩანს, ახალ კლუბს მალე იპოვის. ბოლოს ის "ცხინვალში" თამაშობდა, სადაც გუნდის გამოკვეთილი ლიდერი გახლდათ, თუმცა კლუბმა უმაღლეს ლიგაში ადგილი ვერ შეინარჩუნა.</p><p>გუშინ "ლელო" დაუკავშირდა დვალს, რომელსაც არაერთ ქართულ კლუბში უთამაშია, თუმცა საუკეთესო პერიოდი "ზესტაფონსა" და თბილისის "დინამოში" ჰქონდა...</p><p><strong>- თავდაპირველად წინა სეზონი შევაფასოთ. რამ განაპირობა "ცხინვალის" გავარდნა უმაღლესი ლიგიდან?</strong></p><p>- კარგად იცით, თითქმის მთლიანად შეიცვალა გუნდის ძირითადი ბირთვი, თან ახალი სეზონისთვის მოსამზადებლად დროც არ იყო საკმარისი. ამასთან, აუცილებლად უნდა გავუსვათ ხაზი მოკლე სათადარიგო სკამის პრობლემასაც... სხვა რა გითხრათ... ძალიან გულდაწყვეტილი ვარ იმით, რაც მოხდა.</p><p><strong>- თქვენს პირად სტატისტიკას კი "ურიგოს" ნამდვილად ვერ ვუწოდებთ...</strong></p><p>- ჩემთვის ყოველთვის გუნდური ინტერესებია წინა პლანზე. მერჩივნა, არც ერთი გოლი არ გამეტანა, ოღონდ "ცხინვალი" დარჩენილიყო უმაღლეს ლიგაში. მე 10 თამაშში 7 გოლი გავიტანე, მაგრამ საკუთარი თავით არ ვარ კმაყოფილი - მეტი შემეძლო.</p><p><strong>- საინტერესოა, კიდევ გაკავშირებთ კონტრაქტი მოლდოვურ "დაჩიასთან"?</strong></p><p>- კონტრაქტი მაქვს, მაგრამ მოლდოველებთან მოლაპარაკებები დავიწყე. დარწმუნებული ვარ, კლუბის პრეზიდენტთან შევთანხმდები იმაზე, რომ კონტრაქტი ორმხრივი შეთანხმების საფუძველზე გაწყდეს.</p><p><strong>- ჯერაც არ გიპოვიათ ახალი კლუბი. როდის გაირკვევა თქვენი მომავალი?</strong></p><p>- არაერთი გუნდი დამიკავშირდა. პირადად ჩემთვის სასურველია ისეთ კლუბში თამაში, სადაც საფეხბურთო გარემოა, ვარჯიში და თამაში გიხარია. რევაზ ჩელებაძე მელაპარაკა და "შუქურაში" თამაში შემომთავაზა...</p><p>ალბათ, მას შემდეგ, რაც "დაჩიასთან" საკონტრაქტო საკითხებს მოვაგვარებ, სწორედ "შუქურაში" ვითამაშებ.</p><p><strong>- რას იტყვით საქართველოს ჩემპიონატზე, სადაც არაერთ გუნდში გითამაშიათ? საით მივდივართ?</strong></p><p>- რა და როგორ იყო ბოლოს ჩვენს ჩემპიონატში, ყველამ კარგად ვიცით. თექვსმეტგუნდიანი პირველობის პირობებში ბევრ გუნდს არ ჰქონდა ელემენტარული პირობები. ის კი არა, თამაშზე გამგზავრების პრობლემაც იქმნებოდა. ყველა ვხედავთ - ფეხბურთის ფედერაცია და სახელმწიფო ყველაფერს აკეთებენ იმისთვის, რომ ვითარება გაუმჯობესდეს. გარდამავალი ჩემპიონატი ძალიან დაძაბული იყო. თითოეული ადგილისთვის ბოლომდე მიდიოდა ბრძოლა. ათგუნდიან პირველობას დიდი იმედით ვუყურებ. უკეთესობას ნამდვილად ვხედავ.</p><p><strong>- ხშირად გაიგონებთ, ფეხბურთელები არ გვყავსო...</strong></p><p>- კატეგორიულად არ ვეთანხმები! ჩემთვისაც ხშირად უთქვამთ ეს. უბრალოდ, სწორი მიდგომაა საჭირო. ავიღოთ ხორვატიის მაგალითი. ამ ქვეყნის გამორჩეული ფეხბურთელები ახალგაზრდულ ასაკშივე მიდიან საზღვარგარეთ. რამდენი ხორვატი თამაშობს დღეს მაღალ დონეზე? თითქმის ყველა მათგანმა ახალგაზრდულ ასაკში დატოვა ქვეყანა, ხორვატიის ჩემპიონატი კი თავის დონეს მაინც ინარჩუნებს. მიმაჩნია, რომ თუ ფეხბურთელი გამორჩეულია, მისთვისვე ჯობია, ახალგაზრდულ ასაკშივე წავიდეს საქართველოდან... ძალიან კარგი ფეხბურთელია ბუდუ ზივზივაძე.</p><p>უკვირთ, დანიაში რატომ წავიდაო?! უნდა წასულიყო, აბა, რა უნდა ექნა? საქართველოს ჩემპიონატიდან პირდაპირ "რეალში" ვერ წახვალ, ეტაპობრივად უნდა გადადგა ნაბიჯი.</p><p><strong>- კი მაგრამ, ვინღა ითამაშებს საქართველოს ჩემპიონატში, თუ ყველა წავა?</strong></p><p>- როცა აიწყობა სისტემა, უცხოეთში წასულების შემცვლელებიც გამოჩნდებიან. ისევ ხორვატიის მაგალითს მოვიყვან - ზაგრების "დინამო" სულ ყიდის გამორჩეულ ფეხბურთელებს, მაგრამ შემცვლელებს პოულობს, სისტემატურად თამაშობს ჩემპიონთა ლიგაში...</p><p><strong>- ამის წინაპირობა საქართველოშიც ჩანდა - იყო დრო, ერთბაშად ორი გუნდი გვყავდა ევროპალიგის პლეი-ოფში...</strong></p><p>- კარგად მახსოვს, "ზესტაფონში" რომ ვიყავი და "ბრიუგეს" ვეთამაშობდით, "დინამო" კი აეკ-ს ხვდებოდა. ბელგიელებთან თბილისური მატჩი რომ მორჩა, გამოვდივარ მინდვრიდან და ჟურნალისტი მეკითხება - შედეგით კმაყოფილი ხარო? კი, იყო უკმაყოფილების გრძნობა, მაგრამ მეორე მხრივ, ორი გუნდი გვყავდა ჯგუფური ეტაპის ზღვარზე...</p><p>მინდა, "ზესტაფონზე" ვთქვა. მე ამ გუნდში ჩემთვის დაუვიწყარი პერიოდი გავატარე. ჩემთვის ძალიან ძვირფასია ამ კლუბის თითოეული ქომაგი. ცოტა ხნის წინ პირადად წამოვიწყე ფეხბურთელებში აქცია, რომლის მიზანიც ქართულ ფეხბურთში "ზესტაფონის" დაბრუნება იყო.</p><p>რამდენიმე ათეულმა ფეხბურთელმა მიიღო მასში მონაწილეობა. ჩემი აზრით, საქართველოს ფეხბურთის ფედერაციისათვისაც უმნიშვნელოვანესი უნდა იყოს "ზესტაფონის" სრულფასოვანი დაბრუნება ქართულ საფეხბურთო ოჯახში.</p><p>ყოველდღე მირეკავენ, მეკითხებიან, როდის დაბრუნდება "ზესტაფონიო"? ეს კლუბი ბევრს დააკლდა, არამარტო ზესტაფონელ ქომაგს. თან დღეს ქართულ ფეხბურთში კერძო ინვესტიციის დიდი დეფიციტია...</p><p>ვერ ვისაუბრებ იმაზე, რა და როგორ მოხდა წინა ფედერაციის დროს. მაშინ მე მოლდოვაში ვთამაშობდი, მაგრამ ერთს კი ვიტყვი: მჯერა, "ზესტაფონი" დაუბრუნდება ქართულ ფეხბურთს და გულშემატკივარსაც ძველებურად გაახარებს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
luka
ბაბაია-ს. ბაბუ, ნუ მიწყენ და წინა საუკუნეში ხართ ჩარჩენილი. მე ერთი ნაღდად ვიცი, რომ 1981 წელს დინამო ნაღდად ვერ მოიგებდა ევროპის თასს ყიფიანის, გუცაევის, შენგელიას, ჩივაძის, დარასელიასა და სხვა ვარსკვლავების გარეშე, მაგრამ ისიც კარგად ვიცი, რომ უფლება რომ ქონოდათ, მაშინდელი დინამოს თითქმის ყველა ფეხბურთელი, ევროპულ გრანდებში გადავიდოდა აუცილებლად. ასე, რომ ამ კონკრეტულ შემთხვევაში დროში ხართ ცოტა აცდენილი ჩემო ბაბაია. ამასთან, რომ ამბობთ, რომელიმე პოსსაბჭოთა ქვეყანასთან (რატომრაც რუსეთი "გამოგრჩა") გაერთიანებით ჩავატაროთ ჩემპიონატიო, რას ეფუძნებით? არსებობს კი ევროპის რომელიმე რეგიონში ასეთი პრეცედენტი? მე ასეთ არ ვიცნობ.
temo
მართალი კაცია ყველაფერში ვეთანხმები
dato
ჯაბა ჯიგარი ხარ
gio
კარგი ფეხბურთელია ძაან
ბაბაია
სისტემატიურად ლიგაზე თამაში და ჯგუფში ჩარჩენა კარგი შედეგიააა?? მე არანაირად არ მიმაჩნია კარგ შედეგათ. ეგრე რომ გაეშვათ დინამოდან ფეღბურთელები 1981 ში დინამო თასს ვერ მოიგებდა პირიქით მემგონია რომ უფრო უნდა შეიზღუდოს გასვლა საქართველოდან თუ გვინდა რომ ჩვენმა გუნდებმა რამე ქნან. რამე უნდა მოვიფიქროთ პოსტ დაბჭითა ქვეყნებიდან აზერბაიჯანთან უკრაინასთან უნდა გავაერთიანოთ ჩემპიონატი და დონეც ამაღლდება როგორც საბჭოეთის დროს იყო ისე. იყოერთი პერიოდი ლაპარაკები მაგაზე და რატომღაც ხმას არავინ აღარ იღებს. თუ ყველა უცხოეთში გაიხიზნება ქართული გუნი ვერადროს ვერაფერს ვერ მოიგებს. თუ ეგ გვინდა მაშინ ვიყოთ ესე ერთი ნაბიჯი წინ ორი უკან
გადრანი "კაირატიდან" "ბეითარში" გადავიდა
საზონოვი "ხეტაფეში" ტრანსფერის 120-წამიანი დაგვიანების გამო ვერ გადავიდა
ქართველი მეკარე ესპანურ გუნდში გადავიდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
სასიამოვნო სიახლე: "ზესტაფონმა" ეროვნული ლიგისკენ 1 ნაბიჯი გადადგა
ჯაბა დვალთან ერთად - "ზესტაფონი" წინსვლისთვის ბრძოლას იწყებს
უკეთესი შემოთავაზება აქვს - ჯაბა დვალმა ბოლნისის "სიონი" დატოვა
"ზესტაფონი" საფეხბურთო აკადემიას თბილისში ხსნის
საქართველოს თასის გათამაშება დაიწყო
ეროვნული ლიგა 2. IX ტური: "თელავმა" "ზუგდიდს" მოუგო და ლიდერ "მერანს" 2 ქულით ჩამორჩება
ეროვნული ლიგა 2. VII ტური: "ქამბექი", რომელიც "მანჩესტერ იუნატედსაც" შეშურდებოდა
ზივზივაძის "ჰაიდენჰაიმს" ახალი მეკარე ჰყავს
"ზესტაფონისა" და "დინამოს" ექსფეხბურთელი "პორტუში" გადადის
მსაჯის შეურაცხყოფისთვის ოქრიაშვილი გააძევეს - "სამგურალმა" "საბურთალოს" მოუგო [VIDEO]
ლეგიონის უქმეები: დვალი ჩემპიონობის მოლოდინში, ვოლკოვის გოლი, მჭედლიძის საგოლე, ჩაკვეტაძე ძირითადში [VIDEO]
ჯაბა დვალი "სიონიდან" "თელავში" გადავიდა
ჯაბა დვალმა კარიერა დაასრულა
2023 წლის შემდეგ პირველად - სანიოლმა ეროვნულ ნაკრებში ვოლკოვს უხმო
სფფ-ის აღმასკომზე "ცხინვალის" შესახებ იმსჯელეს
ზივზივაძის "ჰაიდენჰაიმმა" ბუნდესლიგა სახლში მარცხით დაიწყო
ბუდუ შეცვლაზე შევიდა - "ჰაიდენჰაიმი" ისევ დამარცხდა
ზივზივაძის "ჰაიდენჰაიმმა" თასზე დამაჯერებელი გამარჯვება მოიპოვა
"ჰაიდენჰაიმში" ზივზივაძის თანაგუნდელი ნიდერლანდების ჩემპიონატში გადაბარგდა
"ცხინვალი" მესამე ლიგაშიც კი ვეღარ იასპარეზებს
ეროვნული ლიგა 2. III ტური: ორი მატჩი და ორი ფრე
ეროვნული ლიგა 2. V ტური: "სამტრედია" და "თელავი" წაუგებლად წინ მიიწევენ
კაშიას გოლი, ჩაკვეტაძის საგოლე პასი - "სლოვანმა" ჩერჩესოვის "ფერენცვაროშს" გასვლაზე სძლია [VIDEO]