- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მთავარი შედეგია...
<p>"სპარტაკმა" მოქმედ ჩემპიონს ტოლი არაფერში დაუდო და ცოტა დააკლდა, რუსთავიდან ქულა რომ წამოეღო</p><p><br> "ოლიმპსა" და "სპარტაკს" აბსოლუტურად განსხვავებული მიზნები აქვთ ამ სეზონში და რა გასაკვირვია, რომ გუშინდელი მატჩის წინ ფავორიტად მასპინძლები მიიჩნეოდნენ. საბოლოოდ, შეხვედრა "ოლიმპის" გამარჯვებით კი დამთავრდა, მაგრამ რუსთაველთა გუნდის თამაშს "საჩემპიონო" ნამდვილად არ ეთქმოდა; უფრო მეტიც: გუშინდელი დაპირისპირება ყაიმით რომ დამთავრებულიყო, ალბათ, ეს უფრო ლოგიკური იქნებოდა.</p><p>თუმცა, მატჩის შემდეგ გამოუყენებელ მომენტებსა თუ სხვა "გარეშე ფაქტორებზე" საუბარი ხომ არაფერს შეცვლის: გამოცდილების (გნებავთ, კლასის) ხარჯზე მასპინძლებმა მაინც შეძლეს მეტოქის წინააღმდეგობის დაძლევა და არადამაჯერებელი ასპარეზობის მიუხედავად, მეტად და მეტად საჭირო სამი ქულა მოიპოვეს.</p><p>გამოცდილება და კლასი კი შემთხვევით არ გვიხსენებია: "ოლიმპმა", ფაქტობრივად, ერთადერთი საგოლე მომენტი შექმნა (ისიც, მეტოქის "დახმარებით") და ის შეტევაც ზუსტი დარტყმით დაგვირგვინდა.</p><p>თუმცა, ისეც არ გვინდა ვინმემ გაიგოს, თითქოს მთელი მატჩი სტუმართა დომინირებით მიმდინარეობდა და გრიგოლ ბედიაშვილის კართან მომენტი-მომენტს ცვლიდაო; არა, ასე ნამდვილად არ ყოფილა, მაგრამ ის კი დასაფასებელია, აუტსაიდერმა გუნდმა მოქმედ ჩემპიონს ტოლი რომ არაფერში დაუდო და მართლაც ცოტა დააკლდა, რუსთავიდან ქულა წამოეღო.</p><p>შეხვედრა მასპინძელთა უპირატესობით დაიწყო. განსაკუთრებით "ოლიმპის" ფლანგის ნახევარმცველები (რევაზ გეწაძე, ირაკლი მაისურაძე) აქტიურობდნენ, მაგრამ რეალურ მომენტებამდე საქმე არ მისულა; ამასთან, ისე როგორც წინა მატჩებში, კვლავაც საიმედოდ ასპარეზობდა "სპარტაკის" გამოცდილი მეკარე სოსო გრიშიკაშვილი. ამის შემდეგ თამაში გათანაბრდა და მალე, "სპარტაკის" ორი მწვავე კონტრშეტევაც ვიხილეთ: ერთ ეპიზოდში ბესიკ დეკანოიძის პასით ზვიად მეტრეველს მახვილი კუთხიდან გოლის გატანა შეეძლო, მაგრამ გრიგოლ ბედიაშვილმა საიმედოდ ითამაშა. მანამდე კი ერთობ საკამათო ეპიზოდიც მოხდა, თამაშის დროსაც და მატჩის დასრულების შემდეგაც არაერთგვაროვანი შეფასება რომ მოჰყვა; მეტრეველმა სიღრმიდან პასი მიიღო და ალექსანდრე კვახაძესთან ძალისმიერ ორთაბრძოლაში მასპინძელთა კარში ბურთის ზუსტად დარტყმაც მოახერხა, მაგრამ... მსაჯის სასტვენის შემდეგ. ტრიბუნიდან ისე ჩანდა, ვიდრე დაარტყამდა, "სპარტაკის" ფორვარდმა ბურთი ხელით გაისწორა და, ალბათ, ამიტომაც დაისაჯა ყვითელი ბარათით. თანაც, ამ გაფრთხილების გამო მეტრეველს მომდევნო მატჩის გამოტოვება უწევს და ამის გამოც ვერ მალავდნენ აღშფოთებას სტუმართა სამწვრთნელო შტაბი თუ ხელმძღვანელობა.</p><p>სხვათა შორის, პირველი ტაიმის ბოლოს ოდნავ მიმსგავსებული სიტუაცია შეიქმნა სტუმართა კართანაც: ლუკა რაზმაძემ გოლი გაიტანა, მაგრამ ამ შემთხვევაშიც სასტვენის მერე მოხდა ყველაფერი (ლაინსმენმა, ოდნავ დაგვიანებით, მაგრამ თამაშგარე მდგომარეობა მაინც დააფიქსირა) და "ოლიმპის" საყრდენმაც გაფრთხილება დაიმსახურა. აი, პირველ ტაიმში სულ ეს იყო "საინტერესო", თუ არ ჩავთვლით მასპინძლების ერთადერთ დარტყმას სტუმართა კარში: ირაკლი მაისურაძემ "ერთი შეხებით" სცადა გოლის გატანა, მაგრამ გრიშიკაშვილმა ამჯერადაც უშეცდომოდ ითამაშა.</p><p>მოვლენებით "დახუნძლული" არც მეორე ტაიმი ყოფილა, სამაგიეროდ გოლი ვნახეთ: ირაკლი მაისურაძის წამოწყებულ შეტევას "სპარტაკის" გამოცდილი მცველის ბოიომო ფრიდოლინის შეცდომა მოჰყვა, რის შედეგადაც ბურთი კარის წინ უმეთვალყურეოდ დარჩენილ რევაზ გეწაძეს მიუვიდა და ანგარიშიც გაიხსნა. გოლის მერე თამაში "გაიხსნა" და სულ მალე ამ შეხვედრის, უდავოდ, გამორჩეული მოთამაშის ვალერი ბოლქვაძის დარტყმა მცირე მანძილით აცდა მასპინძელთა კარს.</p><p>"სპარტაკს" კიდევ ჰქონდა ერთი რეალური შანსი, როცა შეცვლაზე შემოსული ვალერი კილასონიას დარტყმული ბურთი ზვიად მეტრეველს მიუვიდა, რომელიც უაღრესად ხელსაყრელ პოზიციაზე იმყოფებოდა, მაგრამ მასპინძლები გიორგი რეხვიაშვილმა გადაარჩინა. მატჩის ბოლოს "სპარტაკმა" რამდენიმე იერიში მიიტანა მეტოქის კართან, მაგრამ ბედიაშვილიც საიმედოდ თამაშობდა და "ოლიმპმაც" აუღელვებლად შეძლო სამი ქულის მოპოვება.</p><p>ზემოთ ბოლქვაძე ვახსენეთ და კიდევ ერთხელ გვინდა ამ ახალგაზრდა ფეხბურთელის ეფექტურ თამაშს ხაზი გავუსვათ; მოგეხსენებათ, მხოლოდ ჩვენთან კი არა, თანამედროვე ფეხბურთშია "კლასიკური" გამთამაშებლების დეფიციტი და საქართველოს ჩემპიონატის ერთ-ერთი სასიამოვნო გამონაკლისი სწორედ ვალერი ბოლქვაძე გახლავთ. თანაც, ფეხბურთს ხომ არასტანდარტული მოქმედებები ამშვენებს: ეფექტური ფინტები, შორ და საშუალო მანძილზე მეტოქეთათვის "დაფარული" გადაცემები და ასე შემდეგ...</p><p>P.S. მატჩის დასრულების შემდეგ დაგვიკავშირდნენ "სპარტაკის" წარმომადგენლები და გვამცნეს: ვიდეოჩანაწერის ნახვის შემდეგ დარწმუნდნენ, რომ მეტრეველს ხელით არ უთამაშია და თავიანთი წამყვანი ფეხბურთელისთვის ყვითელი ბარათის გაუქმების მოთხოვნით დღეს ფეხბურთის ფედერაციასაც ესტუმრებიან.</p><p><em><strong>ოლიმპი-სპარტაკი 1:0</strong></em></p><p>07.03. რუსთავი. ფოლადი. 800 მაყურებელი</p><p>1:0 გეწაძე (52)</p><p>ოლიმპი სპარტაკი</p><p>4-4-2 4-2-3-1</p><p>ბედიაშვილი გრიშიკაშვილი</p><p>მურველაშვილი სეფიაშვილი</p><p>კვახაძე ტეტუნაშვილი</p><p>რეხვიაშვილი ბოიომო</p><p>დობროვოლსკი ოთარიშვილი</p><p>ი. მაისურაძე მამუჩიშვილი</p><p>რაზმაძე ჭაფოძე</p><p>დ. ბოლქვაძე დეკანოიძე</p><p>გეწაძე ვ. ბოლქვაძე</p><p>მოდებაძე კლოვისი</p><p>იაშვილი მეტრეველი</p><p>მწვრთნელი მწვრთნელი</p><p>თ. მაისურაძე ბ. კვარაცხელია</p><p>ოლიმპი</p><p>46. იაშვილი-უგულავა</p><p>64. დ. ბოლქვაძე-ქავთარაძე</p><p>71. ი. მაისურაძე-ქურდობაძე</p><p>სათადარიგოები: ბათიაშვილი, ჯაფარიძე, ქემოკლიძე, ტყემალაძე</p><p>სპარტაკი</p><p>60. ტეტუნაშვილი-ალავიძე</p><p>63. დეკანოიძე-მ. ჯიშკარიანი</p><p>74. სეფიაშვილი-კილასონია</p><p>სათადარიგოები: დაუშვილი, ნარიმანიძე, კაკაშვილი, უგრეხელიძე</p><p>გაფრთხილება: მეტრეველი (21), რაზმაძე (45), დ. ბოლქვაძე (50), მურველაშვილი (90).</p><p>არბიტრი: თ. გვანცელაძე (სამტრედია).</p><p>.</p>
"გაგრას" ლიუბენოვიჩი ჩაუდგა სათავეში
ფრე დინამოების დაპირისპირებაში; წყალტუბოელთა მოგება ფოთში
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
აბუაშვილის და წიტაიშვილის "მეცმა" მორიგი მარცხი განიცადა
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
გვარდიოლამ გაამხილა, როდის იფიქრებს მწვრთნელის კარიერის დასრულებაზე