<p>10 მარტს, თბილისის ოლიმპიურმა სასახლემ საქართველოს ფუტსალის ლიგის XI ტურის შეხვედრებს უმასპინძლა <br> 10 მარტს, თბილისის ოლიმპიურმა სასახლემ საქართველოს ფუტსალის ლიგის XI ტურის შეხვედრებს უმასპინძლა. მოლოდინისამებრ, მატჩები საკმაოდ საინტერესოდ წარიმართა.</p><p>მიმდინარე გათამაშებაში პირველი გამარჯვება იზეიმა შავი ზღვის საერთაშორისო უნივერსიტეტის გუნდმა, რომელმაც "თბილისი ვარიორსი" დაამარცხა 7:3.</p><p>ბათუმში გამართული მატჩის სცენარით წარიმართა მფკ "ტატიშვილისა" და ბათუმის სახელმწიფო უნივერსიტეტის კლუბის თბილისური დაპირისპირება, რომელიც საკმაოდ საინტერესო გამოდგა. ბსუ-ს ფეხბურთელები განსაკუთრებით უკეთ მატჩის პირველ ნახევარში გამოიყურებოდნენ და საბოლოოდ ტაიმიც მათ სასარგებლოდ დასრულდა - 1:2. ეს "მედიკოსების" პირველი წაგებული ტაიმია სეზონში. მეორე ნახევარში კი ფავორიტმა კლანჭები ბოლომდე გამოაჩინა და საბოლოოდ მორიგი დამსახურებული გამარჯვება ჩაიწერა აქტივში - 7:3.</p><p>მოლოდინისამებრ, დაძაბულად წარიმართა სატურნირო ცხრილში II-III ადგილებზე მყოფი "სტუ-თელასისა" და "აგორას" დაპირისპირება. პირველ წრეში ამ გუნდების შეხვედრა ფრედ, 2:2 დასრულდა, რაც გათამაშების ერთ-ერთ მთავარ მოულოდნელობად შეფასდა. გამონაკლისი შესაძლოა არც პარასკევს გამართული შეხვედრა ყოფილიყო, რომელშიც "ენერგეტიკოსები" კვლავინდებურად მედგარ წინააღმდეგობას წააწყდნენ დებიუტანტი მეტოქის მხრიდან, თუმცა კლასისა და გამოცდილების ხარჯზე, ამჯერად მაინც შეძლეს სამი ქულის მოპოვება - 4:2.</p><p>უმნიშვნელოვანესი გამარჯვება მოიპოვა მფკ "თბილისმა". "დედაქალაქელები" საკადრო პრობლემებით გადატვირთულ "დინამო ბათუმს" დაუპირისპირდნენ და სავსებით დამსახურებულად, 4:1 იმარჯვეს, რითიც პლეი-ოფისთვის ბრძოლაში უშუალო კონკურენტს სამი ქულაც წაართვეს და პირველ წრეში ბათუმში განცდილი მარცხისთვის სრულფასოვანი რევანშიც აიღეს. მატჩის და მთლიანი ტურის ნამდვილ მშვენებად იქცა "თბილისელი" ვასკა მარუაშვილის ჯარიმიდან გატანილი ულამაზესი გოლი.</p><p>უაღრესად დაძაბული და დრამატული გამოდგა ტურის დასკვნითი შეხვედრა, რომელშიც ერთმანეთს პლეი-ოფისთვის მებრძოლი კიდევ ორი გუნდი, მფკ "აფხაზეთი" და მფკ "მგლები" დაუპირისპირდნენ. მატჩის განმავლობაში გუნდებმა ნამდვილი ბრძოლა გააჩაღეს და რიგ ეპიზოდებში დაძაბულობა პიკსაც აღწევდა.</p><p>ანგარიში "ზღვისპირელებმა" მე-8 წუთზე გახსნეს. თავი მათმა კაპიტანმა ბიძინა ღუღუნიშვილმა გამოიჩინა. თუმცა მალევე "მგლების" ფეხბურთელებმა ჯერ ანგარიში გაათანაბრეს და შემდეგ წინაც გავიდნენ. ზურა ძაგანიასა და სერგი მაჭარაშვილის გოლებით "მტაცებლებმა" ტაიმი თავიანთ სასარგებლოდ დაასრულეს. 30-ე წუთზე მაჭარაშვილმა დუბლი გაიფორმა და თავისიანების უპირატესობა ორ ბურთამდე გაზარდა, მაგრამ როგორც შემდგომ გაირკვა, ეს საკმარისი არ აღმოჩნდა საბოლოო წარმატებისთვის. იმავე ღუღუნიშვილმა 34-ე და 35-ე წუთებზე ორჯერ მოახერხა მეტოქის კარის აღება და საბოლოო ანგარიშიც დააფიქსირა 3:3.</p><p>ამ შედეგით "აფხაზეთმა" 17 ქულა დააგროვა და შეძლო სატურნირო ცხრილში მეოთხე ადგილის შენარჩუნება. ისინი ოთხი ქულით ჩამორჩებიან მესამეზე მყოფ "აგორას". სატურნირო ცხრილს 31 ქულით "ტატიშვილი" ლიდერობს, რომელიც ორი ქულით უსწრებს "სტუ-თელასს". რაც შეეხება ოთხეულში მოხვედრის კანდიდატებს, "აფხაზეთს" ორ-ორი ქულით ჩამორჩებიან "თბილისი" და "დინამო", "მგლები" 14 ქულით მეშვიდე ადგილზე იმყოფებიან.</p><p><span style="color: #ff0000;"><strong>10.03.2017. თბილისის ოლიმპიური სასახლე. XI ტური</strong></span></p><p><em><strong>მფკ თბილისი ვარიორსი - მფკ იბსუ 3:7 (1:6)</strong></em></p><p>გოლები: 0:47’ ჩიმაკაძე (0:1), 06:39’ ესებუა (0:2), 08:04’ მჟავანაძე (0:3), 11:50’ ჩიმაკაძე (0:4), 16:26’ კარაპეტიანი (1:4), 16:40’ ესებუა (1:5), 19:19’ ჩიმაკაძე (1:6), 28:52’ გეგეშიძე (2:6), 33:32’ ჩიმაკაძე (2:7), 35:50’ ბერტრანი (3:7)</p><p>გაფრთხილება: 10:58’ მამაცაშვილი (იბსუ), 14:22’ მჟავანაძე (იბსუ)</p><p><em><strong>მფკ ტატიშვილი - მფკ ბსუ (ბთ) 7:3 (1:2)</strong></em></p><p>გოლები: 05:08’ ფუტკარაძე (0:1), 06:51’ სიგუნავა (1:1), 14:29’ ცეცხლაძე (1:2), 21:36’ ლუკავა (2:2), 21:54’ კაკაბაძე (3:2), 22:36’ კაკაბაძე (4:2), 24:29’ კობაიძე (5:2), 26:11’ მამულაძე (5:3), 30:57’ ბობოხიძე (6:3), 36:49’ ლუკავა (7:3)</p><p><em><strong>მფკ სტუ-თელასი - მფკ აგორა 4:2 (1:1)</strong></em></p><p>გოლები: 05:40’ გეგეშიძე (1:0), 06:53’ დაჩანიძე (1:1), 20:42’ თოფურია (2:1), 20:50’ ჭუმბურიძე (3:1), 33:06’ ცნობილაძე ს.კ (3:2), 38:02’ ჭუმბურიძე (4:2)</p><p>გაფრთხილება: 22:20’ ლეჟავა (თელ), 25:38’ დაჩანიძე (აგო), 37:21’ სოზაშვილი (თელ)</p><p><em><strong>მფკ თბილისი - მფკ დინამო (ბთ) 4:1 (0:0)</strong></em></p><p>გოლები: 22:55’ კუხალეიშვილი (1:0), 30:39’ მხითარიანი (2:0), 35:27’ მარუაშვილი (3:0), 36:28’ დარჩია (4:0), 38:46’ დ.დოლიძე (4:1)</p><p>გაფრთხილება: 11:53’ თოდაძე (დინ), 25:18’ კირთაძე (თბ), 29:27’ დ.დოლიძე (დინ)</p><p><em><strong>მფკ აფხაზეთი - მფკ მგლები 3:3 (1:2)</strong></em></p><p>გოლები: 07:13’ ღუღუნიშვილი (1:0), 11:52’ ძაგანია (1:1), 17:50’ მაჭარაშვილი (1:2), 29:07’ მაჭარაშვილი (1:3), 34:12’ ღუღუნიშვილი (2:3), 35:24’ ღუღუნიშვილი (3:3)</p><p>გაფრთხილება: 25:24’ ახობაძე (მგლ), 33:09’ ხარაიშვილი (აფხ)</p><p>გაძევება: 23:44’ კვარაცხელია (აფხ)</p><p><span style="color: #ff0000;"><strong>ბომბარდირები:</strong> </span></p><p>ლაშა სიგუნავა (ტატიშვილი) - 24, სერგი მაჭარაშვილი (მგლები) - 21, ზურაბ ლუკავა (ტატიშვილი) - 19, დავით ბობოხიძე (ტატიშვილი) - 17, შოთა თოფურია (თელასი) - 16</p><p>ჩემპიონატის პარტნიორები და მხარდამჭერები არიან: "სილკ უნივერსალი", სპორტული ბრენდი "SALLER", "წყალი მარგებელი", იურიდიული ჯგუფი "ერისთავი და პარტნიორები", "ტატიშვილის სამედიცინო და სპორტული რეაბილიტაციის ცენტრი".</p><p>მედიაპარტნიორები: რადიოები, "თანამგზავრი 92,3", "იმედი", JAKO FM, "კომერსანტი"; ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, გაზეთი "ლელო" და სპორტული ჟურნალი "ათიანი".</p><p><span style="color: #888888;"><strong>სპორტული სააგენტო SBM-ის პრესსამსახური / sbm.ge</strong></span></p>
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ფუტსალის ლიგა 2016/17: 12 ივნისს ჩემპიონის ვინაობა გაირკვევა!
ფუტსალის ლიგა 2016/17: აირჩიე საუკეთესო გოლი!
ფუტსალის ლიგა 2016/17: "სტუ-თელასი" საქართველოს ჩემპიონია! [PHOTO]
ფუტსალის ლიგა 2016/17: ფავორიტები სერიაში დაწინაურდნენ!
ფუტსალის ლიგა 2016/17: დღეს ფინალური სერია იწყება!
9 ივნისს, ფუტსალის ლიგის ფინალური ეტაპის განმეორებითი შეხვედრები გაიმართება [VIDEO]