[აქტუალურ თემაზე] რატომ არ სურთ სახელმწიფო კლუბებს განკერძოება?

"ბიუჯეტს ხრავენ, კერძო მეპატრონესთან კი ეს არ გაუვათ... სადაც სახელმწიფო კლუბია, იქ მუდმივად არამდგრადობაა" პიოტრ ჩაადაევის სიტყვებია - რუსეთს გონებით ვერ გაუგებო. შესაძლოა, ეს დღევანდელ საქართველოსაც შეეფერებოდეს. ჩვენთან ბევრი რამ უკუღმა კეთდება და ლოგიკას არ ექვემდებარება. ეს ეხება როგორც პოლიტიკას, ეკონომიკას, განათლებას, ათას სხვა სფეროს და რა გასაკვირია, რომ გვერდს ვერც ფეხბურთს აუვლიდა......მაგალითად, სპონსორი და პარტნიორის გამოჩენა ყველა ქვეყანასა და ყველა ნორმალურ კლუბში უხარიათ. ჩვენ ხომ კარგად ვიცით, რომ საქართველოში კერძო სპონსორი სანთლით საძებარია. თუმცა, რეალურად, სხვაგვარი და საკმაოდ უცნაური სურათი იკვეთება.ფეხბურთის განვითარების 5-წლიანი პროგრამის მთავარი მიზანი სახელმწიფო კლუბების განკერძოებაა, მაგრამ არსებობს მოსაზრება, რომ ასეთი კლუბების მმართველთა ნაწილს გასხვისება არ უნდა და მხოლოდ ისეთ სპონსორს ეძებენ, რომელიც ფულს გასცემს, მაგრამ სანაცვლოდ არაფერს ითხოვს. ამიტომ კერძო მეპატრონეს არც ეძებენ.ამაზე "ლელოსთან" გერმანიაში მცხოვრებმა ერთ-ერთმა ქართველმა ილაპარაკა, ოღონდ ქართულ კლუბებთან მოლაპარაკებების უცნობი დეტალები მხოლოდ იმ პირობით გაგვიმხილა, რომ ამ კლუბების დაკონკრეტებას არ მოვთხოვდით:"ფეხბურთი მიყვარს და ჩემი კავშირებით, მინიმუმ, სპონსორის მოძებნა შემიძლია. რამდენიმე კლუბის წარმომადგენელს ამაში დახმარება შევთავაზე კიდეც, რადგან დასავლეთ თუ აღმოსავლეთ ევროპაში ფეხბურთში ინვესტირების მსურველები მოიძებნებიან და კონკრეტული კომპანიებიც ვიცოდი.მაგრამ აუხსნელ წინააღმდეგობას წავაწყდი, რადგან კლუბის კერძო საკუთრებაში გადასვლის რეალურ ინტერესს ვერ ვხედავდი. ღიად არავინ იტყვის, რომ ეს არ სურს, მაგრამ სახელმწიფო კლუბების ნაწილში კერძო ბიზნესის შესვლა არ უნდათ, რადგან ეს უშუალოდ შეეხება ამ კლუბების მმართველთა კეთილდღეობას. ასეთ დროს, კლუბის მომავალზე ზრუნვა მხოლოდ ლიტონი სიტყვებია, რეალურად კი კერძო ინტერესები იმალება.მაგალითად, კლუბში სპონსორი რომ მივიდეს და 200 ათასი ლარი მიიტანოს, ფეხბურთის განვითარების ფონდიდან დამატებით ერთ ამდენს მიიღებს. სხვა კლუბთან შედარებით 400 ათასი ლარით მეტი რომ გაქვს, ეს უკვე სერიოზული უპირატესობაა და რამდენიმე კარგი მოთამაშის დამატების საშუალებას გაძლევს. მაგრამ ეს არის სწორედ მთავარი ბარიერი.ბევრს ურჩევნია, შემოსავალი მილიონლარიანი ბიუჯეტიდან აიღოს, ვიდრე 5 მილიონის ჩამდებმა ახალმა მეპატრონემ გაუშვას ან უკეთეს შემთხვევაში, ხელფასზე "დასვას".იმიტომ, რომ ბიუჯეტს ხრავენ, კერძო მეპატრონესთან კი ეს არ გაუვათ - ისინი ყოველ თეთრს ითვლიან.სადაც სახელმწიფო კლუბია, იქ მუდმივად არამდგრადობაა. რამდენიმე ასეთ კლუბს დაველაპარაკე კიდეც. ვიფიქრე, ჩემებს გვერდში დავუდგები-მეთქი, მაგრამ... ახლოს არ გამიკარეს და ისეთ აუხსნელ წინააღმდეგობებს წავაწყდი, ბოლოს ხელი ჩავიქნიე".ჩვენი მოსაუბრე დარწმუნებულია, რომ კლუბები აუცილებლად აუქციონზე უნდა გავიდნენ:"აქ პრობლემა ის არის, რომ სანამ ლიგაში საბიუჯეტო კლუბი არ გასხვისდება, ფეხბურთის განვითარების სახელმწიფო პროგრამა ეფექტურად ვერ იმუშავებს - ამ სახეობაში მამოძრავებელი ძალა კერძო ბიზნესი და მისი ბუნებრივი მიდგომებია.საქმე ისაა, რომ თავად ეს სისტემა არ არის წესიერი და არსებული გარემო ხალხის გარყვნას იწვევს. ამიტომ, ჩემი აზრით, უმაღლესი ლიგის გუნდები აუქციონზე უნდა გავიდეს. პატრონი ყველას გამოუჩნდება - ზოგს მდიდარი, ზოგს ღარიბი, მაგრამ ეს ჯობია, ვიდრე დღევანდელ სიტუაციაში ყოფნა".უცხოეთში გახიზნული ჩვენი თანამემამულე გასხვისების გეგმაზეც გველაპარაკა:"აღმასკომმა უნდა გამოაცხადოს, რომ ორი ან სამი წლის შემდეგ უმაღლეს ლიგაში არ დაუშვან კლუბი, რომელიც მთლიანად სახელმწიფო საკუთრებაშია. ეს ბუნებრივად გამოიწვევს, რომ ისინი ნაწილობრივ მაინც გაკერძოვდებიან.ორიოდე წლის წინ მქონდა მცდელობა, ამ წინადადებით ერთ-ერთი რაიონის კლუბი აგვეყვანა. გამგეობას დავუკავშირდი, საიდანაც გასაოცარი პასუხი მივიღე - თუ დაგვჭირდება, თავად დავუკავშირდებითო.იმიტომ, რომ სახელმწიფო კლუბი მაინც სახრავია, პროფესიულ, მაღალანაზღაურებად სპორტში კი სახელმწიფო გადამხდელის როლში არ უნდა იყოს, ის მხოლოდ რეგულატორის ფუნქციას უნდა დასჯერდეს. მაგრამ ეს ბევრ კლუბს არ სურს და ამიტომაც არ ცდილობენ გასხვისებას. მათ ვერ გაიგეს, თუ რატომ მიმქონდა კლუბში ინვესტიცია, რადგან ეს მათთვის არაფრის მთქმელია. ასე დავემშვიდობე პიროვნებას, რომელიც 3 მილიონამდე ლარის დაბანდებას აპირებდა.არადა, გამოაცხადონ ტენდერი, მოახდინონ რებრენდინგი, დაწერონ და შეფუთონ კლუბის ისტორია, დათქვან პირობები და მერწმუნეთ, ღია აუქციონზე უცხოელებიც აუცილებლად ჩაერთვებიან. შესაძლოა, მარტო ბრენდში 10 მილიონი ლარიც გადაიხადონ მატერიალური ობიექტების გარეშე.მაგრამ ეს მაშინ მოხდება, როცა ყველა კლუბს გამოუცხადებენ, რომ უნდა გასხვისდეს, სხვაგვარად, ეროვნულ ლიგაში ვერ ითამაშებენ".(იბეჭდება მცირე ცვლილებით)ყოველდღიური სპორტული გაზეთი "ლელო"

კობას

აეეეე ჩიხურას არასდროს არ აუღია სახელმწიფოსგან ფული არ რაიონულ დონეზე და არ რეგიონალურ დონეზე.ახლა ღებულობს როგორც ყველა გუნდი იმდენს
ჯაბა

სრული სიმარტლეა ფედერაციამ უნდა იმოქმედოს
jaba

ვეტანხმები სიმარტლეა
ახალი ლუკმა

დილა გადავიდა სპნსორის ხელში და ეგრევე გაუშვეს პურიმჭამელები დარჩა მხოლოდ ერთი ორი კაცი.,მაგრამ გაკეთდა ახალი სახრავი გორის გორი.ეხლა ამ გუნდში დაიწყება პურიჭამა ისევ ნაცნობი უცნობი ხალხით ,
a.a

erti eseti saxravi gundi shuquraa, warmoidginet chelebadzes miyavs pexburtelebi amzadebs saxelmwipo xarjze mere rusetis gundebshi ushvebs da padiomidan agebuli pulis naxevars jibeshi idebs, titqmis yvela gundma gaiara zbori da magan iwuwuna pormebi srulad ver viyideo, sad wavida saxelmwipodan daricxuli puli? es kacia tanamedrove medrove
rusi

ჩაადაევის საიტყვები არაა
1

სახელმწიფომ კარგი საქმე გააკეთა, მაგრამ ეს ფული გადაყრილი გამოდის თუ სისტემა არ შეიცვალა. მიდის ახლობლების და ნათესავების ჯიბეში და გუნდის კეთილდღეობას არ ხმარდება.
M.S.

მერაბ 2 წლის შემდეგ კი არა,მომავალი სეზონისათვის უნდა იყოს ორივე ლიგის ყველა კლუბი გასხვისებული,მინიმუმ 51%- აქციებისა უნდა იყოს კერძო მფლობელის. აქ კიდევ ვიღაც წერდა რომ მინიმალური ზღვარი ფინანსირების კონსოლიდირებული უნდა იყოს 3 მილიონი ლარი პირველ ლიგაშიო,ეგეც სწორი მოთხოვნა იქნება.
hhh

დასაქმებული ყავთ საძმაკაცოო და ისეტები საერტოდ არ დადიან სტადიონზეე და მერე გამოვლენ და ენებს ატლიკინებენ..საყვედუდს ვერ იტანენ.. ვიტომ ტავიანტი იყოს გუნდიი.. ჩამენ ბიუჯეტის ფულს და ვირებივიტ 3 კაცს ამუშავებენ...ვაი ვაიი საქარტველო
QWERTY

ლიბერო მაგ დიდი ქალაქი ბათუმი არაა, არც ფოთი,გორი კერძოა, ზუგდიდი და რუსთავი მეორე ლიგაში არიან,ასე რომ დარჩა დიდი და მსხვილი ქალაქებიდან მხოლოდ ქუთაისი და სამტრედია. სამტრედიას გასხვისება -მართვაზე ჯერ არავის აქვს არც სურვილი (რომც ჰქონდეს ვინ მიუშვებს) და არც პრეტენზია, თანაც სამტრედიას მერი არა ჰყავს,ჰოდა დარჩა ქუთაისი :)
giga

და კიდე იძახეთ ახლა მხოლოდ ფეხბურთში უნდა ვყაროთ ფული და სხვა სახეობები დავიკიდოთო
givi

Yofili policielebia dasaqmebuli bevr klubshi muqta mchamelebi xraven biujets. Da mere vin asaqmebs? Gamgeblebi merebi rom saertod arc ainteresrbt fexburti ar ician? Ician magram mati mxardamcherebia visac arjera gadaamocmoc
gaga

სრული სიმართლე გამგებლები და მათი ნათესავები გუნდების მეშვეობით 100000 ფულს შოულობენ
Sergo

აი ესაა მიზეზი იმისა, რომ "ზესტაფონის" უმაღლეს ლიგაში გამოჩენისა და დიდ ფეხბურთში ისევ დაბრუნების ეშინიათ! ამ საზიზღრობას, კარგად იციან, მალევე დავამთავრებთ და სწორედ ამას უფრთხიან...
კობა

მუქთა ხორები არიან ჩამოკიდებული სახელმწიფო კლუბებზე
ziz

ცხადია ეს ყველაფერი 100%-ით მართალია. ფეხბურთის ფედერაციის მთავარი პრობლემა იმაშია რომ თითონაც ამ მანტალობის ნაწილია. სანამ სახელმწიფო დაფინანსებისას მხედველობაში მიიღებს ნებისმიერ კრიტერიუმს, გარდა სპორტულისა მანამდე სიტუაცია არ შეიცვლება! კიდევ ერთი საკითხია რას ნიშნავს სახელმწიფო საკუთრება, და ამ საკუთრებაში რა ფორმებს აღიარებს თავად სახელმწიფო - მაგალითად ის ქალაქის მუნიციპალური საკუთრებაა, თუ ქალაქის სპორტული საზოგადოების?
კობა

დანაწილებული აქვთ სახრავსდ ჩიხურა შუქურა სამტრედია და აშ და კიდევ არიან ვაი აგენტები გუნდებში 3თვით აფორმებენ კონტრაქტებს მერე მაშვალივით დაკონწიალებენ ამ ფეხბურთელებს დაუნგრიეს კარიერა ბიჭებს სახელმწიფო დუმს სამუდამოდ
nnn

ეგ საკმაოდ მწვავე პრობლემაა და არც ისე მარტივად მოსაგვარებელი მაგრამ აუცილებლად მისახედი თუ კერძო კლუბები არ იქნა წინსვლა არ იქნება
S.P

fuli am problemis mxolod erti mxarea.aris meore mxare eseni aseve ocnebis aqtivistebi da amomrhevlebi arian.ar damiblokot.
elguja

კიდე ერთხელ დავწერ. ბიუჯეტის ფული არ უნდა იხარჯებოდეს ხელფასებში. ან საერთოდ, სახელმწიფომ კლუბები არ უნდა დააფინანსოს საერთოდ. ეს განავითარებს უფრო ფეხბურთს ვიდრე ახლანდელი პროგრამა. შეთქვლეფენ ფულს ეს ღორები, გავა 5 წელი და ხელში რძე და ყველი არადა მეორე შეგვრჩება...
dato - rustavi

მარტო კლუბებში რო იყოს ასეთი ვითარება ავიტანდით კიდევ .....მაგრამ მთელ ქვეყანაში, ყველგან და ყველაფერში მსგავსი ვითარებაა , ყველა იმას ცდილობს თუ როგორ გამოხრას ბიუჯეტი და იშოვოს იოლი ფული . """მთავრობა პირველ რიგში"""
ლიბერო

ერთ-ერთი დიდი ქალაქის მერს თავისი სამეგობროს დასასაქმებელ ცეხად აქვს კლუბი გადაქცეული და აწყობს ახლა მაგათ კერძო ინვესტორი ? მეორე ვარიანტად აქვთ კერძო ინვესტორს არსებული მენეჯმენტის დატოვება მოთხოვონ, თან ისეთი ხალხის ფეხბურთი ნაყურებიც კი რომ არ ქონდათ, ვიდრე კლუბში მოვიდოდნენ..
CHEROELI

სახელმწიფომ ფული ჩადო და ახლა ეს გახდა პრობლემა,არადა სიმართლეს ამბობს ეს კაცი.ისე ვირთხები ბეღელში რომ შეუშვა სოფელს თუ ააშენებენ მაინტერესებს.
ზურა

რაზეა საუბარი?! ზესტაფონი გაანადგურეს, დინამოს შემდეგ ყველაზე დიდი კერძო კლუბი. საერთოდ უნდა შეუწყდეთ სახელმწიფო საფინანსება ყველა გუნდს. თუ საჯარო მოხელეების პრემიებს და დანამატებს დავსდევთ ეგენი ვინ არიან საერთოდ და რატო უნდა ვარჩინოთ!?

ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა

GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში

ფრე ქუთაისში... და "თელავის" მოგება "გაგრასთან"

"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ

"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა

ფრე ქუთაისში... და "თელავის" მოგება "გაგრასთან"

ლუის ენრიკემ კვარაცხელიას ტრავმაზე კომენტარი გააკეთა

[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია

"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო

მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა

დავითაშვილი შეცვალეს - "სენტ-ეტიენი" სახლში "გენგამთან" დამარცხდა

პირველი ტაიმის შემდეგ პსჟ "ოსერს" 1:0 ამარცხებს

"ოსერთან" მატჩში პსჟ-ს სასტარტო შემადგენლობა ცნობილია

ზივზივაძის "ჰაიდენჰაიმმა" ნანატრი გამარჯვება მოიპოვა

[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა

[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა

გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა

"იუნაიტედი" "ბრენტფორდთან" დამარცხდა - გაუშვებენ ამორიმს?

დუდუ დადიანის მემორიალის 24-ე გათამაშება ოლიმპიურ სასახლეში დაიწყო

"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ