<p>საქართველოს XXIX ჩემპიონატი. ეროვნული ლიგა. V ტური <br> თბილისის "დინამომ" ოთხი დღის განმავლობაში ერთმანეთზე რთული ორი მატჩი ჩაატარა და ორივეში გაიმარჯვა! <strong>კახა კაჭარავას</strong> დამოძღვრილმა გუნდმა ჯერ სტუმრად მოუგო ქვეყნის ჩემპიონ "სამტრედიას", გუშინ კი ამ სეზონის ერთ-ერთ უმთავრეს ფავორიტს, "ჩიხურას" აჯობა! ჰოდა, ეს ყველაფერი სატურნირო ცხრილშიც აისახა: "დინამო" მეორე ადგილამდე აღზევდა და მხოლოდ ერთადერთი ქულით ჩამორჩება ახალ ლიდერს "ლოკომოტივს"!</p><p>წინა მატჩების მსგავსად, "დინამომ" ამჯერადაც ვერ იასპარეზა ოპტიმალური შემადგენლობით (დისკვალიფიკაციის გამო ცენტრალური მცველი<strong> გიორგი გველესიანი </strong>არ თამაშობდა); სამაგიეროდ, დაბრუნდა <strong>ოთარ კიტეიშვილი</strong>, რომელმაც კაპიტნის სამკლავურით გამოიყვანა გუნდი.</p><p>წინა მატჩთან (ბათუმის "დინამოსთან") შედარებით, გარკვეული გადაადგილებები ვიხილეთ "ჩიხურას" ძირითადშიც, თუმცა, "დინამოსგან" განსხვავებით, საჩხერელთა გუნდს ხომ გრძელი სათადარიგოთა სკამი აქვს და შემადგენლობაც ხომ ეროვნულ ლიგაში, ალბათ, ყველაზე უკეთ ჰყავს დაბალანსებული; თუმცა, ამ ყველაფრის მიუხედავად, <strong>სოსო ფრუიძის</strong> გუნდმა ამ ოთხდღიან ინტერვალში ზედიზედ ორი მატჩი წააგო...</p><p>...მეტოქეებმა აბსოლუტურად იდენტური ტაქტიკური განლაგება არჩიეს და პირველ ტაიმშიც აშკარად თანაბარი თამაში ვიხილეთ; თუმცა, ისიც თვალში საცემი იყო, რომ მასპინძლებს სწრაფ კონტრშეტევებზე უფრო ჰქონდათ გათვლა და სწორედ ასეთმა სწრაფმა კონტრიერიშმა "მოიტანა" კიდეც პირველი გოლი.</p><p>არადა, ამ საგოლე ეპიზოდს წინ უძღოდა სტუმართა მეტად სახიფათო შეტევა, როცა <strong>გიორგი გაბედავას</strong> ძლიერად დარტყმული ბურთი მასპინძელთა მეკარემ, <strong>სერგეი ლიტოვჩენკომ </strong>კუთხურზე მოიგერია. ჰოდა, ამ კუთხურს მოჰყვა კიდეც მასპინძელთა უსწრაფესი კონტრშეტევა, სადაც "მთავარ როლში" <strong>ბექა მიქელთაძე</strong> მოგვევლინა: 19 წლის გარემარბმა მარჯვენა ფლანგზე იყოჩაღა და ერთდროულად ორი მეურვე ჩამოიცილა, მერე კი უზუსტესი გამჭოლი გადაცემით 17 წლის <strong>გიორგი ჩაკვეტაძე</strong> მოძებნა, რომლის დარტყმაც ზუსტი გამოდგა.</p><p>პირველი ტაიმის ბოლომდე ანგარიში არ შეცვლილა, თუმცა ორივე გუნდს ამისათვის მცდელობა არ დაუკლია, მაგრამ ხან ორივე გუნდის ლეგიონერი მეკარეები თამაშობდნენ უშეცდომოდ, ხან კიდევ შემტევები სცოდავდნენ დამაგვირგვინებელ ფაზაში.</p><p>პირველი ტაიმის ორი გამორჩეული ეპიზოდი კი ცალკე გვინდა აღვნიშნოთ: მატჩი ახალი დაწყებული იყო, როცა <strong>ლევან გეგეჭკორის</strong> ფლანგური გადაცემის შემდეგ<strong> ნიკა გელაშვილი</strong> ახლო მანძილიდან ცდილობდა ბურთის კარში გადაგზავნას, მაგრამ გამოცდილმა <strong>ლაშა სალუქვაძემ</strong> ბურთი, ფაქტობრივად, ცარიელი კარიდან გამოიტანა!</p><p>არანაკლებ დინამიკური იყო ის ეპიზოდიც, როცა <strong>საბა ლობჟანიძე</strong> პირდაპირ კუთხურიდან ცდილობდა გოლის გატანას: <strong>დინო ჰამზიჩმა </strong>სულ ბოლო მომენტში შეძლო ამ ბურთის მოგერიება...</p><p>მეორე ტაიმში "დინამო" რომ "მეორე ნომრად" თამაშს აირჩევდა, ამას ბევრი გამოცნობა არ სჭირდებოდა; თუმცა, თავდაპირველად, არც "ჩიხურა" გაქცეულა თავქუდმოგლეჯილი შეტევებში და ძირითად აქცენტს მასპინძელთა ყველაზე სუსტი პოზიციის (მარჯვენა მცველის) ეფექტიანად გამოყენებაზე აკეთებდნენ. განსაკუთრებით კი, <strong>ლაშა ჩიკვაიძე</strong> აქტიურობდა, რომლის ფლანგური გარღვევების შემდეგაც რამდენჯერმე შეიქმნა სახიფათო მომენტი "დინამოს" კართან.</p><p>სოსო ფრუიძემ შეცვლებითაც სცადა სიტუაციის შეცვლა და სწორედ შეცვლაზე შემოსულმა ფეხბურთელმა შეძლო კიდევაც ანგარიშის გათანაბრება: <strong>გიორგი ივანიშვილი</strong> თამაშშიც აქტიურად ჩაერთო და, რაც მთავარია, ზუსტადაც დაარტყა!</p><p>"დინამო" გაშვებული გოლის მერე უფრო გააქტიურდა, თუმცა სტუმრები მაქსიმალურად ცდილობდნენ მასპინძელთა ლიდერების, <strong>ბაჩანა არაბულისა </strong>და საბა ლობჟანიძისათვის სივრცეების შეზღუდვას; და აი, მაშინ, როცა ყველას ეგონა, რომ მატჩი სავსებით ლოგიკური საყაიმო ანგარიშით უნდა დასრულებულიყო, მასპინძელთა კიდევ ერთმა ახალგაზრდა ფეხბურთელმა, 19 წლის <strong>გიორგი ზარიამ</strong> "გადმოვარდნილი" ბურთი, მეტოქის საჯარიმოს სიახლოვიდან, უძლიერესად და უზუსტესად გაგზავნა მეკარისაგან დაუცველი კარის "ცხრიანში"!..</p><p>სხვათა შორის, ზარია სულ რამდენიმე წუთის შემოსული გახლდათ მოედანზე...</p><p><span style="color: #3366ff;"><strong>ეროვნული ლიგა. V ტური</strong></span></p><p>05.04. თბილისი. "დინამო არენა"</p><p><em><strong>დინამო (თბ)-ჩიხურა 2:1</strong></em></p><p>გოლები: 1:0 ჩაკვეტაძე (12. მიქელთაძის პასით), 1:1 ივანიშვილი (69. გაბედავას პასით), 2:1 ზარია (85)</p><p><span style="text-decoration: underline;">დინამო (4-2-3-1):</span> ლიტოვჩენკო - მიშჩენკო, სალუქვაძე, ლოჩოშვილი, თოთაძე - ქარდავა, კიტეიშვილი - მიქელთაძე (77. ზარია), გ. ჩაკვეტაძე (46. პაპუნაშვილი), ს. ლობჟანიძე - არაბული (90. კუცია).</p><p>სათადარიგოები: ნინუა, გ. თევზაძე, ქაფიანიძე, ბეგაშვილი</p><p>მწვრთნელი: კახა კაჭარავა</p><p><span style="text-decoration: underline;">ჩიხურა (4-2-3-1):</span> ჰამზიჩი - კაშია, კაკუბავა, მირცხულავა, ჩიკვაიძე - განუგრავა (61. ივანიშვილი), ზ. ჭელიძე - გეგეჭკორი (61. სარდალიშვილი), გორგიაშვილი (84. დობროვოლსკი), გაბედავა - გელაშვილი.</p><p>სათადარიგოები: კორიფაძე, დეკანოიძე, ტატანაშვილი, სეფიაშვილი</p><p>მწვრთნელი: სოსო ფრუიძე</p><p><span style="text-decoration: underline;">გაფრთხილება:</span> გელაშვილი (55), თოთაძე (57), სარდალიშვილი (84), ჩიკვაიძე (88), ჭელიძე (89)</p><p><span style="text-decoration: underline;">არბიტრი:</span> ჯ. ხორავა.</p><p><span style="color: #3366ff;"><strong>მატჩის სტენოგრამა</strong></span></p><p><strong>3'</strong> - არაბული საშუალო მანძილიდან ურტყამდა, მაგრამ მიზანს მცირედით ააცილა.</p><p><strong>6'</strong> - სტუმართა ფლანგური შეტევის შემდეგ გელაშვილს შეეძლო გოლის გატანა, მაგრამ აშკარა ხიფათისაგან მასპინძლები სალუქვაძემ იხსნა.</p><p><strong>11'</strong> - გორგიაშვილის მშვენიერი პასის მერე გიორგი გაბედავა ერთი შეხებით ურტყამდა, მაგრამ სერგეი ლიტოვჩენკომ ზუსტად შეარჩია პოზიცია და ბურთი კუთხურზე მოიგერია.</p><p><strong>12'</strong> - მიქელთაძემ მარჯვენა ფლანგზე ძალისმიერ ორთაბრძოლაში მეტოქის ორ ფეხბურთელს აჯობა, მერე სწრაფი რეიდიც განახორციელა და ზუსტი პასით გიორგი ჩაკვეტაძე მოძებნა; ამ უკნასკნელმა კი დაახლოებით 15 მეტრიდან არანაკლები სიზუსტით ბურთი კარში გაგზავნა - 1:0!</p><p><strong>14'</strong> - მასპინძელთა მშვენიერი კომბინაციის შემდეგ მიქელთაძემ ზუსტად ვერ დაარტყა.</p><p><strong>16'</strong> - სტუმართა "სტანდარტულის" შემდეგ ლევან კაკუბავა რთული მდგომარეობიდან ურტყამდა, მაგრამ ბურთი "დინამოს" კარს ასცდა.</p><p><strong>31'</strong> - სტუმართა გააზრებული კომბინაცია გაბედავას ძლიერი, მაგრამ არაზუსტი დარტყმით დამთავრდა.</p><p><strong>37'</strong> - არაბულის სახიფათო დარტყმის შემდეგ სტუმრები გადარჩნენ.</p><p><strong>38'</strong> - ლობჟანიძე კუთხურიდან(!) ცდილობდა გოლის გატანას, მაგრამ დინო ჰამზიჩმა ბურთი "ცხრიანიდან" ჩამოხსნა.</p><p><strong>45'</strong> - ნიკა გელაშვილის სახიფათო დარტყმას "დინამოს" მცველები გადაეღობნენ.</p><p><strong>53'</strong> - ლაშა ჩიკვაიძის გამჭოლი გადაცემის შემდეგ გიორგი განუგრავამ ვერ შეძლო ბურთის კარში გადაგზავნა.</p><p><strong>69'</strong> - ივანიშვილმა მეტოქის საჯარიმოს მისადგომებიდან არცთუ ძლიერად, მაგრამ ზუსტად დაარტყა და ანგარიშიც გათანაბრდა - 1:1!</p><p><strong>83'</strong> - ჰამზიჩმა წამით დაასწრო არაბულს.</p><p><strong>85'</strong> - მასპინძელთა "სტანდარტულის" მერე ჰამზიჩმა ბურთი საკუთარი საჯარიმოდან ზუსტად ვერ გამოიტანა და ზარიამ შეუჩერებლად, ძლიერად და უზუსტესად დაუმიზნა "ცხრიანს" - 2:1!</p><p><span style="color: #3366ff;"><strong>ბომბარდირები</strong></span></p><p>ი. სიხარულიძე (ლოკომოტივი) 4</p><p>მ. გავაშელიშვილი (ლოკომოტივი) 3</p><p>გ. ჯანელიძე (ჩიხურა) 3</p><p>მ. კოვტალიუკი (ჩიხურა) 3</p><p><span style="color: #3366ff;"><strong>მომდევნო ტური</strong></span></p><p><span style="text-decoration: underline;">8 აპრილი</span></p><p>შუქურა-ლოკომოტივი 14:00</p><p>დილა-კოლხეთი 16:00</p><p><span style="text-decoration: underline;">9 აპრილი</span></p><p>სამტრედია-ტორპედო 14:00</p><p>დინამო (ბთ)-დინამო (თბ) 16:00</p><p>ჩიხურა-საბურთალო 20:00</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
[VIDEO] ჩაკვეტაძეს კარგი შანსი ჰქონდა - "უდინეზემ" ძანეტის ხელმძღვანელობითაც წააგო
ფრუიძე: ეს იქნება ერთგვარი ილუსტრაცია იმ რეალობის, რომელიც დღეს საქართველოში დგას
ზედიზედ სამჯერ! - ვაკო გვილია საგოლე გადაცემების დიდოსტატია
ზარიას ერთი ტაიმი და "კაირატის" მარცხი "ოლიმპიაკოსთან"
[VIDEO] ჩაკვეტაძის "უდინეზე" "რომასთან" დამარცხდა
კახა კაჭარავა "ოდიში 1919"-ის სათავეშია - ახალი ამბიციების და გამარჯვებების დრო!
კახა კაჭარავა: ყველას გვინდა, რომ შვეიცარიასა და ხორვატიას მოვუგოთ, მაგრამ...
[VIDEO] ჩაკვეტაძის სრული მატჩი - "უდინეზე" ვარდნას აგრძელებს
კახა კაჭარავამ და მისმა თანაშემწეებმა "სამტრედია" დატოვეს
მიქელთაძემ სეზონში მე-5 გოლი გაიტანა - "ნიუკასლი" ფინალური სერიებისთვის იბრძვის [VIDEO]
დღეიდან მბაპე ჩემპიონთა ლიგის მოგებას "რეალთან" ერთად ეცდება - ქართველების მატჩები, ვაკო და არაბიძე აზიაში...
"წითელი აბი" სვანაძისა და საქართველოს ნაკრებისთვის - როდემდე ვიწუწუნოთ?!
ჩემპიონთა ლიგის დაბრუნება ქართული დუელით და მატჩები სამ დროს
"სოსნოვიეცი" მეორე ქართველმაც დატოვა - გიორგი ივანიშვილი "სიონში" ჩაირიცხა
სადებიუტო გოლიც ასეთი უნდა - მიქელთაძემ "ულსან ჰიუნდაის" ზღაპრული გოლი გაუტანა [VIDEO]
ჩაკვეტაძეს სავარაუდოდ, ახალი მწვრთნელი ეყოლება - რუნიაიჩს ნდობის მარაგი ამოეწურა
"ლეო, "ბარსელონაში" დაბრუნება მინდა" - ნეიმარი - 13 ნოემბრის დაიჯესტი
მხოლოდ 2 მატჩი გუნდის სათავეში - სოსო ფრუიძემ "ლოკომოტივი" დატოვა
ვაკოს დუბლი და იშვიათი ამბავი ჩემპიონთა ლიგაზე - მსაჯმა ჯერ ტაიმი დაასრულა, შემდეგ გუნდები ისევ დააბრუნა... [VIDEO]
თბილისის "დინამომ" ზარია და "ბენფიკას" აღზრდილი ნახევარმცველი დაიმატა
სოსო ფრუიძე ფეხბურთში დაბრუნდა და უმაღლესი ლიგის გუნდს ჩაიბარებს
ჯაბა კანკავა თბილისის "დინამოს" დაემშვიდობა
ჩაკვეტაძეს "უდინეზეში" ახალი მწვრთნელი ჰყავს
ლორიას შეცვლის - თბილისის "დინამომ" ბრაზილიელი მეკარე დაიმატა
გიორგი გაბედავამ ვატო არველაძის "კორონას" გაუტანა [VIDEO]
თბილისის "დინამომ" ბერძენ მცველს გაუფორმა კონტრაქტი
ოსიმენის ჰეთ-თრიკი, "ბრიუგესა" და" ბარსელონას" საბრძოლო ფრე და ზარია "სან სიროზე"
[VIDEO] თბილისის "დინამომ" მინსკის "დინამოს" სძლია და უეფას ახალგაზრდული ლიგის მომდევნო ეტაპზე გავიდა
ოფიციალურად: გიორგი ზარიამ "კაირატი" დატოვა და თავისუფალი აგენტი გახდა
მიქელთაძემ A ლიგაში შესანიშნავი გოლი გაიტანა [VIDEO]
გიზო მამაგეიშვილი საგოლე მოქმედებით დაბრუნდა - "შტურმმა" ევროპა ლიგაზე მარცხი განიცადა
სოსო ფრუიძე: 6 ქულა კარგია, მაგრამ ყველაფერი თავიდან დასაწყებია
"სოსო ფრუიძის მწვრთნელად მოსვლას არ დავუშვებთ" - "ტორპედოს" გულშემატკივრის განცხადება
[VIDEO] ჩინებული იყო. თორნიკეს და თბილისის "დინამოს" შოუ - ჩვენმა გუნდმა "კოპენჰაგენი" დიდი ანგარიშით დაამარცხა
ლუკა ზარანდიამ პოლონეთში თანამემამულეები არ დაინდო [VIDEO]
კახა კაჭარავა: ჩემპიონატის განახლებას ვემხრობი, რადგან ევროტურნირებს ქართული გუნდები კარგ ფორმაში უნდა შეხვდნენ
ჩაკვეტაძის დადებითი შეფასებები - "უდინეზემ" როგორც იქნა ქულა მოიპოვა
კაცნაკლულმა თბილისის "დინამომ" "კოპენჰაგენს" პენალტების სერიაში მოუგო და მესამე ეტაპზე გავიდა
ზივზივაძე დღეს "ლივერპულთან" არ ითამაშებს და გეზი სამხრეთ კორეისკენ აქვს აღებული
Geo Team: მამაგეიშვილმა ტერფი მოიტეხა
"სიონი" გიორგი ივანიშვილით გაძლიერდა
"ტორპედომ" ეროვნულ ლიგაში დასარჩენად დიდი ნაბიჯი გადადგა [VIDEO]
"შტურმი" ქართველების გარეშე "ბორნმუთთან" დამარცხდა - ჭანტურიშვილმა "ფრაიბურგთან" შეუცვლელად ითამაშა
ხვიჩა არ ისვენებს, მაგრამ გოდტსი იწყებს - ქართველებით დახუნძლული დღე
ხვიჩასა და გიორგის დღე ლიგაზე და უთამაშებლობა სამშაბათს
[წარდგენა] ბიჭები ძმობისა და მეგობრობის ქალაქიდან...
უნგრეთამდე: თანამედროვე ფეხბურთის თამაში და სიყვარულის გაფრთხილება
სოსო ფრუიძე: მოსაგებად ძალა აღარ გვეყო