- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გურამ თუშიშვილმა Sportall.ge-ს მკითხველებს უპასუხა
<p>ევროპის ჩემპიონმა რუბრიკა "ინტერნეტკონფერენციის" მეშვეობით მკითხველთა კითხვებს უპასუხა <br> საქართველოს ვაჟ-ძიუდოისტთა ეროვნული ნაკრების წევრმა, ევროპის ჩემპიონმა გურამ თუშიშვილმა Sportall.ge-ს რუბრიკა "ინტერნეტკონფერენციის" მეშვეობით მკითხველთა კითხვებს უპასუხა.</p><p><span style="text-decoration: underline;">მკითხველი:</p><p></span><strong>- გამარჯობა. პირველ რიგში, გილოცავთ ევროპის ჩემპიონობას და მადლობა იმ დიდი სიხარულისთვის, რაც ჩემპიონატის ბოლო ორ დღეს პირადად გვაჩუქე ძიუდოს გულშემატკივრებს. ჩემი შეკითხვა ასეთია: ყველას გვახსოვს ის პრობლემები, რაც გურამ თუშიშვილს ჰქონდა და რის გამოც არაერთხელ დასჯილა. ვრცლად აღარ დავკონკრეტდები. ბოლო ტურნირები გიყურებთ და პირადად მე მგონია, რომ სხვა ადამიანს ვხედავ. რას ჰპირდება გურამ თუშიშვილი თავის და ზოგადად, ქართული ძიუდოს გულშემატკივარს?</p><p></strong>- მადლობა შეკითხვისთვის. უფრო დიდ წარმატებას მეტი შრომა, ვარჯიში, მწვრთნელთა დავალებების სწორად შეფასება მოიტანს და მეც ამას გპირდებით.</p><p><span style="text-decoration: underline;">მკითხველი:</p><p></span><strong>- გურამ, როგორ ფიქრობ, პროცენტულად ტერი რინერთან მოგების რა შანსი გაქვს?</p><p></strong>- 20% ალბათ, მაგრამ მგონია, ეს 20 დარჩენილ 80-ზე ბევრია.</p><p><span style="text-decoration: underline;">მკითხველი:</p><p></span><strong>- უპირველეს ყოვლისა, გილოცავ ევროპის ჩემპიონობას. მაგარი კაცი ხარ. რა გრძნობა/ემოცია დაგეუფლა, როცა უკვე ევროპის ჩემპიონის რანგში, რუსი ფალავანი დაამარცხე გადამწყვეტ ორთაბრძოლაში და სამშობლოს გუნდურში ევროპის ჩემპიონობა მოუპოვე?</p><p></strong>- ძალიან ბედნიერი ვიყავი. გადამწყვეტი შეხვედრა იყო. გვერდით ადამ ოქრუაშვილი მედგა. მწვრთნელებმა იმდენად დიდი ნდობა გამომიცხადეს, რომ მის ნაცვლად მე დამაყენეს. საკუთარ თავს წაგებას ვერ ვაპატიებდი და არც ადამთან ვიქნებოდი მართალი...</p><p><span style="text-decoration: underline;">მკითხველი:</p><p></span><strong>- ყველა ტედი რინერისა და გურამ თუშიშვილის სამომავლო დაპირისპირებაზე საუბრობს, რაც შენი ბოლო გამოსვლებით ნამდვილად დაიმსახურე, მაგრამ დამეთანხმები, რომ რინერის გარდა, კიდევ რამდენიმე ანგარიშგასაწევი ძიუდოისტის ბარიერი გაქვს გასავლელი. ძიუდოში მძიმე წონას სპეციფიკური მახასიათებლები აქვს. მძიმეწონოსანთა 80% ორ კატეგორიად იყოფა: ძიუდოისტები, რომლებიც ძალისმიერი ძიუდოთი გადიან ფონს და ძიუდოისტები, რომლებიც თავიანთ ძიუდოს მოძრაობასა და სისხარტეზე აგებენ. შენ ეს მონაცემები დაბალანსებული გაქვს, რითაც ერთი ან მეორე კატეგორიის ძიუდოისტის სუსტ წერტილს ადვილად პოულობ და შედეგიც სახეზეა, მაგრამ იაპონელი ძიუდოისტები ბავშვობიდან აბსოლუტურ წონაში ასპარეზობას არიან მიჩვეულნი და მათაც, ანალოგიურად, ეს კომპონენტები დაბალანსებული აქვთ. თუ წელს მძიმე წონაში იმ ოპონენტებს გავიხსენებთ, ვისთანაც შერკინება გაგიჭირდა (ბაშაევი, ოჯიტანი, ულზიბაიარი), ვნახავთ, რომ სამივე მათგანი თავისი წონის სხვა ძიუდოისტებთან შედარებით საკმაოდ მოძრავია, ზედმეტი კილოგრამები კი ნაკლებად უშლით ხელს, სამაგიეროდ, გარკვეულ უპირატესობებს აძლევთ. აშკარად გეტყობა, რომ მათთან დაპირისპირების შემდეგ მსგავსი ტიპის ძიუდოისტებზე ნამუშევარი გაქვს და ის ორი პრობლემა, რაც მათთან მარცხის მთავარი განმაპირობებელი ფაქტორი იყო (სუნთქვა და ნაკლები წონა), ნაკლებად გაწუხებს. სუნთქვის პრობლემის აღმოფხვრა ნებისმიერ შემთხვევაში კარგია, მაგრამ წონის მატებამ შეიძლება სხვა ფაქტორებზე ნეგატიურად იმოქმედოს, რომლებიც ზემოაღნიშნული პირველი ორი კატეგორიის (ძიუდოისტების 80%) დამარცხებაში გიწყობს ხელს... ასეთ დროს საჭიროა ოქროს შუალედი. მაინტერესებს, ტაქტიკურად თუ ფიზიკურად როგორ მუშაობ ამ ოქროს შუალედზე და იმ გასაღების პოვნაზე, რომელიც ნებისმიერი კატეგორიის მძიმეწონოსან ძიუდოისტს მოერგება?</p><p></strong>- კარგი შეკითხვაა. ბაშაევი მართლაც რთული მეტოქეა და ევროპის 23-წლამდელთა ჩემპიონატზე მასთან წავაგე კიდეც, მაგრამ მაშინ შეუძლოდ ვიყავი, ფილტვების ანთებაც მქონდა. იქამდე ახალგაზრდულში მყავდა ეგ დამარცხებული. კარგი და დასაფასებელი ბიჭია, ჩემზე 1 წლით უმცროსია და მომავალში წარმატებებს ვუსურვებ.</p><p>წონის მომატება არ მინდა და არც ვაპირებ. წონის გარდა, სისწრაფეებზე ვმუშაობთ. წონა ჩვენი პლუსია, თუმცა სისწრაფეც საჭიროა.</p><p>სერიოზულად ვუყურებთ ამ საკითხს. სულ ამაზე ვფიქრობთ, რომ წონის მატებამ ხელი არ შემიშალოს. ყველაფერი კარგად იქნება.</p><p><span style="text-decoration: underline;">მკითხველი:</p><p></span><strong>- გურამ, ძმაო, გილოცავ ევროპის ჩემპიონობას და ვუერთდები ყველა იმ კეთილ სურვილს და მილოცვას, რომლებიც შენი მისამართით წამოვიდა. რაც შეეხება შეკითხვას: რინერს როცა დადებ ბეჭებზე, თუნდაც ეს იყოს ოლიმპიადის ფინალი, ხომ არ ჩათვლი, რომ მისია შესრულებულია და ხომ ისევ არანაკლები შემართებით გააგრძელებ ვარჯიშს? მესმის, სათქმელად ადვილია და სხვა სხვის საქმეში ბრძენია, მაგრამ რა ვქნათ, შენი თავი ღმერთმა საქართველოს აჩუქა, შენ კიდევ მედლები უნდა აჩუქო, თუნდაც ეს მაქსიმალურად თავის გამოწურვის ფასად დაგიჯდეს! ჩვენი იმედი, ელჩი და სავიზიტო ბარათი ხარ, წარმატებები და ბევრი სიხარული, რომელიც ჩვენი სიხარულიცაა!</p><p></strong>- ძალიან დიდი მადლობა ამ სიტყვებისთვის. თუ ტრავმებმა არ შემაწუხა, მინდა, მანამ ვიჭიდაო, სანამ შევძლებ. თავს არასოდეს დავზოგავ, ყოველთვის ბოლომდე დავიხარჯები დიდი წარმატებებისთვის.</p><p><span style="text-decoration: underline;">მკითხველი:</p><p></span><strong>- გამარჯობა, გურამ. უპირველეს ყოვლისა, გილოცავ ევროპის ჩემპიონის ტიტულს და სამომავლოდ წარმატებებს გისურვებ. ჩემი კითხვა მდგომარეობს შემდეგში: წელს ორ ტურნირზე იასპარეზე და ორივეში ეჭვი არავის გასჩენია, რომ ჩემპიონი გახდებოდი. როგორ ფიქრობ, მზად ხარ ტედი რინერთან შესახვედრად? ჩემი, როგორც გულშემატკივრის თხოვნაა, ეკატერინბურგში იასპარეზო, რადგან იქ ტედი ჩადის და ჩემი აზრით, შეგწევს ძალა, ლეგენდა დაამარცხო და თავად გახდე ლეგენდა...</p><p></strong>- ძიუდო ისეთი რამაა, 100%-ით ვერასდროს იტყვი, რა და როგორ იქნება.</p><p>რაც შეეხება ტედი რინერს: არ სჯობს, მსოფლიოს ჩემპიონატის ან ოლიმპიადის ფინალში დავამარცხო?! მგონი, უკეთესია. მანამდე რამდენიმე ტურნირია, კარგად მოვემზადები და მსოფლიოს ჩემპიონატს ფორმაში შესული შევხვდები.</p><p><span style="text-decoration: underline;">მკითხველი:</p><p></span><strong>- გურამ, მოგესალმებით! პირველ რიგში, გილოცავთ ევროპის ჩემპიონობას როგორც პირადში, ისე გუნდურში (გუნდურში მონაწილეობა და იქ გამოვლენილი სულისკვეთება ცალკე ფენომენია ჩვენი ძიუდოისტთა მონაწილეობით. სასიხარულოა ეგ ფენომენი იმის გათვალისწინებით, რომ არ აქვს მნიშვნელობა თუ ვინ მონაწილეობს, ყველა მომართულია მოგებისთვის და გამარჯვებისთვის. ისეთი ძიუდოისტების არმონაწილეობა გარკვეულ მიზეზთა გამო, როგორებიც არიან: მატიაშვილი, ლიპარტელიანი, ჭრიკიშვილი, ტატალაშვილი, მიზანი და შედეგი არ იცვლება, რაც სასიხარულოა). აღსანიშნავია თქვენი ასეთი ლამაზი სტილით გამარჯვება ისეთი ილეთებით, როგორებიც არის ჩახტომით კისრული, გარე ფეხზე გადასვლა, ლუკაშ კრპალეკთან და სხვები..</p><p>პირადად მე "ჩახტომით კისრულის" ასეთი შესრულება, თუ აზიელებს არ ჩავთვლით, იშვიათად მინახავს ასეთი წარმატებული და ამ რაოდენობის ერთ ტურნირზე, მით უფრო, ევროპის პირველობაზე, რომელიც თქვენ აჩვენეთ. ქართველებს <strong>ქართული ეროვნული ჭიდაობის დამსახურებით </strong>გვაქვს ბევრი კარგი ილეთი, მაგრამ ეგ ილეთი არცთუ ისე დამკვიდრებულია ჩვენს საჭიდაო არსენალში. სასიხარულოა, რომ თქვენ ეგ არ გეხებათ. ასეთი ლამაზი ილეთის გამოყენებისთვის და ლამაზი გდებებისთვის მადლობა. მიმაჩნია, მსოფლიო ჩემპიონატზე თქვენი კონკურენცია გაძლიერდება აზიელების მონაწილეობით, რადგან ეგ წონა მათთვის ითვლება ერთ-ერთ მოწინავედ. ევროპაში მოასპარეზე იმ ძიუდოისტის სახელს არ ვახსენებ, ვისაც იცნობს ძიუდოს სამყარო და არამარტო ძიუდოს, თავისი ტიტულებით და ტატამზე ილეთის არგაშვებით აგერ, უკვე 10 წელია. სხვა ევროპელებს რაც შეეხებათ, რამდენიმე ვნახეთ თქვენთან პაექრობაში, კერძოდ: ჰოლანდიელი მეიერი, ჩეხი ლუკას კრპალეკი, რუსი რენატ საიდოვი, ჩვენი ადამ ოქრუაშვილი, რომლებიც ევროპის ძიუდოისტთა მოწინავეთა კატეგორიას განეკუთვნებიან. ჩემი კითხვა შემდეგში მდგომარეობს: ძიუდოს სამშობლოს, იაპონიის მოჭიდავეთა სტილიდან, მათი მომზადების, ფიზიკური, ფსიქოლოგიური და ილეთების არსენალიდან გამომდინარე, მიეკუთვნება თუ არა უხერხულ საჭიდაო სტილს ქართველებისთვის? და როგორ ესადაგება მათი სტილი უშუალოდ თქვენს საჭიდაო ფილოსოფიას, ტატამზე გამოვლენილ თვისებებს და თქვენს იმ არსენალს, რომელსაც ასე წარმატებით იყენებთ? მადლობა!</p><p></strong>- რთულია იაპონელებთან ჭიდაობა. ისინი დღეში სამჯერ ვარჯიშობენ და ჩვენ ჯერ მსგავსი პირობები არ გვაქვს. მაგის დრო და პირობები რომ გვქონდეს, მოწინავე ქვეყანა ვიქნებოდით სპორტის ამ სახეობაში. იაპონელები იმიტომ არიან ასეთი მაგრები, რომ ბევრს შრომობენ.</p><p>რაც შემეხება მე, აზიელებთან სხვაგვარ ჭიდაობას ვცდილობ. მოწინააღმდეგე ყოველთვის ვერ დაეცემა და ასეთ დროს სხვა რამ გჭირდება. ვმუშაობ ამაზეც. წარმატებული მაშინ ხარ, როცა მედალი გაქვს. წლების შემდეგ მედალი რჩება და შეიძლება კონკრეტულ მოწინააღმდეგეს არა გდებით, არამედ გაფრთხილებით მოუგო.</p><p>ისე კი, როცა მიგდის ჭიდაობა კარგად, რატომ უნდა შეცვალო სტილი? მთავარია შედეგი, მნიშვნელობა არ აქვს, როგორ მოიგებ.</p><p><span style="text-decoration: underline;">მკითხველი:<strong></p><p></strong></span><strong>- ოლიმპიური ჩემპიონის ტიტულის მოპოვებისას, რასაც გულწრფელად გისურვებს ყველა ქართველი, პოლიტიკაში წასვლას ხომ არ გეგმავ?</strong></p><p>- არა, მაგის გარანტიას გაძლევთ. არ მაქვს სამაგისო არც განათლება და არც - სურვილი. მე სპორტით ვცხოვრობ და ასე იქნება სულ.</p><p><span style="text-decoration: underline;">მკითხველი:</p><p></span><strong>- რა შეგვიძლია შევთავაზოთ ქართველებმა და დავუპირისპიროთ აზიელებს ოლიმპიადაზე?</p><p></strong>- დიდი დროა იქამდე. ჩვენი მწვრთნელი, ირაკლი ცირეკიძე ძალიან მრავალფეროვანია და ჩვენს პლუსებსაც მაქსიმალურად გვაყენებინებს.</p><p>აზიელები ჩვენზე ნიჭიერები არ არიან. სამმილიონიანი ქვეყანა ვართ და ასეთი წარმატებულები ვართ ძიუდოში... მათთან კი 10 მილიონი ბავშვი ვარჯიშობს ხოლმე, კონკურენცია საოცრად დიდია. ჩვენთან ეს კონკურენცია ნაკლებადაა, მაგრამ იმდენად დახვეწილი, რომ წარმატებას ვაღწევთ. ასე იქნება ოლიმპიადაზეც.</p><p><strong></p><p>მკითხველი:</strong></p><p><strong>- ყველაზე მწარე მარცხი შენს კარიერაში?</p><p></strong>- მარცხი არ მახსენდება, მაგრამ ყველაზე მეტად გული იმაზე დამწყდა, რომ ახალგაზრდულ ნაკრებში ევროპის ჩემპიონი ვერ გავხდი.</p><p><span style="text-decoration: underline;">მკითხველი:</p><p></span><strong>- შენი აზრით, კიდევ რა კომპონენტში გჭირდება მომატება იმისთვის, რომ 4 წელიწადში გაიმარჯვო ოლიმპიადაზე?</p><p></strong>- ფიზიკური მონაცემები უნდა ავიყვანოთ უმაღლეს დონეზე. ტედი რინერის დამარცხება თუ მინდა, ეს საჭიროა. გარდა ამისა, ტექნიკურ მხარეებზეც ბევრია სამუშაო.</p><p><span style="text-decoration: underline;">მკითხველი:</p><p></span><strong>- ყველა მეტოქესთან დიდი ბრძოლა და თავგანწირვაა საჭირო, მაგრამ მაინც ვის თვლით ყველაზე უხერხულ მეტოქედ? ტერი რინერის გარდა...</p><p></strong>- იმ დღესაც ვთქვი, მარტო რინერი არ არის ამ კატეგორიაში. ძიუდო ისეთი სპორტია, ვერ გაიგებ, ვინ მოიგებს და ვინ წააგებს. აქ "ამოქაჩვის" საშუალება არ გაქვს, თუ დაეცი, წააგე.</p><p>იაპონელები, ყაზახები არიან ძლიერები, მაგრამ მაგას მნიშვნელობა არ აქვს: თუ წარმატება გინდა, ყველა მოწინააღმდეგეს ისე უნდა მოეკიდო, როგორც ტედი რინერს!</p><p><span style="text-decoration: underline;">მკითხველი:</p><p></span><strong>- ადვილად ითვისებ ილეთებს?</p><p></strong>- შეძლებისდაგვარად (იცინის).</p><p><span style="text-decoration: underline;">მკითხველი:</p><p></span><strong>- როგორი შეგრძნებაა ამდენი თაყვანისმცემლის ყოლა?</p><p></strong>- ფსიქოლოგიური მომენტია. ცხადია, მიხარია. ქალაქში დავდივარ და ხალხი ჩემდამი დიდ სითბოს იჩენს.</p><p>და კიდევ ერთი: სოციალურ ქსელში ბევრმა მომწერა და ყველას ვერ გამოვეხმაურე, ძალიან აჟიტირებული ვიყავი. გპირდებით, ყველას გიპასუხებთ.</p><p><span style="text-decoration: underline;">მკითხველი:</p><p></span><strong>- რა არის საჭირო იმისთვის, რომ მოქმედმა მოჭიდავეებმა წარმატებას მივაღწიოთ?</p><p></strong>- ბევრი შრომა და ინდივიდუალურობა. არასდროს მიბაძოთ სხვას, მასზე მაგარი უნდა იყოთ. თქვენი ვარჯიშით თავად უნდა შექმნათ რაღაც ახალი.</p><p><span style="text-decoration: underline;">მკითხველი:<strong></p><p></strong></span><strong>- როგორ ვაკონტროლო ძალა და ტექნიკა ერთდროულად?</p><p></strong>- ეგ თავად სპორტსმენის გადასაწყვეტია, როგორი ტაქტიკით იჭიდავებს. ზოგიერთი ფიზიკურად იმდენად ძლიერია, სულ არ სჭირდება ილეთი. სპორტსმენს ვერ ეტყვი, რა სჯობს, მან თავად უნდა იგრძნოს, რა არის უკეთესი. ისე კი, ვფიქრობ, ამ ყველაფერთან ერთად ჭკუაც აუცილებელია.</p><p><span style="text-decoration: underline;">მკითხველი:</p><p></span><strong>- ტატამზე გასვლის წინ რაიმე რიტუალს ხომ არ ასრულებ?</p><p></strong>- პირჯვარს ვიწერ ხოლმე.</p><p><span style="text-decoration: underline;">მკითხველი:</p><p></span><strong>- მაინტერესებს, ვინ/რა არის შენი მოტივატორი ნებისმიერი შეხვედრის წინ?</p><p></strong>- მთავარი ჩემი თავი და შრომაა. ჭიდაობის დროს, საკუთარი თავის გარდა, არავისზე ვფიქრობ.</p><p><span style="text-decoration: underline;">მკითხველი:</p><p></span><strong>- მაინტერესებს, თქვენი აზრით, რით განსხვავდება ძიუდო სპორტის სხვა სახეობებისგან?</p><p></strong>- ალბათ, მაინც წესებით. მეტოქეს აუცილებლად პატივი უნდა სცე, წარმატების დროს ზედმეტი ემოციის გამოხატვა არ შეიძლება, მეტოქეს აუცილებლად უნდა დაუხარო თავი...</p><p><span style="text-decoration: underline;">მკითხველი:</p><p></span><strong>- მაინტერესებს, რას ფიქრობთ ქართული ძიუდოს განვითარების პროცესზე?</p><p></strong>- ძიუდო ჩვენს ქვეყანაში მუდმივად წინ მიიწევდა და ახლაც ასეა, უფრო იხვეწება. ძიუდოს ფედერაციას დავით ქევხიშვილის სახით მართლაც ძალიან კარგი პრეზიდენტი ჰყავს, რომელიც ამ ყველაფერს კარგად მართავს. ახალგაზრდებში კარგი მწვრთნელებიც გვყავს და ბავშვებს სწორად ზრდიან. გვეხმარება სპორტის სამინისტროც. როგორც დღევანდელ თაობას შეგვიძლია ყველა წონაში ოქროს მედლის მოპოვება, ასე იქნება მომავალშიც.</p><p><span style="text-decoration: underline;">მკითხველი:</p><p></span><strong>- გვაქვს თუ არა გენში მუდმივი გამარჯვების წყურვილი?</p><p></strong>- რა თქმა უნდა. ისეთი ომები გვაქვს მოგებული... გენშია! ფიზიკურად ქართველი ყოველთვის ძლიერი იყო.</p><p>საიდუმლო ჩვენი ამბიციებია. ამ ამბიციას შრომასაც თუ უმატებ, ყველაზე ძლიერი ხდები.</p><p><span style="text-decoration: underline;">მკითხველი:</p><p></span><strong>- ვინ არის შენთვის სამაგალითო სპორტსმენი?</p><p></strong>- ლაშა შავდათუაშვილი. ვუყურებ, როგორ ვარჯიშობს. ვიცი მისი გამოვლილი გზა და ჩემთვის ისაა მისაბაძი.</p>
მოდელს მომღერალი არჩია - ლამინ იამალს არგენტინელ ქალბატონთან რომანი აქვს
მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა
[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა
ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?
პაატა გურასპაული: ანატოლი ბოისა ბუნებით ლიდერია და ამ ფუნქციას ნაკრებშიც კარგად ასრულებს
ვალერი ლიპარტელიანმა Sportall.ge-ს მკითხველებს უპასუხა
საქართველოს ძიუდოისტთა ნაკრები მსოფლიოს ჩემპიონატის ფინალში გავიდა
[VIDEO] არის! საქართველოს ძიუდოისტთა ნაკრებმა იაპონია დაამარცხა და მსოფლიო ჩემპიონატის ფინალში გავიდა
დაუსვი კითხვა გიორგი ყიფიანს და მოიგე საქართველოს ნაკრების მაისური
გიორგი ყიფიანმა Sportall.ge-ს მკითხველებს უპასუხა
[VIDEO] ისტორიული დღე - საქართველოს ძიუდოისტთა ნაკრები მსოფლიო ჩემპიონატის გამარჯვებულია!
[VIDEO] არის! გურამ თუშიშვილი მსოფლიო ჩემპიონატის ფინალში გავიდა
დაუსვი კითხვა მილტონ ჰეიგს
პაატა გურასპაულის რჩეულს საჩუქარი გადაეცა
[VIDEO] დასანანი მარცხი ფინალში - თუშიშვილმა მსოფლიო ჩემპიონატზე ვერცხლის მედალი მოიპოვა
[VIDEO] გურამ თუშიშვილმა ტედი რინერს ხელი არ ჩამოართვა