ორჯერ დამარცხებული რუნი

უეინ რუნი ფიქრობს, რომ ფეხბურთის ასოციაციის თასზე "არსენალთან" გამარჯვება "მანჩესტერ იუნაიტედისთვის" ძალიან მნიშვნელოვანი იყო. უეინ რუნი ფიქრობს, რომ ფეხბურთის ასოციაციის თასზე "არსენალთან" გამარჯვება "მანჩესტერ იუნაიტედისთვის" ძალიან მნიშვნელოვანი იყო. შეგახსენებთ, რომ გუნდი კვლავ სამ ფრონტზე იბრძვის: პრემიერლიგის ცხრილს სამქულიანი უპირატესობით ლიდერობს, ჩემპიონთა ლიგაში დღეს "მარსელს" მასპინძლობს, ხოლო ასოციაციის თასზე ნახევარფინალშია. "მეთოფეთა" 2:0 დამარცხება "ჩელსისა" და "ლივერპულთან" წაგების შემდეგ "იუნაიტედისთვის" მნიშვნელოვანი იყო."ზედიზედ ორი დამარცხების შემდეგ თამაში ყოველთვის ძნელია, მაგრამ ჩვენ საკუთარ თავს ვძლიეთ და "არსენალს" მოვუგეთ, რაც მნიშვნელოვანი შედეგი გახლდათ".თუმცა, არც ის უნდა დაგვავიწყდეს, რომ ინგლისელთათვის ფეხბურთის ასოციაციის თასი მხოლოდ მეორადი მნიშვნელობის ჯილდო არ არის. რუნი ამ შეჯიბრების ფინალში ორჯერ 2005 და 2007 წლებში იყო. პირველად, კარდიფის "მილენიუმზე" მანჩესტერელეთა მეტოქე სწორედ "არსენალი" გახლდათ. შეხვედრა 0:0 დასრულდა, პენალტებში კი ჩრდილოლონდონელებმა გაიმარჯვეს, მეორედ კი დიდიე დროგბას მიერ 116-ე წუთზე გატანილი გოლით "ჩელსიმ" გაიმარჯვა."მე ორი ფინალი მაქვს წაგებული, რასაც ვერ ვეგუები. ძალიან მინდა ფეხბურთის ასოციაციის თასის მოგება — ამბობს რუნი — ეს გახლავთ უდიდესი ისტორიის მქონე შეჯიბრება, რომელსაც ბავშვობიდან გაფაციცებით ვადევნებდი თვალყურს. ორი ფინალის წაგება მეტისმეტია და ამიტომ დღეს, როდესაც წარმატებას ძალიან მივუახლოვდით, ყველა ღონეს ვიხმარ რათა შანსი ხელიდან არ გავუშვა"."არსენალთან" მეოთხედფინალურ შეხვედრაში რუნიმ არსენალს გოლი გაუტანა, რაც ამ თავდამსხმელის მეშვიდე გოლი გახლდათ "მეთოფეთა" გუნდის კარში."ჩვენ ძალიან კარგად ვითამაშეთ. მთავარი იყო, რომ დაცვა გავამაგრეთ. მართალია შემადგენლობაში ბევრი ახალგაზრდა ფეხბურთელი გვყავდა, მაგრამ ვიცოდით, რომ თუ დაცვაში უშეცდომოდ ვითამაშებდით, "არსენალს" კონტრშეტევაზე აუცილებლად გამოვიჭერდით. მართლაც ასე მოხდა. კონტრშეტევაზე ბევრი მომენტი შევქმენით და შესაძლოა მეტი გოლიც უნდა გაგვეტანა. რასაკვირველია, ფიზიკურადაც უპირატესობას ვფლობდით. საქმე ის არის, რომ "არსენალს" ცოტა ხნით ადრე ბარსელონაში დამღლელი თამაში ჰქონდათ გადატანილი და ამით უნდა გვესარგებლა"."მანჩესტერ იუნაიტედისგან" განსხვავებით "არსენალს" ერთადერთი მიზანიღა შემორჩა — პრემიერლიგაში გამარჯვება. თუმცა აქ, როგორც მოგახსენეთ, დღეისათვის პირველ ადგილზე "იუნაიტედია". მანჩესტერელები ზემოთ ნახსენები სამი ქულით სწორედ "მეთოფეებს" უსწრებენ."არავინ იცის, როგორ მოიქცევა "არსენალი" ერთიმეორეს მიყოლებული წარუმატებლობების შემდეგ — თქვა რუნიმ — რასაკვირველია, სამი შეჯიბრებიდან მიყოლებით გამოვარდნა ძნელი გადასატანია, მაგრამ არც ის უნდა დაგვავიწყდეს, რომ ახლა ლონდონელებს შეუძლიათ მთელი ენერგიით შეუტიონ პრემიერლიგას. ჩვენ ყურადღების სამ სხვადასხვა ფრონტზე გადანაწილება დაგვჭირდება, "არსენლს" კი ერთი მიზანი დარჩა და მთელ ძალ-ღონეს მისკენ მიმართავს"."ლელოს" მკითხველმა იცის, რომ "მანჩესტერ იუნაიტედისა" და "არსენალის" შეხვედრაში მოედანს ანტონიო ვალენსია დაუბრუნდა. რუნიმ თქვა:"ვერც კი აღგიწერთ, რა კარგია ვალენსია რომ გამოჯანმრთელდა. ეს შეხვედრა მისთვის ბოლო ექვს თვეში პირველი იყო, მაგრამ ანტონიომ ისე ითამაშა გეგონება მთელი ამ ხნის განმავლობაში მოედანზე იყო".და ბოლოს, მანჩესტერელთა მეკარის ედვინ ვან დერ სარის შესახებ... 40 წლის ჰოლანდიელმა გოლკიპერმა ისეთი დარტყმები მოიგერია, რომ გულშემატკივარს უნებლიედ გაუჩნდა მისი ფეხბურთში დატოვების სურვილი — მოგეხსენებათ, ვან დერ სარი სეზონის ბოლოს კარიერის დასრულებას აპირებს."ედვინმა რამდენიმე ეპიზოდში საოცრად ითამაშა. ჩვენ, ფეხბურთელები ვცდილობთ ყველა ღონე ვიხმაროთ რათა მას კარიერის დასრულება დავასრულებინოთ. "არსენალთან" თამაშის შემდეგ საშხაპეშიც ამაზე ველაპარაკები, მაგრამ მან გადაწყვეტილება მიიღო და ჩვენ ვალდებული ვართ პატივი ვცეთ. არადა, ის ასაკის მიუხედავად დიდებულად თამაშობს და ჩემი ღრმა რწმენით მსოფლიოში საუკეთესოა".

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

გოჩოლეიშვილი შეცვლაზე და "ჰამბურგის" ფრე "აუგსბურგთან"

ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა