კონფედერაციათა თასი: დაანგრევს მუნდიალს VAR?

კონფედერაციათა თასზე ვიდეორეფერის უარყოფითი მხარეებიც გამოჩნდა კონფედერაციათა თასი პირველი ოფიციალური ტურნირია, რომელშიც ფიფა მსაჯთა დახმარების სისტემას (VAR), ანუ ვიდეორეფერის ტესტავს. ფიფას პრეზიდენტი ჯანი ინფანტინო კმაყოფილია, თუმცა უბრალო გულშემატკივრებს უკვე ეჭვი ეპარებათ...28 მარტს პარიზში საფრანგეთის ნაკრები ესპანეთს ხვდებოდა. იმ თამაშმა ბევრი რამ შეცვალა ფეხბურთში, რადგან საერთაშორისო მატჩში პირველად გამოიყენეს ვიდეორეფერი, რომლის წყალობითაც თამაში სულ სხვა ანგარიშით დასრულდა, ვიდრე ეს მის გარეშე მოხდებოდა - ვიდეორეფერიმ გააუქმა ანტუან გრიზმანის ჩათვლილი გოლი და ჩათვალა ჟერარდ დეულოფეუს მსაჯის მიერ არჩათვლილი.ორივე შემთხვევაში ესპანეთმა იხეირა, მაგრამ გამეორებებზე კარგად გამოჩნდა, რომ ამით იხეირა ფეხბურთმა.მაშინ ერთიათად გაიზარდა ფეხბურთში ტექნოლოგიების მომხრეთა რიცხვი, მაგრამ ერთი თამაშით ვერ განსაზღვრავ. გავიდა დრო და ამ სისტემას სხვადასხვა მატჩზე იყენებდნენ.20-წლამდელთა მსოფლიოს ჩემპიონატზე კი ზამბიისა და იტალიის მატჩში ვიდეორეფერიმ იმდენად საკამათო გადაწყვეტილება მიიღო, რომ ფეხბურთის ფანებში ეჭვი გაჩნდა, რომელიც ამ კონფედერაციათა თასზე კიდევ უფრო გამყარდა. კომუნიკაცია მსაჯსა და სისტემას შორის არც ისე იდეალურია, გადაწყვეტილებებშიც შეიძლება ეჭვის შეტანა, ტელემაყურებელიც უბრალოდ ვერ იგებს, რა ხდება და, რამდენადაც საოცარი უნდა იყოს, მართლაც სადღაც იკარგება ემოცია, რაზეც ბევრი ფეხბურთელი და ზოგიერთი საფეხბურთო მოღვაწე წუხს.რა თქმა უნდა, ეს ისეთი დეტალებია, რომელთა დახვეწაც შესაძლებელია. რაც უნდა მოხდეს, მთავარი ხომ სამართლიანობაა ფეხბურთში. მაგრამ ისიც ფაქტია, რომ ვიდეორეფერის შემოღებით ყველა პრობლემა არ გაქრა, მეტიც, ზოგიც დაემატა...კონფედერაციათა თასი ხომ მუნდიალის გახურებაა, ხოლო მსაჯთა დახმარების სისტემა ტესტირებას სწორედ ამ მთავარი ტურნირისთვის გადის. და თუ ეს ყველაფერი არ დაიხვეწა, მუნდიალზე პრობლემები გველის. ის, რაც კამერუნისა და ჩილეს ნაკრებთა მატჩში მოხდა, მხოლოდ ერთი სიტყვით შეიძლება აღიწეროს - ქაოსი. მსაჯი საკუთარ გადაწყვეტილებებს ეჭვქვეშ აყენებდა - ეს კი მთავარ პრინციპს ეწინააღმდეგება - "მინიმალური ჩარევით, მაქსიმალური შედეგი".კითხვა, რომელსაც პასუხი უნდა გავცეთ, ის კი არ არის - რამდენად სწორი იყო გადაწყვეტილება, არამედ ეს - რამდენად მცდარი იყო ეს გადაწყვეტილება. პირველი ტაიმის ეპიზოდში, ედუარდო ვარგასის გოლზე, რამდენიც უნდა ატრიალოთ ვიდეო, ვერ მიხვდებით, იყო თუ არა პირვანდელი გადაწყვეტილება გოლის ჩათვლის მთლიანად არასწორი. თუკი მსაჯები ყოველ თავიანთ გადაწყვეტილებას ეჭვქვეშ დააყენებენ, ჩვენ მუნდიალზე პრობლემები გველის.არც უარყოფითი შეფასების მისაღებად უნდა ვიჩქაროთ, ვიდეორეფერიც ცოცხალი ორგანიზმივითაა, როგორც ფეხბურთელი ან მსაჯი, მასაც სჭირდება განვითარება. მორგებას დრო სჭირდება. ზოგს ეს მალე გამოსდის, ზოგს - არც ისე.ამბობენ, რომ საფრანგეთი-ესპანეთის მატჩის გერმანელი რეფერი დიდხანს ავარჯიშეს ვიდეორეფერისთან ურთიერთობაში, რაც ასე კარგად აისახა თამაშზე.ხუან ანტონიო პიცი, ჩილეს ნაკრების მწვრთნელი: "ცუდად არ გამიგოთ, ტექნოლოგიების მომხრე მეც ვარ, მაგრამ სისტემას დახვეწა ესაჭიროება. ტესტირების რეჟიმში ბევრ რამეს ცუდად აღვიქვამთ, რადგან ჩვენ სხვანაირ საფეხბურთო სამყაროს შევეჩვიეთ. მოდი, ვნახოთ და დაველოდოთ. იქნებ რაღაც დროის მერე უკეთესად იყოს საქმე. პირველი ტაიმის ინციდენტი ცოტა მწარედ დაგვამახსოვრდა".საბოლოოდ ფიფა მხოლოდ 2018 წლის მარტში გადაწყვეტს, იქნება თუ არა მსოფლიოს ჩემპიონატზე მსაჯთა დახმარების სისტემა დანერგილი.ყოველდღიური სპორტული გაზეთი "ლელო"

@

უბრალო გულშემატკივრებს ეჭვი ეპარებათ რა ქვია ვერგავიგე !? ზოგს რატმაუნდა ეჭვი შეეპარება ადამიანები შეხედულობები განსხვავებულია მაგრამ დარწმუნებული ვარ ვიდერეფერი ალბათ 100 დან 90 ს მოეწონება
ზურა

ვიდეო რეფერი აუცილებელია
effe

100%-იანი რო ვიდეო რეფერი საჭიროა ფეხბურთში.. წლევანდელი ჩემპიონთა ლიგა ამის ნათელი დადასტურებაა იმდენი აშკარა შეცდომა იყო დაშვებული თან ისეთი რო თამაშზე იქონია უდიდესი გავლენა რამდენიც მემგონი მთელი ჩემპიონთა ლიგის ისტორიაში არ მომხდარა.. 3 გუნდი უბრალოდ გაიწირა ბეშიქთაში პსჟ და ბაიერნი პლიუს მაგას კიდე უამრავი პატარ პატარა შეცდომები
kaka

ზალაინ კარგი მეტოდია მოლდავეტი საკარტველოს ტამაჰზე რო კოფილიკო ვიდეო მსაჯი ხო გააუკმებდა ხაზ გასულ ბურტს ჰეილება ტამაჰის მოგვეგო მოსაწონია ზალიან

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ლიოვი მსოფლიო ჩემპიონატზე ერთ-ერთ ნაკრებს გაწვრთნის - მოულოდნელი დაბრუნება მუნდიალამდე 2 თვით ადრე

"მაღარიჩიც" ასეთი უნდა - ბოსნიელი ფეხბურთელი 60 469 გულშემატკივარს ლუდზე დაპატიჟებს

17-წლამდე ვაჟთა ნაკრები სან მარინოში მიემგზავრება

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

ჩილე-გერმანია 0:1 - ტერ შტეგენის ფინალი [VIDEO]

პორტუგალია - მექსიკა 1:1 (2:1. დ. დ) - პეპე რომ არა [VIDEO]

კონფედერაციათა თასი 2017: გერმანია ჩემპიონია

კონფედერაციათა თასი 2017. შეჯამება: ეს იყო პეტერბურგში...

კონფედერაციათა თასი 2017: გერმანია ფინალში ჩილეს დაუპირისპირდება

გერმანია-მექსიკა 4:1 - მუნდიალის ჩემპიონი მუნდიალის რეპეტიციის ფინალშია [VIDEO]