- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ეპიზოდი, რომელმაც "სიონი" სამი მატჩით წაახდინა
<p>“სიონის” მეკარე მინდია ბობღიაშვილმა დინამოელი პეტარ იელიჩისთვის ფეხის მირტყმა გადაწყვიტა... <br> ეპიზოდი, რომელმაც მატჩის მიმდინარეობასა და შედეგზე ყველაზე დიდი გავლენა მოახდინა, პირველი ტაიმის მიწურულს მოხდა. “სიონის” მეკარე მინდია ბობღიაშვილი ბურთს დაეუფლა და მის თამაშში შეყვანასაც აპირებდა, მაგრამ მანამდე რატომღაც, დინამოელი პეტარ იელიჩისთვის ფეხის მირტყმა გადაწყვიტა. არბიტრმა ლევან კვარაცხელიამ მართებული გადაწყვეტილება მიიღო, ბობღიაშვილი მოედნიდან გააძევა და მასპინძელთა კარში თერთმეტმეტრიანი დანიშნა. ლევან ხმალაძემ “დინამო” დააწინაურა და არცთუ შთამბეჭდავი თამაშის მიუხედავად, დედაქალაქელებს ბოლნისიდან დაგეგმილი სამი ქულის წაღება დიდად აღარ გასჭირვებიათ.</p><p>ბობღიაშვილის უპასუხისმგებლო საქციელმა “სიონი” მხოლოდ გუშინ კი არა, შემდეგი მატჩებისთვისაც აზარალა. ბოლნისელთა კიდევ ერთი მეკარე, გამოცდილი მირზა მერლანი წინა ტურში მძიმედ დაშავდა და, სავარაუდოდ, ამ სეზონში ვეღარ ითამაშებს. ბობღიაშვილს, ალბათ, ორმატჩიან დისკვალიფიკაციას მიუსჯიან და “სიონი”, რომელსაც უმაღლეს ლიგიდან გავარდნის რეალური საფრთხე ემუქრება, “ზესტაფონსა” და “ოლიმპთან” ურთულეს შეხვედრებში 18 წლის დავით ლეგაშვილის იმედად იქნება. ლეგაშვილი, რომელიც გულშემატკივარს გიორგი დევდარიანის ფორმაციის 17-წლამდელთა ნაკრებიდან უნდა ახსოვდეს, გუშინ პირველად მოხვდა “სიონის” მთავარი გუნდის 18-კაციან განაცხადში და უმაღლესლიგური დებიუტიც გამოუვიდა.</p><p>“სიონმა” დისკვალიფიკაციის გამო კაპიტანი გივი დიდავა მოისაკლისა, “დინამოს” ტრავმების გამო შოთა კაშია და გულვერდ თომაშვილი დააკლდნენ, გივი კვარაცხელია, ედინლსონი და გიორგი თექთურმანიძე კი კონკურენციის გამო განაცხადს მიღმა დარჩნენ. “დინამოს” ძირითადი შემადგენლობა გასული ტურის თერთმეტეულის იდენტური იყო.</p><p>მზიან დარში არცთუ ურიგო სანახაობა გაჩაღდა. მეტოქის ფაქტორიდან გამომდინარე, სიონელებს განსაკუთრებული მოტივაცია ეტყობოდათ, ჩემპიონობისთვის მებრძოლი “დინამოსთვის” კი თითოეულ შეხვედრას ისედაც დიდი მნიშვნელობა აქვს. ტაიმის ბოლოს მომხდარ უსიამოვნო ამბამდე მასპინძლები სტუმრებს არაფრით ჩამოუვარდებოდნენ და ანგარიშის გახსნის შესაძლებლობა ორივეს ჰქონდა.</p><p>მატჩი ყოველგვარი დაზვერვის გარეშე დაიწყო და თამაშში ჩართვა მეკარეებს თავიდანვე მოუხდა. რევაზ ჯიქიას დარტყმა გიორგი ლორიამ კუთხურზე მოიგერია, ბობღიაშვილმა კი მასთან პირისპირ გასულ ალექსანდრე კოშკაძეს აჯობა. მოვლენებს გავუსწრებთ და ვიტყვით, რომ “დინამოს” შემადგენლობაში ყველაზე შემოქმედებითად სწორედ იგი თამაშობდა. თბილისელთა კაპიტანი თამაშსაც ხშირად ამწვავებდა და ხისტ ორთაბრძოლებშიც იმარჯვებდა.</p><p>ტაიმის ბოლომდე მეტოქეებმა კიდევ ორი მეტ-ნაკლებად სახიფათო მომენტი გაცვალეს. “სიონის” შემადგენლობიდან გატანა ვილი ისიანსა და ალექსანდრე გოგობერიშვილს შეეძლოთ, “დინამოს” რიგებიდან კი კოშკაძესა და გიორგი კახელიშვილს.</p><p>დაახლოებით მე-20 წუთიდან თამაშის ტემპი ოდნავ დაეცა და აღარც ველოდით, რომ შესვენებამდე რაიმე საინტერესო მოხდებოდა. თუმცა ბობღიაშვილის გაძევებასა და პენალტს გარკვეული ვნებათაღელვა მოჰყვა. “სიონის” ფეხბურთელებმა მსაჯის გადაწყვეტილება აქტიურად გააპროტესტეს, გულშემატკივრებმა კვარაცხელიასა და მის ბრიგადას ობსტრუქცია მოუწყვეს, მაგრამ, საბედნიეროდ, არბიტრს თამაშის სადავეები ხელიდან არ გაჰქცევია.</p><p>ბოლო ტურებში აშკარად ჩანდა “სიონის” არასახარბიელო ფიზიკური მომზადება და თითქოს კაცნაკლული გუნდი მეორე ტაიმში უშანსოდ იყო დარჩენილი, მაგრამ გადიოდა დრო და კახა კაჭარავას გუნდი მოპოვებული უპირატესობის განმტკიცებას ვერ ახერხებდა. “დინამო” ჯერჯერობით ვერ აჩვენებს იმ ფეხბურთს, რასაც მისი ქომაგები ელიან, მაგრამ თბილისელებმა სასურველ შედეგს მიაღწიეს და თამაშის ხარისხის გამოსწორების რესურსიც ნამდვილად გააჩნიათ.</p><p>“სიონმა” წონასწორობის აღდგენა რამდენიმეჯერ სცადა. მასპინძელთაგან ყველაზე გამორჩეული ჯიქია გახლდათ და შესაძლებელი იყო, შედეგიანი მისი შორეული დარტყმები გამომდგარიყო. მან პირველად ლამის ცენტრიდან დაარტყა ოდნავ არაზუსტად, შემდეგ კი მისი ძლიერი დარტყმა ლორიამ მოიგერია.</p><p>მატჩის მიწურულს ქვემოქართლელებს გადამწყვეტი შტურმისთვის ენერგია აღარ ეყოთ, “დინამო” კი წინ თამამად წავიდა. იელიჩმმა მეკარესთან ერთი-ერთზე გაიყვანა შეცვლაზე შესული ნიკა კვეკვესკირი, რომელმაც მიზანს ააცილა. წერტილი კი კიდევ ერთმა შემცვლელმა, გოლამდეც აქტიურმა დონალდ ჯუსმა დასვა. კამერუნელმა ხმალაძის წამოწყებული და დიმიტრი ტატანაშვილის გაგრძელებული კომბინაცია დააგვირგვინა.</p><p>გასახდელისკენ მიმავალ მსაჯებს ბოლნისელმა ქომაგებმა უწმაწური სიტყვები მიაწიეს, თუმცა, საბედნიეროდ, საქმე ამის იქით აღარ წასულა – ბოლნისში ყველაფერი მშვიდობიანად და ლოგიკურად დასრულდა.</p><p><strong>სიონი-დინამო 0:2</p><p></strong>16.03. ბოლნისი. თ. სტეფანია. 800 მაყურებელი</p><p>გოლები: 0:1 ხმალაძე (45. პენ), 0:2 ჯუსი (88)</p><p>სიონი დინამო</p><p>4-3-2-1 4-2-3-1</p><p>ბობღიაშვილი ლორია</p><p>კობაური თ. ღონღაძე</p><p>ორბელაძე კაკუბავა</p><p>დ. ლომაია ჰომოლა</p><p>ქორიძე ხმალაძე</p><p>ნოზაძე ჰაჯიბულიჩი</p><p>გოგობერიშვილი არზიანი</p><p>გ. ოქროპირიძე რობერტინიო</p><p>ისიანი კოშკაძე</p><p>ჩირიკაშვილი კახელიშვილი</p><p>რ. ჯიქია იელიჩი</p><p>მთ. მწვრთნელი მთ. მწვრთნელი</p><p>გ. ყიფშიძე კ. კაჭარავა</p><p>სიონი</p><p>44. ჩირიკაშვილი – ლეგაშვილი</p><p>66. ისიანი – რეხვიაშვილი</p><p>72. ორბელაძე – გ. თარგამაძე</p><p>სათადარიგოები: სვანიძე, მ. ოქროპირიძე, გ. მელქაძე, ნ. კვასხვაძე.</p><p>დინამო</p><p>46. რობერტინიო – ჯუსი</p><p>61. კახელიშვილი – კვეკვესკირი</p><p>85. იელიჩი – ტატანაშვილი</p><p>სათადარიგოები: ზარქუა, მაროვიჩი, ციმაკურიძე, ფირცხალავა.</p><p>გაფრთხილება: ორბელაძე (40), ნოზაძე (44), კობაური (45), რობერტინიო (45), იელიჩი (54), ჯიქია (80), არზიანი (79)</p><p>გაძევება: ბობღიაშვილი (44)</p><p>არბიტრი: ლ. კვარაცხელია (ზუგდიდი)</p>
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"დინამო თბილისი": სამი გოლი, სამი ქულა
"ძალიან დაბალი დონის ჩემპიონატი გვაქვს, ყოველი წელი უარესია" - გიორგი ჭიაბრიშვილი "გარეჯთან" გამარჯვების შემდეგ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა
ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?