<p>ქალთა ტურს ახალი ლიდერი ჰყავს <br> გუშინ, უიმბლდონის ქალთა ტურნირზე მეოთხედფინალების დღე იყო, გამოვლინდა ოთხივე ნახევარფინალისტი. თუმცა, უფრო მნიშვნელოვანი მოვლენა გახდა ის, რომ ქალთა ჩოგბურთში მსოფლიოს ახალი პირველი ჩოგანი ჩეხი კაროლინა პლიშკოვა იქნება.</p><p>მართალია, ის ნაადრევად გამოეთიშა უიმბლდონის ტურნირს, მაგრამ იმის გამო, რომ მერვედფინალში დამარცხდა გერმანელი ანჟელიკ კერბერი, ხოლო გუშინ, რუმინელმა სიმონა ჰალეპმა დათმო მეოთხედფინალი ბრიტანელ იოჰანა კონტასთან, პლიშკოვა ორშაბათიდან კარიერაში პირველად ჩაუდგება სათავეში WTA-ის კლასიფიკაციას.</p><p>კაროლინა იქნება რიგით 26-ე პირველი ჩოგანი ისტორიაში და პირველი ჩეხეთიდან. მართალია, მარტინა ნავრატილოვაც ჩეხეთში იყო დაბადებული, მაგრამ, როცა რეიტინგის ლიდერი გახდა, უკვე აშშ-ს წარმოადგენდა.</p><p>* * *</p><p>გუშინდელი მეოთხედფინალებიდან მხოლოდ ერთში გახდა საჭირო სამი სეტის ჩატარება და ეს სწორედ ჰალეპისა და კონტას დაპირისპირება იყო, რომელიც 2 საათი და 40 წუთი გაგრძელდა. რუმინელს უდიდესი მოტივაცია ჰქონდა - მოგების შემთხვევაში ინაღდებდა პირველობას კლასიფიკაციაში.</p><p>მაგრამ ბრიტანელმა ფანტასტიკურად ითამაშა საკუთარ მოწოდებაზე და მთელი შეხვედრის განმავლობაში, ჰალეპს ორად ორი ბრეიკ-პოინტის შანსი მისცა. პირველ ორ სეტში ჩოგბურთელებმა ტაი-ბრეიკზე მოგებები გაცვალეს (მეორე სეტში ჰალეპი ძალიან ახლოს იყო საბოლოო გამარჯვებასთან - მე-13 გეიმში 3:1 დაწინაურდა და ორი ქულა აკლდა ნახევარფინალში გასვლამდე), მესამეში კი კონტამ მეორე ბრეიკი შეასრულა შეხვედრაში და სამსეტიანი თრილერი თავის სასარგებლოდ დაასრულა - 6:7(2), 7:6(5), 6:4.</p><p>იოჰანა კონტა ის არის პირველი ბრიტანელი ქალი 1978 წლის შემდეგ, ვინც უიმბლდონის ნახევარფინალში გააღწია. 39 წლის წინ, ვირჯინია უეიდი არა თუ საუკეთესო ოთხეულში მოხვდა, არამედ, ტურნირის მოგება შეძლო.</p><p>* * *</p><p>კონტა ნახევარფინალში ვინუს უილიამსს შეხვდება. ვეტერანმა ამერიკელმა, უიმბლდონის ხუთგზის ჩემპიონმა შეაჩერა ლატვიელი ელენა ოსტაპენკოს ბრწყინვალე სვლა. როლან გაროსის სენსაციურ ჩემპიონს "დიდ სლემზე" ზედიზედ 11 მატჩი ჰქონდა მოგებული, მაგრამ, ამჯერად, ვერაფერი მოუხერხა უფროს უილიამსს.</p><p>ორივე ჩოგბურთელი ძალიან კარგად თამაშობდა საკუთარ მოწოდებაზე - ოსტაპენკოს მხოლოდ ორი ბრეიკ-პოინტი ჰქონდა და აქედან ერთი გამოიყენა, ვინუსმა კი სამიდან სამი ბრეიკ-პოინტი გარდასახა მომგებიან ქულაში და ამის ხარჯზე მოიგო - 6:3, 7:5.</p><p>37 წლის უილიამსმა ამ უიმბლდონზე "ბავშვების მჩაგვრელის" რეპუტაცია დაიმსახურა. ამერიკელს 1997 წელს ჰქონდა დებიუტი ამ ტურნირზე და ბოლო სამი მეტოქე, რომელიც მან დაამარცხა, სწორედ ამ წელს არის დაბადებული - ნაომი ოსაკა, ანა კონიუჰი და ახლა, ოსტაპენკო. ვინუსი მეცხრედ ითამაშებს უიმბლდონის ნახევარფინალში.</p><p>* * *</p><p>ასევე ვხედავთ ნახევარფინალში ესპანელ გარბინ მუგურუსას, რომელმაც კიდევ უფრო იოლად - საათსა და 17 წუთში მოუგო რუს სვეტლანა კუზნეცოვას. არადა, ამ უკანასკნელმა წინა ოთხი მატჩი ისე მოიგო, რომ სეტი არ დაუთმია და კარგ ფორმასაც აჩვენებდა. გუშინ, რუსს ძალიან კარგი სტატისტიკა ჰქონდა - 21 "ვინერსი" და 12 უნებლიე შეცდომა, მაგრამ ვერაფერი მოუხერხა ესპანელის მოწოდებას, რომელიც 15-ჯერ ვერ დააბრუნა კორტის მეორე მხარეს.</p><p>ჩოგბურთელებს სამ-სამი ბრეიკ-პოინტი ჰქონდათ, რომელთაგანაც მუგურუსამ ორი გამოიყენა, კუზნეცოვამ ვერც ერთი - 6:3, 6:4.</p><p>ესპანელი 2015 წელს იყო უიმბლდონის ფინალში და შეეცდება იგივეს გაკეთებას მაგდალენა რიბარიკოვას წინააღმდეგ ნახევარფინალში. რიბარიკოვა ის ჩოგბურთელია, რომელმაც მსოფლიოს ახალ პირველ ნომერს მოუგო მეორე წრეში და გუშინ გააგრძელა ბრწყინვალე სვლა, როცა 6:3, 6:3 გაანადგურა კოკო ვანდევეგე. რიბარიკოვა, რომელიც ზაფხულში რეიტინგში მეოთხე ასეულში იმყოფებოდა, პირველად გავიდა "დიდი სლემის" ტურნირის ნახევარფინალში, თან ეს სეტის წაუგებლად გააკეთა.</p><p><strong>ქალები</p><p>1/4 ფინალი</strong></p><p>მუგურუსა (ესპ, 14)-კუზნეცოვა (რუს, 7) 6:3, 6:4</p><p>რიბარიკოვა (სლოვაკ)-ვანდევეგე (აშშ, 24) 6:3, 6:3</p><p>ვ. უილიამსი (აშშ, 10)-ოსტაპენკო (ლატ, 13) 6:3, 7:5</p><p>კონტა (ბრიტ, 6)-ჰალეპი (რუმ, 2) 6:7(2), 7:6(5), 6:4</p><p><strong>1/2 ფინალი</strong></p><p>მუგურუსა (ესპ, 14)-რიბარიკოვა (სლოვაკ)</p><p>ვ. უილიამსი (აშშ, 10)-კონტა (ბრიტ, 6)</p><p><strong>ყოველდღიური სპორტული გაზეთი "ლელო"</strong></p>
ოფიციალურად: როჯერ ფედერერი მილიარდერი გახდა
[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო
თრილერი ცინცინატიზე - საბალენკამ რადუკანუ დაამარცხა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
აშშ-ის ღია: ჩეხები და ამერიკელები უტევენ
ვინუს უილიამსი წლის შემაჯამებელ ტურნირს უბრუნდება
კაროლინა პლიშკოვა: ბოლქვაძე ძალიან ნერვიულობდა, თუმცა მეორე სეტში საკმაოდ კარგად ითამაშა
ეშლი ბარტის გზა - ჩოგბურთიდან კრიკეტში წასვლა, დაბრუნება და "მაიამის" ტურნირის მოგება
მაიამის მასტერსზე ქალთა ტურნირის ფინალისტები გამოვლინდნენ
US OPEN: მარიამ ბოლქვაძე პლიშკოვასთან დამარცხდა - ახლა მთავარია, პროგრესი არ შეწყვიტოს [VIDEO]