<p>ცოტა ხნის წინ დასრულებული საკალათბურთო სეზონი გორის სხვადასხვა ასაკობრივმა გუნდებმა წარმატებით ჩაატარეს <br> ცოტა ხნის წინ დასრულებული საკალათბურთო სეზონი გორის სხვადასხვა ასაკობრივმა გუნდებმა წარმატებით ჩაატარეს.</p><p>ტრადიციულად, ძირითადად საჭიდაო სახეობებში მოპოვებული გამარჯვებებით ცნობილი გორული სპორტისთვის საკალათბურთო გუნდების ამჟამინდელი სახარბიელო შედეგები აღსანიშნავი წარმატებაა და სპორტის ამ სახეობის განვითარებისკენ სვლის მაჩვენებელია.</p><p>დავიწყოთ უმცროსებით, რომლებმაც საქართველოს კალათბურთის ფედერაციის და ნაციონალური საკალათბურთო ასოციაციის ერთობლივ პროექტში "NBA ჟუნიორ"-ში მიიღეს მონაწილეობა და ბრინჯაოს პრიზიორები გახდნენ.</p><p>ვერცხლის მედლები დაისაკუთრეს 16-წლამდელთა შორის საქართველოს ჩემპიონატზე მოასპარეზე გორელ კალათბურთელთა გუნდმაც.</p><p>ვაჟებს შორის 18-წლამდელთა შორის საქართველოს ჩემპიონატზე კი "გორი" ბრინჯაოს პრიზიორი გახდა.</p><p>სამივე გუნდი გორის შოთა ჩოჩიშვილის სახელობის სასპორტო სკოლაში მოქმედი საკალათბურთო სექციის სპორტსმენებითაა დაკომპლექტებული და სხვადასხვა თაობის შეჯიბრებებში მიღწეული ეს წარმატებები, რასაკვირველია, უშუალოდ სპორტსმენებთან ერთად მწვრთნელების შრომის ნაყოფიცაა.</p><p>საინტერესოა, რომ სამიდან ორ გუნდს <strong>დათო რუსიშვილისა</strong> და <strong>ვერა შავშიშვილის</strong> სამწვრთნელო დუეტი ავარჯიშებს.</p><p>18-წლამდე კალათბურთელთა გუნდ "გორს" წლევანდელ სეზონში <strong>მარინე გოჩაშვილი</strong> და <strong>მარი ხაჩიშვილი</strong> ხელმძღვანელობდნენ.</p><p>გორში კალათბურთის, ისევე, როგორც სპორტის სხვა არაერთი სახეობის განვითარება ქალაქის სპორტული სკოლების გაერთიანების ხელშეწყობით ხდება. ვარჯიშებს კი გუნდები შოთა ჩოჩიშვილის სახელობის სასპორტო სკოლის დარბაზში ატარებენ.</p><p>"საკალათბურთო გუნდების წარმატებამ, ცხადია, ძალიან გაგავახარა. ჩვენი ქალაქი განებივრებულია სპორტის საჭიდაო სახეობებში მიღწეული მნიშვნელოვანი გამარჯვებებით.</p><p>ბუნებრივია, გვინდა ისინი ისევ განვითარების მაღალ საფეხურზე იდგნენ, მაგრამ აქვე სხვა სახეობების ხელშეწყობითაც რასაკვირველია დაინტერესებულნი ვართ. კალათბურელთა გუნდების მიერ სამ სხვადასხვა ასაკობრივ შეჯიბრებაზე მედლების მოპოვებამ დაგვანახა, რომ ამ მიმართულებით გაღებულ ძალისხმევას ამაოდ არ ჩაუვლია.</p><p>ჩვენი თანადგომა გორელ კალათბურთელებს სამომავლოდაც არ მოაკლდებათ და შესაძლებლობის ფარგლებში მხარდაჭერის გაუმჯობესებაზეც ვიზრუნებთ" - გვითხრა გორის სპორტულ დაწესებულებათა გაერთიანების დირექტორმა <strong>გიორგი პურიჭამიაშვილმა</strong>.</p><p>გორის ცენტრალურ სასპორტო სკოლაში სათამაშო სახეობის წარმომადგენლებისათვის გამოყოფილი დარბაზი, რომელშიც კალათბურთელები და ხელბურთელები ვარჯიშობენ, სტანდარტულთან შედარებით მცირე ზომისაა.</p><p>თუმცა, მათთვის პირობების გაუმჯობესება წლეულსვე გახდება შესაძლებელი. სწორედ მიმდინარე წლის ბოლოს იგეგმება გორში მშენებარე სპორტის სასახლის გახსნა. სასახლე ორდარბაზიანი იქნება და მნიშვნელოვანია, რომ აქამდე არსებულ ყველა სპორტული დარბაზისგან განსხვავებით, საშეჯიბრო იქნება.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
კალათბურთის განვითარების პროგრამით სამეგრელომ და აჭარამ ინვენტარის მორიგი შევსება მიიღო
სტუმარ-მასპინძლის როქი პირეოსში ქართველი მსაჯ-კომისრის გარეშე არ ჩაივლის
რატიშვილი პიტეშტში – რუმინეთისა და მონტენეგროს მატჩზე
"ბარსელონა" ბოლო წამებზე დამარცხდა - თორნიკეს ისევ არ უთამაშია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს
დე ლაურენტისი: კონტეში ეჭვი გეპარებოდათ?
[VIDEO] ნერესმა "ნაპოლის" იტალიის სუპერთასი მოაგებინა
რაფინია ალკანტარამ ფეხბურთელის კარიერა დაასრულა
აზაროვის გარდა "შახტარს" უკრაინის ნაკრების მცველი დატოვებს
ნაახალწლევს პსჟ-ს და "კვარას" მარათონი იწყება - იხილეთ კალენდარი
ხვიჩა მწვრთნელს უსმენს - იმიჯის გამყარება და ის, რაზეც სამუშაოა...