<p>დიდი მატჩის წინ - მარქაფაში ერთი ცვლილებით <br> ბორჯღალოსნები 18 ნოემბერს საქართველოს დროით 18:30 საათზე კარდიფში, 75-ათასიან "პრინციფალითი სთედიუმზე" (ყოფილი მილენიუმი) უელსთან მატჩს იმავე შემადგენლობით იწყებენ, როგორითაც გასულ შაბათს კანადასთან ითამაშეს.</p><p>მილთონ ჰეიგმა ჩრდილო ამერიკელბთან 54:22 მოგების შემდეგ სასტარტო 15-ეული უცვლელი დატოვა. პირველ ხაზში გამოცდილი მიხეილ ნარიაშვილი, ჯაბა ბრეგვაძე და ლევან ჩილაჩავა დადგებიან; მეორე ხაზში კოტე მიქაუტაძე და გიორგი ნემსაძე შეწყვილდებიან, ხოლო მესამე ხაზს ლაშა ლომიძე, ვიტო კოლელიშვილი და ბექა ბიწაძე შეადგენენ.</p><p>9-10 ნომრები ვასილ ლობჟანიძე და ლაშა ხმალაძე იქნებიან, ცენტრში მერაბ შარიქაძისა და დავით კაჭარავას წყვილს ვიხილავთ, ფრთებზე მირიან მოდებაძე და გიორგი კოშაძე ითამაშებენ, ხოლო ფულბეკი სოსო მათიაშვილია, რომელმაც კანადას 34 ქულა გაუკეთა.</p><p>მარქაფაში ერთი სიახლეა - გიორგი კვესელაძის ნაცვლად გამოცდილი მერაბ კვირიკაშვილი გამოჩნდა, რომელიც უელსთან 107-ე კეპს მოიხვეჭს. იქვეა რევაზ ჯინჭველაშვილი და 9 ნომერი გიორგი ბეგაძე. შერკინების პირველ ხაზს შალვა მამუკაშვილი, კარლენ ასიეშვილი და სოსო ბეკოშვილი შეცვლიან, მეორე ხაზში გიორგი ჩხაიძე გამოჩნდება და 99-ე კეპს მოიხვეჭს, ხოლო მესამე ხაზში გიორგი თხილაიშვილია, რომელიც ბორჯღალოსნების კვართით მე-40 შეხვედრას გამართავს.</p><p><strong></p><p>უელსმა 14 შეცვალა</strong></p><p>გასულ შაბათს ავსტრალიასთან 21:29 მარცხის შემდეგ, უელსის ნაკრების სასტარტო შემადგენლობაში ერთბაშად 14 მოთამაშე შეიცვალა. ლიამ უილიამსი ერთადერთია, რომელიც ავსტრალიის შემდეგ თამაშს ბორჯღალოსნებთანაც იწყებს, ოღონდ მან პოზიცია შეიცვალა და 14 ნომრის ნაცვლად ფულბეკად მოგვევლინება.</p><p>შუამარბ ოუენ უატკინს, ბურჯ ლეონ ბრაუნს და მესამეხაზელ სემ კროსს სანაკრებო დებიუტი გასულ შაბათს ჰქონდათ, ისინი შეცვლაზე შევიდნენ. ადამ ბერდს ავსტრალიასთან არ უთამაშია და მის ანგარიშზეც ერთადერთი კეპია. სასტარტო 15-ში ყველაზე გამოცდილი კაპიტანი დენ ლიდიეტია (60), მასზე მეტი, 67 კეპი კი ფალეტაუს აქვს, რომელიც მარქაფაშია. მარქაფაშია დებიუტანტი კვაჭი ელიოტ დი.</p><p>მიუხედავად ამისა, გუნდს გამოუცდელი არ ეთქმის, განსაკუთრებით ხაზის მოთამაშეებს, რომელთაგან ოთხის ანგარიშზე 40-ზე მეტი კეპია, ხოლო სასტარტო 15-ეულის კეპების ჯამი 319-ს შეადგენს, მარქაფაში მყოფი მოთამაშეებისა - 159.</p><p>„ვგრძნობდით, რომ ამ კვირაში რამდენიმე მოთამაშისთვის შანსი უნდა მიგვეცა. ახალგაზრდა ბიჭებს ეძლევათ შესაძლებლობა გავიდნენ მოედანზე და დაგვანახონ რა შეუძლიათ. გუნდში გვყავს გამოდილი მორაგბეებიც, რომელთა ანგარიშზეც საკმარისი რაოდენობის თამაშია და გამოცდილების მხრივ პრობლემა არ უნდა შეგვექმნას. საქართველო კარდიფში კარგ ხასიათზე ჩამოვიდა, მათ გასულ კვირაში შესანიშნავი გამარჯვება მოიპოვეს და ახლა ეცდებიან ამ დონეზეც გამოიჩინონ თავი. ამისათვის მზად უნდა ვიყოთ“ - შემადგენლობასთან დაკავშირებით განაცხადა მთავარმა მწვრთნელმა უორენ გეთლანდმა.</p><p><strong>მომზადებულია Rugby.ge-ს მიხედვით</strong></p>
სოსო
ამ თამაშში მართლაც ძალიან დაგვეხმარებოდნენ,მაგრამ მათი დასაბუთებაც სრულიად გასაგები და მისაღებია .მათი ასე ვაგლახად მოხსენიება კი სრულიად მიუღებელია ჩემთვის.
lelo
გორგოძე, ზირაქაშვილის თემას რაც შეეხება,პლანეტის ერთ-ერთ უძლიერეს ჩემპიონატში გამოდიან, სადაც დიდია დატვირთვა და ორ ფრონტზე ბრძოლა უკვე რთულია ცოტა ასაკში შესული რაგბისტისათვის და მთავარი, საქართველო აღარაა 15-20 წლის წინანდელი ქვეყანა (სარაგბო თვალსაზრისით)როცა დიდი ასაკობრივი წყვეტა იყო თაობებს შორის, ამიტომ როცა მწვრთნელი გარკვეულ პოზიციაზე იპოვიდა მორაგბეს, შემცვლელის არ ყოფნის გამო დიდი ხნით უწევდა ნაკრებში თამაში. ეხლა თაობები მოდის, კონკურენცია ძალიან დიდია და ყველას უნდა მიეცეს ნაკრებში თამაშის და გამოცდილების მიღების საშუალება. სწორედ ეს იყო ძირითადი მოტივი სანაკრებო კარიერის დასრულების, უდიდესი მადლობა ბიჭებს გაწეული სამსახურისათვის და ასევე მადლობა ღირსეული გადაწყვეტილებისათვის.
nnn
მართლაც შეეძლოთ დიდი სარგებლის მოტანა თუნდაც ბოლო წუთებზე რამხელა გვერდით დგომაა ახალგაზრდისთვის როცა იცის რომ მის გვერდით მამუკაა
nnn
მართლაც შეეძლოთ დიდი სარგებლის მოტანა თუნდაც ბოლო წუთებზე რამხელა გვერდით დგომაა ახალგაზრდისთვის როცა იცის რომ მის გვერდით მამუკაა
ქომაგი
დიმიტრი! პეტრე! თქვენ რაგბის ყურებაც კი უნდა აგიკრძალოთ კაცმა.....როგორ საუბრობთ იმ მორაგბეებზე ვინც ქართული რაგბის ღირსებას ათ წელზე მეტი იცავდენ და დღეს თუ რამეს წარმოვადგენთ სწორედ გორგოძის, ზირაქაშვილის და კვირიკაშვილის დამსახურებით
დიმიტრი
ვერ წარმომიდგენია გორგოძე და ზურაქაშვილი რა სინდისით რჩებიან და არ თამაშობენ. შენს პოზიციაზე ერთ ერთი საუკეთესო იყო მსოფლიოში და ნაკრებში არ წახვიდე ეგეთ მატჩზე. არ დაიწყოთ ახლა არშეუძლიაო. კლუბში ანგრევენ და აქ ერთი თამაში წელიწადში რა გახდა
კახა
რა ხდება, რას აიცემეთ ეს სიტყვა, - "გაუკეთა"? აიღო, დააგროვა!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
გამარჯვება
ხვალ ისტორია უნდა დაწეროთ ! ეს იქნება ყველაზე დიდი გამარჯვება 1981 წლის მერე მიდით ლომებო თქვეთან ვართ!
პეტრე
კვირიკაშვილი მოაშორეთ! არ შეგვჭამეს კაცო...
ივერუ
აბა თქვენ იცით ბიჭებო. ს ა ქ ა რ თ ვ ე ლ ო ს თ ვ ი ს !!!
Dayo
Ari ufaso gundi xvamli da exla moigo b liga bichebma... tumca sruliad ufaso ver iqneba radgan sakmaod dzviria ekipiropka... da pexburtis 5 ligashi rom 250 000 magis naxvari gamouyon klubebs ragbshi
Toko
კი სკოლები კაი აზრია და ერთი კიდევ თუ გვინდა სპორტის განვითარება საქართველოწი ყველა სპორტი უფასო უნდა იყოს ათასობით ნიჭიერი ბავწვი ვერ დადის სპორტზე უსახსრობის გამო აი ეგ რო მოგვარდეს დამიჯერეთ ზალიან დიდ პროგრესს მივახწევთ
აბო
ქულა გაუკეთა არაქართულად და უზრდელად ჟღერს. უელსის ახალგაზრდები იმედია ვერ ჩაგვიქროლებენ სქოთებივით და იქნებ "დაისაჯონ" კიდეც. წარმატება ბიჭებს.
giorgi r
რას ნიშნავს 34 ქულა გაუკეთა? თუ 34 ქულა გაუკეთა კანადას, მაშინ დაისმევა ასეთი კითხვაც - სად გაუკეთა 34 ქულა? შარიქაძემ რამდენი გაუკეთა? ყველამ ერთად რამდენი გაუკეთეს და ბოლოს ჩვენ რამდენი გაგვიკეთეს? უელსი რამდენს გაგვიკეთებს? 34 ქულა მოაგროვა სოსო მათიაშვილმა და არაფერი არ გაუკეთა ვინმეს!
888
წინ გამარჯვებისკენ!
zviads
რაგბი, რომ სკოლებში დაინერგოს ფიზკულტურის მაგივრად არ შეიძლება?
???
იმედია ლობჟანიძე გაცილებით უკეთესი იქნება, თორემ 9 ნომრის კარგი თამაშის გარეშე ძალიან გაგვიჭირდება
Niko
3% მოგების შანსს გვაძლევენ. ვანახოთ მაგათ სამი პროცენტი. ჩვენ შეგვიძლია მოგება და თავიდანვე დაგეშილები უნდა გავიდეთ რომ დავუმტკიცოთ რა არის ნამდვილი ქართული სული და ჟინი. ყურადღება უმაღლეს დონეზე უნდა იყოს ყველა რგოლში და თავდაუზოგავი ბრძოლა ყველა მიწის ერთ გოჯზეც! გამარჯვება ლომებო! დროა და ამისთვის იბრძვით ამდენი ხანია.
ზურაბ
ითამაშეთ ღირსებით, თავდაუზოგავად, თითქოს თქვენს უკან საქართველოა. მეტოქე რა თქმა უნდა ძლიერია მაგრამ არც ჩვენ ვართ ჯაბანი.
ბესო
წარმატებები ჩვენს ქუნდს !!! რაც მთავარია შიშით არ უნდა ვითამაშოთ , ხომ იცით ,, მშიშარა კაცი ღამეში ათჯერ კვდებაო "
mamulo
აბა თქვენ იცით ბიჭებო,ცოტა ხნით მაინც გახადეთ ბედნიერი,თქვენი დამშეული და ყელამდე პრობლემებში ჩაფლული საქართველო. თქვენ თითეული ქართველის გაბედნიერება შეგიძლიათ.გახსოვდეთ ეს! ეცადეთ და ღმერთი თქვენთან იქნება.წატმატებები ლომებო!
hasheem
ეს ჩვენი შანსია, უელსმა შედარებით სუსტი შემადგენლობა დააყენა....
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"ბორჯღალოსნები" | დასკვნითი მატჩი ჯგუფის ლიდერ უელსთან
იოსებ ტყემალაძე: მოგვეცით საშუალება ასეთ ატმოსფეროში ხშირად ვითამაშოთ
"ბორჯღალოსნები" | მომავალი მეტოქე - "ჩიტასი"
"ბორჯღალოსნები" | მომავალი მეტოქე - მსოფლიოს 4-გზის ჩემპიონი და რეიტინგ-ლიდერი სამხრეთ აფრიკა
"ბორჯღალოსნები" | უელსთან მატჩისწინა პრესკონფერენცია
"ბორჯღალოსნები" | უელსთან მატჩისწინა პრესკონფერენცია
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
როგორ განწყობაზეა ჩვენი მეტოქე? - "ჩიტასის" შემადგენლობა
"ბორჯღალოსნები" | შემადგენლობა დასკვნითი მატჩისთვის
საქართველოს ნაკრები უელსთან ბრძოლაში დამარცხდა [VIDEO]
ბოლო წუთებამდე ბრძოლაში - "ბორჯღალოსნები" "ჩიტასთან" დამარცხდნენ
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება