მილტონ ჰეიგი: ამიტომ მნიშვნელოვანია, რომ უელსთან ძალიან კარგად ვითამაშოთ [VIDEO]

დიდ მატჩამდე 24 საათით ადრე ხვალ კარდიფში, საქართველოს დროით 18:30 საათზე უელსთან გასამართ მატჩამდე ერთი დღით ადრე, მილთონ ჰეიგმა და მერაბ შარიქაძემ ჟურნალისტებისთვის პრესკონფერენცია გამართეს. ჰეიგის მისამართით დასმული პირველი კითხვა უელსელთა გადახალისებულ შემადგენლობას ეხებოდა. ახალ ზელანდიელი სპეციალისტი არ ფიქრობს, რომ ამით უელსელთა თამაშს სიმწვავე დააკლდება:„მსგავს ცვლილებებს ველოდით, რადგან უელსმა გასულ კვირაში ოთხმატჩიანი ტესტ-სერია დაიწყო და ასეთ დროს ყველა თამაშის ერთი შემადგენლობით ჩატარება ძალიან რთულია. ეს ცვლილებები ჩვენთვის არაფერს ცვლის. ჩვენს წინააღმდეგ ის მორაგბეები წარსდგებიან, რომლებიც უელსის სანაკრებო სისტემაში „იხარშებიან“ და მაღალი ხარისხის თამაშით გამოირჩევიან. ეს ცვლილება ორპირიან ხმალს წააგავს - შესაძლოა ამ ბიჭებს ნაკლები გამოცდილება ჰქონდეთ, თუმცა მეორეს მხრივ იღებ ღონეს, მოტივაციას და ენთუზიაზმს. ხვალინდელი შეხვედრა ყველა მათგანისთვის უმნიშვნელოვანესია, რადგან ეცდებიან მწვრთნელებს დაანახონ, რომ ამ კვართის ტარების ღირსნი არიან“ჟურნალისტები ბორჯღალოსნების ვარჯიშის სიტემითაც დაინტერესდნენ, რომლის დროსაც ბურთს დიდი ყურადღება ეთმობოდა:„ბოლო ექვსი წელიწადია ბურთით ვარჯიშს დიდი ყურადღება ეთმობა. ჩვენი ფილოსოფიაა, რომ როდესაც შესაძლებლობა მოგვეცემა ბურთი გავშალოთ და ამას ვაკეთებთ კიდეც. არა აქვს მნიშვნელობა ვინაა მოწინააღმდეგე, თუ სწრაფად ასუფთავებ რაქებს და სისწრაფეში ქმნი შესაძლებლობებს, გაქვს უნარი, რომ წნეხის ქვეშ მიიღო და გასცე პასები, მაშინ ნებისმიერ მეტოქეს შეუქმნი პრობლემებს და ჩვენი მიზანი სწორედ ესაა“ - ამბობს ჰეიგი და ძლიერ მეტოქეებთან ხშირად თამაშის მნიშვნელობაზე საუბრობს:„უელსის ნაკრებს 2019 წლის მსოფლიო თასზეც შევხდებით და ახლა ერთმანეთს ძალებს მოვუსინჯავთ. ჩვენ ვაფასებთ ამ შესაძლებლობას და უნდა დავამტკიცოთ, რომ ძლიერი გუნდების წინააღმდეგ კარგად თამაში შეგვიძლია. კვირის დასაწყისში გუნდში ვისაუბრეთ, რომ შარშან ეს შოტლანდიასთან არ გამოგვივიდა, თუმცა ერთი წლის თავზე ჩვენი თავდაჯერებულობა გაიზარდა და რადაც არ უნდა დაგვიჯდეს, ახლა მეტის გაკეთებას უნდა ვეცადოთ“პრესკონფერენციას ექვსი ერის ხსენების გარეშე არ ჩაუვლია:„მხოლოდ ძლიერ მეტოქეებთან თამაშით შეძლებ დაინახო რამდენად განვითარდი. ტიერ ერთის ქვეყნებთან კარგი თამაში, იქნება მკაფიო მესიჯი, რომ უფრო მეტ ასეთ შეხვედრას ვიმსახურებთ. ასევე ეს იქნება შესაძლებლობა, რომ გაგრძელდეს საუბრები ექვსი ერის კარის გახსნასთან დაკავშირებით. სწორედ ამიტომ მნიშვნელოვანია, რომ ხვალ ძალიან კარგად ვითამაშოთ. ჩვენ მხოლოდ ჩვენი თამაშის გაკონტროლება შეგვიძლია და თუ კარგად თამაშს და პროგრესს განვაგრძობთ, დარწმუნებული ვარ ადრე თუ გვიან ასეთი გადაწყვეტილების მიღების დროც დადგება“.„გულშემატკივარს ჩვენი სჯერა“მერაბ შარიქაძემ კვირის დასაწყისში ვარჯიში გამოტოვა, თუმცა ახლა თავს კარგად გრძნობს და ფიქრობს, რომ უელსთან ჯახს გუნდიც კარგ ფორმაში ხვდება:„ექიმებმა კარგად მიმკურნალეს და ახლა ყველაფერი რიგზეა. გუნდიც ბრწყინვალე ფორმაშია და იმედია ხვალ ჩვენი შესაძლებლობების მაქსიმუმს ვაჩვენებთ. 2015 წლის მსოფლიო თასზე ამ სტადიონმა ძალიან კარგი მოგონებები დაგვიტოვა და იმედია ეს გამოცდილება ხვალინდელ მატჩშიც დაგვეხმარება“.კაპიტანი ფიქრობს, მეტოქის უპირატესობა სწრაფი თამაში იქნება, კანადასთან 54:22 მოგების შემდეგ კი, ქართველი გულშემატკივარი ძლიერ მეტოქესთან კარგი თამაშის მოლოდინშია:„უელსის მთავარი სიძლიერე სწრაფი თამაშია. ისინი ნახავდნენ ჩვენი და კანადის შეხვედრას, ეცდებიან ბურთი სწრაფად გაათამაშონ და უპირატესობა ამის ხარჯზე მოიპოვონ. ქართველი ქომაგი რაგბში ძალიან კარგადაა გათვითცნობიერებული და ზუსტად იციან რა სიძლიერის გუნდთან მოგვიწევს შეხვედრა, თუმცა კანადასთან კარგი თამაშისა და გამარჯვების შემდეგ, მათ ბევრად მეტი უნდათ. მათ ჩვენი სჯერათ და გამარჯვების მოლოდინში არიან“.შარიქაძეს პრესკონფერენციაზე ჰართპურიშინ გატარებულ წლებზე და უელსისა და გლოსთერის ფლანკერ როს მორიარტიზეც კითხეს:„ეს ჩემთვის დიდი გამოცდილების ორი საოცარი წელიწადი იყო. იქ ძალიან ბევრი რამ ვისწავლე, რაც კარიერაში გამომადგა და ამისათვის ჰართპური კოლეჯის მადლობელი ვარ. მორიარტი ჩემი მეგობარია, ჩვენ ჰართლპურიში ერთად ვსწავლობდით და ვთამაშობდით. სამწუხაროდ, ახლა ის ტრავმირებულია და მას გამოჯანმრთელებას ვუსურვებ“.<iframe src="https://www.facebook.com/plugins/video.php?href=https%3A%2F%2Fwww.facebook.com%2FGeorgianRugby%2Fvideos%2F1531193546977739%2F&show_text=0&width=560" style="border:none;overflow:hidden" width="560" height="315" scrolling="no" frameborder="0"></iframe>მომზადებულია Rugby.ge-ს მიხედვით

boria

ვინმემ დადეთ რა სად უყურო ლაივს
ალეკო

ღმერთმა ხელი მოგიმართოდ!
777

დაჰკრეს ნაღარა, გულნი შეზარა... უუუხ, მიაწექით ლომებო
გიორგი

როდესაც თქვენ გხედავთ, გული სიამაყით მევება, რომ ქართველი ვარ. ღირსეულად უნდა ვითამაშოთ, რისი იმედიც ქართველების 90%-ს აქვს...
badri

შესანიშნავი და ღირსეული კაპიტანი ჰყავს ბორჯღალოსნებს, ნამდვილი ლიდერი და პროფესიონალი, მელიტონას არც აქ უღალატა ინტუიციამ. მერაბ შარიქაძე არის მაგალითი ყველა სპორტსმენისათვის, განსაკუთრებით ფეხბურთელებისათვის. დიდებული მორაგბეა.
aleko

რო იცოდეთ მანდ ქინქლაძემ რამდენიმე წლის წინ ფეხბურთის გაკვეთილი ჩაუტარა უელსელებს. ეხლა დროა რაგბიშიც ვასწავლოთ რამე ახალი:D
gio

მგონია რომ ფიზიკურად ყველასთან თამაში შეგვიძლია. გავიხსენოთ ახალ ზელანდიასთან თამაში 2015ში. მიდით ბიჭებო ყველაფერი კარგად იქნება!
Giga

Mjera da mwams rom dgevandeli dge ragbis istoriashi sheva dges chveni qveynis vajkacebi amistvs dual gones ar daushureben as qveyanas asaxekeben
გულშემატკივარ

დღევანდელ დღეს 53 წლის წინათ ქართველმა ფეხბურთელებმა ისტორია შექმნეს, გახდნენ რა საბჭოთა კავშირის ჩემპიონები. დღეს რეგბისტებს აქვთ შანსი თვისობრივად ახალ ეტაპზე აიყვანონ ჩვენი რაგბი.
სოსო

თქვენ ვაჟკაცები ხართ!წინ კი სახელია! დავუმტკიცოთ უელსელებს რომ ჩვენც შეგვიძლია რაღაცა.
tazo

ღმერთი თქვენთან ბიჭებო!გვიყვარხართ და ვამაყობთ თქვენით!წარმატებები!თუ ისე იფრენთ როგორც კანადასთან !!!!!!!:)):)):)):))
გია

მსაჯის მეშინია...
guri

შევაზანზაროთ უელსი.
ირაკლიუსი

მიდით ბიჭებო, ბოლომდე დაიხარჯეთ თქვენებურად და რაც იქნება იქნება, ჩვენ უბრალო ხალხს მხოლოდ გამარჯვებების გამო კი არ გვიყვარხართ არამედ მონდომებისთვის და ერთგულებისთვის.... ღმერთი ჩვენსკენ

ბექა გორგაძე: ამ ყველაფრის გადაყლაპვა ძალიან რთულია

[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა

"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა

პერესის რჩეული - "რეალი" ოლისეს სუპერ ტრანსფერისთვის ემზადება?

სპალეტის იმედი აღარ აქვს - კლუბი დევიდის წასვლას ხელს არ შეუშლის

ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ

"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

საქართველოს ნაკრები რუმინეთთან ამხანაგურ მატჩს გამართავს

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება

ბათუმმა ზედიზედ მეოთხე გამარჯვება ორბთან იზეიმა

[VIDEO] პსჟ-მდე "ჩელსი" სახლში "ნიუკასლთან" დამარცხდა

[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა

[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა

VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს

სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო

რაგბი ევროპა | ფინალისთვის შემადგენლობა შეირჩა

[VIDEO] "ბორჯღალოსნებმა" რუმინეთის ნაკრები დაამარცხეს და რაგბი ევროპის ფინალში გავიდნენ!

იოსებ ტყემალაძე: მოგვეცით საშუალება ასეთ ატმოსფეროში ხშირად ვითამაშოთ

"ბორჯღალოსნები" | უელსთან მატჩისწინა პრესკონფერენცია

"ბორჯღალოსნები" | ფინალისთვის 35 მოთამაშე ემზადება

საქართველოს ნაკრები უელსთან ბრძოლაში დამარცხდა [VIDEO]

რაგბი ევროპა | მე-18-ე ტიტულისთვიის პორტუგალიასთან მადრიდში

ბექა გორგაძე: ამ ყველაფრის გადაყლაპვა ძალიან რთულია

"ბორჯღალოსნები" | შემადგენლობა დასკვნითი მატჩისთვის

"ბორჯღალოსნები" | დასკვნითი მატჩი ჯგუფის ლიდერ უელსთან