ვენგერი გიყურებთ და გამოგცვლით

„არსენალის“ ვეტერანი მცველი მარტინ კიოუნი ამბობს, რომ „მეთოფეების“ დღევანდელმა შემადგენლობამ სეზონი წარმატებით უნდა ჩაამთავროს, რადგან, წინააღმდეგ შემთხვევაში, ბევრ მათგანს გუნდიდან გააპანღურებენ. „არსენალის“ ვეტერანი მცველი მარტინ კიოუნი ამბობს, რომ „მეთოფეების“ დღევანდელმა შემადგენლობამ სეზონი წარმატებით უნდა ჩაამთავროს, რადგან, წინააღმდეგ შემთხვევაში, ბევრ მათგანს გუნდიდან გააპანღურებენ. გეხსომებათ: „არსენალს“ ერთბაშად ოთხი ტიტულის მოგების იმედი ჰქონდა და ერთთან მეტისმეტად ახლოსაც იყო — „ქარლინგის თასის“ ფინალში გახლდათ გასული, მაგრამ ბირმინგემელი ობაფემი მარტინსის მიერ ბოლოწამს გატანილმა გოლმა ჯილდო ხელიდან გამოსტაცა და წარუმატებლობებსაც იქ დაედო საფუძველი. შემდეგი ხელის მოცარვა ლონდო ნელებს ჩემპიონთა ლიგაში ელოდათ, სადაც მერვედფინალიდან „ბარსელონამ“ გამოაგდო. ამას მოჰყვა მარცხი ინგლისის ფეხბურთის ასოციაციის თასზე, „მანჩესტერ იუნაიტედთან“.ამრიგად, „მეთოფეებს“ ოთხი მიზნიდან ერთიღა შემორჩათ — პრემიერლიგა, სადაც, ბოლო ტურში, „ბლექბერნთან“ 0:0 ითამაშეს (თან, „ბლექბერნი“ ბოლო 15 წუთის განმავლობაში ათი კაცით დარჩა მოედანზე) და ლიდერს უკვე 7 ქულით ჩამორჩნენ. ამ ყოველივეს შემყურე კიოუნი ამბობს, რომ „არსენალის“ რამდენიმე ფეხბურთელისთვის ეს გაზაფხული გუნდში ადგილის შესანარჩუნებლად იქნება მნიშვნელოვანი. ყოფილმა ვარსკვლავმა, რომელმაც არსენ ვენგერის ხელმძღვანელობით სამჯერ მოიგო პრემიერლიგის ტიტული, თქვა:„მე, როგორც შეჯიბრებებში გამოცდილი ადამიანი, ვგრძნობ, რომ „არსენალს“ ჯერ კიდევ შეუძლია გახდეს ინგლისის ჩემპიონი, მაგრამ ამისათვის საჭიროა „მანჩესტერ იუნაიტედმა“ წააგოს. ცხოვრებაში კი ყველაფერი ხდება. ხანდახან, როდესაც გგონია, რომ შენთვის ყველაფერი ცუდად მიდის, სწორედ მაშინ გეძლევა ძალა. „არსენალმა“ ახლა უნდა აჯობოს საკუთარ თავს და სეზონი ეფექტურად ჩაამთავროს, თორემ შანსი თითებს შორის წყალივით გაუცურდება. ამწუთას ფეხბურთელებს კიდევ აქვთ შესაძლებლობა გმირობა ჩაიდინონ და კლუბის ისტორიაში ჩაეწერონ, თუმცა ამას გამარჯვების საგანგებო წყურვილი სჭირდება. თუ ფეხბურთელები გულის სიღრმეში მეორე ადგილზე ყაბულს არიან, მაშინ სადღაც რაღაც არის შესაცვლელი.ყველაზე ადვილია გამოაცხადო, რომ ზაფხულში ახალ ფეხბურთელებს იყიდი და მდგომარეობას ასე გამოასწორებ. მეორე მხრივ, ეს, ალბათ მართლა ასე მოხდება, რადგან „არსენალი“ სიახლეს საჭიროებს. ამ გუნდში წლები მაქვს გატარებული და ვენგერს კარგად ვიცნობ. ეს ადამიანი თითოეულ ფეხბურთელზე გარკვეულ დროს ხარჯავს, მაგრამ რომ დაინახავს, რომ მავანისგან მეტს ვეღარაფერს გამოსწურავს, ახალს ყიდულობს. ზუსტად იგივე მოუვა „არსენალის“ დღევანდელ მოთამაშეთა ჯგუფს, თუკი ისინ ამ გაზაფხულზეც ძველებურად განაგრძობენ და ტიტულის გარეშე დარჩებიან“.თუკი ჩრდილოლონდომელებმა ვერც ამ სეზონში გაიმარჯვეს, გამოვა, რომ მათ ზედიზედ შვიდი სეზონია არაფერი მოუგიათ. ეს შემაშფოთებელი რიცხვია. „მეთოფეებმა“ ბოლო წარმატებას 2005 წელს მიაღწიეს, როდესაც ფეხბურთის ასოციაციის თასის ფინალში „მანჩესტერ იუნაიტედი“ დაამარცხეს. ბოლო ტურში, „ბლექბერნთან“ უკვე ნახსენები 0:0-ის შემდეგ „ემირეიტ სთედიუმი“ გამაყრუებელმა „ბუუმ“ წალეკა, მაგრამ ამის მიუხედავად კიოუნი ამბობს, რომ ფანები ვენგერზე უკეთეს მწვრთნელს ვერ იპოვნიან და მას მხარი უნდა დაუჭირონ.„არსენმა ამ წლების განმავლობაში ფანებიც გაზარდა. მან ისინი დიდ ფეხბურთს მიაჩვია და დღეს „არსენალი“ მდიდარი კლუბი რომ არის, ესეც ვენგერის სწორი მუშაობის დამსახურებაა.გულშემატკივარს გუნდში ზოგიერთ პოზიციაზე უკეთესი ფეხბურთელის მიყვანა უნდა, მაგრამ ხალხს ავიწყდება, რომ კლუბმა სპეციალურად შეიმუშავა ფეხბურთელების აღზრდის ხუთწლიანი პროგრამა. საქმე ის გახლავთ, რომ „ემირეიტ სთედიუმის“ აშენებას დიდძალი ფული დასჭირდა და „მეთოფეები“ მზა ვარსკვლავების ყიდვაზე დიდძალი თანხების ხარჯვას გაურბოდნენ. მაგრამ, თუ ეს სეზონიც ტიტულის გარეშე დასრულდება, „არსენალს“ სხვა გზა არ ექნება, ზაფხულში ბაზარში გავა და ჯიბეზე ხელსაც გაიკრავს. და თუ საქმე ფულის ხარჯვაზე მიდგა, დედამიწის ზურგზე არ მეგულება ადამიანი, რომელმაც არსენ ვენგერზე უკეთ იცის ეს საქმე“.მაინც რა სჭირდება „არსენალს“ მომავალ ზაფხულს? კიოუნის აზრით განსაკუთრებული არაფერი.„ვფიქრობ, გუნდს რამდენიმე გამოცდილი ფეხბურთელის შეძენა მოუხდებოდა. დაე, ამ ფეხბურთელებს ნუ ექნებათ ძირითად შემადგენლობაში ადგილი გარანტირებული, მაგრამ კონკურენციას სხვა საფეხურზე აიყვანენ. ყველაფერს ერთი გამოცდილი ნახევარმცველისა და მეკარის დამატება აჯობებდა. მანუელ ალმუნიას მუდამ თავდაჯერებულობა აკლია, ვოიცეხ შჩესნიმ კი კარგად დაიწყო, მაგრამ ჯერ კიდევ დასამტკიცებელი აქვს შეძლებს თუ არა „არსენალის“ ძირითად მეკარეობას.ტომას ვერმაელენის გამოჯანმრთელება ნამდვილად ახალი მცველის ყიდვასავით იქნება, ლორან კოშელნის თვისებები კი მომწონს, მაგრამ ჯერ პირველი სეზონი ჰქონდა.ერთადერთი კაცი, ვინც გუნდში სუფთა ჰაერივით შემოიჭრა ჯეკ უილშირია. საოცარია, საკმარისია ამ ბიჭმა ბურთი მიიღოს, რომ შეტევას იწყებს“.

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

მამის ნაკვალევზე - ისაგო სილვამ "ჩელსისთან" კონტრაქტი გააფორმა

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება