<p>მსოფლიო რაგბის 20-წლამდელთა ჩემპიონატისთვის მზადება დასკვნით ფაზაში შედის. გუნდი შევარდენზე 3-კვირიან შეკრებაზე 19 მარტს შევიდა და ფიზმომზადების პირველი კვირა პარასკევს, ტესტებით დაასრულა.</p><p>ფრანგული ტურნედან დაბრუნების შემდეგ, სადაც გუნდმა საფრანგეთის 20-წლამდელთა განვითარებად ნაკრებთან ორი თამაში გამართა (პირველი 19:24, მეორე 14:0), პირველად შეიკრიბა. გუნდის მწვრთნელი ლადო კილასონია ამბობს, რომ განვლილ შეკრებაზე სათამაშო ელემენტების დახვეწას დიდი ყურადღება დაეთმო, ახლა კი, უპირატესობა ფიზ. მომზადებას ენიჭება:</p><p>"ფრანგული ტურნე მნიშვნელოვანი და სასარგებლო იყო. დაცვითი სისტემა მაღალ ტემპში მოთამაშე გუნდთან გავტესტეთ და კმაყოფილები დავრჩით. განსაკუთრებით კარგი დაცვა გვქონდა მეორე მატჩში, ღია თამაშში სულ ორჯერ დავჯარიმდით, რაც მსოფლიო დონის გუნდების სტანდარტია. გუნდი შეიკრა და საკუთარი თავის ირწმუნა, რაც ასევე მნიშვნელოვანია. გამოჩნდა, რომ შეტევაში დეტალებზე ბევრი გვაქვს სამუშაო.</p><p>ახლა 3-კვირიან შეკრებაზე ვართ და გამომდინარე იქიდან, რომ საფრანგეთში სარაგბო ელემენტები მეტ-ნაკლებად დახვეწილი იყო, უფრო მეტი ყურადღება ფიზმომზადებას ეთმობა. ვემზადებით სამხრეთ აფრიკული ტურნესთვის, სადაც 9 აპრილს მივემგზავრებით და მესამე კვირაში ბურთის ჩართულობა გაიზრდება".</p><p>შეკრებაზე 36 მორაგბეა და ისინი კვირის პირველი ხუთი დღე ვარჯიშობენ, პარასკევს საღამოს სახლში მიდიან და ისვენებენ, კვირას კი "შევარდენის" ბაზაზე ბრუნდებიან:</p><p>"პირველი კვირით კმაყოფილები ვართ. გვქონდა ფიზ. მომზადების, ძალოსნური და ბურთით ვარჯიშები. გვსურს, რომ ჩვენი მზადება მაქსიმალურად მივუახლოვოთ სათამაშო სიტუაციას, სადაც ყველა ეს კომპონენტი არეულად გვხვდება და ვარჯიშებიც ასე დავგეგმეთ. დღეს ყველაზე რთული დღე გვქონდა, ბიჭები ფიზიკურად განსაკუთრებით დავტვირთეთ და სასიხარულოა, რომ დავალებას ყველამ გაართვა თავი. ჩანს, რომ მსოფლიო თასისთვის ფიზიკურად კარგ მდგომარეობაში ვიქნებით"</p><p>მომდევნო კვირაში აქცენტი კვლავ ფიზმომზადებაზე გაკეთდება, თუმცა მწვრთნელები არც სათამაშო ასპექტებს ივიწყებენ. ამ ეტაპზე გუნდს კვლავ აკლია ლეგიონერები და 18-წლამდელთა ნაკრებში გამოძახებული მორაგბეები, რომლებიც 25 მარტიდან 31 მარტის ჩათვლით პოლონეთში ევროპის ჩემპიონატს ითამაშებენ, რის შემდეგაც 20-წლამდელთა ნაკრებს შეუერთდებიან.</p><p>შეკრებაზე არიან:</p><p>გურამ გოგიჩაშვილი (ლოკომოტივი), გიორგი ნუცუბიძე (ჯიქი), გიორგი ახალაძე (აია), გიორგი დიასამიძე (ლელო), ლევან პაპიძე (ლელო), თენგიზ ზამთარაძე (ლელო), გიორგი მენაბდე (ბათუმი), სოსო ჭყოიძე (ლელო), გიორგი ხარაიშვილი (ხაშური), ლუკა ჯაფარიძე (ლელო), გიგა გრიგალაშვილი (ლელო), ლუკა გელაშვილი (ჯიქი), თორნიკე ჯალაღონია (ჯიქი), ბექა საღინაძე (ლელო), სანდრო კალმახელიძე (არმია), თენგიზ გიგოლაშვილი (არმაზი), სანდრო მამამთავრიშვილი (ლელო), არჩილ აბესაძე (ლელო), რატი ჟორჟოლიანი (ლელო), არსენ მაჩალაძე (აია), საბა ჯღარკავა (ლელო), ლუკა დვალიშვილი (არმაზი), ელგუჯა კიკვაძე (ბაგრატი), თენგიზ პერანიძე (ლელო), რევაზ ხარაზიშვილი (ლოკომოტივი), გიორგი წიკლაური (ჯიქი), სანდრო სვანიძე (არმაზი), ლევან ნარიმანიძე (ხარები), ოთარ ძაგნიძე (აია), ბექა აბულაშვილი (ლელო), კოტე მარჯანიშვილი (ჩოხოსნები | ლოკომოტივი), ბექა მამუკაშვილი (ლელო), დურმიშხან ჯაბნიძე (ბათუმი), შოთა სეფაშვილი (ჩოხოსნები), რამაზ ნიქაბაძე (ლელო), გიორგი ასათიანი (ლელო).</p><p>მთ. მწვრთნელი: ილია მაისურაძე, მწვრთნელები: ლადო კილასონია, ზურა ამონაშვილი, ფიზ. მომზადება: გიორგი ნადარეიშვილი, გივი ნადარეიშვილი, ვიდეო: ვლადიმერ კუპრეიშვილი, ფიზიო: ირაკლი შაორშაძე, რომან სახოკია, ექიმი: ოდისეი სადოევი, მენეჯერი: ოთარ იაშვილი</p><p><strong></p><p>მომზადებულია rugby.ge-ს მიხედვით</strong><br></p>
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
საქართველოს 20-წლამდელთა ნაკრები ევროპის B დივიზიონში ასპარეზობას იწყებს
მსოფლიო რაგბის 20-წლამდელთა ჩემპიონატი 2023 წელს აღდგება
20 წ. | მზადება მსოფლიო ჩემპიონატისთვის
ლადო კილასონია: საფრანგეთთან თამაში ძალიან მაგარი ბიძგი იყო
"ჩვენ ვართ ტიერ1 - საქართველო ტიერ2-ის სარაგბო ქვეყანა არაა" - რა ითქვა ახალზელანდიელებთან ნამატჩევს
20 წ. | ლადო კილასონია – იგრძნობა სურვილი, გავხდეთ უკეთესები
U20. კალათბურთი. პორტუგალია-საქართველო [LIVE]
"უმცროსი ბორჯღალოსნები" არგენტინასთან განადგურდნენ
20 წ. | ლადო კილასონია: ამაყი ვარ ამ გუნდს რომ ვწვრთნიდი
U20. კალათბურთი. საქართველო-ესტონეთი [LIVE]
16-თვიანი პაუზიის შემდეგ - ქართველები არგენტინელების წინააღმდეგ!
20 წ. | ლადო კილასონია – ფოკუსირება დეტალებზე