<p>"უმცროსი ბორჯღალოსნები" შოტლანდიას ცვლილებებით და გადაადგილებებით ხვდებიან <br> ხვალ ნაშუადღევს, საქართველოს დროით 15:30 საათზე, უმცროსი ბორჯღალოსნები 2018 წლის მსოფლიო ჩემპიონატის დასკვნით მატჩში შოტლანდიას, ბეზიეში ეთამაშებიან.</p><p>2016 წლიდან დღემდე, უმცროსმა ბორჯღალოსნებმა 20-წლამდელთა ჩემპიონატზე 14 თამაში გამართეს, თუმცა აქამდე შოტლანდიას არასდროს შეხვედრია.</p><p>სქოთებმა ბეზიეში წლევანდელ ტურნირზე ორჯერ ითამაშეს: ჯგუფური ეტაპის პირველ მატჩში იტალიასთან უკანასკნელ წუთზე გაშვებული ლელოთი 26:27 დამარცხდა, ხოლო დასკვნით ტურში ინგლისთან 10:35 წააგო. ჯგუფური ეტაპის კიდევ ერთ შეხვედრაში მას არგენტინამ 29:13 მოუგო. 12 ივნისს, მე-9 ადგილის ნახევარფინალში შოტლანდიამ ირლანდია 45:29 დაამარცხა და გაისად 12-გუნდა ელიტაში თამაში დაიბევა.</p><p>საქართველომ ჯგუფურ ეტაპზე ირლანდიას 24:20 მოუგო, მანამდე სამხრეთ აფრიკას მცირედით ჩამორჩა (27:33), ხოლო ბეზიეში ფინალისტს, მასპინძელ საფრანგეთს შეხვდა - 12:24. მე-9 ადგილის ნახევარფინალში უმცროსი ბორჯღალოსნები კერკეტ იაპონიას შეხვდნენ და მატჩის უმეტესი დრო მდევრის როლში გაატარეს, თუმცა დასკვნით 10 წუთში 2 ლელო გაიტანეს და 24:22 იმარჯვეს, რითაც ელიტურ 12-ში ზედიზედ მეოთხედ თამაშის უფლება დაიბევეს.</p><p>შოტლანდიამ 2008 წლიდან დღემდე 20-წლამდელთა ყველა ჩემპიონატი ითამაშა და საუკეთესო შედეგი შარშან, საქართველოში აჩვენა - მე-5 ადგილი. საქართველო განვლილ ორ ჩემპიონატში მე-4 თამაშებს იგებდა და ორივეჯერ მე-10 ადგილზე გავიდა. წელს პირველად, უმცროსმა ბორჯღალოსნებმა ტურნირზე ორი თამაში მოიგეს და მესამე გამარჯვების შემთხვევაში მათთვის უმაღლეს, მე-9 ადგილს შეწვდებიან.</p><p><strong>ცვლილებებით და გადაადგილებებით</strong></p><p>ილია მაისურაძემ, ლადო კილასონიამ და ზურა ამონაშვილმა, იაპონიასთან ნაომარ შემადგენლობაში რამდენიმე ცვლილება და გადაადგილება განახორციელეს. პირველ ხაზში კვაჭმა <strong>ლევან პაპიძემ</strong> და მარჯვენა ბურჯმა <strong>ლუკა ჯაფარიძემ</strong> ადგილი შეინარჩუნეს, ხოლო მარცხენა ბურჯად <strong>გურამ გოგიჩაშვილის</strong> ნაცვლად თამაშს <strong>გიორგი ნუცუბიძე</strong> იწყებს, რომელიც მარქაფიდან დაწინაურდა.</p><p>წლევანდელ ტურნირზე შერკინების მეორე ხაზში მეორედ ითამაშებს<strong> არსენ მაჩალაძე</strong>, რომელიც იაპონიასთან შერკინების შემკვრელი იყო. მას <strong>ლაშა ჯაიანი </strong>შეუწყვილდება, რომელმაც ძირითადში ადგილი შეინარჩუნა.</p><p>მეორე ხაზიდან ფლანკერად გადაინაცვლა გუნდის კაპიტანმა <strong>ბექა საღინაძემ</strong>, მეორე ფლანკერი <strong>თენგიზ გიგოლაშვილია</strong>, ხოლო <strong>თორნიკე ჯალაღონიამ</strong> შემკვრელად გადაინაცვლა. მან ამ პოზიციაზე საფრანგეთის და ირლანდიის წინააღმდეგ ითამაშა.</p><p>კვლავ უცვლელია ღერძი - <strong>გელა აფრასიძე</strong> და <strong>თედო აბჟანდაძე</strong>. სამხრეთ აფრიკასთან მატჩის მსგავსად, ცენტრში <strong>ლაშა ლომიძე </strong>და <strong>სანდრო სვანიძე </strong>შეწყვილდებიან, ერთი ფრთა დემურ სვანიძე იქნება, რომელმაც ოთხივე განვლილ მატჩში ითამაშა, ხოლო <strong>კონსტანტინე მარჯანიშვილი</strong> ძირითადში პირველად გამოჩნდა. უცვლელია ფლანკერი -<strong> ბექა მამუკაშვილი</strong>.</p><p><strong>მომზადებულია rugby.ge-ს მიხედვით</p><p><img src="pictures/artimages/original/f20ab980816a9e256a010a9e35a591e2.jpg" border="0" alt="Sportall.Ge" title=""უმცროსი ბორჯღალოსნები" შოტლანდიას ცვლილებებით და გადაადგილებებით ხვდებიან" /></strong></p>
სოსო
წარმატებაც იყო,კარგი თამაშიც და ისიც დაამტკიცეს,რომ მარტო მაგრები კი არ არიან,არამედ ძალიან მაგრებიც და უფრო მეტიც.გაიხარეთ ვაჟკაცებო,როგორც მე გამახარეთ.როგორც ჩვენ გაგვახარეთ.
ალეკო
თქვენ მაინც გაგვახარეთ, წარმატებას გისურვებთ
GIO
franceinfo-ზე მოძებნი
ნათია
აქ ძალიან ბევრი სტატიაა ასეთი. თავიდან მეც ვწერდი, რომ გაასწორეთთქო, მაგრამ კიდიათ.
სოსო
წარმატებები და კარგი თამაში ბიჭებო.თქვენ უკვე დაამტკიცეთ რომ მაგრები ხართ.ახლა დროა დაამტკიცოთ,რომ ძალიან მაგრები ხართ.ველი გამარჯვებას.
emigranti
სად ვუყუროთ, რაგბი ტვ-ზე იქნება? ან ლინკი დადეთ ძალიან გთხოვთ.
b-52
სტატიაში უზუსტობებია, გაასწორეთ.
"შავი ლომი" | არის რევანში - "ჩიტასი" დამარცხებულია
"შავი ლომი" | ქოქრილმა "ჩიტასთან" პირველი მატჩისთვის შემადგენლობა დაასახელა
ქართველი მსაჯები ტესტ-მატჩებსა და რაგბი ევროპის სუპერ თასზე
"მანჩესტერ იუნაიტედთან" მატჩში "ლივერპულის" შემადგენლობა ცნობილია
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კანტე ევროპაში ბრუნდება? - ფრანგს სერიოზული მსურველი ჰყავს