<p><p><p>ჩემპიონთა ლიგის პირველ საკვალიფიკაციო ეტაპზე ქუთაისის "ტორპედომ" ტირასპოლის "შერიფი" 2:1 დაამარცხა.</p></p></p><p><p><p> <p></p></p> მატჩი ქართველი გულშემატკივრისთვის საკმაოდ დაძაბული და ეფექტური სანახავი გამოდგა. გთავაზობთ "ტორპედოს" ფეხბურთელების 10-ბალიან შეფასებას.</p><p><strong>როინ კვასხვაძე <span style="color: #0000ff;">6.0</span></strong> - ქუთაისელთა მეკარეს განსაკუთრებული დატვირთვა არ ჰქონია. მის კარს ხიფათისაგან ცენტრალური მცველები იცავდნენ, ხოლო როცა საქმეში ჩართვა უწევდა, ურიგოდ არ გამოიყურებოდა. თუმცა გოლის მომენტში მან კარიდან ბურთი ცუდად გამოიტანა, რასაც "შერიფის" შედეგიანი შეტევა მოჰყვა.</p><p><strong>ლევან გეგეჭკორი<span style="color: #0000ff;"> 5.5</span> </strong>- ლევანს ახალ გუნდთან შეთამაშება გაუჭირდა და რიგ მომენტებში არასტაბილურად გამოიყურებოდა. მთავარი პრობლემა, რაც გეგეჭკორს უნდა გადაეჭრა, ეს ბოსნიელი შემტევის, ბადიბანგას განეიტრალება იყო, რაც სამწუხაროდ, ვერ მოახერხა და შეტევების უმეტესობა მის ფლანგზე იწყებოდა. თუმცა უნდა აღინიშნოს ისიც, რომ ბადიბანგა მოედანზე, რასაც უნდოდა, იმას აკეთებდა და ის მარტო გეგეჭკორის თავის ტკივილი არ იყო.</p><p><strong>მამუკა კობახიძე</strong> <strong><span style="color: #0000ff;">7.0</span></strong> - 25 წლის მცველმა ახალ გუნდს კარგად აუღო ალღო და ერთ-ერთი საუკეთესო იყო. "შერიფის" ბომბარდირის, ალჰაჯი კამარას და სხვა შემტევების განეიტრალება კობახიძისა და მისი მეწყვილის დამსახურება იყო. ის მეტოქეთა თავდამსხმელებს თავისუფალ ზონებს არ უტოვებდა და ერთი-ორი მომენტის გარდა, სტაბილურად გამოიყურებოდა.</p><p><strong>ალექსანდრ აზაცკი</strong> <strong><span style="color: #0000ff;">7.0</span></strong> - კობახიძის მსგავსად, "ტორპედოს" ახალწვეულმა ნორმალური შეხვედრა ჩაატარა და დაცვით ფაზაში კარგად ირჯებოდა. გამოსარჩევია უკრაინელი ლეგიონერის თავით თამაში. ის ხშირად ამ კომპონენტში გამარჯვებული გამოდიოდა. რა თქმა უნდა, უშეცდომოდ მასაც არ უთამაშია, თუნდაც გოლის მომენტში, მაგრამ მისი ასპარეზობა ნებისმიერ შემთხვევაში დადებითად უნდა შეფასდეს.</p><p><strong>ლაზარ მარინი <span style="color: #0000ff;">5.5</span> </strong>- ბულგარელი ლეგიონერი მოედანზე ჩაკარგული იყო და ეტყობოდა, რომ გუნდთან შეთამაშებული არ იყო. მეორე მხრივ, მის ფლანგზე შეტევებიც ნაკლებად იქმნებოდა, რაც მას არ ტვირთავდა და თამაშის საერთო კომპოზიციიდან ცოტა შორს იყო. შეტევებს კი მარცხენა ფლანგზე გიორგი ქიმაძე ხელმძღვანელობდა.</p><p><strong>მათე ცინცაძე</strong> <strong><span style="color: #0000ff;">8.0</span></strong> - ცინცაძე ისეთ შთაბეჭდილებას ტოვებდა, თითქოს მთელი სეზონი "ტორპედოში" გაატარა. ის ზუსტ და გამოზომილ პასებს აკეთებდა, ქმნიდა შეტევებს და გუნდს დირიჟორობდა. ერთადერთი, დაცვით ფაზაში არ იყო ისეთი აქტიური და მეტი სიხისტე მართებდა.</p><p><strong>მარეკ გლინკა</strong> <strong><span style="color: #0000ff;">6.5</span></strong> - როგორც ჩამშლელს, ჰლინკას უფრო მეტი სირბილი და აქტიურობა მოეთხოვებოდა, ცოტა მძიმედ მოძრაობდა და მის კონკურენტებს არ უჭირდათ მისი ბარიერის გადალახვა. ერთ-ორ მომენტში თავი კარგად წარმოაჩინა, თუმცა მას გაცილებით მეტი მოეთხოვებოდა.</p><p><strong>გრიგოლ დოლიძე<span style="color: #0000ff;"> 7.0</span></strong> - დოლიძე აღარ არის იმ ასაკში, რომ 90 წუთი ითამაშოს, თუმცა რიგ მომენტებში იმდენად ამწვავებს შეტევას, რომ ბევრ ახალგაზრდა ფეხბურთელსაც შეშურდება. პირველი ტაიმის განმავლობაში ის საკმაოდ აქტიური გახლდათ და შეტევების შექმნასაც ახერხებდა. რაც მთავარია, პირველი გოლი მისი ძალიან კარგი მოქმედების შედეგია.</p><p><strong>გიორგი კუხიანიძე</strong> <strong><span style="color: #0000ff;">7.0</span></strong> - კარგი თამაში გამოუვიდა იმერელთა ნახევარმცველსაც, რომელიც საკმაოდ აქტიური გახლდათ. გიორგი ქიმაძის მიერ მოპოვებული პენალტიც იდეალურად შეასრულა და რამდენიმე მომენტში ახლოს იყო გოლის გატანასთან. პირველ შემთხვევაში მცველებმა არ დაანებეს კარში დარტყმა, ხოლო მეორეჯერ მის დარტყმულზე "შერიფის" მეკარემ კარგი "სეივი" გააკეთა.</p><p><strong>გიორგი ქიმაძე</strong> <strong><span style="color: #0000ff;">8.5 </span></strong>- გამარჯვების მთავარი შემოქმედი გიორგი ქიმაძეა, რომელიც მისთვის უჩვეულო პოზიციაზე იმაზე კარგად გაისარჯა, ვიდრე მოველოდით. ის მუდმივად მეტოქის მცველებთან ერთად მოძრაობდა და მათ მოქმედებებს აკვირდებოდა, რის შედეგადაც ორ მომენტში მათი შეცდომით ისარგებლა, პირველ შემთხვევაში გოლი გაიტანა და მეორეჯერ პენალტი მოიპოვა.</p><p><strong>ლევან კუტალია</strong> <strong><span style="color: #0000ff;">5.5</span></strong> - ფაქტია, კუტალიას პოზიცია ფორვარდობა არ არის და მას სხვა სახის დატვირთვა სჭირდება. თამაშის მიმდინარეობისას ერთ-ერთი მთავარი მომენტი, მათე ცინცაძის შესანიშნავი გადაცემა, რის შედეგადაც მას კარებში უნდა დაერტყა, ცოტა დააყოვნა და შემდეგ პასი გააკეთა, რის შედეგადაც შეტევა ჩაიშალა. კუტალია ქუთაისისთვის დიდი ძალაა. მას შეუძლია მოედანზე თამაში შექმნას ან შეცვალოს, თუმცა ეს დღე მისი არ იყო.</p><p>ცვლილებები<strong>:</strong></p><p><strong>არფანგ დაფე - </strong>"ტორპედოს" ახალწვეული ურიგოდ არ გამოსულა და საკმაოდ აქტიურიც გახლდათ. ის ბევრს მოძრაობდა და რაც გამოსარჩევია, გეგეჭკორს დაცვაში ეხმარებოდა. ზოგჯერ ეს ყველაფერი უხეშადაც გამოსდიოდა, რასაც საბოლოოდ ზიგუი ბადიბანგას გაღიზიანება და ფეხბურთელებს შორის კამათი მოჰყვა.</p><p><strong>ბექა ტუღუში </strong>- ტუღუშს თხუთმეტიოდე წუთი დაეთმო და განსაკუთრებულად არაფრით გამოუჩენია თავი. იყო მომენტები, როცა მეტად ეფექტურად თამაში მართებდა, მაგრამ არც ამას შეუცვლია მატჩის სცენარი.</p><p><strong>დავით ხურცილავა</strong> - როდესაც "შერიფმა" აქტიურად შეუტია და ქუთაისელთა საჯარიმოს მოსვენებას არ აძლევდა, ხურცილავა სივრცეებს კარგად კეტავდა და გუნდს საიმედოდ იცავდა.</p><p><p><p><strong>მთავარი მწვრთნელი </strong>- <strong>კახა ჩხეტიანი</strong> <strong><span style="color: #0000ff;">8.0</span></strong> - როდესაც ქუთაისელთა შემადგენლობა ვნახე, ცოტა გაკვირვებულიც დავრჩი ჩხეტიანის პოზიციური გადანაწილებითა და არჩევანით. თუმცა ამ შეხვედრაში გამოჩნდა, რომ ქუთაისელთა დამრიგებელს ბევრი რამ მათემატიკური სიზუსტით გაუთვლია. ფაქტია, ქართველმა მწვრთნელმა ხორვატ კოლეგას ტაქტიკურად აჯობა, რაც გამარჯვების განმაპირობებელი გამოდგა. ჩხეტიანმა პირველი სვლა იმაზე კარგად გააკეთა, ვიდრე მოსალოდნელი იყო. ახლა ქომაგი მის შამათს ელის.</p></p> <p><div class="apester-media" height="849" data-media-id="5b45f84a77f0ec459a57a613"></div></p> <p><script src="https://static.apester.com/js/sdk/v2.0/apester-javascript-sdk.min.js"></script></p></p><p><br></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
რანაირად?! - "შერიფის" ფეხბურთელი: "საბურთალოზე" უკეთესი გუნდი ვართ
საქართველო მხოლოდ 5 ქვეყანას უსწრებს - UEFA-მ კლუბების შედეგების მიხედვით, ახალი რეიტინგი გამოაქვეყნა
მატჩის კატასტროფული დებიუტის შემდეგ "საბურთალომ" "შერიფის" ბარიერის გადალახვა მოახერხა [VIDEO]
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
გიორგი გაბედავა: ვერ ვხვდები, როგორ გავუშვით 3 გოლი პირველ 10 წუთში
საბრძოლო ანგარიშებით საპასუხო მატჩებში - კონფერენს ლიგის მეორე რაუნდის პირველი შეხვედრების მიმოხილვა
რა გეგმა აქვს შუსტერს? - დღეს 2 ქართული კლუბი ითამაშებს
შარშანწინ "საბურთალოსთან" წავაგეთ, სწორი დასკვნები გავაკეთეთ და...- ინტერვიუ "შერიფის" ქართველ ლეგენდასთან
გიორგი ჭიაბრიშვილი: გულშემატკივარს ბოდიშს ვუხდი
დღეს სამი ქართული კლუბი ითამაშებს - წაგებით დავიწყეთ...
კიუიტის ამაზრზენი განცხადება - დირკი "კონკიას" წარმატებამ გააღიზიანა