<p>პრემიერლიგის მორიგი ტურის შემდეგ სატურნირო ცხრილში 3 ლიდერია. პოტენციურად, ამ სამეულს სერიოზული კონკურენცია უნდა გაუწიონ "არსენალმა" და "ტოტენჰემმა", თუმცა ეს ჯერ დასამტკიცებელი აქვთ...</p><p>ოპერაცია, კოდური სახელწოდებით (პირობითად) - "კრახი", ჩაიშალა. ყოველ შემთხვევაში, ამ ეტაპზე ასეა - ჟოზე მოურინიოს გაშვება ვერ მოხერხდა. საინტერესოა, ვინ და როგორ ჩაშალა ეს გეგმა?</p><p>მთელი კვირა ჰაერში დენთის სუნი ტრიალებდა. ინგლისური მედია დაჟინებით ამტკიცებდა, რომ უქმეების ბოლოსთვის მოურინიო პოსტს დატოვებდა.</p><p>თითქოს, ვიღაცის მსახვრალი ხელი "რაღაც ცუდს" ამზადებდა. ისეთი ისტერიული ფონი შეიქმნა, საზოგადოებამ და, მათ შორის, ექსპერტებმაც დაიჯერეს - "მანჩესტერ იუნაიტედი" აუცილებლად წააგებდა შინ "ნიუკასლთან"...</p><p>"ოლდ ტრაფორდის" ტაბლოზე უკვე მე-10 წუთისთვის 0:2 ენთო. მორჩა, განაჩენი გამოტანილია - მოურინიოს ბოლო "ბანაობაა" დღეს! ალბათ, სიამოვნებით იფშვნეტდა ხელებს ის, ვისთვისაც ლამის ცხოვრების მიზნადაც იქცა "იუნაიტედიდან" ჟოზეს გაშვება...</p><p>70 წუთი მიილია. ტაბლოზე კვლავ 0:2 ანთია. განაჩენი თითქმის სისრულეშია მოყვანილი... და აი, აქ ხდება სასწაული - მატჩის ბოლომდე დარჩენილ დროში "იუნაიტედს" გააქვს 3 გოლი და ბედის ჩარხს წაღმა ატრიალებს. თან, გამარჯვების გოლი გააქვს იმ ალექსის სანჩესს, ვისაც მოურინიოზე ადრე გამოუტანეს განაჩენი და ჯერ კიდევ იანვრის სატრანსფერო ბაზრის გახსნამდე "გაუშვეს" გუნდიდან...</p><p>ნამეტანი კონსპირაციებში რომ არ გადავვარდეთ, ესეც უნდა ვთქვათ - რა და როგორ იქნება "იუნაიტედში", კაცმა არ იცის და მავანთათვის ჯერ ადრეა ზეიმი...</p><p>მოურინიო კი პრესკონფერენციაზე ამაყად გამოიყურებოდა და ერთგვარი ნიშნის მოგებითაც ლაპარაკობდა. რაღაც სადღეგრძელოს მაგვარი გამოუვიდა:</p><p>"დღეს დილით მეგობარმა მითხრა - იცოდე, ლონდონში თუ წვიმა წამოვიდა, შენ დაგაბრალებენო. მზად ვარ, "ბრექსიტის" პრობლემებიც ჩემს თავზე ავიღო... საერთოდ კი, მინდა აღფრთოვანება გამოვთქვა ჩვენი ფანების მიმართ - 0:2 იყო და მათ ზურგი კი არ გვაქციეს, პირიქით, მთელი ძალით გვამხნევებდნენ, მხარში გვედგნენ... მახსენდება, "ჩელსის" მწვრთნელი რომ ვიყავი, "ენფილდზე" "ლივერპულს" 4:0 მოვუგეთ.</p><p>საოცარი იყო, როგორ მღეროდა მთელი სტადიონი "ლივერპულის" ჰიმნს, მიუხედავად იმისა, რომ მათი საყვარელი გუნდი სასტიკად აგებდა... დღევანდელი სიტუაცია ძალიან ჰგავს მაშინდელს. ამიტომ ეს გამარჯვება სწორედ ჩვენს ქომაგებს ეძღვნებათ", - თქვა ჟოზემ.</p><p><p><div class="ws_video" id="12811" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/10-08/munewcastle32.jpg" border="0" alt="Sportall.Ge" title="პრემიერლიგა. VIII ტური: ვინ და როგორ ჩაშალა გეგმა... [VIDEO]" /></p><p><span style="padding: 2px; display: block;">06.10.18. მანჩესტერ იუნაიტედი - ნიუკასლი 3:2</span></div></p></p><p>შაბათის სხვა მატჩებიდან აღსანიშნავი იყო "უოტფორდის" საშინაო კატასტროფა (0:4) "ბორნმუთთან". სტარტზე მოგებული ზედიზედ 4 მატჩის შემდეგ ხავი გრასიას შეგირდები მომდევნო ოთხ შეხვედრაში 3-ჯერ დამარცხდნენ (1 ფრე) და მთელი ავანსი გაფლანგეს.</p><p>"ბარსელონასთან" ომგამოვლილმა (ომის გარდა, ეს კარგად დასასწავლი გაკვეთილიც იყო კატალონიელებისგან) "ტოტენჰემმა" ძლივს მოუგო "კარდიფს".</p><p>მაურისიო პოჩეტინოს ბიჭები ძალიან არადამაჯერებლად გამოიყურებოდნენ. თუკი რამეს ნიშნავს ის ფაქტი, რომ "ტოტენჰემმა" ზედიზედ 19 საშინაო შეხვედრაში შეძლო მინიმუმ ერთი გოლის გატანა მაინც, კი ბატონო, შევიტანოთ ესეც "დეზების" აქტივში...</p><p><p><div class="ws_video" id="12812" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/10-08/totenkardif10.jpg" border="0" alt="Sportall.Ge" title="პრემიერლიგა. VIII ტური: ვინ და როგორ ჩაშალა გეგმა... [VIDEO]" /></p><p><span style="padding: 2px; display: block;">06.10.18. ტოტენჰემი - კარდიფი 1:0</span></div></p></p><p>ცუდი სტარტის შემდეგ "არსენალი" იგებს და იგებს - ზედიზედ 6 გამარჯვება ძალიან შთამბეჭდავი სტატისტიკაა. უნაი ემერის გუნდი დღეს გაცილებით პროგნოზირებადია, ვიდრე არსენ ვენგერის დროს იყო.</p><p><p><div class="ws_video" id="12808" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/10-08/fulhamarsenal15.jpg" border="0" alt="Sportall.Ge" title="პრემიერლიგა. VIII ტური: ვინ და როგორ ჩაშალა გეგმა... [VIDEO]" /></p><p><span style="padding: 2px; display: block;">07.10.18. ფულჰემი - არსენალი 1:5</span></div></p></p><p>ბრწყინვალე ფორმაშია "ჩელსიც". მაურიციო სარის კრებულმა მიმდინარე სეზონში, ყველა ტურნირს თუ შევაჯამებთ, 11-დან 9 მატჩი მოიგო.</p><p><p><div class="ws_video" id="12810" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/10-08/sauthchelsea03.jpg" border="0" alt="Sportall.Ge" title="პრემიერლიგა. VIII ტური: ვინ და როგორ ჩაშალა გეგმა... [VIDEO]" /></p><p><span style="padding: 2px; display: block;">07.10.18. საუტჰემპტონი - ჩელსი 0:3</span></div></p></p><p>ტურის მთავარი მატჩი კი ბოლოს გაიმართა. "ლივერპულმა" "მანჩესტერ სიტის" უმასპინძლა. პირდაპირ ვთქვათ - თამაშმა ვერ გაამართლა მოლოდინი, მეტადრე, პირველმა ტაიმმა. რეალური საგოლე მომენტებიც არ იქმნებოდა. არადა, შარშან "ენფილდზე" ამ გუნდებმა 7 გოლი (4:3) გაიტანეს...</p><p>ასე ხდება ხოლმე მაშინ, როცა გუნდები ზედმიწევნით კარგად იცნობენ ერთმანეთს და მწვრთნელებსაც ყველა დეტალი გაშიფრული აქვთ. ამიტომაც ძნელია ასეთ დროს თამაშის გახსნა...</p><p>"ლივერპულის" უპირატესობა გამოიკვეთა თამაშის ბოლოს, როცა რიად მაჰრეზმა 11-მეტრიანი ნიშნულიდან ბურთი "ენფილდის" ზედა რიგებისკენ გაუშვა. მასპინძლებმა მომხვდური საკუთარ ნახევარზე გამოკეტეს, მაგრამ დაგვიანებულ შტურმს შედეგი არ მოჰყოლია.</p><p><p><div class="ws_video" id="12809" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/10-08/livermc00.jpg" border="0" alt="Sportall.Ge" title="პრემიერლიგა. VIII ტური: ვინ და როგორ ჩაშალა გეგმა... [VIDEO]" /></p><p><span style="padding: 2px; display: block;">07.10.18. ლივერპული - მანჩესტერ სიტი 0:0</span></div></p></p><p><span style="color: #3366ff;"><strong>ფაქტები</strong></span></p><p><ul> <li>"ბარნლიმ" ბოლო 3 მატჩში 7 ქულას მოუყარა თავი, მაშინ, როცა წინა 10 შეხვედრაში მხოლოდ 3 ქულის მოგროვება შეძლო.</li> <li>"ევერტონის" შემტევი გილფი სიგურდსონი მეორე ისლანდიელია პრემიერლიგაში, ვინც 50-გოლიან ზღვარს უწია. პირველი იყო "ბოლტონისა" და "ჩელსის" ექსფორვარდი ეიდურ გუდიონსენი, ვის ანგარიშზეც 55 პრემიერლიგური გოლია. </li> <li>"ბორნმუთი" მეორე გუნდია "მანჩესტერ სიტის" შემდეგ, რომელმაც "უოტფორდს" "ვიკარიჯ როუდზე" 4 (და მეტი) ბურთის სხვაობით მოუგო.</li> <li>"მანჩესტერ იუნაიტედმა" მეშვიდედ (რითიც საგრძნობლად უსწრებს სხვა გუნდებს) შეძლო ისეთი თამაშის მოგება, რომელსაც პირველი ტაიმის შემდეგ 2 ბურთის სხვაობით აგებდა.</li> <li>ჟოზე მოურინიოს მწვრთნელობის პერიოდში პოლ პოგბამ "იუნაიტედის" 29 გოლში მიიღო მონაწილეობა - 13 გაიტანა, 16 გაატანინა. მსგავსი შედეგი გუნდში არავის აქვს.</li> <li>"ნიუკასლს" არ მოუგია მიმდინარე პრემიერლიგის პირველი 8 მატჩი. ამაზე უარესი შედეგი "კაჭკაჭებს"... მე-19 საუკუნეში ჰქონდათ, როცა 1898/99 წლების სეზონში ვერ გაიმარჯვეს ჩემპიონატის პირველ 10 მატჩში.</li> <li>"არსენალმა" ლონდონური დერბების 51.5 პროცენტში გაიმარჯვა, რაც საუკეთესო შედეგია ინგლისის მთავარ ლიგაში.</li> <li> "არსენალმა" პრემიერლიგის ბოლო 5 საგარეო მატჩიდან 4 მოიგო - უფრო მეტი, ვიდრე წინა 19 თამაშიდან.</li> <li>2013 წლის დეკემბრის (ფრენკ ლემპარდი, "ჩელსი") შემდეგ როს ბარკლი ("ჩელსი") გახდა პირველი ინგლისელი ფეხბურთელი, ვინც პრემიერლიგის ერთ ცალკე აღებულ მატჩში გოლიც გაიტანა და საგოლე პასიც გააკეთა.</li> <li>2016 წლის ოქტომბრის შემდეგ ედენ აზარმა პირველად შეძლო ერთ მატჩში გოლის გატანაც და საგოლე პასის შესრულებაც. სხვათა შორის, ეს მაშინაც "საუთჰემპტონთან" საგარეო მატჩში მოხდა.</li> <li>პეპ გვარდიოლამ იურგენ კლოპთან უშუალო დაპირისპირებებში ბოლო 8 მატჩიდან მხოლოდ 1 მოიგო (3 ფრე, 4 წაგება).</li> <li>"ლივერპულს" 8 ტურის შემდეგ 20 ქულა ბოლოს 2008/09 წლების სეზონში ჰქონდა.</li> <li>სერხიო აგუერომ, ყველა ტურნირის ჩათვლით, ლივერპულის "ენფილდზე" მე-10 მატჩი ჩაატარა და არცერთ მატჩში გოლი არ გაუტანია.</li> </ul></p><p><span style="color: #3366ff;"><strong>პრემიერლიგა. VIII ტური</strong></span></p><p><em><strong>ბრაიტონი-ვესტ ჰემი 1:0</strong></em></p><p>გოლი: 1:0 მარეი (25)</p><p><em><strong>ტოტენჰემი-კარდიფი 1:0</p><p></strong></em>გოლი: 1:0 დაიერი (8)</p><p>ტოტენჰემი (4-2-3-1): ლორისი - ტრიპიერი, დავინსონ სანჩესი, ალდერვეირელდი, როუზი (88. ბ. დევისი) - უინქსი, დაიერი - ლუკას მოურა, სისოკო (85. სისოკო), სონი (72. სონი) - კეინი.</p><p>გაძევება: როლსი (58. კარდიფი)</p><p><em><strong>ბარნლი-ჰადერსფილდი 1:1</p><p></strong></em>გოლები: 1:0 ვოუკსი (20), 1:1 შინდლერი (66)</p><p><em><strong>უოტფორდი-ბორნმუთი 0:4</p><p></strong></em>გოლები: 0:1 ბრუკსი (14), 0:2 ჯ. კინგი (33-პენ), 0:3 ჯ. კინგი (45), 0:4 უილსონი (47)</p><p>გაძევება: კაბასელე (32. უოტფორდი)</p><p><em><strong>მანჩესტერ იუნ-ნიუკასლი 3:2</p><p></strong></em>გოლები: 0:1 კენედი (7), 0:2 მუტო (10), 1:2 მატა (70), 2:2 მარსიალი (76), 3:2 ალექსის სანჩესი (90)</p><p>მანჩესტერი (4-3-3): დე ხეა - იანგი, ბაილი (19. მატა), სმოლინგი, შოუ - მაკტომინი (46. ფელაინი), მატიჩი, პოგბა - რაშფორდი (67. ალექსის სანჩესი), მარსიალი, ლუკაკუ.</p><p><em><strong>კრ. პალასი-ვულვზი 0:1</p><p></strong></em>გოლი: 0:1 დოჰერტი (56)</p><p><em><strong>ლესტერი-ევერტონი 1:2</p><p></strong></em>გოლები: 0:1 რიჩარლისონი (7), 1:1 რიკარდო პერეირა (40), 1:2 სიგურდსონი (77)</p><p>გაძევება: მორგანი (63. ლესტერი)</p><p><em><strong>ფულჰემი-არსენალი 1:5</p><p></strong></em>გოლები: 0:1 ლაკაზეტი (29), 1:1 შიურლე (44), 1:2 ლაკაზეტი (49), 1:3 რემზი (67), 1:4 ობამეიანგი (79), 1:5 ობამეიანგი (90+1)</p><p>არსენალი (4-2-3-1): ლენო - ბელერინი, მუსტაფი, ჰოლდინგი, მონრეალი - ტორეირა, ჯაკა - ივობი (67. რემზი), უელბეკი (62. ობამეიანგი), მხითარიანი - ლაკაზეტი (80. გენდუზი).</p><p><em><strong>საუთჰემპტონი-ჩელსი 0:3</p><p></strong></em>გოლები: 0:1 აზარი (30), 0:2 ბარკლი (57), 0:3 მორატა (90+3)</p><p>ჩელსი (4-3-3): არისაბალაგა - ასპილიკუეტა, რიუდიგერი, დავიდ ლუიზი, ალონსო - კანტე, ჟორჟინიო, ბარკლი (81. კოვაჩიჩი) - ვილიანი (75. პედრო), აზარი, ჟირუ (68. მორატა).</p><p><em><strong>ლივერპული-მანჩესტერ სიტი 0:0</p><p></strong></em>ლივერპული (4-3-3): ალისონი - გომესი, ლოვრენი, ვან დაიკი, რობერტსონი - მილნერი (29. კეიტა), ჰენდერსონი, ვეინალდუმი - სალაჰი, მანე, ფირმინო (72. სტარიჯი).</p><p>სიტი (4-3-3): ედერსონი - უოლკერი, სტოუნზი, ლაპორტი, მენდი - ბერნარდო სილვა, ფერნანდინიო, დავიდ სილვა - მაჰრეზი, სტერლინგი (76. სანე), აგუერო (66. გაბრიელ ჟეზუში).</p><p>გამოუყენებელი პენალტი: მაჰრეზი (86. მანჩესტერ სიტი)</p><p><strong>ბომბარდირები</strong>: 7 - ედენ აზარი (ჩელსი); 5 - ალექსანდარ მიტროვიჩი (ფულჰემი), გლენ მარეი (ბრაიტონი), ჰარი კეინი (ტოტენჰემი), სერხიო აგუერო (მანჩესტერ სიტი).</p><p><span style="text-decoration: underline;">მომდევნო ტური</p><p></span>20 ოქტომბერი: ჩელსი-მანჩესტერ იუნაიტედი, ბორნმუთი-საუთჰემპტონი, კარდიფი-ფულჰემი, მანჩესტერ სიტი-ბარნლი, ნიუკასლი-ბრაიტონი, ვესტ ჰემი-ტოტენჰემი, ვულვზი-უოტფორდი, ჰადერსფილდი-ლივერპული</p><p>21 ოქტომბერი: ევერტონი-კრისტალ პალასი</p><p>22 ოქტომბერი: არსენალი-ლესტერი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><br></p>
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
მინიმუმ 100 მილიონი ფუნტი სურთ - ელიოტ ანდერსონი გრანდების სამიზნეა
"ლორიენთან" მატჩში პსჟ-ს შემადგენლობა ცნობილია
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
უდიდესი სენსაცია პარიზში - ალკარასმა ნორისთან წააგო
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
დიდი როტაციით "ლორიენთან" - იქნება ხვიჩა სასტარტოში?
"სამგურალის" ზედიზედ მეხუთე მოგება
"ნაპოლიმ" "ლეჩესთან" მძიმე გამარჯვება მოიპოვა
გოჩოლეიშვილი უნიღბოდ დაბრუნდა - "ჰამბურგმა" თასზე ზივზივაძის "ჰაიდენჰაიმს" მოუგო
ოდიკაძე ევროპის ჩემპიონ-პრიზიორია - მან სამივე სინჯის მედალი მოიპოვა
"ზაბარნი იხრჩობა და თავდაჯერებულობას კარგავს" - ფრანგული მედია უკრაინელს აკრიტიკებს
უბედური შემთხვევა - "ინტერის" მეკარემ ავტომობილით 81 წლის მამაკაცი გაიტანა
"ნაპოლი" ლეონარდო სპინაცოლას ახალ კონტრაქტს გაუფორმებს
"ბაიერნი" 23 წლის კოსოვოელი ფორვარდის დამატებას აპირებს
კიდევ ერთი ვარიანტი - "იუვენტუსი" შესაძლოა, ლორან ბლანმა ჩაიბაროს
კიმი შესაძლოა, სერია A-ში დაბრუნდეს - "ნაპოლის" ყოფილი ფეხბურთელი გრანდების სამიზნეა
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს
ამბები, რომლებიც შესაძლოა შაბათ-კვირას გამოგრჩა
"მიქაუტაძესთან დაკავშირებით საშიშროება არსებობდა" - "სიტისთან" მატჩამდე მარსელინომ ქართველზე ისაუბრა
პრიზი პსჟ-ს ფეხბურთელსაც ერგო - მსოფლიო საკლუბო ჩემპიონატზე საუკეთესოები დაასახელეს
"ფინალები მიყვარს და ეს კვლავ დამტკიცდა" - პალმერი მატჩის შემდეგ
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
თავისი მაინც გაიტანა - დიოკერეში უახლოეს საათებში "არსენალის" ფეხბურთელი გახდება
როგორ მიიღება კვარაცხელიას საუკეთესო ვერსია - პსჟს წაგების მიზეზები
"როდესაც დავინახე რომ ეს გააკეთა, თვალებს ვერ ვუჯერებდი" - "ლივერპულის" ყოფილმა ფეხბურთელმა მამარდაშვილი გააკრიტიკა
მიქაუტაძის 66 წუთი - "მანჩესტერ სიტიმ" "ვილიარეალი" უშანსოდ დაამარცხა
"ვილიარეალთან" თამაში ძალიან რთულია, რადგან ტოპ გუნდია" - გვარდიოლას კომენტარი გამარჯვების შემდეგ
"არსენალმა" "ტოტენჰემს" მთავარი სატრანსფერო სამიზნე წაართვა - ეზეს მომავალი გაირკვა
"გადაცემის შემდეგ ჩემს ნომერს გამოგიგზავნი" - ტიერი ანრიმ ვიქტორ იოკერეშს მიმართა
"ბარსადან" უთქმელი სიტყვებით გამომაგდეს - ბრაზილიელი მცველი
"არსენალი" "ჩელსის" შემტევს 52 მილიონ ევროდ შეიძენს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
0:3. ესეც მამარდაშვილის ბრალია? - "ლივერპული" თასიდან "კრისტალ პალასმა" გამოაგდო
დღეს პსჟსა და კვარაცხელიას მორიგი დიდი ფინალი აქვს
გუნდში დარჩა კეინი და დაიმატეს უძლიერესი მცველი - თუ კვარაცხელია "ტოტენჰემში" გადავა, სუპერშემადგენლობა დახვდება
გვარდიოლამ გაამხილა, როდის იფიქრებს მწვრთნელის კარიერის დასრულებაზე
"მანჩესტერ სიტი" პრემიერლიგას ვერ მოიგებს" - მაიკლ ოუენი
"საერთოდ არ მაინტერესებს არნე სლოტი ჩვენზე რას ამბობს" - რუბენ ამორიმმა კრიტიკოსებს მიმართა
"პორტოს" "არსენალის" მცველების დამატება სურს - რას ითხოვენ "მეთოფეები"?
"ჩელსი" ნიკოლას ჯექსონში 100 მილიონ ევროს ითხოვს
კონტე ლონდონში საკუთარი სიით მიდის
"არსენალს" პრემიერლიგაში საუკეთესო შემადგენლობა ჰყავს, მაგრამ მნიშვნელოვან დროს, არტეტა უკან იხევს" - კარაგერმა "მეთოფეების" მთავარი მწვრთნელი გააკრიტიკა
[VIDEO] მამარდაშვილის ეფექტური მოგერიებები - "ლივერპული" "ბრენტფორდთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
როგორი შეფასებები მიიღო მამარდაშვილმა "ბრენტფორდთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
რატომ გააქტიურდა "ტოტენჰემი" ხვიჩას ტრანსფერზე - მიზეზი ერთი ადამიანია...
[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა
"მეორე ადგილისთვის პრიზს არ აძლევენ" - გალასმა "არსენალი" გააკრიტიკა
რატომ ჩაითვალა მამარდაშვილის კარში პირველი გოლი - VAR-ის გადაწყვეტილების მიზეზი სადავო ეპიზოდზე
ისევ მილანში, ოღონდ სხვა გუნდში - კოვაჩიჩს სერია A-ში დაბრუნების ვარიანტი აქვს