"დინამო" ახალ სეზონს განახლებული შემადგენლობით შეხვდება

ძველი ახლები "დინამოში": ახალაია და იაშვილი, მოლაპარაკება ესპანელ ფეხბურთელებთან თბილისის "დინამომ" სეზონი დაასრულა და, როგორც ჩანს, ახალს სრულიად განახლებული შემადგენლობით დაიწყებს, რადგან გუნდის ხელმძღვანელობას დასრულებულ სეზონში არც შედეგი აკმაყოფილებდა და არც ფეხბურთელთა კლასი."დინამოდან" ყველა ლეგიონერის გაშვება სურდათ - ახალი ხელმძღვანელობის მოთხოვნებს ვერც ერთი აკმაყოფილებს. თუმცა ბევრს ხანგრძლივი კონტრაქტები აქვს და ვერ უშვებენ. მაგალითად, ჩეხ მცველ ირჟი ჰომოლას და სერბ ნახევარმცველ სემირ ჰაჯიბულიჩს. კონტრაქტის ვადამდე დარღვევისთვის "დინამოს" ფიფა ფინანსურად დასჯის და, ცხადია, კომპენსაციის გადახდა ხელს არ აძლევდა.ასე რომ, ჰომოლა და ჰაჯიბულიჩი გუნდში რჩებიან და შეკრებაზეც წაიყვანენ. თუ გაამართლეს და ითამაშეს, ხომ კარგი, თუ არა, ნაკლებად ამბიციურ კლუბში გაშვებას უპირებენ.თუმცა ანალოგიური პრობლემები არ შექმნილა ბოსნიელ თავდამსხმელ პეტარ იელიჩისა და სერბ მცველ მარკო მაროვიჩის შემთხვევაში. კონტრაქტის ერთ-ერთი პუნქტის თანახმად, სეზონის ბოლოს მხარეებს ხელახლა უნდა დაელაპარაკათ, თბილისელებმა კი ხელშეკრულების გაგრძელება არ ისურვეს - ამ ლეგიონერებმა გუნდი უკვე დატოვეს.სავარაუდოდ, მათ კვალს გაჰყვება გვინეელ-პორტუგალიელი პედრო ედნილსონი, გადასაწყვეტია ბრაზილიელი რობერტინიოს საკითხი. უცხოელთაგან მეტ-ნაკლებად დონალდ ჯუსის დარჩენას მიიჩნევენ მისაღებად, რომელიც, თუ ხასიათზეა, თამაშობს ხოლმე."დინამოდან" არა მხოლოდ უცხოელების, ბევრი ადგილობრივის გაშვებასაც აპირებენ. გუნდს საკუთარი სურვილით ტოვებს მცველი გიორგი ციმაკურიძე, რომელიც დღემდე სლოვაკურ "ჟილინას" ეკუთვნის და, როგორც გვითხრა, კარიერას ისევ ამ ქვეყანაში გააგრძელებს.გაშვებულთა ნაცვლად, 5-6 ახლის მიწვევა სურთ. ერთი მათგანი ესპანეთის პრიმერადივიზიონში თამაშობს და მოლაპარაკებას ფინანსურ საკითხებზე აწარმოებენ. "დინამო" ორი ცენტრალურ მცველზე ფიქრობს - ლისაბონის "ბენფიკას" დუბლების წევრ ბაქარ მირცხულავასა და რუსთავის "ოლიმპის" ერთ-ერთ ლიდერ გიორგი რეხვიაშვილზე - ორივეს კლუბთან კონტრაქტი დაუსრულდა, მაგრამ ჯერ არც ერთის საკითხი არ გადაწყვეტილა. რეხვიაშვილს "ზესტაფონიც" იწვევს და დარჩენას "ოლიმპიც" სთავაზობს, მირცხულავასაც აქვს არჩევანი ევროპაში.საერთოდ, თბილისელები დილემის წინაშე დგანან - საქართველოში გამორჩეული ყველა ფეხბურთელი კონტრაქტით არის დაკავებული, "დინამოს" კი მხოლოდ გამორჩეულთა მიწვევა სურს.ორი ფეხბურთელი გუნდში უკვე ისინჯება - "დინამოსა" და საქართველოს ეროვნული ნაკრების ყოფილი თავდამსხმელები, სანდრო იაშვილი და ლადო ახალაია. ეს უკანასკნელი მონდომებით ვარჯიშობს და სერიოზულ დონეზე თამაში უნდა.იაშვილს კი "დინამო" შანსს აძლევს, ფორმა აღიდგინოს და პოტენციალი ახლა მაინც გამოავლინოს. მასთან ექვსთვიანი კონტრაქტი გაფორმდება და ხელშეკრულებას ყოველ ნახევარ წელიწადში გადახედავენ - ეს იმიტომ, რომ ბოლო წლებში არასტაბილურად თამაშობდა.ამას გარდა, გუნდის აღმასრულებელი დირექტორის, ზურაბ პოლოლიკაშვილის თანაშემწედ უეფას მედია ოფიცერი მამუკა კვარაცხელია დაინიშნა. კურიოზული ფაქტია: უეფაში მიღებული კაცი საქართველოში არავის სჭირდებოდა, სანამ "დინამოში" ახალი ხელმძღვანელობა არ მივიდა.

ნანა შამუგია

როდის იქნება ცნობილი ,,დინამოს'' ახალი შემადგენლობის სია?
ალექსანდრე გედევანიშვილი

Burton - იაშვილის ნიჭიერებაში ეჭვი არ მეპარება, მაგრამ ზუსტად იმიტომ, რომ რამდენიმე წელია ვერცერთ გუნდში ვერ მოიკიდა ფეხი არ ვარ აღფრთოვანებული ამ ტრანსფერით... moida giji zuraba - ბავშვობიდან არ მიყვარდა გვარით რომ მომმართავდნენ:) მე კარგად წავიკითხე, არამარტო ეს არამედ ბატონი მერაბის სხვა სტატიებიც და აქედან გამომდინარე გავაკეთე კომენტარი ავტორის დამოკიდებულებაზე - უცხოელ ფეხბურთელებზე ისე საუბრობს თითქოს პროფესიონალი ფეხბურთელები კი არა ცხვბრები იყვნენ... სხვებს თუ არაფერი და ადამიანურ ფაქტორს არ მივაქცევთ ყურადღებას, რობერტინიოს, ჯუსისა და ედნილსონს ნამდვილად აქვთ იმდენი გაკეთებული დინამოსთვის, რომ მათზე ოდნავი პატივისცემით ვისაუბროთ...
moida giji zuraba

გედევანიშვილს სტატია კარგად წაიკითხე, აქ წერია ფაქტები და არა ავტორის დამოკიდებულება.
Burton

ალექსანდრე, გეთანხმები, მითუმეტეს იაშვილს ძალიან ბევრი გაუცდა და არაა ფორმაში. მიუხედავად იმისა, რომ ფანცხავა, ტატანაშვილი და ახლა იაშვილს იმატებენ, დინამოს თავდამსხმელის პრობლემა მაინც იქნება. ვინმე ძლიერია საჭირო, მაგალითად ველიტონის (მოსკოვის სპარტაკის ფეხბურთელი) სტილის ფორვარდი.
ალექსანდრე გედევანიშვილი

რობერტინიო და დონალდო, ჩემი აზრით ძალიან კარგი ფეხბურთელები არიან და მათი გაშვება და ახალაია-იაშვილის მოყვანა, დინამოს გულშემატკივარი რომ არ ვიყო სასაცილოდ მომეჩვენებოდა და სინამდვილეში სატირალია. თუმცა ვითვალისწინებ რა ბატონი მერაბის ზესუბიექტურ დამიკიდებულებას ქართველი ან ქართული წარმოშობის ფეხბურთელების მიმართ ამ სტატიის ობიექტურობაში ეჭვი მეპარება...
Cliff Burton

რობერტინიოს გარდა, ყველა უცხოელი ლეგიონერი გასაშვებია გუნდიდან. რობერტინიო არ გაუშვათ რაა!!!
dursun

კლუბის პოლიტიკა გაგვაცნეს და მისაღებია, მაგრამ არ გადაამლაშონ, კარგი იქნება. ზომიერებაა საჭირო. ყველა ლეგიონერის გაშვება თვითმიზანი ხო არ გახდა? კვარაცხელიას დანიშვნა მისასალმებელი ამბავია.
otar

ჯუისი და რობერტინიო თუ გაუშვეს ვინღამ უნდა ითAმაშოს შეტევაში ? ვინც გასაშვებია იმას ვერ უშვებენ და ვინც არაა გასაშვები ისინი უნდა გაუშვან ? :)

"გაგრას" ლიუბენოვიჩი ჩაუდგა სათავეში

ფრე დინამოების დაპირისპირებაში; წყალტუბოელთა მოგება ფოთში

ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს

ფუტსალი | საქართველო 2:2 ყირგიზეთი

პსჟ პაჩოს კონტრაქტს გაუგრძელებს

შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი

ქალთა ნაკრები ორ ამხანაგურ მატჩს გამართავს

"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა

ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა

აბუაშვილის და წიტაიშვილის "მეცმა" მორიგი მარცხი განიცადა

[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა

"მანჩესტერ იუნაიტედთან" მატჩში "ლივერპულის" შემადგენლობა ცნობილია

[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო

ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა

"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ

"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე

"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი

"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა

"საფონოვი მოთმინებას კარგავს" - რას წერს ფრანგული გამოცემა რუს მეკარეზე?

[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა

[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"

[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში

გვარდიოლამ გაამხილა, როდის იფიქრებს მწვრთნელის კარიერის დასრულებაზე