"არა მარტო ჯანო, არამედ ნებისმიერი მოთამაშის ნაკრებში ყოფნა გვინდა.." - ლევან კობიაშვილი

დღეს, 2 აპრილს, "საზოგადოებრივი მაუწყებლის" სპორტული გადაცემის, "ტაიმაუტის" სტუმარი საქართველოს ფეხბურთის ფედერაციის პრეზიდენტი ლევან კობიაშვილი გახლდათ."ნამდვილად ურთულესია ვილისთვის ყველაფერი, რადგან პირველი სათამაშო დღის წინ ერთი სავარჯიშო დღე იყო, როდესაც ყველა ფეხბურთელი იყო; შემდეგ შვედეთში გამგზავრება და თამაშის მერე ისევ უკან დაბრუნება... ნუ, ეს ყველაფერი გასაგებია, ვიცით, თუმცა ფაქტია, მან ამ მოკლე პერიოდში მოახერხა ის, რომ ელემენტარულად, როდესაც თამაშს თითოეული გულშემატკივარი უყურებს, პირველი კითხვა ჩნდება, თუ რა ტაქტიკით მუშაობს გუნდი, რა უნდა გუნდს მოედანზე, რისი მიღწევა სურს, როგორ მოქმედებს დაცვის ხაზში, როგორ გადადის შეტევაში. შესაბამისად, ეს ყველაფერი ჩანდა, რაც ამ კუთხით ძალიან მნიშვნელოვანია. ეს ყველაფერი კი იმაზე მიანიშნებს, რომ ის ფილოსოფია, რაც მწვრთნელს აქვს და როგორც უნდა მას, რომ გუნდი თამაშობდეს, ეს ყველაფერი ფეხბურთელებმა გაიგეს და ამას მოედანზეც, სავარაუდოდ, ასრულებდნენ, ალბათ, თქვენც დამეთანხმებით. გუნდის ფორმაცია ნამდვილად ჩანდა, იგივე სათამაშო სტილი და ა.შ. რა თქმა უნდა, ეს მისასალმებელია და მე დარწმუნებული ვარ, მომდევნო თვეებში, წლებში და მომავალშიც უფრო და უფრო გაღრმავდება ის, რადგან უფრო მეტი სავარჯიშო დღეები ექნება, მეტი ამხანაგური თამაშებიც გაიმართება. შესაბამისად, მე დარწმუნებული ვარ, რომ ვილისთან ერთად ამ გუნდს ის მომავალი აქვს, რაზეც ყველა ჩვენგანი ოცნებობს.რასაკვირველია, თვითონაც კმაყოფილია იმით, რომ ამ მოკლე პერიოდში გუნდმა მისი გაიგო, თუ რა უნდა, რა სურს მთავარ მწვრთნელს და რაც ძალიან მნიშვნელოვანია, არამარტო გაიგო, ამას აკეთებენ კიდევაც. ძალიან მისასალმებელია და კარგია. რასაკვირველია, მას ძალიან დიდი გამოცდილება აქვს, დიდი ავტორიტეტი აქვს. შესაბამისად, ფეხბურთელებისთვისაც მასთან ყოველდღიური კომუნიკაცია, მისი ხედვა და გაგება ძალიან მნიშვნელოვანია. მიხარია, რომ ეს ერთიანობა გუნდსა და სამწვრთნელო შტაბს შორის ამ მოკლე პერიოდში ძალიან კარგად მუშაობდა. ასე რომ, ნამდვილად ვხედავ პოტენციალს. ცხადია, რომ რაღაც ნაწილში კმაყოფილია, მაგრამ ასევე ცხადია, რომ რაღაცები არ მოსწონს და უნდა სხვანაირად იყოს. შესაბამისად, ამის დრო მომავალში ნამდვილად ექნება.ერთი, რაც ცხადი და მისასალმებელია, გუნდში ის ერთსულოვნება ნამდვილად ჩანდა, გამოჩნდა ის გუნდურობა და დისციპლინა, რადგან ხშირად ვსაუბრობთ ზოგადად დისციპლინაზე, რადგან თვითონ მოთამაშემ უკვე იცის, თუ რა უნდა გააკეთოს, რას ითხოვს მისგან მწვრთნელი, რა არის მისი როლი, ფუნქცია და შესაბამისად ასრულებს ამ ყველაფერსაც და არა ისე, როგორც ვინმე თვლის, რომ მე ისე ვითამაშებ, როგორც მე მსურს. ეს არის ზუსტად ის სათამაშო დისციპლინა, რაც მისასალმებელია, რომ ზუსტად ამ კუთხით იყო პროგრესი, თუმცა არის ხარვეზები და პრობლემები. შესაბამისად, ყველანი ბედნიერები ნამდვილად ვერ ვიქნებით. რეალობაა ის, რომ პრობლემები გვაქვს. ამიტომ მომავალში ამ პრობლემებზე უნდა ვიმუშაოთ. ეს იყო ის საუბარი, რაც გვქონდა მე და სამწვრთნელო შტაბს. ნამდვილად ვიცით, სად არის ის მტკივნეული ადგილები ჩვენს ნაკრებში და დარწმუნებული ვარ, ეს ყველაფერი მომავალში გამოსწორდება.ვილიმ და სამწვრთნელო გუნდმა კარგად იმუშავეს, იმიტომ, რომ ურთულესი თამაში იყო, 2 შეხვედრა იმედგაცრუება, არ იყო წასაგები თამაშები; გუნდს გვერდში დგომა სჭირდებოდა, მათზე ფსიქოლოგიურად მუშაობა, მესამე თამაში, კიდევ ერთი გასვლა, დაღლილი; ემატება საბერძნეთი, რომელიც მანამდე ისვენებდა, შეიძლება ითქვას, რამდენიმე დღე სახლში იყო. ამას ემატება, თამაშის მიმდინარეობას თუ ავიღებთ, ჩვენს კარში გატანილი გოლი და ამის შემდეგ გუნდის რეაქცია, ეგრევე შეტევაზე წასვლა, მაშინვე გოლის გატანა და 1:1-ის შემდეგაც, ალბათ დამეთანხმებით, უფრო მეტად ჩვენ ვიყავით ის გუნდი, რომელსაც თამაშის მოგება უნდოდა და წინ მივდიოდით. ეს არის ზუსტად ის ეპიზოდები, რომლებიც მიანიშნებს იმაზე, რომ გუნდს თამაშის მოგება უნდა. არა ის, რომ ჩვენ ანგარიში შევინარჩუნოთ, არამედ გვინდა, გვჯერა. გულშემატკივრებს ყოველთვის ჰქონდათ ეს შეკითხვა, გვჯერა კი, რომ მოვიგებთ? ნამდვილად ეს ეპიზოდი იყო ამის პასუხი. გუნდს სჯერა, რომ მოიგებს თამაშს და უნდა და ალბათ დამეთანხმებით, რომ 1:1-ის შემდეგაც ნამდვილად ვიყავით ის გუნდი, გარდა ამ დატვირთული გრაფიკისა, რომელიც ფიქრობდა მოგებაზე, მაგრამ სამწუხაროდ, ვერ მოვიგეთ, თუმცა ეს პოზიტივი ნამდვილად იყო.დებიუტანტების თამაში ნამდვილად პოზიტივი იყო, გუნდს ძალიან დაეხმარნენ. მე ნამდვილად ვხედავ ორივე ფეხბურთელში და მათ შორის არიან კიდევ სხვა ფეხბურთელები. მერწმუნეთ, კიდევ გამოჩნდებიან მომდევნო თამაშებში, რომლებსაც ძალიან დიდი მომავალი აქვთ, თუმცა ეს ყველაფერი მათ ხელთაა, მათ ეს შანსი უნდა გამოიყენონ და მიხარია, რომ ამ დებიუტანტებმა ეს შანსი გამოიყენეს და ნამდვილად იმსახურებენ ადგილს ეროვნულ ნაკრებში და ამას მომავალშიც დაიმსახურებენ. ეს თითოეული მოთამაშისთვის იმის მანიშნებელია, ვისაც შეიძლება ნაკრებშიც არ უთამაშია, რომ ეროვნულ გუნდში თამაშის საშუალება ნებისმიერს აქვს, თუმცა ეს ყველაფერი დამოკიდებული მათზეა, თუ როგორ წარმოაჩენენ თავიანთ თავს და მე დარწმუნებული ვარ, როგორც აქამდე ვთქვი, მომავალში ჩვენ არაერთ სხვა მოთამაშეს ვიხილავთ.რაც შეეხება დანაკლის ფეხბურთელებს და ჯანო ანანიძეს, ჩვენ რასაკვირველია, არა მარტო ჯანოს, არამედ ნებისმიერი მოთამაშის ნაკრებში ყოფნა გვინდა და ცხადია, რომ ეს მოთამაშეების მიზანიც არის, თუმცა ეს მათზეა დამოკიდებული და მათ ჯანმრთელობაზე. მე ჯანოს, პირველ რიგში, ჯანმრთელობას ვუსურვებ და რასაკვირველია, თითოეულ მოთამაშეს, რადგან ჩვენ ის რესურსი ნამდვილად არ გვაქვს, რომ ვინმეზე უარი ვთქვათ. არც ვიტყვით არასდროს, პირიქით, ეს ყველაფერი მოთამაშეზეა დამოკიდებული, თუ იქნებიან მზად, უბრალოდ უნდა მივხვდეთ, რომ სანაკრებოდ სულ სხვა ხარისხია და სხვა კონდიცია სჭირდებათ ფეხბურთელებს და შესაბამისად, თუკი მზად იქნებიან, რა თქმა უნდა, გაგვიხარდება. ამას მხოლოდ და მხოლოდ მივესალმები.რაც შეეხება ვაკო ყაზაიშვილს, პრობლემა ის იყო, რომ გუნდში ახალი გადასული იყო. იმ ქვეყანაში სხვა წესები მუშაობს. თავიდან გარკვეული პერიოდი კარანტინშიც იყო, გუნდსაც ვერ ეხმარებოდა. შემდეგ აქ ჩამოსვლით, ისევ უკან დაბრუნებით მისი გადაადგილება საკმაოდ პრობლემური იყო. საერთო ჯამში, გაგვიხარდება, რადგან ვთვლი, რომ ვაკო ერთ-ერთი საუკეთესო მოთამაშეა, იყო და დარწმუნებული ვარ, რომ მომავალში ის ჩვენს გუნდს ისევ გამოადგება და დაეხმარება. ასევე - სხვა ფეხბურთელები, ტრავმირებულებიც. ეს პირველი შემთხვევა არაა, გვჩვევია ეს ტრავმიანობა, თუმცა იმედს ვიქონიებ, მომავალში რაც შეიძლება ნაკლები ფეხბურთელი გვეყოლება ასეთი, ვინაიდან თითოეული მათგანი ნამდვილად გვჭირდება. დარწმუნებული ვარ, იგივე გაზაფხულზე, როდესაც ამხანაგური თამაშები იქნება და შემდეგ უკვე შემოდგომაზე ოფიციალური თამაშები, უფრო ძლიერი შემადგენლობით დავხვდებით. იგივე მიქაუტაძისა და წიტაიშვილის ტრავმა... სამწუხაროდ, ისინი ვერ გამოვცადეთ. ნუ, ჩაკვეტაძეზე და ასე შემდეგ აღარ ვსაუბრობთ, ვიცით ეს მდგომარეობა, თუმცა გვიხარია, რომ თითოეულის მდგომარეობა დღითი დღე უკეთესდება. ჩვენ ვფლობთ ინფორმაციებს და ნამდვილად შემიძლია დადასტურებით გითხრათ, რომ მომავალში გაცილებით უფრო ძლიერი გუნდი გვეყოლება.რაც შეეხება კვარაცხელიასა და სკაუტებს, მას ისინი ამ თამაშებამდეც აწუხებდნენ და ეს ძალიან კარგია და გვიხარია ჩვენც. რა თქმა უნდა, გაგვიხარდება, რაც უფრო ძლიერ გუნდში იქნება. მიხარია, რომ ის ამ თამაშებზე შესანიშნავი იყო, არა მარტო ხვიჩა, არამედ დანარჩენი მოთამაშეებიც და მთლიანად გუნდიც. ვუსურვებ, პირველ რიგში, ჯანმრთელობას და თითოეულ ქართველს იმ კუთხით ვქომაგობთ, რომ გვინდა უკეთეს გუნდში იყოს და მე დარწმუნებული ვარ, რომ ეს ასეც იქნება. შვედეთთან მის შეცვლას რაც შეეხება, თვითონ ხვიჩას თვალთან დაკავშირებით პრობლემა ჰქონდა პირველ ტაიმშიც, ერთი ეპიზოდი თუ გახსოვთ. შემდეგ უკვე გასახდელში თვითონაც მოითხოვა, რომ თამაში არ გაეგრძელებინა. აქედან გამომდინარე, მიზეზი ეს იყო, რატომაც შეიცვალა ის პირველი ტაიმის დასრულების შემდეგ.რაც შეეხება სანიოლის დანიშვნას, ეს ჩვეულებრივი პროცესია. როდესაც ორი მხარე ვსხედვართ და რაღაცაზე ვსაუბრობთ, გვინდა შედეგამდე მივიდეთ. შესაბამისად, ორივე მხარეს თავისი აზრები აქვს. ასე არ ხდება, რომ მე ვთქვა, წამოდით ჩვენთან და თქვენც დამთანხმდეთ. რაღაც აზრთა გაცვლა ხდება. ჩვენ ვგებულობთ, როგორ ხედავთ, რა მიზანი გაქვთ, როგორ წარმოგიდგენიათ ეს ყველაფერი, ჩვენ ჩვენი ხედვა გვაქვს და რაღაც წერტილამდე მივდივართ. მივხვდით იმას, რომ ჩვენი ერთად მუშაობა ორივე მხარისთვის მისაღებია და ეს მოლაპარაკება ზუსტად ასე იყო. აღარ ვიტყვი იმას, რომ წლების განმავლობაში ვიცნობდი მას, როგორც პიროვნულად, ასევე მისი ავტორიტეტი ძალიან ბევრს ნიშნავს. მერწმუნეთ, თვითონ, როდესაც გუნდში ასეთი წარმატებული მოთამაშე იყო და რაც ყველაზე მთავარია, ასევე მისი პირველივე დღიდან დამოკიდებულება ჩვენი გუნდისა და მოთამაშის ნდობის მიმართ, ასევე იმის აღიარება, რომ სჯერა ამ გუნდის და აქვს პოტენციალი, რომ მას ნაკრებით შეუძლია წარმატებას მიაღწიოს, რაც ჩვენთვის, რასაკვირველია, მნიშვნელოვანი იყო. ასევე არის მწვრთნელი, რომელიც სამწვრთნელო კარიერისთვის ახალგაზრდაა, რის გამოც დასამტკიცებელი ძალიან ბევრი რამე აქვს. შესაბამისად, მოტივირებულია და სჯერა, რომ მოტივირებულია და წარმატებას მიაღწევს. დარწმუნებული ვარ, რომ ვილისთან ერთად კიდევ უფრო საინტერესო დღეებს, თვეებს და წლებს გავატარებთ, რადგან ეს არის ის მწვრთნელი, რომელიც ჩვენს გუნდს ახლა ჰყავს. ის საქართველოს ჩემპიონატს თვალყურს მიადევნებს. აქამდე სხვა მწვრთნელებიც აკეთებდნენ ამას, თუმცა ჩვენი მწვრთნელი საქართველოში იქნება, ექნება საცხოვრებელი ადგილი და აქ ხშირად იქნება. ეს მისასალმებელია, რადგან ეს იყო მისი სურვილი, არა მარტო ის, რომ ჩემპიონატს მიადევნოს თვალი, არამედ ის, რომ ადამიანებთან ჰქონდეს ურთიერთობა, გაიგოს ჩვენი მენტალიტეტი, რას ითხოვს ჩვენი გულშემატკივარი. ამიტომ ეს მისი სურვილი იყო და ჩვენ უზრუნველვყოფთ იმას, რომ რაც შეიძლება დიდი ხანი იყოს საქართველოში, ცხოვრობდეს და ადამიანებთან ჰქონდეს ურთიერთობა, ჩაერთოს ეროვნულ ჩემპიონატში; იგივე ფეხბურთელებთან კავშირიც. მას სამუშაო ადგილი ექნება, არა მარტო ასაკობრივ ნაკრებთან კონტაქტი, არამედ ზოგადად საფეხბურთო სამყაროსთან და სხვა მწვრთნელებთანაც. მართლა ღია ადამიანია, კომუნიკაციის პრობლემა მას არ აქვს და მზად არის იცხოვროს აქ და ხელი შეუწყოს ამ პროცესის განვითარებას.ამხანაგურ მატჩებს რაც შეეხება, ერთი, რაც დადასტურებულად გვაქვს, 2 ივნისს რუმინეთს ვეთამაშებით. რაც შეეხება მეორე თამაშს, სავარაუდოდ, რამდენიმე დღეში გავასაჯაროებთ ამას. ამას ახლა ვერ ვიტყვი, რადგან იცით, ორივე მხარე, ორივე ფედერაცია ამას ერთდროულად ვაცხადებთ, თუმცა დანამდვილებით ვამბობ, ძალიან ძლიერ მოწინააღმდეგესთან გვექნება გასვლა. სავარაუდოდ, 6 ივნისს იქნება. ის გუნდია, რომელიც ევროპის ჩემპიონატზე სტაბილურად თამაშობს. ძალიან კარგია ასეთ გუნდთან თამაში. რაც შეეხება დანარჩენ თამაშებს, ოფიციალური თამაშები სექტემბრიდან იწყება" - განაცხადა კობიაშვილმა.

zaratustra

ხალხი არ ხართ, დააბრუნეთ არაბიძე, მიეცით შანსი...ეგ რო ყოფილიყო ბერძნებთან, აბურჯანიას ჯარიმას გაიტანდა და ისედაც ხასიათიანი და ნაღდი მებრძოლი ბიჭია, ნიჭიერი ყველა კომპონენტში...გაიხსენეთ მისი თამაში, კაპიტნის სამკლავურით, ფრანგებთან, შვეიცარელებთან, სლოვაკებთან, - 21 წლამდე ნაკრებში... ასეთი რა გაწყენინათ, რატომ ღუპავთ ქართული ფეხბურთის ხვალინდელ დღეს?! სანიოლი თუ ისაა, ვინც მგონია, გამოიძახებს თუ არადა გადიქცევა ვაისად და ყველა მნიშვნელოვან და გადამწყვეტ თამაშს წააგებს... მარტო, თუნდაც გენიოსი, კვარაცხელიათი წინ ვერ წავალთ... ენდეთ, ენდეთ და კიდევ ერთხელ ენდეთ გიორგი არაბიძეს და დაგიფასდებათ.
nk

ვაისი იყო ძალიან კარგი და საჭირო ეტაპი ჩვენი ნაკრებისთვის, მაგრამ უკვე ეტყობოდა, რომ რაღაც მწვრთნელობის კლასი/ხარისხი, რომელიც რაღაც ახალს მოუფიქრებს და ისე გაანვითარებს ნაკრებს, აღარ ჰქონდა. იყო ჩაციკლული ერთი და იგივე ფეხბურთელებზე და რისკის ეშინოდა თითქოს - შეცვლები, ახალი ფეხბურთელების მოსინჯვა და ასე შემდეგ.
ჰაიაბუსა

გვჯერა
ოგანესიანი

,,იყვეს" ,,გვჯერავს" რინაირად იძახის
emigranti

ვაისთან სანიოლის შედარება როგორ იქნება? განაპირა მცველების პრობლემა მუდმივად იყო ვაისის დროს და პრობლემას ვერაფერი მოუხერხა. დაუთვალეთ კონტრაქტით გათვალისწინებული წლებიდან რა დრო გაატარა საქართველოში და სანიოლმა უკვე მინიმუმ ერთი, ყველაზე პრობლემური ღრუ ჩაკეტა. არაფერი გაუკეთებია ვილის დანიშვნიდან ერთ თვეში. უმადურობას საზღვარი უნდა ჰქონდეს.
Levani

ჯანო ჯიგარი ბიჭია და ფეხბურთელიც კარგია..მაგრამ ამ ეტაპზე გვყავს კიტეიშვილი და ჩაკვეტაძე-რომლებიც უკეთესად თამაშობენ,უფრო ახალგაზრდებიც არიან და უფრო პერსპექტიულებიც..მე მაგალითად ფორმაში მყოფ ჯანოს ბევრად მირჩევნია ფორმაში მყოფი პაპუნაშვილი თუნდაც..ჯანო,ოქრი და ყაზაიშვილი კარგი ბიჭები არიან,მაგრამ ბოლო დროს ძალიან დავიჯერეთ მაგათი შეუცვლელობა-აგერ ბატონო ბურთი და მოედანი და დაამტკიცონ რო იგივე ხვიჩაზე კიტეზე და ჩაკვეზე კარგები არიან..ფაქრიურად ამ მომენტში ერთი შემტევი ნახევარმცველის ადგილია ვაკანტური-პრეტენდენტები არიან საბა ლობჟანიძე,შენგელია და როცა წიტაიშვილი ათამაშდება ისიც..ამათ გარდა ფირმაში შედის პაპუნაშილიც.. აი ამ ბიჭებზე უკეთ თუ ითამაშებენ მაშინ კეთილი იყოს ყველას ფეხი-ჯანო იქნება ვაკო თუ ოქრი
ბოკინიო

ჯანოს, ოქრის, არაბიძეს, ზურიკოს და ა.შ. გთხოვთ თქვენ თავს გადაახტით ივარჯიშეთ შედით ფორმაში. რომ ნაკრებში კონკურენცია გაიზარდოს. თქვენ ქვეყანას ჭირდებით. როცა საქმე ნაკრებს ეხება მოდუნება დეზერტირობის ტოლფასია. წარმატებები ბიჭებო და გაგვახარეთ თქვენი წარმატებით.
ბოკინიო

ყველაფერს რო თავი გაანებო რუები ეხვეწებოდნენ ნაკრებში და არც განუხილია. ბევრზე ხვეწნა გვიწევს. კიდევს ის გააკეთა რომ ტრავმების მიუხედავად სუ ჩამოდიოდა ნაკრებში და ახალგაზრდულში თამაშიც არ უტყდებოდა. მესამე ახალგაზრდულის გამო კიევის დინამოდან წამოვიდა და გუნდიდან გამოაგდეს.
სტატუს ქუო

ჯანო ვის გაახსენდა? რა გაუკეთებია ჯანოს, ერთი კონკრეტული მაგალითი დაასახელეთ, ეს ნახევარქათამა.
ბაჩი

მოდით ვთქვათ სიმართლე,ყაზაიშვილმა და ოქრიქშვილმა ვინ უნდა ამოაგდონ შემადგენლობიდან?სათადარიგოზე კი ბატონო.... მარა ისინი არამგონია იმ კატეგორიისანი იყონ რომ სათადარიგოზე ჯდომის გამო შეიწუხონ თავი
gio

ჯანოზე უკეთესად შენ უფრო ითამაშებ
შოთა

ყოჩაღ კობი! წარმატებები საქართველოს!
tngh

მინდა, მაგრამ ვეჭვობ, რომ ჯანო ანანიძემ შეძლოს ნაკრებში დაბრუნება...
დ

თუ ეგრე იქნა, სანიოლი მოაჯენს ერთ ადგილას, და საერთოდ დიდი მადლობა ოქრის, მაგრამ მისი მენტალობის ადამიანი არ სჭირდება ნაკრებს.
თამაზი

კობი, ამ ყველაფერთან ერთად რითაც კიდევ უფრო გაგვახარებ იქნება ის, თუ ქოცობას თავს დაანებებ და სრულად დაკავდები მხოლოდ ფეხბურთით. როგორც ფეხბურთელი გვიყვარდი, პატივს გცემდით და გვინდა ასეთად დარჩე ჩვენთვის მუდამ
zurab

გამოჩნდება მალე ოქრიაშვილი და გუნდში ერთსულოვნებაც გაქრება!
კობიაშვილი

აბა როგორ უნდა? დდდ
გიორგიპირველი

"რა საკვირველია" როდის აქეთ იწერება ასე?
a

გვჯერავს, ანუ ვთოხნავთ, მოვხნავთ და ა.შ.
სპირიდონი

რა უბედურებაა და ქართული ფეხბურთი არის უბედურების ხელში
ბაჯო

ყაველაშვილის მუჯირის და დვალიშვილის დაყენებული სასტავი. მიქაუტაზეზე ქვიტ სიმარტლე მოგალატეებო
ნოდო

სანიოლის ტაქტიკამ რაც შეიძლება მეტ ახალგაზრდას შანსის მიცემა კიდევ ერთხელ დაადასტურა რრა კორუფციულ გარიგებაში იყო ვაისთან ფედერაცია ყოველ ჯერზე ტიპი იძახებდა ერთიდაიგივე გვარებს აგებდა მარა მაინც დაცვაში იდგა მაკედონიასთან 92ეწუთზე დაცვის გაძლიერება იყო კვალიფიციურობის ზეიმი ეგეთ ტიპს როგორ გააჩერებ ამდენი წელი ტუ პირადი დაინტერესება არ გაქ და თუ ეს დაინტერესება არაა მილიონების მოტეხვა
reso

დაანებე თავი პარლამენტს და ფეხბურთს მიხედე ასე ჯობია შენთვისაც და ჩვენთვისაც
jjj

კაით რა ჯერ ნუ აიყვანთ რა სანიოლს ცაში, ყველა მწვრთნელი დასაწყისში იმედით გვავსებდა მარა გაგრძელება არ იყო, ვაისს ხვიჩა რომ ყოლოდა და კიტე ჩაკვეზე არაფერს ვამბობ ახლა ევროპაზე ვიქნებოდით და ვაისის ქება დიდებაში ვიქნებოდით, ახლა რაც თითქოს შევქმენით იყო ხვიჩა არ ყოფილიყო ხვიჩა და იქნებოდა იგივე გუნდი რაც ვაისს ყავდა ბოლო სამ თამაშში, ის რომ გრანდებთან და შვედეთის დონის გუნდებთან აღარ ვნადგურდებით და ვიბრძვით ეს სხვათაშორის სლოვაკის დამსახურებაა და არა ფრანგის. ერთადერთი რაშიც ჯერ-ჯერობით ჯობია ვაისს არის ის რომ ცვლილებების არ ეშინია, დანარჩენი ვნახოთ.
ვვვ

"გვჯერავს" რა უბედურებაა?

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

"მისი შეფასება არაკორექტული იყო" - ჭიაბრიშვილმა კობიაშვილის განცხადებას უპასუხა

"შევურაცხვყვეთ, როგორც სტუმარი გუნდის ქომაგი, ასევე არ მიეცა საშუალება ნაკრებს ქომაგებთან ერთად გამარჯვება ეზეიმა" - ლევან კობიაშვილი სომხეთთან მატჩის შემდეგ გულშემატკივრის ნაწილის მოედანზე შეჭრას გამოეხმაურა

"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა

სანიოლმა უეფას კონფერენციაზე ევრო 2024-ზე მიღებულ გამოცდილებაზე ისაუბრა

საქართველოსთან მატჩამდე სომხურ ფეხბურთში არეულობაა - ფედერაცია ახალ მწვრთნელზე საუბრობს, ფანები მათ გადაყენებაზე

კაკა: - ქართულ ფეხბურთში პერსპექტიული თაობაა... აი, რატომ აღარ არიან ჩემი სტილის ფეხბურთელები...