წარმატება დიდი შრომის შედეგია - მორიგი გამარჯვება საერთაშორისო ასპარეზზე

კვირას, 9 მაისს, ონლაინთამაშ "პაბჯი მობაილის" PMPL-ის სახელობის ტურნირი დასრულდა. მასში მონაწილეობას CIS-ის 20 საუკეთესო გუნდი და მათ შორის, ორი ქართული კლანი, "13" და "ონიქსი" იღებდა, რომლებმაც საკმაოდ წარმატებით იასპარეზეს.ჩვენდა სასიხარულოდ, ორივე გუნდმა PMPL-ის "გრანდ ფინალის" საგზური მოიპოვა და სულ მალე, 14, 15 და 16 მაისს, უკვე ფინალურ ბლოკში იასპარეზებენ. "გრანდ ფინალში" 16 გუნდი გადადიოდა, ქართულმა კლანებმა კი მე-15 და მე-16 ადგილები დაიკავეს.<img src="pictures/artimages/original/4160adac5a3fb31f7137f3dade6dd27e.jpg" border="0" alt="Sportall.Ge" title="წარმატება დიდი შრომის შედეგია - მორიგი გამარჯვება საერთაშორისო ასპარეზზე" width="300" height="264" style="border: 0px;" />Sportall.ge კიბერგუნდ "13"-ების ლიდერს, შოთა მექვაბიძეს დაუკავშირდა:"პრო ლიგა 19 აპრილს დაიწყო, მიმდინარეობდა 3 კვირის მანძილზე და მთელი ამ დროის განმავლობაში იყო შესარჩევი თამაშები. სამშაბათს და ოთხშაბათს გამართული შეხვედრებიდან საუკეთესო 16 გუნდი მონაწილეობას "სუპერვიქენდის" ფინალში იღებდა, რომელიც პარასკევს, შაბათსა და კვირას იმართებოდა, სადაც სამივე კვირის "ვიქენდის" ქულები ჯამდებოდა და საბოლოოდ, გამოვლინდა 16 საუკეთესო გუნდი, რომლებიც მონაწილეობას "გრანდ ფინალში" მიიღებენ.მიუხედავად იმისა, რომ მეორე კვირა ჩაგვივარდა და "ვიქენდ ფინალებზე" გასვლა ვერ მოვახერხეთ, რის შედეგადაც 15 თამაშის უფლება დავკარგეთ, მესამე კვირაში გაფლანგული ქულების დაბრუნება მოგვიწია, "დაქამბექება". მეორე კვირის შესარჩევ თამაშებზე გაგვიჭირდა ქულების აღება და ამ ყველაფრის მიზეზი ეს იყო. ამიტომ, თუ გვინდოდა წარმატება, ბევრად მეტი მოგვეთხოვებოდა იმასთან შედარებით, ვიდრე ჩვეულებრივად სხვა გარემოებაში თამაშის დროს. წარმოიდგინეთ, სხვა გუნდებს ჩვენზე 15-ით მეტი თამაში ჰქონდათ ნათამაშები და 15-ით მეტი შეხვედრა ჩაატარეს, სადაც ჰქონდათ შანსი, გადაესწროთ ჩვენთვის. ამის გამო ძალიან მაღალი იყო იმის შანსი, რომ საკვალიფიკაციო ეტაპზე ჩავრჩენილიყავით და "გრანდ ფინალში" ვეღარ გადავსულიყავით. მიუხედავად ამხელა ჩავარდნისა, ბიჭებმა თავიანთ თავში იმხელა ძალა იპოვეს, რომ მათზე ნაკისრი მისია პირნათლად შეასრულეს. მათ მოახერხეს და აიღეს საჭირო რაოდენობის ქულა, რითაც ჩვენ "გრანდ ფინალში" ვართ.რა თქმა უნდა, ეს ყველაფერი თითოეული გუნდის წევრის დამსახურებაა, თუმცა კაპიტნის, ოთოსა და ცოტნეს მნიშვნელობა მცირედით მეტია, რომლებმაც არ დაკარგეს მოტივაცია და ყველა თავის ტალღაზე გადაიყვანეს. პირადად მეც ვცდილობდი შემექმნა ის მოტივაცია, რაც საბოლოოდ მორიგ დიდ წარმატებამდე მიგვიყვანდა. ბედნიერი ვარ, რომ ბიჭებმა პატარა შანსი გამოიყენეს და ჩვენი გუნდი მომდევნო ეტაპზე იასპარეზებს.<img src="pictures/artimages/original/be3c33c92137a6749729330b3a2720cf.jpg" border="0" alt="Sportall.Ge" title="წარმატება დიდი შრომის შედეგია - მორიგი გამარჯვება საერთაშორისო ასპარეზზე" width="300" height="272" style="border: 0px;" />სამწუხაროდ, ბევრი შეცდომა გვქონდა. რომ არა ამდენი ჩავარდნა, გაცილებით მაღალ პოზიციას დავიკავებდით. ზოგადად შეცდომაზე ყველანაირი ფაქტორი მოქმედებს, იქნება ეს დიდი კონკურენცია, ნერვიულობა, დაბნეულობა თუ სხვა რამ. ვფიქრობ, ამ დონის ტურნირზე ერთ შეცდომასაც კი შეუძლია ძალიან უკან დაგხიოს. აქედან გამომდინარე, ამდენმა ვარდნამ გამოიწვია ის, რომ ვერ დავდეთ ის შედეგი, რაც ჩვენ გვინდოდა, თუმცა ამდენ ჩავარდნასთან ერთად მოვახერხეთ საუკეთესო 16-ეულში გადასვლა, რაც მომავალში ძალიან გვაიმედებს. ჩვენ ყველანაირად შევეცდებით, თითოეული არასწორად გადადგმული ნაბიჯი გამოვასწოროთ და "გრანდ ფინალში" მაღალი პოზიცია დავიკავოთ. იმავეს ვუსურვებ "ონიქსსაც", რადგან ჩვენ ჩვენი ქვეყნის სახელის გატანა საერთაშორისო ასპარეზზე გვავალია და ამას საკმაოდ წარმატებითაც ვახერხებთ.არ ვოცნებობთ და არარეალურად არ ვუყურებთ. ჩვენი მაქსიმუმი რომც გავაკეთოთ, ფინალში პირველი ადგილი წარმოუდგენელი იქნება, თუნდაც ჩვენ გარშემო პირობებიდან გამომდინარე, როდესაც არ გაქვს არანაირი ხელშეწყობა, როდესაც მობილური შუა ბრძოლისას ფუნქციონირებას წყვეტს, შეუძლებელია ის კონკურენცია გაუწიო მოწინააღმდეგეს, რითაც პირველობას მოიპოვებ.მაგრამ დიდი იმედი მაქვს, რომ დაშვებულ შეცდომებს გამოვასწორებთ და გაცილებით უკეთეს შედეგს დავდებთ, ვიდრე ჩვენ საკვალიფიკაციო ეტაპზე ვაჩვენეთ. ვიმედოვნებ, წარმატებული სვლა გაგრძელდება და სატურნირო ცხრილში იმ პოზიციაზე ვიქნებით, სადაც პირველ რიგში ჩვენ ვიამაყებთ, შემდეგ კი - გულშემატკივრები.მინდა ასევე მივულოცო "ონიქსებს" ფინალურ ბლოკში გადასვლა. ვუსურვებ წარმატებას. სასიხარულოა, როდესაც ორი ქართული გუნდი პრო ლიგიდან PMPL-ზე გადაინაცვლებს, შემდეგ კი ორივე მონაწილეობას "გრანდ ფინალში" მიიღებს. დიდი იმედი მაქვს, შედეგებით გაგახარებთ", - განაცხადა შოთამ.

მოდელს მომღერალი არჩია - ლამინ იამალს არგენტინელ ქალბატონთან რომანი აქვს

მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა

[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

"კლან 13"-ის კიდევ ერთი დიდი წარმატება მსოფლიო ასპარეზზე [VIDEO]