მატჩის დღე! საქართველოს ნაკრების სავარაუდო შემადგენლობა რუმინეთთან შეხვედრაში

2 ივნისს საქართველოს საფეხბურთო ნაკრები ამხანაგურ მატჩს რუმინეთში გამართავს. ვილი სანიოლს ახლა გუნდთან ერთად ყოფნისთვის საკმაოდ დიდი დრო აქვს და ნაკრების წევრების შესაძლებლობათა გაცნობას უკეთ მოახერხებს.ამხანაგურ შეხვედრებს თავისი დატვირთვა აქვს. ფრანგი სპეციალისტის მთავარი მიზანი მაინც საშემოდგომო, ოფიციალური მატჩებისთვის გუნდისთვის საბოლოო სახის მიცემა უნდა იყოს. ამ რანგის შეხვედრები გარკვეულ ექსპერიმენტებსაც უნდა შეიცავდეს, მაგრამ გამოცხადებული შემადგენლობით თუ ვიმსჯელებთ, როტაცია დიდი არ იქნება. მეკარე - ვილი სანიოლმა უკვე დააანონსა, რომ კარს ბათუმის "დინამოს" კიპერი ლაზარე კუპატაძე დაიცავს.ცენტრალური მცველები - ჯაბა კანკავას არყოფნაში გურამ კაშია გუნდის კაპიტანია. ფაქტობრივად, გამორიცხულია სანიოლმა მეორე გამოცდილი ფეხბურთელიც დაასვენოს და ახალი კაპიტანი ეძებოს. ასე რომ, კაშიას სასტარტოში ველით.ფრანგმა მთავარმა მწვრთნელმა ლაშა დვალის შესაძლებლობები კარგად შეაფასა - მან ხომ მისი ხელმძღვანელობით ჩატარებული სამივე შეხვედრა სრულად ჩაატარა. ახლა გუნდთან ერთად ორი გამოცდილი ცენტრალური მცველია - საბა კვირკველია და დავით ხოჭოლავა. მომავალ ორ შეხვედრაში, სავარაუდოდ, შანსს ორივე მიიღებს.მარცხენა მცველი - გურამ გიორბელიძე გუნდს ყველაზე გვიან, თითქმის თამაშის წინ უერთდება. ამის გამო მის რუმინეთში ძირითადში გამწესებას გამოვრიცხავთ. ვინაა ალტერნატივა?!საქართველოს ნაკრების მწვრთნელმა დაგვანახა, რომ ის ფლანგის მცველად სხვა ამპლუის მოთამაშის მოსინჯვას ნაკლებად აპირებს. აქედან გამომდინარე, დიდია იმის ალბათობა, სასტარტო თერთმეტეულში ბათუმის "დინამოს" წევრი ირაკლი აზაროვი ვიხილოთ. ეროვნული გუნდის რიგებში პოზიციით მარცხენა მცველი სხვა არავინაა.მარჯვენა მცველი - ამ ეტაპზე ისე ჩანს, საქართველოს ნაკრების მწვრთნელმა ოთარ კაკაბაძის კონკურენტი შეარჩია და თუკი რაიმე მნიშვნელოვნად არ შეიცვალა, გრიგოლ ჩაბრაძე ნაკრებთან ერთად შემოდგომაზეც იქნება.დიდი შანსია, სანიოლმა ისე გადაწყვიტოს, როგორც მარტის შეხვედრებზე (შვედეთში ჩაბრაძე დააყენა, ესპანეთთან - კაკაბაძე) - რუმინეთში ბათუმის "დინამოს" მცველმა ითამაშოს, ნიდერლანდების ნაკრებთან კი - კაკაბაძემ. ნახევარმცველები - ჯაბა კანკავას არყოფნა ვაკო გვილიას შანსებს ზრდის და ამჟამად უკლუბოდ მყოფი ნახევარმცველის სასტარტოში მოაზრება ლოგიკური ჩანს.ესპანეთის სეგუნდა დივიზიონის მოთამაშეებმა სეზონი გვიან დაასრულეს და ძალების აღდგენის შედარებით ნაკლები დრო ჰქონდათ, მაგრამ აბურჯანიას სეზონის დასკვნითი ნაწილი მშვენიერი გამოუვიდა. სწორედ ამიტომ, დიდი შანსია, "აბუ" სასტარტოში ვიხილოთ.საინტერესოა, ზუსტად სად ხედავს აბურჯანიას სანიოლი? ის მაინც კარგი "ექვსიანია" და ნაკლებად პროდუქტიულია იმ პოზიციაზე, სადაც შვედეთში იასპარეზა.სანაკრებო შეხვედრებმა კარგად დაგვანახა, რომ ოთარ კიტეიშვილი გუნდში დიდ ფუნქციებს ასრულებს - ის "ჯვაროსნებში" ერთ-ერთი ყველაზე ჭკვიანი და შემქმნელი მოთამაშეა, რომელიც ნებისმიერი ტაქტიკისას მინდვრის ცენტრში დიდ საქმეს გააკეთებს.შეტევის ფლანგები - ვილი სანიოლმა თქვა, რომ მას ზურიკო დავითაშვილის თამაშის ხილვა აინტერესებს. კვარაცხელიას არყოფნისას ზურიკოს ძირითად შემადგენლობაში ხილვის რეალური საფუძველია.ვლადიმირ ვაისისგან გვესმოდა, რონ ნაკრების შემტევების უმრავლესობას მარცხენა ფლანგიდან თამაში ურჩევნია და გამონაკლისი მხოლოდ ლევან შენგელია იყო. "ქონიასპორიდან" წამოსულ შემტევს, სავარაუდოდ, შანსი მიეცემა.სანიოლი ოფიციალურ შეხვედრებში საბა ლობჟანიძეს დაეყრდნო, ნაკრების ერთ-ერთ ლიდერ თორნიკე ოქრიაშვილს კი დატვირთული სეზონის შემდეგ, შესაძლოა, დასვენების საშუალება მიეცეს, ეს გარემოებები კი შენგელიას შანსს უნდა ზრდიდეს.ფორვარდი - მარტში დავინახეთ, რომ სანიოლს გამოკვეთილი, ტანმაღალი ფორვარდით თამაში მოსწონს.თუმცა გიორგი მიქაუტაძე გასნსხვავებული სტილის ფორვარდია, ვიდრე ბუდუ ზივზივაძე და ნაკრებში ამჟამად არმყოფი გიორგი ქვილითაია. 20 წლის თავდამსხმელი უფრო სწრაფი და მოძრავია.გასაკვირი არ იქნება, თუკი სანიოლი, რომელიც დებიუტანტებს თამამად ენდობა, გარკვეულ დროს "სამგურალის" ფორვარდ სერგო კუხიანიძესაც მისცემს და ეს რუმინეთთან უფროა მოსალოდნელი, ვიდრე ნიდერლანდების ნაკრებთან.

irakli

კუპატაძე, კვირკველია, კაკაბაძე,ხოჭოლავა,აზაროვი, გვილია,კვეკვესკირი,დავითაშვილი, ლობჟანიძე, კიტეიშვილი, მიქაუტაძე
ბაბუაწვერა

ერთი რას ეძახით კაპიტანი ეძებოსო? რა არის საძებარი ერთი გამარკვიეთ რაააა.კაშიას კიდე არა უშავს,კანკავას რა განსაკუთრებულს ამჩნევთ კაპიტნობის მითხარით.თავგანწირვით თამაშობს?რა, არ უნდა ითამაშოს?კაპიტანი ისეთი უნდა მაჩაიძე და ჩივაძე რომ იყო-მსაჯებიც კი შიშისაგან კანკალებდნენ მათ წინაშე.კანკავას სახეზე მსაჯის მიერ მიკერძოებული გადაწყვეტილების დროს ემოციადაც ვერ ვამჩნევ. ოქრი რომ იყოს კაპიტანი რამეს გააფუჭებს თუ რა? ანდა კიტეიშვილი
ლშა

გვილიას ბევრად ჯობია კვევკე თან სათამაშო პრაქტიკაც აქვს , მოიპოვა ადგილი ლეხში , ძAლიან მაგარი პასი აქვს და ბურთის დაჭერა კორპუსით ( ჯაბასგან აქვს ნასწავლი )
kaxi

საინტერესოა რა ნიშნით აიყვანეს კვირკველია თუ კვერკველია?
სოსო

თუ თავდამსხმელი,2 მეტრიანი გყავს,ტვინიც აქვს,ტექნიკაც,ჯანიც და სისწრაფეც,ეგ უბედურება კი არა,ბედნიერებაა.უბედურება სწორედ ისაა,რომ არ გვყავს
დემე

კვეკვესკირი რატომ არ ახსენეთ? გვილიას არ ჯობია საყრდენზე? ერთადერთი მოთამაშეა ვისაც ბურთის დაჭერა და გათამაშება შეუძლია საყრდენ ზოლში. კიტემდე ვეღარ მიდიოდა ბურთი ეგრევე ვკარგავდით კიდე გვილია გვინდა?
: )))))))

თუ ლევანდოვსკი ან იბრაჰიმოვიჩი არა გყავს, მითუმეტეს ჩვენი ფორმაციის ნაკრებისთვის ასეთი სტილის თავდამსხმელი არ გამოდგება. ამის მაგალითი კაჭარავა გვყავდა. არ არის გამორიცხული ცენტრფორვარდად მიქაუტაძე დააყენოს
alex

ასეა თუ ისე, კაცი მუშაობს.. სელექციას აკეთებს... ეს - მწვრთნელებთან შეხვედრებიო, ეს - ჩემპიონატის ბიჭების შანსიო, იმედია პიარ-სვლა არაა (და არც ეტყობა, რადგან ვილის ბევრი რამ აქვს დასამტკიცებელი "ევროპისთვის", თუნდაც ის, რომ ყოფილ კლუბებში ვერ გაუგეს.). ნეტაი რამე უშველოს ჩვენს ნაკრებს და... წარმატებები ვილისანის.
Hoda

"მარტში დავინახეთ, რომ სანიოლს გამოკვეთილი, ტანმაღალი ფორვარდით თამაში მოსწონს." არა მგონია. კუხიანიძის არჩევის დროს თქვა რომ ის განსხვავებულია სხვა ქართველი ფორვარდებისგან. პ.ს. ესტონეთის ტრენერის სიტყვები გაიხსენეთ, კარგი გუნდი გყავთ მაგრამ ცენტრფორვარდები არ გყავთო. რა უბედურებაა 2 მეტრიანი ცენტრით თამაში.
hhh

მე ჯერ-ჯერობით ზურიკოზგან ნაკრებში ვერანაირი პოზიტივი ვერ ვნახე, იმედია ამ ჯერზე მაინც დაგვანახებს რამე კარგს.

საქართველოს ნაკრები - ორი მარცხი და ორი ადგილით უკუსვლა რეიტინგში

საქართველო - ესპანეთი | ინფორმაცია ბილეთების შესახებ

მიქაუტაძე: დავბრუნდებით უფრო ძლიერები და ერთიანები, ვიდრე ოდესმე

"მანჩესტერ იუნაიტედთან" მატჩში "ლივერპულის" შემადგენლობა ცნობილია

"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ

"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე

"საფონოვი მოთმინებას კარგავს" - რას წერს ფრანგული გამოცემა რუს მეკარეზე?

[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა

[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"

[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში

ფრე დინამოების დაპირისპირებაში; წყალტუბოელთა მოგება ფოთში

ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა

დავითაშვილის "სენტ-ეტიენმა" შინ მარცხი განიცადა

[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა

მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა

საქართველო 3:2 ყირგიზეთი

გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა

კვერნაძე შეცვლაზე შევიდა - "ფროზინონე" "მონცასთან" დამარცხდა

39 დღე გაძლო - "ნოტინგემმა" პოსტეკოღლუ გაათავისუფლა

ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა

"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა

გვარდიოლამ გაამხილა, როდის იფიქრებს მწვრთნელის კარიერის დასრულებაზე

კანტე ევროპაში ბრუნდება? - ფრანგს სერიოზული მსურველი ჰყავს

ნიდერლანდებმა რუმინეთს დამაჯერებლად სძლია და მეოთხედფინალში გავიდა [VIDEO]

ბელგიამ რუმინეთს მოუგო - E ჯგუფში რთული სიტუაციაა [VIDEO]

საფრანგეთის 14:0 - ევრო 2024-ის კიდევ სამი მონაწილე გაირკვა [VIDEO]

კოშმარული ლუნინი - რუმინეთმა უკრაინა გაანადგურა [VIDEO]

ეს საქართველოსთვის დამატებითი შანსი იქნება - რომელ ახალ ფორმატებზე მუშაობს UEFA ევროპისა და მსოფლიოს ჩემპიონატის შესარჩევი ეტაპებისთვის

ვის რა როლი აქვს ნაკრების მტკივნეულ პერიოდზე - "საუკუნე გაივლის კიდევ"

საქართველო - ესპანეთი | ინფორმაცია ბილეთების შესახებ

მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი

მიქაუტაძე: დავბრუნდებით უფრო ძლიერები და ერთიანები, ვიდრე ოდესმე

საქართველოს ნაკრები - ორი მარცხი და ორი ადგილით უკუსვლა რეიტინგში

ქეცბაიას წასვლა რომ საქმეს შველოდეს - კვიპროსმა ისევ წააგო

E ჯგუფი: უკრაინა 4 ქულით პლეი-ოფში ვერ გავიდა [VIDEO]