<p>ახალი სეზონისთვის ცხინვალის "სპარტაკი" სერიოზულად ემზადება - გუნდი 20 ივნისიდან შეკრებაზე ბაკურიანში იმყოფება <br> ახალი სეზონისთვის ცხინვალის "სპარტაკი" სერიოზულად ემზადება - ბადრი კვარაცხელიას გუნდი 20 ივნისიდან შეკრებაზე ბაკურიანში იმყოფება. როგორც "სპარტაკის" პრესატაშემ დავით ცაბაძემ გვაცნობა, გუნდი ბაკურიანში 23 ფეხბურთელით გაემგზავრა.</p><p><strong>მეკარეები:</strong> თორნიკე ზარქუა, ლაშა ძაგანია, ნუკრი დაუშვილი;</p><p><strong>მცველები:</strong> ფრიდოლინ ბოიომო, გიორგი ციმაკურიძე, ბადრი ტეტუნაშვილი, გიორგი ალავიძე, უჩა ბურძენაძე, გიორგი სეფიაშვილი;</p><p><strong>ნახევარმცველები:</strong> თეიმურაზ შონია, გიორგი მამუჩიშვილი, კობა შალამბერიძე, ბესიკ დეკანოიძე, ვალერი კილასონია, კახაბერ კაკაშვილი, გიორგი ნარიმანიძე, თორნიკე თუხარელი, დავით ზერეკიძე, ერეკლე ხაჭვანი;</p><p><strong>თავდამსხმელები:</strong> ზვიად მეტრეველი, რევაზ ჯიქია, ილია ბუზალაძე, ზვიად ლობჯანიძე.</p><p>"სპარტაკი" ბაკურიანში პირველ ივლისამდე იქნება და ბადრი კვარაცხელიას სავარჯიშო პროცესში ფიზმომზადების ახალი მწვრთნელი ალექსანდრ ალექსეევი დაეხმარება. ეს უკანასკნელი ადრე "ზესტაფონსა" და "ბაიაში" მუშაობდა.</p><p>გუნდის მთავარი მწვრთნელის, ბადრი კვარაცხელიას თქმით, ბაკურიანში "სპარტაკს" ჩინებულ პირობებში უწევს მომზადება; მთავარი მწვრთნელი კმაყოფილია თითოეული ფეხბურთელის საქმისადმი მიდგომით და იმედს გამოთქვამს, რომ ეს შეკრება მოთამაშეთა ფიზიკური კონდიციების (გამძლეობა, სისწრაფე) გაუმჯობესებას მაქსიმალურად ხელს შეუწყობს.</p><p>"სპარტაკი" თბილისში პირველ ივლისს დაბრუნდება, ორ-სამ დღეში კი აქ გააგრძელებს ვარჯიშს; სავარაუდოდ, 5 ან 6 ივლისისათვის გუნდს საკონტროლო მატჩიც აქვს დაგეგმილი ერთ-ერთ აზერბაიჯანულ კლუბთან; ამის მერე კი, 10 ივლისიდან "სპარტაკი" მეორე შეკრებაზე, - ურეკში გაემგზავრება, სადაც საკონტროლო შეხვედრებსაც ჩაატარებს.</p><p>ახლა კი გუნდის ახალწვეულებზე: 27 წლის გიორგი ციმაკურიძესთან, 26 წლის კობა შალამბერიძესთან და 30 წლის რევაზ ჯიქიასთან კლუბმა ერთწლიანი კონტრაქტი გააფორმა; გასულ სეზონში ჯერ "სამტრედიაში", მერე კი ფოთის "კოლხეთში" ჩინებულად მოასპარეზე 23 წლის ლაშა ძაგანიასთან კი - სამწლიანი ხელშეკრულება გაფორმდა. რაც შეეხება 20 წლის თორნიკე ზარქუას, "სპარტაკმა", ფაქტობრივად, შეთანხმებას მიაღწია "დინამოსთან" და ეს პერსპექტიული მეკარე ორწლიანი იჯარით გადაიბირა.</p><p>ბაკურიანში წასვლამდე "სპარტაკში" რამდენიმე პოტენციური ახალწვეულიც ისინჯებოდა, თუმცა გიორგი სალარიძემ სხვაგან ამჯობინა კარიერის გაგრძელება; საქართველოს ახალგაზრდული ნაკრების ყოფილი წევრი გიორგი გუგავა და გასულ სეზონში "სპარტაკის" ერთ-ერთი წამყვანი ფეხბურთელი, 18 წლის ტიერი-ანს კლოვისი კი დუბლშემადგენლობასთან ერთად, თბილისში ივარჯიშებენ და ძირითად გუნდს მერე შეუერთდებიან. კიდევ ერთი პოტენციური ახალწვეულის, ზვიად ლობჟანიძის "სპარტაკში" ჩარიცხვის საკითხი კი ბაკურიანის შეკრების შემდეგ გაირკვევა.</p><p><strong>ს.კ "სპარტაკის" პრესსამსახურის ფოტო</strong></p><p><strong>ყოველდღიური სპორტული გაზეთი "ლელო"</strong></p>
tedo
კარგი იქნებოდა უცხოურ შეკრებაზე წასულიყო
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
"ოქროს ბურთი" როდრის და დემბელეს - მაშ ვინისიუსს რაღა? - რეალი აღშფოთებულია
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
აბურჯანია კარიერას საუდის არაბეთში გააგრძელებს
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს