წულუკიანი - გვყავს ნიჩბოსნები, რომლებსაც არ აქვთ ნავი და ნიჩაბი; მორბენლები, რომლებსაც არ აქვთ სარბენი ბილიკები; ცხენოსანთა ფედერაცია, რომელსაც არ ჰყავს ცხენი

"ჩვენ გვყავს ნიჩბოსნები, რომლებსაც არ აქვთ ნავი და ნიჩაბი; ჩვენ გვყავს ველოსპორტსმენები, რომელთა ველოსიპედსაც სძვრება ბორბალი და გვყავს მორბენლები, რომლებსაც არა აქვთ სარბენი ბილიკები; გვყავს ცხენოსანთა ფედერაცია, რომელსაც არ ჰყავს ცხენი. ასეთია რეალობა, – ამის შესახებ საქართველოს კულტურისა და სპორტის მინისტრმა თეა წულუკიანმა პარლამენტში წლიური მოხსენებისას განაცხადა.როგორც თეა წულუკიანმა აღნიშნა, დღეს საქართველოში სამინისტროს მიერ აღიარებულია 93 სპორტული ფედერაცია. მათ სხვადასხვა ფორმა აქვთ სამართლებრივად და ამ 93 ორგანიზაციიდან 65 სპორტული ფედერაცია, კავშირი და ასოციაცია ჯამურად საქართველოს ბიუჯეტიდან 98 მილიონ 600 ათას ლარს იღებს. აქედან ყველაზე მეტი დაფინანსება გაწერილია რაგბის კავშირისთვის, რომლის ბიუჯეტი წილობრივადაც სამინისტროდან მიღებული გახლავთ 27 მილიონ 500 ათასი ლარი."მეორე ადგილზე გახლავთ კალათბურთი, რომელიც სამინისტროდან იღებდა 13 მილიონ 580 ათას ლარს. ეს არის ის ორი უმნიშვნელოვანესი სახეობა ქართულ სპორტში, რომელიც ყველაზე მეტი დაფინანსებით არის ჩვენი მხრიდან აღჭურვილი. ეს ინფორმაციისთვის, ანალიზის მხრივ კი, მინდა, მოგახსენოთ, რომ ფედერაციები არიან არათანაბარ მდგომარეობაში. არათანაბარ მდგომარეობაში ვგულისხმობ უთანასწორობას დაფინანსების მხრივ, ყურადღების ხარისხის მხრივ სამინისტროდან და ასევე - სრულ უთანასწორობას, თუ გნებავთ თვალშისაცემ უთანასწორობას ინფრასტრუქტურის მხრივ, ასევე, აღჭურვილობის მხრივ. არავინ უარყოფს და პირველ რიგში, მე, რომ რაგბი და კალათბურთი არის, რა თქმა უნდა, სპორტის ის სახეობები, რომლებითაც ვამაყობთ, რაგბი ჩვენი თამაშია და ასევე კალათბურთიც ჩვენი თამაშია, მაგრამ ძალიან მნიშვნელოვანია, რომ სხვა სახეობებსაც სამინისტრომ მიაქციოს უფრო მეტი ყურადღება. ჩემი დანიშვნის შემდეგ ჩვენ ვაქციეთ ერთ-ერთ პრიორიტეტად, რომ სპორტის სახეობები იმისდა მიხედვით, რა პოტენციალი აქვთ, იყვნენ თანასწორ მდგომარეობაში. ეს არ არის მარტივად მისაღწევი საქმე, როდესაც ჩვენ ვხედავთ, რომ ერთი მხრივ, უნდა განვავითაროთ ის, რითაც უკვე ვამაყობთ და მე, როგორც ერთი ქართველი, ძალიან ამაყი ვიყავი, როდესაც საფრანგეთში რამდენიმე დღის წინ დავესწარი რაგბის მატჩს და ჩვენმა ნაკრებმა გვასახელა ძალიან ძლიერ საფრანგეთის გუნდთან. ეს თამაში იყო არა მხოლოდ საინტერესო, არამედ საამაყოც. ასევე ვიამაყეთ რამდენიმე დღის წინ, როდესაც საქართველოს კალათბურთის ეროვნულმა ნაკრებმა და ჩვენმა მსოფლიო დონის სპორტსმენებმა უკრაინასთან მატჩი მოიგეს თბილისში. ეს უნდა გაგრძელდეს, ამგვარი სპორტის სახეობებისთვის ხელშეწყობა. ეს ორი სახეობა მე პირობითად გამოვყავი მაგალითისთვის, თუმცა, რა თქმა უნდა, ის მაღალი მიღწევები, რაც სპორტის არაერთ სახეობას აქვს, დრო არ მეყოფა, რომ ჩამოვთვალო, მაგრამ მინდა ვაჩვენო კონტრასტი ამის ფონზე და ამის საპირისპიროდ – ჩვენ გვყავს ნიჩბოსნები, რომლებსაც არ აქვთ ნავი და ნიჩაბი; ჩვენ გვყავს ველოსპორტსმენები, რომელთა ველოსიპედსაც სძვრება ბორბალი და გვყავს მორბენლები, რომლებსაც არა აქვთ სარბენი ბილიკები; გვყავს ცხენოსანთა ფედერაცია, რომელსაც არ ჰყავს ცხენი. ასეთია რეალობა“, – განაცხადა თეა წულუკიანმა.მისივე თქმით, ეს უთანასწორობა უნდა გამოსწორდეს, მშვილდოსნებს, მაგალითისთვის, სჭირდებათ თბილისში ბაზა, რათა ივარჯიშონ და ახალგაზრდა მშვილდოსნები არ ვარჯიშობდნენ თბილისის კორპუსების სარდაფებში სროლაში."ძალიან მნიშვნელოვანია, რომ ჩვენს ტანმოვარჯიშეებს ჰქონდეთ ასევე თბილისში საწვრთნელი სათანადო ბაზა. აღარაფერს ვამბობ ჩვენს მოციგურავეებზე, რომლებსაც არ აქვთ საციგურაო სათანადო ინფრასტრუქტურა და მათ უწევთ სხვა უცხო ქვეყანაში ვარჯიში. ჩვენ ყველას, რა თქმა უნდა, გვიხარია, ტაშსაც ვუკრავთ, მეც ასე ვიყავი, ვიდრე სპორტის მინისტრი გავხდებოდი, რომ რა კარგია, როგორ კარგად ციგურაობენ, როგორ კარგად ნიჩბოსნობენ, როგორ კარგად წარმოაჩენენ საქართველოს, მაგრამ ამის უკან დგას ძალიან დიდი პრობლემები, დიდი შრომა და თითოეულ სპორტსმენს, არის ის თუ არ არის სამინისტროს მხრიდან დიდი ბიუჯეტით ხელშეწყობილი, მინდა ამ ტრიბუნიდან ვუთხრა ძალიან დიდი შრომისა და გამძლეობისთვის განსაკუთრებული მადლობა“, – განაცხადა თეა წულუკიანმა.წყარო: <a href="https://1tv.ge/news/tea-wulukiani-gvyavs-nichbosnebi-romlebsac-ar-aqvt-navi-da-nichabi-gvyavs-morbenlebi-romlebsac-ara-aqvt-sarbeni-bilikebi-gvyavs-ckhenosanta-federacia-romelsac-ar-hyavs-ckheni-asetia-realoba/?fbclid=IwAR2nx8f8e9w6BiV3UUVBULJWx6rHUwzFXzPBTWINUKkRzqA24cji-IXH8gQ" target="_blank">1tv</a>

ჟორა

ქალბატონო მინისტრო, ასევე შეგახსებთ, რომ გაქვთ "მთასვლელთა ეროვნული ფედერაცია", რომელიც წლებია ბიუჯეტიდან ფინანსდება და წლებია სამსახურში ხელფასის ასაღებადაც არავინ დადის, ხელფასს ანგარიშზე ურიცხავენ. მიდი და ნახე, რომ მაგათ სოჩიკს" წლებია ერთი თეთრიც არ დაუწერია.
ჟორა გაბრიჭიძე

რა თქმა უნდა, ქვეყნის ბიუჯეტი რომელიც სპორტზე იხარჯება მესის წლიური ხელფასის ნახევარი იყოს უდიდესი სირცხვილია, მაგრამ რაგბი ამ ბიუჯეტის მესამედს იღებდეს, რომლის ნაკრები 80%-ით ემიგრანტებით იყოს დაკომპლექტებული, უბრალოდ სირცხვილია. სირცხვილია, რომ კალათბურთს იმდენი დაფინანსება ჰქონდეს, რამდენიც ყველა ჭიდაობის სახეობას ერთად აღებული და ეს გუნდიც ემიგრანტებით იყოს დაკომპლექტებული და მათი ყველაზე დიდი წარმატება ევროპის პირველობის ჯგუფში თამაში იყოს. დაითვალეთ წლის ბოლოს ქვეყნის მიერ მიღებული ყველა მედალი და ნახავთ, რომ მათი 70% მოჭიდავეების წილად მოდის, მერე ნახეთ რამდენს იღებს ბიუჯეტიდან ჭიდაობის სახეობები და მომავალი წლისათვის ოდნავ მაინც გაასწორეთ ეს გარღვევა. ვის რაში სჭირდება ქაღალდზე არსებული ფედერაციები გაუგებარია.
ზურა

მძლეოსნებს, რომ სტადიონი არ აქვთ და შესაბამისად შედეგიც, ფედერაციის ხელმძღვანელობის ბრალი არაა? პრეზიდენტი, რომ ყავთ პუტინივით 30 წელი....
მამუკა

კალათბურთის ფედერაციას რატომ უთვლით ევროპის ჩემპიონატების საწევროებს, დაახლოებით 1 მილიონ ევროს? ეგ მათ ბიუჯეტთან არაფერ შუაშია. ალბათ იმ კაპიკების შემცირებასაც უპირებთ. ან საერთოდ, როგორ შეიძლება გუნდური და ყველაზე პოპულარული სახეობების(ფეხბურთი, კალათბურთი, რაგბი) ინდივიდუალურ სახეობებთან შედარება. საერთოდ, იმ პირობებში, როცა ქართულ სპორტში სპონსორები ფაქტიურად არ არიან და მთლიანად სახელმწიფო ბიუჯეტით არსებობენ(ფეხბურთის და რაგბის გარდა), წლიური 98 მილიონი ლარი, ანუ გადასახადების დაკავების შემდეგ დაახლოებით 20 მილიონი ევრო, არის მიზერი და სპორტისადმი შეურაცხმყოფელი დამოკიდებულება. ანუ, მთელი ქართული სპორტის ერთად აღებული ყველა სახეობა წლის განმავლობაში იმ დაფინანსებას ღებულობს, რასაც საფეხბურთო კლუბი "რუბინი" ხვიჩა კვარაცხელიაში ითხოვს. გასაკვირიც ეგ არის, რომ საქართველოში სპორტი კიდევ არსებობს და გარკვეულ წარმატებებსაც აღწევენ. მინისტრი კიდევ ამბობს, დაფინანსება კი არ გავზარდოთ, ვიღაცეებს სხვის ხარჯზე კიდევ შეუმციროთო. კი მოეწონა, კალათბურთსი უკრაინის ნაკრები რომ დავამარცხეთ, თამაშზეც ყოფილა. ალბათ ფიქრობს, ხომ მოიგეს, ფული რაღად უნდათო. მოკლედ, გასულია მომსახურების ზონიდან.
ა

სასახლეების აშენებას ხო ასწრებენ? არ ჭირდებათ 9 წელი
თან რო ეთანხმებიან კიდეც

ხოო მაშ, სულ სააკაშვილის დროს დაინგრა ყველაფერი. მანამდე ეძიკა და ბოლო 10 წელი ივანიშვილი სულ სპორტზე და სპორტსმენებზე ზრუნავდნენ და ზრუნავენ )))
G.LA

100 ქარხანა ხომ გუგუნებს და ახლა ნიჩაბს მოვუსვამთ უფრო შორს გავცუროთ თქვენგან, რომ იმ ქარხნების გუგუნმა არ შგვაწუხოს. DDD ვაი ჩვენს ქვეყანას თქვენს ხელში.
ექსპერტი

100 % გეთანხმები!!
alexandre

გორკა, ცოტა ობიექტური მაინც უნდა იყო. მას შემდეგ, რაც სააკაშვილის მთავრობამ დამართა საქართველოს სპორტს (სტადიონების დანგრევა და კორპუსების აშენება, ფისკულტურის ინსტიტუტის გაუქმენა და ა.შ.) "ოცნება" რა, ჯადოქრები არიან? მშვენივრად მოგეხსენება, დანგრევა აშენებაზე ადვილია. 9 წელი რომ ანგრევ, 9 წელში ვერ ააშენებ. სამწუხაროდ ასეა.
აბო

აბა, პრასი ჩვენცა გვაქვს.
ბაჯო

Magalitad ryviis srola saluqvazis ojaxis biznesad ari gadaqceuli
გორკა

რავი ოცნება მოვა აშენდებითო კი გავიდა თითქმის 10 წელი და კიდევ არ აქვთ ნიჩაბი ნავი კალადბურთელს ბურთი ბოქსიორს დარბაზი? იოცნებონ იქნებ 100წლის თავზე მაინც ქონდეთ მაგათ თუარა მაგათ შთამომავლობას )) ვაი საქართველო ვის ხელში ხარ რატო მეხი არ დაგვეცემა სუყველას ერთად. რადავაშავეთ ღმერთან ამისთანა რომ ერთი ადამიანი არ მოგვივლინა ვისაც ქვეყანა ეყვარებოდა და მიხედავდა.
ბედნიერი ერი

ქალბატონი მინისტრისადმი ჩემი დამოკიდებულების მიუხედავად, ამ განცხადებას სრულიად ვეთანხმები და იმედია მხოლოდ განცხადებად არ დარჩება. ძალიან ბევრი სპორტის სახეობას აქვს დიდი პოტენციალი საქართველოში სათანადო ყურადღების შემთხვევაში. სპორტი უბრალოდ სპორტი არაა, ერთ-ერთი საუკეთესო საშუალებაა მსოფლიოსთვის თავის გასაცნობად. ნუ დაგვავიწყდება, რომ მსოფლიოში ბევრმა ჯერ კიდევ არ იცის ჩვენი სახელმწიფოს არსებობის შესახებ.

ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი

უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება

ამწე კრანის ფასი თბილისში – როგორ ავირჩიოთ ხარისხიანი სერვისი

"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ

"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა

ფრე ქუთაისში... და "თელავის" მოგება "გაგრასთან"

ლუის ენრიკემ კვარაცხელიას ტრავმაზე კომენტარი გააკეთა

[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია

"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო

მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა

დავითაშვილი შეცვალეს - "სენტ-ეტიენი" სახლში "გენგამთან" დამარცხდა

პირველი ტაიმის შემდეგ პსჟ "ოსერს" 1:0 ამარცხებს

"ოსერთან" მატჩში პსჟ-ს სასტარტო შემადგენლობა ცნობილია

ზივზივაძის "ჰაიდენჰაიმმა" ნანატრი გამარჯვება მოიპოვა

[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა

[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა

გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა

"იუნაიტედი" "ბრენტფორდთან" დამარცხდა - გაუშვებენ ამორიმს?

დუდუ დადიანის მემორიალის 24-ე გათამაშება ოლიმპიურ სასახლეში დაიწყო

"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ

"მთავარი არა რაოდენობა, არამედ ხარისხია" - წულუკიანი მძლეოსნებს შეხვდა

"კარგა ხანს არც მჯეროდა ჩემზე თუ საუბრობდა, იმდენად გამაოგნებელი იყო" - დავით წიკლაური თეა წულუკიანის ბრალდებას პასუხობს

თეა წულუკიანი ევრობასკეტისთვის მულტიფუნქციური სპორტული სასახლის მშენებლობის პროცესს გაეცნო

წულუკიანმა საცხენოსნო ფედერაციას ცხენები გადასცა - 30 წლის მანძილზე პირველად

თბილისში ყინულის სასახლე აშენდება

თეა წულუკიანის სამუშაო შეხვედრა ოლიმპიურ კომიტეტში