საქართველო VS ნიდერლანდები - შვიდი ცვლილებით მეორე ტურში

"ბორჯღალოსნების" სამწვრთნელო შტაბმა 2022 წლის რაგბი ევროპის ჩემპიონატის მეორე თამაშისთვის შემადგენლობა დაასახელა.გასულ კვირას პორტუგალიასთან ფრედ დასრულებული შეხვედრის შემდეგ სასტარტო 15-ში შვიდი ცვლილებაა. გუნდს დაუბრუნდნენ კოვიდ-მოხდილი მოთამაშეები. ცვლილებებია ტრავმებისა და ტაქტიკური მოსაზრებების გამო.სრულად შეიცვალა შერკინების პირველი ხაზი და თამაშს მიხეილ ნარიაშვილი, შალვა მამუკაშვილი და ლუკა ჯაფარიძე იწყებენ. მარქაფაში გადაინაცვლა გურამ გოგიჩაშვილმა, ხოლო ტრავმირებული ბექა გიგაშვილის ნაცვლად, მეორე ბურჯად ნიკა ხატიაშვილს ვიხილავთ, ხოლო კვაჭის პოზიციაზე გიორგი ჭყოიძე ბრუნდება.მეორე ხაზში გრიგორ ქერდიყოშვილის ნაცვლად ლაშა ჯაიანს ნოდარ ჭეიშვილი შეუწყვილდება, მარქაფაში კი გიორგი ჯავახიას ვიხილავთ.ერთი ცვლილებაა მესამე ხაზში. სანდრო მამამთავრიშვილმა მარქაფაში გადაინაცვლა და მის ნაცვლად თამაშს გიორგი ცუცქირიძე იწყებს. ძირითადში ადგილი შეინარჩუნეს ოთარ გიორგაძემ და თორნიკე ჯალაღონიამ.9 ნომრის პოზიციაზე ბრუნდება ვასილ ლობჟანიძე, რომელიც თედო აბჟანდაძეს შეუწყვილდება. ფრთაზე მირიან მოდებაძის ნაცვლად ძირითადში დაწინაურდა დავით მესხი, რომელსაც პორტუგალიასთან დებიუტი ჰქონდა. მერაბ შარიქაძე, დემე თაფლაძე, აკა ტაბუცაძე და ლაშა ხმალაძე კვლავ დამწყებებს შორის არიან. შეცვლაზე არიან გელა აფრასიძე, გიორგი ბაბუნაშვილი და 18 წლის შუამარბი თორნიკე კახოიძე."დაგვიბრუნდა სამივე კვაჭი, რომლებიც პირველ თამაშზე კოვიდ-ინფექციის გამო გამოგვაკლდნენ. ტრავმირებულია ბექა გიგაშვილი და მის ნაცვლად ნიკა ხატიაშვილს ვუხმეთ. ასევე ვირუსი მოიხადეს და დაგვიბრუნდნენ გიორგი ცუცქირიძე და ლუკა ივანიშვილი, თუმცა ვარჯიშებზე გამოჩნდა, რომ ლუკას აღდგენითი პროცესი დასრულებული არ ჰქონდა და სამედიცინო ჯგუფის რეკომენდაციით, მომდევნო თამაშისთვის ვერ გამოვიყენებთ“."ადრეც არაერთხელ ვთქვი, რომ ამ თამაშებზე ექსპერიმენტებს მინიმალური რაოდენობით ვგეგმავდი, რადგან თამაშის დასტაბილურებაა საჭირო და შემადგენლობის მუდმივი როტაცია პრობლემებს ქმნის. სამწუხაროდ, პირველ თამაშზე ეს ვერ მოვახერხეთ, რადგან ბევრი ტრავმირებული და კოვიდ-ინფიცირებული მოთამაშე გვყავდა“.„ნიდერლანდებში 5 ქულისთვის მივდივართ, თუმცა ეს შეხვედრა რუსეთთან მატჩისთვის მოსამზადებელ ეტაპადაც განიხილება და საშუალებიდან გამომდინარე, მაქსიმალურად ოპტიმალური შემადგენლობა დავაყენეთ. ამავდროულად, გვსურს საქმეში ვიხილოთ თორნიკე კახოიძე, რომელმაც ახალგაზრდულ ნაკრებებში გამოიჩინა თავი და ძალიან კარგი მონაცემები აქვს. ვიმედოვნებთ, რომ ის საუკეთესოდ წარმოაჩენს თავს“.„დავით მესხი ზაფხულშიც გვყავდა გამოძახებული და მაშინ ტრავმამ შეუშალა ხელი. მან პორტუგალიასთან შეცვლაზე ითამაშა. სწრაფი ბიჭია, კარგი ბოჭვის და შეტევის უნარები აქვს. ამ პოზიციაზე სიღრმეები გვჭირდება და ჩვენთვის საინტერესო მოთამაშეა“ – განაცხადა მთავარმა მწვრთნელმა ლევან მაისაშვილმა."ბორჯღალოსნები" ნიდერლანდებს 12 თებერვალს, ჩვენი დროით 16:15 საათზე ამსტერდამში ეთამაშება.2022 წლის რაგბი ევროპის ჩემპიონატი | II ტური. 12 თებერვალიამსტერდამი. 16:15 საათისაქართველო – ნიდერლანდებისაქართველოხაზი: 15. ლაშა ხმალაძე (შავი ლომი, 89 კეპი, 53 ქულა), 14. აკა ტაბუცაძე (შავი ლომი, 16 კეპი, 65 ქულა), 13. დემე თაფლაძე (შავი ლომი, 13 კეპი, 5 ქულა), 12. მერაბ შარიქაძე (შავი ლომი, კაპ. 81 კეპი, 60 ქულა), 11. დავით მესხი (ენისეი, 1 კეპი), 10. თედო აბჟანდაძე (ბრივი, 29 კეპი, 198 ქულა), 9. ვასილ ლობჟანიძე (ბრივი, 61 კეპი, 55 ქულა);შერკინება: 1. მიხეილ ნარიაშვილი (მონპელიე, 68 კეპი, 10 ქულა), 2. შალვა მამუკაშვილი (შავი ლომი, 85 კეპი, 55 ქულა), 3. ლუკა ჯაფარიძე (ბრივი, 4 კეპი), 4. ნოდარ ჭეიშვილი (შავი ლომი, 34 კეპი), 5. ლაშა ჯაიანი (შავი ლომი, 13 კეპი), 6. ოთარ გიორგაძე (ბრივი, 30 კეპი, 25 ქულა), 7. გიორგი ცუცქირიძე (ორიაკი, 23 კეპი, 15 ქულა), 8. თორნიკე ჯალაღონია (ბიარიცი, 13 კეპი, 15 ქულა).მარქაფა: 16. გიორგი ჭყოიძე (ლოკომოტივ-პენზა, 19 კეპი, 5 ქულა), 17. გურამ გოგიჩაშვილი (რასინგ 92, 26 კეპი, 10 ქულა), 18. ნიკა ხატიაშვილი (შავი ლომი, 6 კეპი), 19. გიორგი ჯავახია (ორიაკი, 7 კეპი, 5 ქულა), 20. სანდრო მამამთავრიშვილი (შავი ლომი, 1 კეპი); 21. გელა აფრასიძე (მონპელიე, 36 კეპი, 24 ქულა), 22. თორნიკე კახოიძე (ლელო, უკეპო), 23. გიორგი ბაბუნაშვილი (შავი ლომი, 4 კეპი, 9 ქულა).rugby.ge

სოსო

ტრავმა ჰქონდა.
ქართველი

ეტყობა ვერ მივადევნე თვალყური და არ ვიცი ნინიაშვილი სად არის?
წადი რა!

შენმა ექსპერიმენტებმა არ გაიშვას!
ლუკა

რომელი ერთი, მოზარდებს სირბილს, სუნთქვას, მოძრაობას ვერ ასწავლიან. ნინიაშვილი და ტაბუცაძე კუზიანები გაზარდეს, და დიდ დატვირთვას ამ ბიჭების მხარბეჭი დიდხანს გაუძლებს? უმეტესობა ვერ გადაადგილდება ცოცხლად მოედანზე.
დიმა

1 შეკითხვა ბორჯღალოსანთა ქომაგებს. უახლოეს მომავალში ახალი, უმაღლესი დონის მწრთვნელი გვჭირდება, თუ არა?! დადებითი "ლაიქი" - კი, უარყოფითი - არა.
giga

xmaladze dacvashi dzzan sustiaa aseve tabucadzec bevr bochvas afucheben, akaki tavdasxmashi mainc kaia da abalansebs maraa , es xmaladze ra gaxda ro shemcvleli ver unaxet

მიხეილ ნარიაშვილი - "ბორჯღალოსნების" შერკინების მწვრთნელი

საქართველოს მორაგბეთა ნაკრებისა და "შავი ლომის" მთავარი მწვრთნელის ვინაობა ცნობილია

საქართველოს მორაგბეთა ნაკრების მწვრთნელის ვინაობა ცნობილია?

"ნოტინგემს ფორესტს" ზინჩენკოს იჯარის ვადაზე შეწყვეტა სურს

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

ოფიციალურად: კონორ გალაჰერი ინგლისის პრემიერ ლიგას დაუბრუნდა

ფუტსალის ნაკრები ევროპის ჩემპიონატისთვის 18 ფეხბურთელით ემზადება

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

"იბერია 1999"-მა ბართიშვილი და ღუდუშაური დაიმატა

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

კანტე თურქეთში შემცირებული ხელფასით მიდის - შესათანხმებელი ბოლო დეტალები დარჩა

ყველაზე ძვირადღირებული და ტიტულოვანი - საბა კვირკველია ყირგიზეთის ჩემპიონატში ითამაშებს

შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს

"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს

ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო

Mundo Deportivo: შენგელია თბილისში მაინც გაფრინდება - ეს სამშობლოსადმი უსაზღვრო სიყვარული და ერთგულებაა

თემა განსჯისთვის | როგორ დავძლიოთ სანაკრებო კრიზისი?

"ჯვაროსნები". სიკვდილის ჯგუფი თუ უკეთესი ვარიანტი? - თებერვალში ერთა ლიგის წილისყრაა

ცა ქუდად და დედამიწა ქალამნად...

GEO TEAM: ხიზანიშვილმა სანიოლის თანაშემწის პოსტი დატოვა

უსაზღვრო "კვარათამასა" - ის, რაც ხვიჩას უკავშირდება