<p>საქართველოს ნაკრების სექტემბრის მატჩებისთვის შემადგენლობას მოუთმენლად ველოდით. ამავდროულად, გააზრებული გვქონდა, რომ ვილი სანიოლის სიაში ბევრ ახალ სახეს ვერ წავაწყდებოდით, თუმცა გარკვეული სიახლეები ვივარაუდეთ. ფრანგი მთავარი მწვრთნელის არჩევანში კიდევ ერთხელ დავინახეთ, რომ ის მაქსიმალურად ყველას აკვირდება, შემადგენლობას ობიექტურად აცხადებს. თითქმის არ გვხვდება ისეთი ფეხბურთელი, რომელსაც მხოლოდ ნაკრებში მათი თამაშის მნიშვნელობიდან გამომდინარე, არც ისე დამაჯერებელი საკლუბო პრაქტიკის ფონზე, იწვევდეს. თუმცა, იყო პოზიცია, სადაც ახალ სახეს ნამდვილად ველოდით.</p><p><img src="pictures/artimages/original/f5affa5fc2dd9b994aefa58a8e09cf4b.jpg" border="0" alt="Sportall.Ge" title="რა დაგვანახა სანიოლის სიამ - ახალი როლი ჩაკვეტაძეს?" width="554" height="400" style="border: 0px;" /></p><p>ყველაზე აქტუალურით დავიწყოთ. ჯაბა კანკავას წასვლის შემდეგ თბილისის "დინამოელ" ანზორ მექვაბიშვილისთვის გამოცხადებული ნდობა სახეზეა, თუმცა იმ ფონზე, როცა გუნდს ოთარ კიტეიშვილიც აკლია და მწვრთნელმა არც ვაკო გვილია გამოიძახა (ახლა ტრავმირებულია და ამ სეზონში მხოლოდ 1 მატჩი ითამაშა), მინდვრის შუაში ახალი ფეხბურთელის გამოძახებას ველოდით. სანიოლმა ამჯერად არც ბათუმის "დინამოელ" სანდრო ალთუნაშვილს უხმო. ბათუმელებს ახლა საუკეთესო პერიოდი ნამდვილად არ უდგათ (ამ გუნდიდან მხოლოდ მამუჩაშვილს ვხედავთ) და მწვრთნელის არჩევანი სწორედ ამით უნდა იყოს ნაკარნახევი. სანიოლისთვის ბევრი ალტერნატივა არც ჩვენ შეგვითავაზებია, ლუკა გაგნიძის შანსები განვიხილეთ, თუმცა სხვა ფაქტორებს რომ შევეშვათ, ის ჯერ მხოლოდ 19 წლისაა და ფრანგ სპეციალისტს შესაძლოა, თავი ამ მიზეზითაც შეეკავებინა.</p><p><img src="pictures/artimages/original/bc884c70a31d2640264a84dd3274ffe8.jpg" border="0" alt="Sportall.Ge" title="რა დაგვანახა სანიოლის სიამ - ახალი როლი ჩაკვეტაძეს?" width="613" height="400" style="border: 0px;" /></p><p>დიდი შანსია, მწვრთნელი გიორგი ჩაკვეტაძის მაქსიმალურად სიღრმიდან თამაშზე ფიქრობდეს, რაც გარკვეულწილად, მისთვის ახალი როლის დაკისრება იქნება. "ჩაკვე" ვლადიმირ ვაისის "სლოვანში" ამ პოზიციაზეც ვნახეთ და გიორგი ახლა ფიზიკურად გაცილებით ძლიერი, კარგ ხასიათზე მყოფი და მწვავეა, ვიდრე ბოლო სანაკრებო მატჩებისას. ისე კი, გიორგი აბურჯანია ივნისში "ერთა ლიგაზე" გამორჩეული იყო, ნიკა კვეკვესკირი კი შუა ხაზში ისევ ჩვენი შეტევების მიმართულების მთავარი განმსაზღვრელი იქნება. ის ახლა ევროტურნირებზე გამოდის, მისმა "ლეხმა" კონფერენს ლიგაზე ესპანურ "ვილიარეალთანაც" მშვენიერი ბრძოლა (3:4 დამარცხდა) გამართა.</p><p>კიდევ ერთი საკითხი შეტევაში "ახალ სისხლს" უკავშირდებოდა. აქ ფეხბურთელები მართლაც კარგ ფორმაში გვყავს (კვარაცხელია, ზივზივაძე, მიქაუტაძე). აგვისტო ვაკო ყაზაიშვილსაც შედეგიანი (3 გოლი) ჰქონდა და ზურიკო დავითაშვილიც ნაკრებშია, თუმცა თუნდაც ლევან შენგელიას დაბრუნებას არ გამოვრიცხავდით, რომელიც საბერძნეთის ჩემპიონატში კარგად გამოიყურება.</p><p>გიორგი ბერიძე "ანკარაგიუჯუში" ცოტა ხნის წინ დუბლით გამოირჩა, თუმცა რამდენიმე შანსის მაინც სათანადოდ ვერგამოყენების შემდეგ სანიოლი მას აშკარად ნაკლებად ენდობა. უფრო სწორი იქნება თქმა, არსებულ კონკურენციაში მის ადგილს და კიდევ ერთი შემტევის გუნდში ყოფნის აუცილებლობას ვერ ხედავს. ვილის არაერთხელ უთქვამს, რომ გუნდი მაქსიმალურად დაბალანსებული უნდა იყოს. რაც შეეხება ფორვარდს. ფრანგის სიმპათიებს ადრე დავით ვოლკოვი იმსახურებდა, თუმცა ახლა კონკურენცია ამ პოზიციაზეც გაიზარდა და ძველებურ ფორმაში არც აზერბაიჯანში მოთამაშე ქართველია.</p><p><img src="pictures/artimages/original/96b8c1b7b097df72af8bae6697fa94ca.jpg" border="0" alt="Sportall.Ge" title="რა დაგვანახა სანიოლის სიამ - ახალი როლი ჩაკვეტაძეს?" width="600" height="400" style="border: 0px;" /></p><p>ჯერჯერობით სერბეთში ცოტას თამაშობს ირაკლი აზაროვი (მას ცხვირიც გაუტყდა), თუმცა მარცხენაფლანგელს სანიოლის ნდობა აქვს, ისევე, როგორც მწვრთნელის მხრიდან ნაკრებში ამ პოზიციაზე მოაზრებულ გიორგი წიტაიშვილს, რომელსაც "ლეხში" ბევრ დროს არა და არ აძლევენ. თუკი ამ პოზიციას განვიხილავთ, პოლონურ "ზაგლებიეში" გურამ გიორბელიძეს საკმაოდ კარგი სეზონი აქვს.</p><p>ალთუნაშვილის საკითხს შევეხეთ და სიაში არც გრიგოლ ჩაბრაძეა. მარჯვენა ფლანგზე ისედაც მწირი კონკურენციაა და ამ ფონზე კიდევ ერთი ცენტრალური მცველის დამატება იქნებ უცნაური იყოს, თუმცა ოთარ კაკაბაძეს, ალბათ, ისევ ფლანგზე ვიხილავთ. ბოლოს ეს უფრო გასვლით შეხვედრებში ხდებოდა, თბილისურ და იმ მატჩებში, სადაც პოზიციური შეტევა მეტად იყო დაგეგმილი, საბა ლობჟანიძე თამაშობდა. ვნახოთ, ეს საკითხი ახლა როგორ გადაწყდება.</p><p>საბა კვირკველია ფორმაში შევიდა, ლუკა ლოჩოშვილს სასტარტოში თამაშის ამბიცია გაზრდილი ექნება და კარგია, ნაკრებს ჯიმი ტაბიძე რომ დაუბრუნდა. მას ძალიან დიდი რესურსი აქვს. ჩამოთვლილი ფეხბურთელები, სავარაუდოდ, კონკურენციას ერთი ვაკანტური ადგილისთვის გაწევენ, რადგან გურამ კაშიასა და დავით ხოჭოლავას (ივნისის მატჩებში 1 წუთითაც რომ არ დაუსვენია) ძირითად შემადგენლობაში უალტერნატივოდ განვიხილავთ. აქვე გეტყვით, რომ კვიპროსში გადაბარგებული ლაშა დვალი ტრავმირებულია.</p><p><img src="pictures/artimages/original/72738f618e81f296737f6311d1e2c906.jpg" border="0" alt="Sportall.Ge" title="რა დაგვანახა სანიოლის სიამ - ახალი როლი ჩაკვეტაძეს?" width="400" height="400" style="border: 0px;" /></p><p>ნაკრებში ერთადერთი დებიუტანტია. "სამგურალის" მეკარე ლევან შოვნაძის გამოძახება მნიშვნელოვანი იმითაცაა, რომ სამწვრთნელო შტაბი ეროვნულ ლიგას აქტიურად აკვირდება და აქ გამორჩეულ კიპერს (10 "მშრალი" მატჩი) "ჯვაროსნებში" ყოფნის უფლება მისცა. შესაძლოა, გიორგი ლორიასა და გიორგი მამარდაშვილის როტაცია ისევ ვიხილოთ, 24 წლის შოვნაძე კი, რომელსაც ახალგაზრდულ ნაკრებში უთამაშია, მნიშვნელოვან გამოცდილებას შეიძენს. ყოველთვის აუცილებელია, რესურსი მაქსიმალურად მოიძებნოს.</p><p>შეგახსენებთ, 23 სექტემბერს ჩრდ. მაკედონიას ვუმასპინძლებთ, სამი დღის შემდეგ კი გიბრალტარს ვესტუმრებით. საქართველოს ნაკრებს 10 ქულა აქვს და "ერთა ლიგაზე" როგორც ერთი დივიზიონით დაწინაურებასთან, ასევე ევროპის ჩემპიონატის პლეი-ოფთან ახლოსაა.</p><p><p><p><br></p>
svano magarski
რონი-აბსოლუტურად-გეტანხმები-კიდევ-ერტ-გვარს-დავამატებდი,მარჯვენა-მცველი-გოჩოლეიშვილი,ტეხნარი,ჭკვიანი,ინგლისტან-ვნახე-ახალგაზრდულ-ნაკრებში-მაგის-კარგი-თამაში-და-მერეც-არაერტგზის.ხიზანა-ლობიოს-არჩევს,როგორც-კალატბურთში-ბოისაა-ტრენერი(უსაქმური-და-მუქტა-პურის-მჭამელი)-ისე-ესაა-ფეხბურთში.-არაუშავს-რასაც-დატესენ-იმას-მოიმკიან,როგორც-ეს-სირიკო-კალატბურტელებმა-ქნეს...მერე-მიხვდება-არაბიძის-და-ბერიძის-ფასს
qomagi
არ შეიძლება ბერიძის დავიწყება ის ბოლობოლო თურქეთის სუპერ ლიგაში გამოდის და საკმაოდ კარგადაც,ასევე გაგნიძე მოსკოვის დინამოდან, ნახევარდაცვის ცენტრში კონკურენცია აუცილებელია და დროდადრო ახალი სისხლი ნაკრებს ჭირდება, მერე რა რო გაგნიძე 19-წლის არის ის უკვე მზადაა ნაკრებისთვის, ჰოლანდიის და ბელგიის ნაკრებებში ამ ასაკის გამორჩეულ ახალგაზრდებს ხშირად იწვევენ,ვითუმეტეს კიტეიშვილი არ გვყავს რომელიც ნაკრებისთვის დიდი ძალაა.
Superman
ყველაფერში გეთანხმები გარდა არაბიძისა. როდესაც პროფესიონალივით მოქცევას დაიწყებს მაშინ უნდა განოიძახონ. ფეხბურთელის გარდა ყველაფერია თავისი დისციპლინით
roni
გაგნიძეც გამოსაძახებელი ყავდა არაბიძეც და ბერიძე ყველა ვარიანტში...... ბერიძის არ გამოძახება მართლა დანაშაულია ბიჭი სულ თამაშობს ბევრ გოლს იტანს და სკამიც არ დაუმსახურებია ნაკრებში? დავითაშვილი კარგია მაგრამ ბოლოს როდის ითამაშა ვიცით? არაბიძეს რაც შეეხება ნაკრებს უნდა ყავდეს ერთი ისეთი ფეხბურთელი 10დან 1 საჯარიმო დარტყმა მაინც რო იქნება სახიფათო და არ ჩამოყრის ყვავებს.... არაბიძე კარგი ჯარიმის დამრტყმელია და მისი გამოყენება შეიძლება ბიჭსაც მეტ სტიმულს მივცემთ. მაგრამ აქ სხვა სისტემით იძახებენ ხალხს როგორც ვატყობ.....
სოსო
ლუკა გაგნიძე,ბოლო თამაშში განაცხადშიც არ ჰყავდათ და არ ვიცი,გაფრთხილებები დაუგროვდა თუ ტრავმა აქვს.გასაგებია,რომ ზურიკოს ყველანი ძალიან ვენდობით და სრულიად საფუძვლიანადაც,მაგრამ რაც საფრანგეთში გადავიდა,სხვადასხვა მიზეზების გამო,არც ერთი თამაში არ ჰქონია და მის ფორმაზე,ეს აუცილებლად აისახებოდა.კიტეც არ არის,წიტაიშვილსაც ძალიან მცირე სათამაშო დრო აქვს,ჩაბრაძემაც მაგრად მოუკლო და აღარ გამოიძახეს,აღარც გვილიაა და გამოდის,რომ საკმაოდ ბევრი ფეხბურთელია,არასახარბიელო მდგომარეობაში.სანუგეშოა,რომ კარგ ფორმაში არიან ცენტრალური მცველები და თავდამსხმელები.მაკედონიელები უკანასკნელ შანსს ბოლომდე ჩაეჭიდებიან და თავებს გადადებენ,ჩვენთან თამაშში.მეშინია,ვაითუ მაღლიდან გადავხედოთ და მათ სრულ მობილიზებას,ჩვენი სრული მობილიზება ვერ დავუპირისპიროთ.ამ შემთხვევაში გადამწყვეტი გახდება ნახევარდაცვის ბრძოლისუნარიანობა,სადაც პრობლემები გვიჩანს.
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი
სანიოლი: კვარაცხელიასგან საუკეთესო თამაშს ველი
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
რამ შეიძლება შეუშალოს ხელი საქართველოს ნაკრების "აჩქარებას" - ვინ არ იქნება შემდეგ მატჩში და რა პრობლემას შექმნის ეს...
"ვალენსია" ჩაკვეტაძის ტრანსფერზე "უოტფორდს" დაუკავშირდა
გადადის ჩაკვეტაძე "ვალენსიაში"? - მედიაში ურთიერთგამომრიცხავი ინფორმაციები ვრცელდება
"ჯვაროსნების" აღმასვლა და სხვა ცვლილებები ფიფას რეიტინგში
ივნისის მატჩებისთვის საქართველოს ნაკრების შემადგენლობა ცნობილია
სექტემბრის სანაკრებო მატჩები | ინფორმაცია ბილეთების შესახებ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
"თუ ეს სიტუაცია დიდ ხანს გაგრძელდება, დიდ პრობლემად იქცევა" - რა თქვა სანიოლმა თურქეთთან და ბულგარეთთან მატჩების წინ
საქართველო VS თურქეთი - მსოფლიო ჩემპიონატისკენ დავიძარით!
ჩაკვეტაძის გარეშე - "უოტფორდმა" სეზონში პირველი გამარჯვება მოიპოვა
ჩაკვეტაძის "ვალენსიაში" გადასვლა დღითიდღე არარეალური ხდება - როგორ აფასებენ ტრანსფერის შანსებს?
"უოტფორდი" ისევ დამარცხდა და თასიდან გამოვარდა
მთავარი საქართველოს სიამაყე და ღირსეული გამარჯვება იყო! - ერთი წელი ევროპის ჩემპიონატზე გასვლიდან
მეტოქეები ცნობილია - ეროვნული ნაკრები ივნისში ორ ამხანაგურ შეხვედრას გამართავს
რისიც გვეშინოდა და როგორ უნდა "დაუძვრე" წაგებას - თურქეთის შემდეგ