<p>როგორც გაცნობეთ, თბილისის "დინამოს" აკადემიის აღზრდილი ლუკა პარკაძე 2023 წლის 1-ელ ივლისს მიუნხენის "ბაიერნს" შეუერთდება, 17 წლის ნახევარმცველმა გასულ ზაფხულს "რეკორდმაისტერთან" 5-წლიანი კონტრაქტი გააფორმა.</p><p>ცნობილმა გამოცემა Transfermarkt-მა პარკაძეს ვრცელი სტატია მიუძღვნა და საახალწლო რუბრიკა "ტალანტების კალენდარში" ჯუდ ბელინგემის გვერდით მოხვდა.</p><p>"2000-იანი წლების დასაწყისში ქართველმა ფეხბურთელებმა ბუნდესლიგა მოაჯადოვეს, ამ პერიოდში "ფრაიბურგის" შემადგენლობაში 4 ქართველი ფეხბურთელი: ლევან კობიაშვილი, ალექსანდრე იაშვილი, ლევან ცქიტიშვილი და გიორგი კიკნაძე ირიცხებოდნენ. 2014 წლის შემდეგ, რაც კობიაშვილმა "ჰერტა" დატოვა, ბუნდესლიგაში ქართველს აღარ უთამაშია. "ბაიერნმა" არც ისე დიდი ხნის წინ ამ ქვეყნის უდიდესი ტალანტი გაიფორმა.</p><p>ლუკა პარკაძე 17 წლისაა და საქართველოს ყველაზე ტიტულოვანი კლუბის, თბილისის "დინამოს" აღზრდილია. აგვისტოს ბოლოს ეროვნულ ლიგაში ლუკას დებიუტი შედგა. 2016 წლიდან "დინამოს" რიგებში შვიდმა ისეთმა ფეხბურთელმა ითამაშა, რომლებიც ლუკაზე მცირე ასაკის იყვნენ.</p><p>ახალგაზრდა ნახევარმცველი განსაკუთრებულ თვისებებს ბურთით მოძრაობისას ავლენს. პარკაძეს მდიდარი ტექნიკური არსენალი და კარგი პასის კულტურაც გააჩნია, მაგრამ მისი მთავარი პლუსი სიჩქარეა. 3 შეხვედრაში, რომელიც მან ეროვნულ ლიგაში ჩაატარა, სწორედ ფლანგზე ასპარეზობდა, რათა გუნდის შეტევების ტემპი უფრო მაღალი ყოფილიყო.</p><p>მიუხედავად იმისა, რომ გოლის გატანა ვერ შეძლო, მცველებს მის წინააღმდეგ თამაში ძალიან უჭირდათ. ერთ-ერთი კომპონენტი, რაშიც ლუკას აუცილებლად მოსამატებელი აქვს, ეს დაცვაში თამაში და ტაქტიკური განსწავლულობაა. ნახევარმცველის თამაში დღეს ყველაზე ცნობილ და იმედისმომცემ ქართველს, ხვიჩა კვარაცხელიას მოგვაგონებს. 21 წლის ფეხბურთელი ასევე თბილისის "დინამოს" აღზრდილია და ევროპაში ერთ-ერთ ყველაზე პერსპექტიულ მოთამაშედ ითვლება.</p><p>მიუნხენელ გულშემატკივრებს უნდა ჰქონდეთ იმედი, რომ პარკაძეც "კვარას" მსგავსად განვითარდება".</p><p>"ლუკას დიდი ხანია ვიცნობთ, მან "ბაიერნის" კამპუსში საცდელ ვარჯიშებზე ბრწყინვალე შთაბეჭდილება დატოვა. ამიტომ ძალიან მოხარულები ვართ, რომ ასეთი ფეხბურთელის გაფორმება შევძელით" - განაცხადა "რეკორდმაისტერის" ახალგაზრდული აკადემიის ხელმძღვანელმა იოხენ ზაუერმა.</p><p>ყოველი წლის დეკემბერში Transfermarkt-ი ახალგაზრდა, ნიჭიერი ფეხბურთელების სიას აქვეყნებს და მათ შესახებ წერს. პარკაძე კი სწორედ ამ რუბრიკის "ტალანტების კალენდრის" 14 დეკემბრის ნომერში მოხვდა, აღსანიშნავია, რომ ამავე სიაში ადგილი "დორტმუნდისა" და ინგლისის ნაკრების ვარსკვლავმა ჯუდ ბელინგემმაც დაიმსახურა.</p><p><p><br></p>
ირაკლი
ძალიან დიდი იმედი მაქვს ამ ბიჭის. მიუნხენის "ბაიერნი" ტყუილად არავის გაიფორმებს. თან ამ სუპერკლუბის საფეხბურთო სკოლა ხომ საერთოდ უდიდესი პერსპექტივაა ფეხბურთელისთვის.
მაღალი შეფასებები - ლომინაძემ პორტუგალიური გუნდის სასტარტოში დაიმკვიდრა ადგილი
Geo Team-ი მიქაუტაძის შესახებ მნიშვნელოვან ინფორმაციას ავრცელებს - "ვილიარეალი" ფრეს დასჯერდა
[VIDEO] დებიუტიც ასეთი უნდა - ტაბატაძემ ესპანეთში გამარჯვების გოლი გაიტანა
"ნიუკასლის" ახალი რეკორდი - "კაჭკაჭებმა" ვოლტემადე შეიძინეს
"ლაიფციგი" ამ ზაფხულს შესაძლოა, კიდევ ერთმა ფორვარდმა დატოვოს
"მანჩესტერ იუნაიტედი" მარტინესის ვარიანტს მიუბრუნდა - არგენტინელი შესაძლოა, "ოლდ ტრაფორდზე" ვიხილოთ
ჯეკსონის საინტერესო ტრანსფერი - მიუნხენში ჩავიდა, მაგრამ "ჩელსიმ" მისი დაბრუნება მოითხოვა
ჰოილუნი უკვე ნეაპოლში და დღეს "ნაპოლის" ფეხბურთელი ოფიციალურად გახდება
კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა
ცნობილი გამოცემების პროგნოზები - მამარდაშვილი სანაკრებო პაუზას შესაძლოა, 1 თვის უთამაშებელი შეხვდეს
"დილა" და "გაგრა" სამ-სამი ქულით
ანგისას გოლი 90+5-ე წუთზე - "ნაპოლიმ" "კალიარის" სძლია
ქოჩორაშვილი სასტარტოში იყო - "სპორტინგმა" სახლში "პორტუსთან" წააგო
საქართველოსთან მარცხის შემდეგ ესპანეთმა ხასიათი გამოისწორა - სკარიოლოს გუნდმა ბოსნია და ჰერცეგოვინა გაანადგურა
[VIDEO] ნაკრების მატჩების წინ კიტეიშვილმა ტრავმა მიიღო და შეცვალეს
დავითაშვილმა შეუცვლელად ითამაშა - "სენტ-ეტიენმა" "გრენობლს" ვერ მოუგო
"ტულუზასთან" მატჩში პსჟ-ს სასტარტო შემადგენლობა ცნობილია
დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა
ბუდუ შეცვლაზე შევიდა - "ჰაიდენჰაიმი" ისევ დამარცხდა
[VIDEO] კატასტროფული მეოთხე მეოთხედი - საქართველოს ნაკრები იტალიასთან დამარცხდა
ნასერ ალ-ხელაიფი: "ბარსასთან" მატჩს მოუთმენლად ველოდებით
[VIDEO] მიქაუტაძემ "ლიონის" ფანებთან დამშვიდობებისას ცრემლები ვერ შეიკავა
ოფიციალურად: როჯერ ფედერერი მილიარდერი გახდა
ქართველმა ნახევარმცველმა "ბაიერნის" პირველ გუნდში ივარჯიშა
"ბაიერნამდე" პარკაძე "გაგრაში" ითამაშებს
ლუკა პარკაძე ავსტრიის "ადმირას" ფეხბურთელი გახდა
"მათ საფეხბურთო სამყარო გაანათეს" - Footballparadise ქართველი ფეხბურთელების შესახებ წერს
"ბაიერნი" პარკაძეს სათამაშო პრაქტიკის მისაღებად იჯარით ავსტრიულ გუნდში გაუშვებს
"ბაიერნმა" პარკაძე იჯარით ბერლინურ გუნდში გაუშვა