ნორვეგიელთა მწვრთნელი: საქართველოს ნაკრების დამარცხება გაცილებით მნიშვნელოვანია, ვიდრე ესპანეთის

ევროპის 2024 წლის ჩემპიონატის შესარჩევი ტურნირის პირველ მატჩს საქართველოს ნაკრები 28 მარტს ბათუმში ნორვეგიასთან გამართავს. ნორდები იქამდე, 25 მარტს, მალაგაში ესპანეთს დაუპირისპირდებიან და მომავალი შეხვედრისთვის მარბელაში ემზადებიან.ორშაბათს ნორვეგიის ეროვნულმა გუნდმა პირველი ვარჯიში ჩაატარა და მისმა მწვრთნელმა სტალე სოლბაკენმა პრესკონფერენციაზე ისაუბრა.სოლბაკენის თქმით, მიზნად ევროპირველობაზე გასვლა აქვთ დასახული, ზეწოლას განიცდიან, გულუბრყვილობაა იმაზე ფიქრი, რომ "ფურია როხასთან" დომინანტები იქნებიან, ბურთს ერლინ ჰოლანი და მარტინ ედეგორი იმდენჯერ ვერ მიიღებენ, როგორც კლუბში და ამ ფუფუნებას მოკლებული იქნებიან."ჰოლანი და ედეგორი მსოფლიო ფეხბურთში გამორჩეულები არიან. ადრე ასეთი ლიდერები ბევრი არ გვყავდა. თუმცა მხოლოდ მათი იმედი არ მაქვს, მთელი გუნდი ბოლომდე უნდა დაიხარჯოს. ერთდროულად ორ მატჩზე ვფიქრობთ. ბათუმში ჩასასვლელად ხანგრძლივი მგზავრობა მოგვიწევს და აღდგენისთვის ორიოდ დღე გვექნება. ორი მძიმე შეხვედრა გველის, მაგრამ საქართველოსთან სამი ქულის მოპოვება გაცილებით მნიშვნელოვანია, ვიდრე ესპანეთთან. ეს ჩვენთვის საკვანძო თამაშია. ამოცანაა: ფრე მალაგაში და მოგება ბათუმში. ნებისმიერ შემთხვევაში, ორივესთან ვა-ბანკზე წავალთ.ჰოლანი მაგარ სეზონს ატარებს, ნაკრებშიც მის მიმართ სასაყვედურო არაფერი გვაქვს, სოლიდური იყო, ბოლო 8 მატჩში 9 თუ 10 გოლი გაიტანა", - განაცხადა სოლბაკენმა.

ზაზა

და ვის გეპარებათ ეჭვი რომ ჩვენი ბიჭები თავს დადებენ რომ ქვეყანა გაახარონ?მე დარწმუნებით გეტყვით ეს ასე იქნება!სხვანაირათ ვერც მოიქცევიან,იმიტომ რომ ძალიან ჯიგრიანი და მოტივირებულები არიან უკლებლივ ყველანი!შეხედეთ სახეებზე მათ და მიხვდებით!!!
თორელი

ალბათ დედამიწაზე არ არსებობს ქართველზე გულმავიწყი და ტრაბახა ერი, ასევე ტრიპაჩობისკენ უსაშველოდ მიდრეკილი. სულ ცოტა 7-8 შესარჩევ ციკლს ჩაუვლია ჩემს წინ და ყოველთვის გადაჭარბებული და გაზვიადებული მოლოდინებით გაჟღენთილები ვიყავით, სადღაც ევროპის ჭ ლიგაში ქართველი გაიფაფხურებდა და მორჩა ჯიბეში გვედო საგზური. მადლობა ღმერთს ამ შესარჩევის წინ ზომიერი ოპტიმიზმის საბაბი გვაქვს კვარას და მამარდას წყალობით, ასევე კიდევ არის გუნდში ორი სამი ფეხბურთელი , რომელთაც მოედანზე განსხვავების შექმა შეუძლიათ, ამას პლიუს თავდადება და თავგანწირვა და შეიძლება ნანატრი შედეგიც დადგეს, მაგრამ წინასწარ ნუ ვიქმნით ამ წყალწყალა და ბრტყელ-ბრტყელ ილუზიებს , რომ თითქოს ჯგუფში ფავორიტები ვართ და მსგავსი ზღაპრები, თუ ბიჭები ყოველ თამაშს ისე მიუდგებიან , როგორც უკანასკნელს და სისხლის ბოლო წვეთამდე იბრძოლებენ აი მერე მოვა შედეგი. სხვა დანარჩენი საუბარი ბაქი-ბუქი და ნაცარქექიაობაა.
თორელი

მეგობარო ფუჭი ოპტიმიზმი და მკვეხარა ქოთნობა არ ვარგა, ჩემზე დიდი ქომაგი არ ყავს ჩვენს ბიჭებს , მაგრამ კვარას, მამარდას და ჩაკვეს გარდა საშუალოზე დაბალი კლასის მოთამაშეები გვყავს(რამდენიმეს შეუძლია თამაშიდან, თამაშამდე, გახდეს მაღალი კლასის ფეხბურთელი). სხვა საქმეა გუნდური სულისკვეთება და საკუთარი ქვეყნის გულისთვის თავდადება, თუ ამ კომპონენტებში ბიჭები თავგანწირულები იქნებიან და მოედანზე თითო გოჯისთვის იბრძოლებენ, მაშინ შედეგი ნამდვილად მოვა. ასე რომ მეტი სიდინჯით და ნაკლები ტრიპაჩით უფრო მოვა შედეგი ვიდრე პირიქით.
ნერაძური

ბანანი საღოლ:)
ზაზა

ჩვენმა ბიჭებმა უნდა გაგვახარონ ბოლო ბოლო,დადგა ამის დროც!საქართველო ერთ ერთი ფავორიტია ჯგუფის!გამოკვეთილი ფავორიტი არც ესპანეთია,შანსები მათთან თანაბარია,სახლში ყველასთან შევძლებთ მოგებას,ყველასთან უნდა ვითამაშოთ პირველ ნომრათ,ამის ფუფუნებას გვაძლევენ ჩვენი თავდამსხმელები: კვარა და მიქაუტაძე,დავითაშვილი და ბუდუ,ესეთი ბიჭები ბევრს არა ჰყავთ,არ ვიცი ამას თუ წაიკითხავენ,მაგრამ სწორედ ამათ უნდა გაიტანონ,იმიტომ რომ ეს მათი პირდაპირი მოვალეობაა,ამ ბიჭებისა ყველა გუნდის მცველებს უნდა ეშინოდეთ,მათ შეუძლიათ,ვიმეორებ:მათ ეს შეუძლიათ,რომ არ შეეძლოთ არც დავწერდი,ახლა ჯერი მათზეა,ნორვეგიას გახევენ!მერე,მერე კი ყველაფერი დალაგდება, კალაპოტში ჩადგება და ყველა ერთად ვისიამოვნებთ მათი წარმატებებით,მთავარია შეტევით ვითამაშოთ პირველივე წუთებიდან ბოლომდე!!!
ლაშა

მარადიშვილი მას საერთოდ ამოაგდებს ძირითადიდან
გოგა

ვინც წინასწარ დაიწყო ჩვრნთან 3 ქულაზე საუბარი, კი დავტოვეთ მერე უქულოდ:)
Მეზღვაური

კიტეიშვილზე მინდა დავწერო რაღაც: რამდენი წელია გვესმის,რომ ნიჭიერია,კარგი მოედნის ხედვით,რომ გადავა ტოპ ლიგაში.წლები გადის,მაგრამ ტოპ ლიგა არ ჩანს...27 წელი უსრულდება კიტეს,აღარაა პატარა ბიჭი.მიზეზი რომ ისევ შტურმშია არის ტრავმებისკენ მიდრეკილება! წლევანდელი და შარშანდელი სეზონები ლამის გამოტოვა დაზიანებების გამო.ევროპა ლიგაზეც ვერ წარმოაჩინა თავი ტრავმების გამო,თან ზედიზედ 2 სეზონი...ზალსბურგიც კი არ ყიდულობს მას,რადგან ყველამ იცის მისი ქრონიკული ტრავმები და იკავებენ თავს ტრანსფერებისგან.ძაან კაი ბიჭია კიტე და გული მწყდება მასზე,მარა არამგონია ტოპ ლიგაში მოხვდეს,ტრავმების გამო თორე კლასით ისეთი ნახევარმცველები არიან ტოპლიგებში რომ კიტე ჯიბეში ჩაისვამს მათ.
ჰაჰა

ფრე არა მგონია ცუდი შედეგი იყოს. ავხსნი. ჩემი აზრით წელს ახალგაზრდებმა უნდა მოუმატონ. თუნდაც ახალგაზრდულ ტურნირში მონაწილეობის ხარჯზე, კვარას და მამარდას მაგალითზე. ანუ ვფიქრობ, თუ პირველ სამ შეხვედრას ნაკლები დანაკარგით გავივლით (3 თამაშში 5 ქულა დიდებული იქნება. თან გაითვალისწინეთ 2 თამაში ზაფხულშია, როცა ტრადიციულად ცუდად ვთამაშობთ.) შემოდგომაზე ძლიერი ფინიშის მოლოდინი მაქვს. სამი თამაში სახლში, ორი გასვლა-მინიმუმ 9 ქულა გაასწორებს.) 14 ქულა, თუ შოტლანდიაც და ქეცბაც ივაჟკაცებენ ნორვეგიასთან შეიძლება გამსვლელი იყოს.
Baduri

სანიოლი კი არა ევროპაზე თუ გავედით ხვიჩა გაგვიყვანს
mmm

ქართული სისხლი გიჩქეფს თუ შოტლანდიური? :)
ლშა

პესიმისტო PK
რობი

შენ სად ბანაობ ძმა?შოტლანდიელი ხარ?
რობი

ორივეს წააგებენ...იქ რთულად,ჩვენ კიდე მგონია რომ მარტივად მოვიგებთ. 2 ან 3 0ს
ირაკლი ვარძიელი

სანიოლმა საქართველო თუ ევროპაზე გაიყვანა, დიდი შანსი აქვს საფრანგეთის მესაჭეობას გამოჰკრას ხელი. ერთი ამათ მოუგეთ და მართლა საღოლ თქვენ, გველნაკბენივით მახსოვს მაგათი 1:4 დინამოზე
ლაშა

აი შენ თუ ვერ მოიგე, შენი ...!
Gia

Pirveli goli tu gautanet mougebt.
ჩვენი ჯგუფის

საბოლოო ცხრილი ასეთი იქნება: 1)შოტლანდია 16ქულა;2)ნორვეგია 16ქულა;3)ესპანეთი 15ქულა;4)საქართველო 6ქულა;5)კვიპროსი 4ქულა.ჩვენ ავიღებთ,თითო ქულას,შოტლანდიასთან და ნორვეგიასთან,ოთხ ქულას კვიპროსთან და ნულს ესპანეთთან.
ჩვენი ჯგუფის

საბოლოო ცხრილი ასეთი იქნება: 1)შოტლანდია 16ქულა;2)ნორვეგია 16ქულა;3)ესპანეთი 15ქულა;4)საქართველო 6ქულა;5)კვიპროსი 4ქულა.

საქართველოს ნაკრებს ძირითადი შემადგენლობის ორი ფეხბურთელი გამოაკლდა

დე ლა ფუენტემ თბილისში წამოსასვლელად ესპანეთის ნაკრები დარაზმა

"ვილი საქართველოს ნაკრებისთვის საუკეთესო მწვრთნელია და მომავალშიც იქნება" - სანიოლის და იაშვილის პრესკონფერენცია

14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა

ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო

დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს

“მილანს” ლევანდოვსკი სურს - აგენტმა საუდის არაბეთის ვარიანტი გამორიცხა

ვიქტორ სანიკიძე საქართველოს კალათბურთის ფედერაციის პრეზიდენტად მეორე ვადით აირჩიეს

[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"

[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა

[VIDEO. ეროვნული ლიგა] უცვლელი ამოცანები! "თელავს" ძალა და კლასი არ ეყო...

[VIDEO] კვერნაძის საგოლე პასი - "ფროზინონემ" გალიდერების შანსი დაკარგა

4-გოლიანი თრილერი - 10-კაციანმა "მანჩესტერ იუნაიტედმა" "ტოტენჰემს" დაუქამბექა

საქართველოს ნაკრებს ძირითადი შემადგენლობის ორი ფეხბურთელი გამოაკლდა

ზესტაფონის მარგვეთმა ბათუმში იმარჯვა და სუპერლიგაში გალიდერდა

კალათბურთის განვითარების პროგრამის ახალი სეზონი ქართლ-კახეთიდან დაიწყო

მოლაპარაკებები ჩიხში შევიდა - "რეალი" ვინისიუსის გასაყიდად მზადაა

ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა

"უკან პასის გაკეთება რომ ავკრძალოთ, რას იტყვით?" - პელეგრინიმ ორიგინალური იდეა გააჟღერა

[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო

19-წლამდელების შემადგენლობა საკვალიფიკაციო რაუნდის მატჩებისთვის

[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა

მიქაუტაძემ შიძლება "ესპანიოლთან" ვერ ითამაშოს

A ჯგუფში ყველაფერი დასრულდა - ესპანეთი და შოტლანდია ევრო 2024-ზე გავიდნენ [VIDEO]

სოლბაკენი: საქართველოს ნაკრებს სიურპრიზი არ შემოუთავაზებია

ნორვეგიელთა მწვრთნელი: ვერ მივხვდით, რატომ არ გვიტევდა საქართველო

დე ლა ფუენტემ თბილისში წამოსასვლელად ესპანეთის ნაკრები დარაზმა

ჩაკვეტაძე ბრუნდება - შეძლებს ნოემბერში საქართველოს ნაკრებში თამაშს?

ნორვეგიელთა მწვრთნელმა საქართველოს ნაკრებთან მატჩისთვის თავისი შვილი გამოიძახა - მეტოქის შემადგენლობა ცნობილია

კვიპროსის ნაკრები თბილისში გამომგზავრებამდე ნორვეგიასთან განადგურდა

სოლბაკენმა განმარტა, რატომ არ იძახებს ნაკრებში რუსეთში მოთამაშე ფეხბურთელს

სოლბაკენი: ზუსტად ვიცით, კვარაცხელიასგან თუ დავითაშვილისგან რას უნდა ველოდოთ

ორი დებიუტანტით - ნოემბრის მატჩებისთვის საქართველოს ნაკრების შემადგენლობა ცნობილია

თემურ ქეცბაია: საქართველო ესპანეთი არაა და რაღაცის მიღწევას შევეცდებით

შოტლანდიისა და ნორვეგიის დაძაბული მატჩი 3:3 დასრულდა

საქართველოს ნაკრებს ძირითადი შემადგენლობის ორი ფეხბურთელი გამოაკლდა

ნორვეგიელთა მწვრთნელი: საქართველოს ჯგუფში ყველა ნაკრების დამარცხება შეუძლია

ვილი სანიოლი: ეს თამაში დიდი მიზნის მისაღწევად პლეი-ოფში დაგვეხმარება

პედრი თბილისში ვერ ჩამოვა

"ძალიან სასიამოვნო გრძობაა, როცა ოცნება ხდება" - იური ტაბატაძე