<p>საკლუბო ფეხბურთიდან სანაკრებოზე უნდა გადავერთოთ. ევროპის ჩემპიონატისკენ სავალ გზას ძალიან ძლიერი მეტოქით ვიწყებთ. ნორვეგიელებს ტრავმის გამო, ერლინ ჰოლანი დააკლდებათ. ეს აუნაზღაურებელი დანაკლისია, მაგრამ ამან არ უნდა მოგვადუნოს! ახლა მათი მთავარი ძალა "არსენალის" ნახევარმცველი მარტინ ოდეგორია. ჩვენი ხვიჩა კვარაცხელიაა, ფეხბურთელი, რომელმაც ყოველგვარი გადაჭარბების გარეშე, მთელი ევროპა აალაპარაკა. თუმცა ფეხბურთი გუნდური თამაშია და ცალკეული ინდივიდების დიდი როლის მიუხედავად, ყველაფერს მაინც ერთიანი მექანიზმი განსაზღვრავს.</p><p>ორივე გუნდის მთავარი მწვრთნელი ერთმანეთის თამაშს მაქსიმალურად შეისწავლის და დასკვნებს შესაბამისად გამოიტანს. ვნახოთ, სოლბაკენი "ნაპოლის" მცველ ლეო ოსტეგორიდან "კვარას" შესახებ რა დამატებით ინფორმაციას მიიღებს, ვილი სანიოლს კი თავისი მიზნები გააჩნია.</p><p>ნორვეგიელთა ძირითადი სათამაშო სქემა 4-3-3-ია. მათგან სხვა სისტემა იშვიათად გვინახავს, საქართველოს ნაკრების ფრანგმა დამრიგებელმა კი, მას შემდეგ, რაც 3-მცველიანი ტაქტიკური სქემა გუნდს კარგად მოარგო, ის აღარ შეუცვლია.</p><p>ფეხბურთში დგება მომენტები, როცა სიახლესა და მოულოდნელობას დიდი ეფექტი აქვს. ასეთ დროს მეტოქის მწვრთნელ-ფეხბურთელებს ალღოს ასაღებად გარკვეული დრო სჭირდებათ. ნორვეგიელების შემთხვევაში მნიშვნელოვანი იქნება, 3 დღით ადრე მალაგაში, ესპანეთის ნაკრებთან როგორ ითამაშებენ, რა შედეგს მიაღწევენ და ფეხბურთელების ფიზიკური ძალების აღდგენის პროცესი როგორ წარიმართება. ზედიზედ ორი გასვლითი მატჩის ჩატარება იოლი არასდროსაა (ქართველებს ეს ივნისში ელით). "ჯვაროსნები" მონღოლეთის ნაკრებს ამხანაგურ მატჩში უმასპინძლებენ. უახლოესი მეტოქეების შედარება არ შეიძლება, თუმცა ხასიათზე მოსაყვანად, ახალი ტაქტიკური ელემენტების დასახვეწად და დებიუტანტების გამოსაცდელად მშვენიერი ასპარეზია.</p><p>როგორც შემადგენლობა, ასევე სანიოლის კომენტარები უფლებას გვაძლევს ვთქვათ, რომ ის ბევრს ფიქრობს იმაზე, თუ რა სიახლეების შეტანა შეუძლია საკუთარი გუნდის თამაშში და არსებული კონტინენტიდან გამომდინარე, მეტოქეს მაქსიმალურად შესაბამისი ტაქტიკური სქემა შესთავაზოს.</p><p>ვილი სანიოლი მეკარის საკითხზეც ბევრს იფიქრებს. გიორგი მამარდაშვილი მშვენიერ ფორმაშია, თუმცა ნორვეგიელებს საჯარიმოში ხშირი ჩაწოდებები სჩვევიათ, ასეთ დროს კი გიორგი ლორია დამაჯერებელია და მისი გამოცდილებაც სასარგებლო.</p><p>თუკი სიურპრიზების შეთავაზებაზე ვსაუბრობთ, საქართველოს ნაკრების დამრიგებლის მხრიდან ეს ყველაზე მეტად იქნებ 4-მცველიანი ტაქტიკის შეთავაზება იყოს. თუკი ვილი ამას გადაწყვეტს, ამის რამდენიმე მიზეზი ექნება.</p><p><img src="pictures/artimages/original/2e410daee57e6a806bf4c584d4542cc2.jpg" border="0" alt="Sportall.Ge" title="რა სიურპრიზების შეთავაზება შეუძლია სანიოლს ნორვეგიის ნაკრებისთვის - ჰოლანის დანაკლისმა არ უნდა მოგვადუნოს!.." /></p><p>დაცვის ცენტრში რამდენიმე ვარიანტი არსებობს, თუმცა დავით ხოჭოლავას არყოფნა ამ ზონას მაინც ასუსტებს და ერთით ნაკლები არჩევანი გვაქვს. "კოპენჰაგენის" უკანახაზელს სასტარტოში ვიხილავდით.</p><p>საბა საზონოვის თერთმეტეულში გამოჩენა ნამდვილად იქნება ის მოულოდნელობა, რასაც ჩვენი ნაკრების დამრიგებელი გადაწყვეტს. გარდა ამისა, აპრობირებულ ტაქტიკურ სქემაში ფლანგზე მოთამაშე ფეხბურთელებს დიდი მნიშვნელობა აქვს, ამ მხრივ კი იდეალურ სიტუაციაში არ ვართ. მარცხნივ მოაზრებულ გიორგი წიტაიშვილს, ისევე, როგორც ირაკლი აზაროვს, კლუბებში სათამაშო დროის დეფიციტი აქვს. მათი მომზადების დონეს სანიოლი აქტიურად დააკვირდება, თუმცა ჩამოთვლილებს იდეალურ ფორმაში ნაკლებად ველით. რაც შეეხება მარჯვენა ფრთას, საბა ლობჟანიძე თურქეთში განვითარებული მოვლენების გამო სათანადო კონდიციებში ვერ იქნება. გიორგი გოჩოლეიშვილი ნაკლებად გამოცდილია, ოთარ კაკაბაძე კი შეტევით ფაზაში ისეთი აქტიური ვერ არის, რადგან ამპლუით მცველია. თუკი ოთხი უკანახაზელით ვითამაშებთ, მარცხენა მცველად გამოსვლა ლაშა დვალსაც შეუძლია.</p><p>მაქსიმალურად თავიდან უნდა ავიცილოთ სცენარი, როცა ჩვენი ნაკრების 5 ფეხბურთელი უფრო მეტად დაცვით ფუნქციებში იქნება ჩართული, ეს კი მეტოქეს, რომელიც ნახევარდაცვაში კარგად გამოიყურება და ოდეგორი ჰყავს, მეტ სამოქმედო არეალს დაუტოვებს. სანიოლის გუნდი კონტრშეტევებზე ძალიან სახიფათო გუნდია, უმეტესად, ხვიჩა კვარაცხელიას ფაქტორის გამო, თუმცა ეს ნორვეგიელებმაც კარგად იციან და ყველაფერს გააკეთებენ, ჩვენი ეს კოზირი გაანეიტრალონ.</p><p><img src="pictures/artimages/original/183c4228e361781129d86e9b5f90117a.jpg" border="0" alt="Sportall.Ge" title="რა სიურპრიზების შეთავაზება შეუძლია სანიოლს ნორვეგიის ნაკრებისთვის - ჰოლანის დანაკლისმა არ უნდა მოგვადუნოს!.." /></p><p>სანიოლის მიერ ძალიან ნაქებ გაბრიელ სიგუას ანაც ლუკა გაგნიძის სასტარტოში გამოჩენა და კვეკვესკირი-აბურჯანიას წყვილთან ერთად ცენტრში თამაში მეტოქისთვის შეთავაზევული კიდევ ერთი სიურპრიზი იქნება. ახლა მთავარია, მოსამზადებელმა დღეებმა და ამხანაგურმა მატჩმა მათი მზადყოფნა აჩვენოს.</p><p>სანიოლის პრესკონფერენციისას თითქოს კარგად გამოიკვეთა, რომ ის მაქსიმალურად მონდომებულია, გიორგი ჩაკვეტაძის ადგილი მოიძებნოს. ვილის კარგად ესმის, რომ "ჩაკვეს" ყოველთვის შეუძლია ცოტათი მივიწყებული თვისებები გამოავლინოს და კვარაცხელიას მიმართ განსაკუთრებული ყურადღებით შექმნილი სივრცეებით მშვენივრად ისარგებლოს. არსებულ (3-4-2-1) სქემაში გიორგის ადგილის მოძებნა რთული იყო და ვნახოთ, ფრანგი სპეციალისტისგან ახლა რას ვნახავთ. ნახევარდაცვასა და შეტევას შორის კავშირების დამყარება ზურიკო დავითაშვილს ძალიან კარგად გამოსდის და სასტარტო თერთმეტეულის მის გარეშე წარმოდგენა რთული იქნება.</p><p><img src="pictures/artimages/original/6027f153ef17d9bb56b165d0656a9ad3.jpg" border="0" alt="Sportall.Ge" title="რა სიურპრიზების შეთავაზება შეუძლია სანიოლს ნორვეგიის ნაკრებისთვის - ჰოლანის დანაკლისმა არ უნდა მოგვადუნოს!.." /></p><p>ბუდუ ზივზივაძე ახლახან დაბრუნდა, ნორვეგიელების წინააღმდეგ კი პირველივე წუთებიდან გიორგი მიქაუტაძეს ველით. სადაც სიურპრიზზე ვუთითებთ, ასეთი დავით ვოლკოვი შეიძლება იყოს, რომელიც მეორე სართულზე გამოირჩევა და ძალისმიერ ნორვეგიელებთან ორთაბრძოლებში შევა...</p><p>შეგახსენებთ, ნორვეგიელებს 28 მარტს ბათუმში ვუმასპინძლებთ, სამი დღით ადრე კი მონღოლეთის ნაკრებს მივიღებთ.</p><p><p><p><p><br></p>
ზაზა
კატეგორიულად არ ვეთანხმები ამ სტატიის ავტორის აზრს მეკარეებითან მიმართებაში... მამარდაშვილი ასევე როგორც კვარაცხელია ნაკრებში დღეს უალტერნატივოა.
ჯუჯი
საბა საზონოვმა უნდა ითამაშოს,ძალია ახალგაზრდაა, მაგრამ ძალიან ძლიერი მცველია.სტაბილურია, მოსკოვის დინამოს დაცვის ბურჯია.
ზიზ
დღეს ისეთი სიტუაცია გვაქ ნებისმიერ სქემაში გვექნება პრობლემური პოზიცია- სამი მცველი, ორი საყრდენი+პლეიმეიკერი ყველა შემთხვევაში გვჭირდება, ანუ ცენტრი გვინდა მჭიდროდ. ნორვეგიელებს სულ ცხენები ყავთ და სირბილში ვერ ვაჯობებთ იქნება ტექნიკით გავიდეთ ფონს. ვინც სად არ უნდა დადგეს ფლანგებზე მაინც გაცვლიან პოზიციებს, წინ მაღალ ცენტრ ფორვარდსაც არა აქ აზრი, მე მგონი მანდაც ტექნიკური მიქაუტაძე ჯობია...
MARGALONA
მუდმივი
ლაშა
კი, რათქმაუნდა აქვს. ამას წინათ გოლიც კი გაიტანა. სტაბილური და გამძლეა. 90 წუთი შეუძლია სირბილი!
Ucxo
მამარდა ესპანეთთან და ნორვეგიასთან არა დანარჩენებთან ბაზარი არაა მაინც არ არის დამაჯერებელი მამარდა ჯერ ამ ორ ნაკრებთან მაგის დაყენება სარისკოა ბევრი შეცდომები აქვს ყველა თამაშში.
Levani
საზონოვს თავის გუნდში პრაქტიკა აქვს?
კახა
სანდოა ვითომ ჰოლანდის არყოფნა ტრიუკი შეიძლება იყოს იციან ასე
kicha
მამარდა კაკაბა კაშო კვირკველია საბა წიტა აბუ გაგნიძე ჩაკვე კვარა ჟორჟი ან მამარდა კაკაბა კაშო კვირკველია ტაბიძე აბუ გაგნიძე ზურიკო ჩაკვე კვარა ჟორჟი მამარდა
მწვრთნელი
სქემას არ შეცვლის! სანიოლი ათამაშებს, როგორც შვედეთთან ათამაშა! ერთი რამ მათავარია, ყველა მოთამაშე ვინც სასტარტოში იქნება 100% იყოს მომზადებული ფიზიკურად და ფსიქოლოგიურად! ასეთები კი გვყავს ნამდვილად შემადგენლობაში! აგერ: ლორია - მამარდაშვილი, კაშია-კვირკველია-დვალი-საზონოვი-კაკაბაძე, კვეკვესკირი-აბურჯანია-გაგნიძე-ჩაკვეტაძე-კვარაცხელია-ბერიძე-მიქაუტაძე-ვოლკოვი!
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
სანიოლი: კვარაცხელიასგან საუკეთესო თამაშს ველი
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
რამ შეიძლება შეუშალოს ხელი საქართველოს ნაკრების "აჩქარებას" - ვინ არ იქნება შემდეგ მატჩში და რა პრობლემას შექმნის ეს...
"ჯვაროსნების" აღმასვლა და სხვა ცვლილებები ფიფას რეიტინგში
ივნისის მატჩებისთვის საქართველოს ნაკრების შემადგენლობა ცნობილია
სექტემბრის სანაკრებო მატჩები | ინფორმაცია ბილეთების შესახებ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
"თუ ეს სიტუაცია დიდ ხანს გაგრძელდება, დიდ პრობლემად იქცევა" - რა თქვა სანიოლმა თურქეთთან და ბულგარეთთან მატჩების წინ
საქართველო VS თურქეთი - მსოფლიო ჩემპიონატისკენ დავიძარით!
მთავარი საქართველოს სიამაყე და ღირსეული გამარჯვება იყო! - ერთი წელი ევროპის ჩემპიონატზე გასვლიდან
მეტოქეები ცნობილია - ეროვნული ნაკრები ივნისში ორ ამხანაგურ შეხვედრას გამართავს
რისიც გვეშინოდა და როგორ უნდა "დაუძვრე" წაგებას - თურქეთის შემდეგ