კვარაცხელია: მქონდა მინუსი, თუმცა თამაში გავაუმჯობესე - ვიპოვე ის თვითრწმენა, რაც ძალიან დამეხმარა

საქართველოს ნაკრებისა და "ნაპოლის" გარემარბმა ხვიჩა კვარაცხელიამ სფფ-ის პრესსამსახურთან ინტერვიუში ბათუმის "დინამოში" გატარებულ პერიოდზე, საკუთარ თავზე, "ნაპოლისა" და გულშემატკივრებზე ისაუბრა:"ბათუმში თავდაჯერება დამიბრუნეს. ყოველ მატჩზე სავსე სტადიონი იყო. თავი ისე ვიგრძენი, როგორც ევროპის დიდ გუნდში. სტადიონი ყოველთვის სავსე იყო. ძალიან კარგი ფეხბურთელები თამაშობდნენ. ამ გუნდმა "ნაპოლიში" შემდგომ წასვლაში დიდი როლი ითამაშა. რაც შეეხება გულშემატკივრებს, მინდა ყველას მადლობა გადავუხადო, რადგან მუდამ გვერდში მიდგანან.ნაკრებისთვის ამხანაგური მატჩი არ არსებობს, ყველა შეხვედრა მნიშვნელოვანია - როგორც მონღოლეთთან, ასევე ნორვეგიასთან. კარგი იქნება, თუ სავსე სტადიონზე ვითამაშებთ. ყველაფერს გავაკეთებთ იმისათვის, რათა ხალხი სახლში ბედნიერი დაბრუნდეს. ვეცდებით, ორივე მატჩში გამარჯვება მოვიპოვოთ.საკუთარ თავზე ლაპარაკი არ მიყვარს, თუმცა, ალბათ, თამაში გავაუმჯობესე, უფრო გუნდურად ვმოქმედებ. მქონდა ის მინუსი, რომ ბალანსს ვერ ვპოულობდი, თამაშს უფრო საკუთარ თავზე ვიღებდი. გუნდსა და ნაკრებში თამაშმა შედეგი გამოიღო. ორივე გუნდს ძალიან კარგი ფეხბურთელები ჰყავს და მათ გარეშე ასეთი ფეხბურთელი ვერ ვიქნებოდი.როდესაც ნეაპოლში პირველად ჩავედი, ზოგი კარგს ამბობდა, ზოგი კი ცუდს და როგორც კი თამაში დავიწყე, პირველი გოლი გავიტანე. ჩემში თავდაჯერებულობა ამაღლდა, რომ მეც შემეძლო კარგი, ბრწყინვალე ფეხბურთელი გავმხდარიყავი, მათ დონეზე ვყოფილიყავი, როგორი ფეხბურთელებიც სერია A-ში არიან. ჩემს თავში ვიპოვე ის თვითრწმენა, რაც ძალიან დამეხმარა.წაგება არც ფეხბურთში და არც ცხოვრებაში არ შემიძლია, მაგრამ თუ მოედანზე ვარ და ვაგებთ, ყველაფერს ვაკეთებ, უფრო აგრესიული ვხდები, მინდა აუცილებლად შემოვაბრუნო თამაში, გავამწვავო შეტევა და, ნაკრებს იქნება თუ გუნდს, დავეხმარო და წარმატება მოვუტანო.ყველაზე დიდ როლს, რა თქმა უნდა, მშობლები თამაშობენ, ვინაიდან მათგან ყველაფერს სწავლობ. მეც ვცდილობდი და ვცდილობ, ჩემს მშობლებს დავმსგავსებოდი, რაც ვფიქრობ, გამომივიდა. გარემოცვამ, მეგობრებმა, ახლო ადამიანებმა, ნათესავებმაც დიდი როლი ითამაშეს.შეიძლება ყველა ადამიანს რაღაც მინუსი ჰქონდეს, ალბათ, მეც მაქვს რაღაც მინუსი. როდესაც საკუთარ თავთან ვრჩები, ვფიქრობ, რა შეიძლება გამოვასწორო. მაგალითად, არის ხოლმე მომენტები, როცა შეიძლება გულშემატკივართან ვერ გადავიღო ფოტო. თუმცა, ჩემი აზრით, ხანდახან უნდა გამიგონ. მეც მეშლება ხოლმე მერე ამის გამო ნერვები, რომ მათთან რატომ არ გავჩერდი. ვეცდები, ყველა ადამიანი ჩემგან გახარებული იყოს".

toti

ისე ამდენ ხალხში სპალეტის რომ არ ახსენებ ტეხავს.. მისი ხელი და მენტალიტეტი აშკარად დაეტყო
ჩეტო

მართლა მიკვირს ასე ახალგაზრდა უკვე ამ დონეზე წარმატებული ქართველი როგორ არის ასე თავმდაბალი, სრულად საქმეზე კონცენტრირებული და პროფესიონალიზმის ნამდვილი მაგალითი. ღმერთო ამრავლე ქართულ გენში და ჯიშში ასეთი ბიჭები და გოგოები, სპორტშიც და ნებისმიერ სხვა პროფესიაც. გენაცვალე ხვიჩა! ერის სიამაყე კაცო!
ასეაა!!!!

ცოტა მოკრძალება მართებს ფეხბურთელს,როცა საკუთარ თამაშს აფასებს...მქონდა მინუსიო და არა მინუსებიო...ის ერთი მინუსი გამოვასწორე და ახლა სრულყოფილი იგროკი ვაროოო...ასე თუ თვლის ცუდი კი არა ძალიან ცუდიაა..
rembo

ხვიჩა ახალგზრდბითვის მაგალითი ხარ თავდაუზოგავი შრომის და თავდადების
gogi

კარგი ბიჭია ძაან - თავმდაბალი და შრომისმოყვარე!
გეგა

იშვიათი დიპლომატია, მოკრძალება და თავმდაბლობა, ასეთ ახალგაზრდა ასაკში და ამ მასშტაბის თავბრუდამხვევი წარმატებების ფონზე.. ოჯახს მადლობა ასეთი ბიჭის აღზრდისთვის..
G.LA

ფოტოს გადაღება მეც ძალიან მინდა და აქ ბევრია ჩემნაირი. ჩვენ გვესმის რომ შეუძლებელია ყველასთან ფოტოს გადაღება და ამაზე ნუ ინერვიულებ. შენ თამაშით გაგვახარე და ჩვენი მთავარი ოცნება აგვისრულე. ხომ გახსოვს ეს ოცნება? შენ მწვერვალზე უნდა ახვიდე, ჩვენ კი გავბედნიერდებით და ამით ვიამაყებთ. მიყვარხარ ხვიჩა. ❤️
ცოფიანი სპილო

სურათის გადაღება კი კარგია, მაგრამ აი ვთქვათ 1000 კაცია და ყველას სურათის გადაღება რომ უნდოდეს. ხომ არ გაიხევა შუაზე ეს ბიჭი. იმ გულშემატკივარმაც გაიგოს, რომ გულშემატკივრობა სელფის გადაღება კი არაა ან იმით ტრიპაჩობა, რომ აი, ხვიჩას ვიცნობ ან იმას ვიცნობ. მე რომც ვიცნობდე, არ ვეტყოდი არავის. და რა ცნობა უნდა, გულიანი ბიჭია და მაგარი ფეხბურთელი, ამნაირი ადამიანის არც არაფერი შეგშურდება, რომ არსებობს უკვე მადლია მთელი ქვენისთვის, მეტი კი არაფერი.
MARGALONA

თვითონ სიტყვა ხვიჩა კაშკაშას ნიშნავს მეგრულ ენაზე
დუდუ

კარგი შვილი ხარ, შემოგევლოს მთელი საქართველო, ხვიჩა!♥️
კაპიტან გარდენბურგი

გამარჯვებები და ყველაფერი კარგი ჩემო კარგო და გადასარევო ხვიჩა, ძალიან ვაფასებ ამ საოცარ კაცს
Semi

არცერთი მატჩი არ გამიცდენია ხვიჩასი რუბინშიც კი ყველა მატჩი მანახი მაქვს, ასეთი შთაბეჭდილება ჩემზე ყენიამ, ოქრიმ და ჩაკვემ მოახდინეს. ნაპოლიში გადასვლისას ვფიქრობდი ნეტავ არ გაანათხოვრონ, შანსი მიცენ 15-16 მატჩი შეცვლაზე მაინც რომ ათამაშონ და სეზონში 4-5 გოლი რომ გაიტანოს იქნებ მომავალი სეზონიდან სასტარტოში მოხვდესთქო. კვარა კიდე წავიდა და პირველივე სეზონში სერია ა -ს საუკეთესო ფეხბურთელი შეიძლება გახდეს. ეს ოცნებაზე მეტიცაა.
!!

როგორი საყვარელია, ბათუმით დაიწყო თავის კარიერაზე საუბარი და არა რუსეთით. იცის მის გულშემატკივრებს როგორ გაუხარდებოდა ბათუმის სხენება. ჩვეულებრივი ფანი გავხდი ამ ბიჭის. საერთოდ არ მაინტერესებს ვინ რას იტყვის მასზე. ვიცი, ძალიან ბევრი აგრესიული კომენტარი იწერება. სულ თვალში რომ გვეჩხირება ეს კვარაცხელია, სხვა რამეზეც ილაპარაკეთო მაგრამ უკაცრავად, გაგვიძელით. დაბლოკეთ მისი სახელი და რაც მოგწონთ იმით დაკავდით. მე ვინც მაღიზიანებდა იმას ვბლოკავდი, კი არ ვლანძღავდი.
ლევანი

შენ გენაცვალე ხვიჩა, კარგო კაცო. ამიტომაც არის შენი გზა წარმატებული, რომ მშრომელი ხარ და მარწმუნე. შენ რწმენა გაქვს უფლის, შენი თავის და ყველა შენიანის. ბევრი მშრომელი ყოფილა, მაგრამ ბოლომდე არ უმართლებთ ხოლმე. ამიტომა არის საჭირო რწმენა, რწმენა უფლის, სიკეთის. შენ, ჩვენო კარგო კაცო, ჯერ ეხლა დაიწყე კარიერა, წინ კიდევ უამრავი წარმატებები გექნება, ასეთი რომ ხარ, სწორედ ამიტომ. უფალი გფარავდეს! დიდება საქართველოს!
Charley

ხვიჩას პიროვნული თვისებებიც ისეთივე კაშკაშაა როგორიც მისი თამაში მწვანე მინდორზე. უბრალოება ყველაზე დიდი თვისებაა ადამიანში რომელიც ყველაზე დიდ შდაბეჭდილებას ახდენს სხვა ადამიანებზე.
ალექს

რა უნდა თქვას კაცმა,უბრალოდ შეუფასებლად უსაყვარლესი ადამიანია. დღეს საქართველო ნამდვილად არის ხვიჩა და ხვიჩა არის საქართველო!
roma bejanidze

უდიდესი და უმაგრესი ადამიანი ხარ ხვიჩა. დარჩი იმათ რაც ხარ. ღმერთმა გაგიმართლოს ცხოვრებაში.
ვახო...

დიდებული ფეხბურთელი და ასევე ძალიან კარგი ადამიანი! უდიდესი წარმატებები ხვიჩას მომავალში!

საქართველოს ნაკრები რუმინეთთან ამხანაგურ მატჩს გამართავს

საქართველოს ნაკრების მეტოქეს შეიძლება მწვრთნელი შეეცვალოს

"ამის გამო მოურინიოს ხომ ვერ დავურეკავ" - საქართველოს ნაკრების მეტოქის მწვრთნელი

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

ბათუმმა ზედიზედ მეოთხე გამარჯვება ორბთან იზეიმა

[VIDEO] პსჟ-მდე "ჩელსი" სახლში "ნიუკასლთან" დამარცხდა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა

[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა

VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს

სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო

ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა

"ის, რაც ქართულ რაგბიში ხდებოდა, არის აღმაშფოთებელი" - სკანდალი ქართულ სპორტში, WADA-მ ეროვნული ნაკრების 6 მორაგბე დაასანქცირა

ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის

გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ

"რეალის" საზაფხულო გეგმები - მადრიდული გრანდი რამდენიმე პოზიციაზე გაძლიერდება

შეინარჩუნებს პოსტს? - ტუდორის ბედი "ლივერპულთან" მატჩზე გადის

"მილანში" გადმოსვლისას ზლატანმა ეს სიტყვები მითხრა" - Dazn-მა მენიოზე დოკუმენტური ფილმი გადაიღო

"ნაპოლი" ჰოილუნდს 44 მილიონ ევროდ გამოისყიდის

"პარიზს უყვარხარ, "კვარადონა" - ევროპის უდიადეს სცენებს ანათებ" - პსჟ ხვიჩას აქებს

საქართველოს ნაკრების მეტოქეს შეიძლება მწვრთნელი შეეცვალოს

რა უშლის კვარაცხელიასა და ოსიმენის ტანდემის პსჟ-ში აღდგენას ხელს?

[VIDEO] "ნაპოლიმ" "ტორინო" დაამარცხა და სამმატჩიანი მოუგებელი სერია შეწყვიტა

"ნაპოლი" ჰოილუნდს 44 მილიონ ევროდ გამოისყიდის

სიომინი: ხვიჩა უმაღლესი დონეა - ლუის ენრიკე 30 მაისზე ფიქრობს

თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები

სად ითამაშებს ხვიჩა - ცვლილებები წინა მატჩის ენდშპილის გათვალისწინებით

საბო: საქართველოს დამარცხება შეიძლება - პუტინის მარიონეტ ორბანის უნგრეთთან ჩეხვა იქნება

კარში კურტუა, შეტევაში კვარაცხელია ალვარესთან და ოლისესთან ერთად - უეფას სიმბოლური

"ქართველებს კვარაცხელიას გარდა არავინ ჰყავთ" - უკრაინელი ექსპერტი საქართველოს ნაკრებზე

საქართველო - ისრაელი | ინფორმაცია ბილეთების შესახებ

"საქართველოში მივდივარ... ხვიჩა თავის სამშობლოზე ამას ყოველდღიურად მეუბნება" - ნგონგემ კვარაცხელიაზე ვრცლად ისაუბრა

"ნაპოლის" "ლეჩესთან" გამარჯვება პოლიტანომ მოუპოვა

[VIDEO] "კვარაააააა" - ხვიჩას ბრწყინვალე თამაშით აღფრთოვანებული დემბელე, "ჩელსისთან" მატჩის მერე ემოციების ვერ მალავდა

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

Le Parisien: შთამბეჭდავი კვარაცხელიათი დუეს გარეშე - მათი გუნდში ყოლა ნებისმიერი მწვრთნელისთვის ფუფუნებაა