<p>სუპერლიგის ჩემპიონს სუპერფინალური მატჩი გამოავლენს. "რუსთავისა" და თსუ-ს დაპირისპირებაში 4 მატჩის თავზე გამარჯვებული ვერ გამოვლინდა. ორივე გუნდმა 2-2 მატჩი მოიგო, ფინალური სერია თანაბარია და გადამწყვეტ შეხვედრაში გუნდები ერთმანეთს საჩემპიონოდ შეერკინებიან. სუპერფინალური დაპირისპირება 28 მაისს, რუსთავის ქიმიკოსთა დარბაზში, 19:00 საათზე გაიმართება.</p><p>ფინალური სერიის მე-4 მატჩი, რომლის მოგებაც თბილისის სახელმწიფო უნივერსიტეტის გუნდს ჩემპიონობას უნაღდებდა, "თბილისი არენაზე" გაიმართა. შეხვედრაში ანგარიში რუსთაველებმა გახსნეს, რის შემდეგაც მატჩს მხოლოდ ერთი ლიდერი ჰყავდა. ანატოლი ბოისას გაწვრთნილმა რუსთაველებმა ნომინალური მასპინძელი თსუ 29 ქულის სხვაობით – 106:77 დაამარცხეს და მოედნის უპირატესობა დაიბრუნეს.</p><p>მოგებაცაა და მოგებაც – ქვემოქართლურმა გუნდმა მიმდინარე სეზონში თასის გათამაშების გამარჯვებულსა და საჩემპიონოდ შემართულ თსუ-ს ისე მოუგო, შანსი არ დაუტოვა. არადა, "რუსთავი" ისევ ტრავმირებული გუგა პატაშურის გარეშე თამაშობდა, წაგების შემთხვევაში ტიტულის მოგების შანსს კარგავდა და ეს ყველაფერი ფსიქოლოგიური წნეხის საფუძველი შეიძლება გამხდარიყო. პირიქით კი მოხდა, "რუსთავის" კალათბურთელები ძალიან მოტივირებულები და მოსაგებად შემართულნი იყვნენ. განსაკუთრებით - ტროი კროფტი, რომელმაც მიმდინარე სეზონის სარეკორდოდ ბევრი ქულა მიითვალა, რაც პლეი-ოფისთვის ბევრად გამორჩეული შედეგია.</p><p>რაც საქართველოში სტატისტიკის კომპიუტერიზებული აღრიცხვა წარმოებს, ანუ 2008 წლიდან, პლეი-ოფში 45 ქულა არავის ჩაუგდია. მანამდე რა შედეგები დაფიქსირდა, ოფიციალური ინფორმაცია არ არსებობს, თუმცა მხოლოდ ბოლო 14 წლის კვალობაზეც კროფტის შედეგი ურიგო ნამდვილად არ გახლავთ. "რუსთავის" ამერიკელი უკანახაზელი, რომლის თამაშიც წინა მატჩში მიღებული ტრავმის გამო სათუო იყო, თსუ-ელთათვის შეუჩერებელი იყო. კროფტმა პირველ ნახევარში 28 ქულა ჩააგდო. ის ყველა პოზიციიდან იხვეჭდა ქულებს და მეურვეებს თავბრუს ახვევდა. ტრეიმ 10-დან 8 სამქულიანი ჩააგდო, თუმცა მხოლოდ შორი სროლები როდი იყო მისი არსენალი.</p><p>პირველი ნახევარი რუსთაველთა 15-ქულიანი უპირატესობით – 50:35 დასრულდა. თსუ-ელებმა კარგად დაინახეს, თუ ვისგან მოდიოდა საფრთხე და დიდი შესვენების შემდეგ ტრეი კროფტს მეურვეობა დაუწესეს, მაგრამ ამან არ გაჭრა. ამერიკელი მაინც აგდებდა (უფრო უხერხული სიტუაციებიდან) და თან ქვემოქართლელთა გუნდის სხვა წევრებიც ათამაშდნენ. ლიდერობამ მალე 20 ქულას მიაღწია, მაგრამ "რუსთავი" არ შეჩერდა, კიდევ და კიდევ უმატებდა ტემპს და ბოლო პერიოდს 19-ქულიანი უპირატესობით შეხვდა.</p><p>მატჩის ბედიც, ფაქტობრივად, აქ გაირკვა. მართალია, თსუ-ს მიმდინარე პლეი-ოფში 20-ქულიანი ჩამორჩენა უკვე გაბათილებული ჰქონდა ბოლო პერიოდში (კაკტუსთან), თუმცა ეს დღე არ იყო უნივერსიტეტელების. "რუსთავი" ბოლომდე ებრძოლა თსუ-ს და დამსახურებულ, დიდსხვაობიან გამარჯვებამდე მივიდა. კროფტმა საბოლოოდ მოგროვებულ 45 ქულას 8 მოხსნა და 6 პასი მოაყოლა. 21 ქულა, 8 მოხსნა და 5 პასი ლუკა ბულაშვილის ანგარიშზე დაგროვდა. ეივერი დიგსმა რუსთაველებს 12 ქულა და 8 მოხსნა შესძინა. თსუ-ს შემადგენლობაში ბომბარდირი გახდა ჯიმონ ჰენსონი 30 ქულით. ბექა ბექაურის ანგარიშზე 13 ქულა და 9 მოხსნა დაგროვდა.</p><p><p><p>ფინალური სერიის გადამწყვეტ მატჩამდე 2 დღეა, რასაც გუნდები მაქსიმალურად გამოიყენებენ, საჩემპიონო შერკინებისთვის მოსამზადებლად.</p></p></p><p><p><p><strong>GBF.GE</strong></p></p></p><p><p><p> <p></p></p><br></p>
დინამო 72
გონზე არ ხარ ბუდულაი
აბდულაი
ასეთ კალათბურთს ქუჩაში აღარ თამაშობენ ჩვენი ქვეყნის გარეთ.ქუჩური კალათბურთის.
შალო
ძალიან მაგრად ითამაშა კროფტმა,გამოგვადგებოდა ნაკრებში,მაკფადენის ნაცვლად.
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
VIDEO | დავით ყიფიანის სახელობის საქართველოს თასი | გაგრა 2-1 რუსთავი. ჩაგდებული ტაიმის ფასი - "გაგრა" მეოთხედ გავიდა ფინალში!
დევონტრე ტომასის ბენეფისი ქუთაისში | თსუ-მ ქუთაისს მეორეც მოუგო და ჩემპიონობას მიუახლოვდა
VIDEO | ეროვნული ლიგა | რუსთავი 0-2 იბერია 1999. მძიმე ყოფილა ლიდერის ტვირთი...
თსუ-მ სუპერთასი დაიცვა - უნივერსიტეტელებმა "ბათუმი" დამაჯერებლად დაამარცხეს
"ბათუმის" გამარჯვება ქომაგების ოვაციების ფონზე და აჭარლები ჩემპიონობას მიუახლოვდნენ
თასის ოთხთა ფინალში ქუთაისი მარგვეთს დაუპირისპირდება, თსუ – თელავს
თასის გათამაშების ფინალში თსუ-მ "ივერიონი" დაამარცხა და ტიტული შეინარჩუნა
"ბათუმმა" ფინალურ სერიაში ანგარიში გაათანაბრა და მოედნის უპირატესობა მოიპოვა
VIDEO | ეროვნული ლიგა | ტორპედო 0-1 რუსთავი. უფრო ახლოს გასავარდნ ზონასთან...
VIDEO | ეროვნული ლიგა| ნინუას სტანდარტი და არაფრისმომცემი ქულები
VIDEO | ეროვნული ლიგა | რუსთავი 2-0 სამგურალი. დამსახურებული გამარჯვება, ბრძოლა გრძელდება!
VIDEO | ეროვნული ლიგა | რუსთავი 3-1 დილა. ვის არგო და ვის აწყინა სანაკრებო პაუზამ?