თსუ-მ "კერავნოსს" 17 ქულა გაუბათილა, მაგრამ ბოლო წუთებზე ბრძოლაში დამარცხდა

ფიბა-ევროპის თასზე თბილისის სახელმწიფო უნივერსიტეტის გუნდმა კვლავ ბრძოლაში, ბოლო წამებზე წააგო. ევროტურნირის ბოლოსწინა, მე-5 ტურის მატჩი საქართველოს სუპერლიგის მოქმედმა ჩემპიონმა ნიქოზიაში, “კერავნოსთან” გამართა და 79:84 (სტატისტიკა) დამარცხდა. გერმანულ “გიოტინგენთან” გამართულ მატჩებთან ერთად ეს გახლდათ მე-3 შეხვედრა, რომელშიც თსუ მეტოქეზე არანაკლებ იმსახურებდა მოგებას, თუმცა ფორტუნისა თუ სხვა მიზეზების გამო ბოლო წამებზე, ქულა-ქულა ბრძოლაში, მარცხი განიცადა.ნიქოზიაში გამართული მატჩი ძალიან ჰგავდა "კერავნოსთან" თბილისში ნათამაშებ შეხვედრას. მატჩი თითქმის ანალოგიური სცენარით წარიმართა, იმ განსხვავებით, რომ ბოლო წამებზე, თანაბარ ბრძოლაში გამარჯვება კვიპროსულ გუნდს დარჩა. თბილისის მსგავსად, თსუ მესამე პერიოდში 17 ქულით აგებდა და დარჩენილ დროში გათანაბრება მოახერხა. შეხვედრის 26-ე წუთზე ტრევის ტეილორის გარღვევის შემდეგ "კერავნოსი" 60:43 დაწინაურდა. ეს მასპინძელი გუნდისთვის უდიდესი ჰანდიკაპი იყო, რაც ფაქტობრივად, გამარჯვებას ნიშნავდა, თუმცა თსუ არ დანებდა და მე-3 პერიოდში დარჩენილ 4-წუთიან მონაკვეთში ჩამორჩენა 12 ქულამდე შეამცირა – ბურთები რატი ანდრონიკაშვილმა, კახა ჯინჭარაძემ და ნიკოლა ვუიოვიჩმა ჩააგდეს – პასებით მომარაგება გიორგი ცინცაძემ ითავა, რომელმაც რთულ პირველ ნახევარში 3 სამქულიანი ჩააგდო და თსუ-ს შანსი შეუნარჩუნა.ბოლო პერიოდი თანაბარ ბრძოლაში განახლდა და ისე გაილია მისი ნახევარი, 10-12-ქულიანი სხვაობა შენარჩუნდა. შეხვედრის დასრულებამდე 5:30 წუთით ადრე "კერავნოსი" 74:63 იგებდა, როცა ცინცაძის პასით ალექსანდრე ფევაძემ ჩამორჩენა 9 ქულამდე შეამცირა. ამას მოჰყვა უნივერსიტეტელების პრესინგის ზღვარზე მისული დაცვა, რაც მთავარი მწვრთნელის, ლექსო ლაფანაშვილის და მისი ასისტენტების – ნიკა მსხალაიას და დიმიტრი ჭელიძის ტაქტიკური გადაწყვეტილება იყო. ნაბიჯმა გაამართლა და დაცვაში მოპოვებული ბურთების შემდეგ თსუ-ელები სწრაფად გადადიოდნენ შეტევაში და ამ გზით ბურთები ერთმანეთის მიყოლებით იმავე ფევაძემ, ჯინჭარაძემ და ნოდარ გოგოძემ მიითვალეს.შედეგად, გოგოძის შედეგიანი გარღვევის შემდეგ, დასრულებამდე 2 წუთით ადრე, ანგარიში გათანაბრდა – 74:74. ანუ თსუ-მ კერავნოსს 5-წუთიანი მონაკვეთი 11:0 მოუგო და ფსიქოლოგიური უპირატესობაც ჰქონდა, მაგრამ… უნივერსიტეტელებმა გააგრძელეს მჭიდრო დაცვითი თამაში და მეტოქე მაქსიმალურად შეზღუდეს, თუმცა კერავნოსელმა დელანო სპენსერმა ურთულესი პოზიციიდან შეტევის ამოწურვამდე 2-ქულიანი ჩააგდო, ხოლო თსუ-ს არაზუსტი შეტევის შემდეგ გოგოძემ დაცვაში აქტიურობისას ჯარიმა მიიღო, რაც მასპინძელთა 2 ზუსტი საჯარიმოთი დასრულდა და საფინალო სირენამდე 1 წუთით ადრე "კერავნოსი" 4 ქულით გალიდერდა.თსუ აქტიურ დაცვაზე გადაერთო, ნოდარ გოგოძემ სამქულიანიც ჩააგდო, თუმცა მჭიდრო პრესინგისას უნივერსიტეტელებს რეინოლდსი გაეპარათ, რომელზეც ტაირი ბოიკინი არასპორტულად დაჯარიმდა და მატჩის ბედიც გაირკვა. საჯარიმოები ამერიკელმა ლეგიონერმა ზუსტად გამოიყენა, "კერავნოსი" 84:79 (სტატისტიკა) დაწინაურდა და მატჩის დარჩენილი 4 წამიც უბრძოლველად გაილია.თსუ-ს შემადგენლობაში ბომბარდირი გახდა კახა ჯინჭარაძე, რომელმაც 28 ქულა დააგროვა. გიორგი ცინცაძემ შეხვედრა 13 ქულით, 8 პასითა და 6 მოხსნით დაასრულა. რატი ანდრონიკაშვილის ანგარიშზე 8 ქულა, 10 პასი და 5 მოხსნა დაგროვდა. ნიკოლა ვუიოვიჩმა გიორგი ტურძილაძის არყოფნაში 27 წუთი ითამაშა, რა დროშიც 14 ქულა და 4 მოხსნა მიითვალა.ჩვენს ჯგუფში იტალიურმა "ვარეზემ" გერმანიაში დაძაბული, ოვერტაიმიანი ბრძოლა 109:104 მოუგო "გიოტინგენს" და ცხრილში გაუთანაბრდა. დარჩენილია ერთი ტური, რომელმაც ჯგუფში პირველი ადგილის და შესაბამისად, შემდეგ ეტაპზე გამსვლელი გუნდის ვინაობა უნდა გადაწყვიტოს. თსუ 22 ნოემბერს იტალიურ "ვარეზეს" უმასპინძლებს, ხოლო "გიოტინგენი" კვიპროსში "კერავნოსს" დაუპირისპირდება.GBF.GE

ისტორიული მოგება ჩემპიონთა ლიგაზე | "ბათუმის" გამარჯვება და ოჩხიკიძის გმირობა

საკალათბურთო სეზონი დუდუ დადიანის მემორიალით, რუსთავში გაიხსნება

მაიკლ ჯორდანი და სუნ ძის "ომის ხელოვნება" - იდეა, რომელმაც საუკუნეებს გაუძლო

ბექჰემი: "ოქროს ბურთს" მესი იმსახურებს

სეოკ-ის აღმასრულებელი კომიტეტის სხდომა

ტოდ ბოელიმ "ჩელსის" ხელმძღვანელის პოსტი დატოვა

ქოჩორაშვილი ისევ შეცვლაზე შევიდა, "სევილიამ" ისევ გაიმარჯვა

კლოპი გერმანიის ნაკრების ძირითადი მეკარის საკითხში ჩამოყალიბდა

პსჟ "ლივერპულის" მთავარი იმედის გადაბირებას გეგმავს

"ნეიტრალური, მშვიდი ადგილი გვინდა" - დევისი და სმოლკინი ქორწილის გადახდას საქართველოში გეგმავენ

სანაკრებო სია: სად აქვს პრობლემა სანიოლს და რა სიახლეებს უნდა ველოდოთ

როდის იქნება თოფურია ბრძოლისთვის მზად და დაუბრუნდება ოქტაგონს - ქართველს გეიჯისთან რემატჩი სურს

ალიადერი: კვარაცხელია "არსენალისთვის" ფანტასტიკური შენაძენი იქნებოდა

"გიჟური საღამო გამოვიდა, ძალიან ბედნიერი ვარ" - მამარდაშვილი "ტოტენჰემთან" მატჩის შემდეგ "ლივერპულის" ოფიციალურ გვერდს ესაუბრა

ერთა ლიგაზე ფორმატი შეიცვალა - რა ახალი წესი დაამტკიცა UEFA-მ გუშინ გამართულ ყრილობაზე

ბასილაშვილმა თითქმის მოგებული მატჩი ბოლომდე ვერ მიიყვანა და თამაში შეწყვიტა

მესის ბოლო სანაკრებო შეკრება - ლეოს ეროვნული გუნდიდან 6 ოქტომბერს გააცილებენ

სკანდალი - უკრაინელმა ფეხბურთელმა გუნდი თვითნებურად დატოვა და კარიერას რუსეთში გააგრძელებს

[VIDEO] ალისონი აღფრთოვანებული დარჩა - რა რეაქცია ჰქონდა ბრაზილიელს მამარდაშვილის ბრწყინვალე მოგერიებაზე

ლიბერთი, ბაზისბანკ ჯგუფის წევრი GNPF Youth Open ტურნირის მხარდამჭერია

უარი უკრაინას - ქოჩორაშვილის თანაგუნდელმა შოტლანდიის ნაკრებში თამაში არჩია

"შავი ლომი" | 28 მორაგბით ინგლისში

განშორება უკვე ზამთარში? - პსჟ-ში ზაბარნის თამაშით უკმაყოფილონი არიან

დევონტრე ტომასის ბენეფისი ქუთაისში | თსუ-მ ქუთაისს მეორეც მოუგო და ჩემპიონობას მიუახლოვდა

"ბათუმის" გამარჯვება ქომაგების ოვაციების ფონზე და აჭარლები ჩემპიონობას მიუახლოვდნენ

თასის ოთხთა ფინალში ქუთაისი მარგვეთს დაუპირისპირდება, თსუ – თელავს

ანდრონიკაშვილის 20 და ჯინჭარაძის 18 ქულა - თსუ "ვარეზესთან" დამარცხდა

თასის გათამაშების ფინალში თსუ-მ "ივერიონი" დაამარცხა და ტიტული შეინარჩუნა

"ბათუმმა" ფინალურ სერიაში ანგარიში გაათანაბრა და მოედნის უპირატესობა მოიპოვა