- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჩემპიონატი გოლთაცვენით დავიწყეთ
<p>საქართველოს XXII ჩემპიონატი. I ტურის მიმოხილვა <br> ვერაფერს ვიტყვით: საქართველოს XXIII ჩემპიონატი მართლაც "ხალისიანად" დაიწყო! ყველაფერს თავი რომ დავანებოთ, ექვს მატჩში 19 გოლი გავიდა და იმედი დავიტოვოთ, ასეთი შედეგიანობა სეზონის ბოლომდე გაგრძელდეს.</p><p>შედარებისათვის: წინა სეზონში, 36 ტურის განმავლობაში შედეგიანობის მხრივ საუკეთესო მაჩვენებელი სწორედ 19 გოლი იყო და ეს შედეგი სეზონის ფინიშისკენ (XXIII ტურში) დაფიქსირდა. მოკლედ, უნდა ვივარაუდოთ, რომ ეს მაჩვენებელი აუცილებლად გაუმჯობესდება - ბოლოს და ბოლოს, წინა სეზონისგან განსხვავებით ამჟამად უმაღლეს ლიგაში ხომ უფრო მეტი გუნდი ასპარეზობს.</p><p>აქვე, რახან პარალელებზე ვსაუბრობთ, ისიც გავიხსენოთ, რომ წინა სეზონში სამი უხვგოლიანი მატჩი გვქონდა: "დინამო"-"სამტრედია" (7:1), "ზესტაფონი"-"სამტრედია" (7:0) და "ზესტაფონი"-"ბაია" (6:1). და აი, ახალი სეზონის პირველსავე ტურში შვიდგოლიანი სანახაობაც შედგა: "ვიტ ჯორჯიამ" უაღრესად დრამატულ შეხვედრაში გორის "დილას" 4:3 მოუგო!</p><p><strong>განსაკუთრებული მატჩი</strong></p><p>ახალი სეზონი "ვიტ ჯორჯია"-"დილას" მატჩით გაიხსნა და XXIII ჩემპიონატის პირველი გოლიც სწორედ ამ შეხვედრაში გავიდა: თავი გიგა ჯუღელმა გამოიჩინა! აღსანიშნავია, რომ ეს იყო 19 წლის გარემარბის სადებიუტო გოლი უმაღლეს ლიგაში, თუმცა ამ შეხვედრაში სხვაც ბევრი მოხდა დასამახსოვრებელ-აღსანიშნავი; ჯერ ერთი, მართლაც არა ვართ განებივრებულნი ისეთი მატჩებით, მოულოდნელი სცენარით რომ მიმდინარეობს და საბოლოოდ, შვიდ გოლსაც რომ იხილავს გულშემატკივარი; თანაც, არ დაგვავიწყდეს, რომ "ვიტ ჯორჯიამ" ეს მატჩი საშინაო არენაზე ჩაატარა - პირველად, 2008 წლის გაზაფხულის შემდეგ!</p><p>მოგეხსენებათ, რომ მცხეთის "არმაზის" სტადიონს რეკონსტრუქცია უტარდებოდა და სამი სეზონის განმავლობაში "ვეტერინარები" საშინაო შეხვედრებს ბორჯომში, გორში, რუსთავსა თუ თბილისის სხვადასხვა სტადიონებზე ("ლოკომოტივი", "ეროვნული", "შატილი") ატარებდნენ. და აი, განახლებულ სტადიონზე ჩატარებულ პირველსავე მატჩში მოპოვებული გამარჯვებაც; თანაც, ამიერიდან მცხეთის სტადიონს "არმაზის" ნაცვლად "მცხეთა-პარკი" ერქმევა! მოგეხსენებათ, გემოვნებაზე არ დავობენ და თუ ინგლისში არქმევენ სტადიონებს "აპტონ პარკსა" თუ "ვილა პარკს", რატომ არ შეიძლება ჩვენთანაც იგივე განხორციელდეს? მით უფრო, რომ ჩვენში დღესდღეობით ყველაფერი თუ არა, ძალიან ბევრი რამ სწორედ ინგლისურთან "კავშირში" უნდა იყოს.</p><p><strong>სადებიუტო შეხვედრები, სადებიუტო გოლები</strong></p><p>გიგა ჯუღელის სადებიუტო გოლი ვახსენეთ და მის გარდა პირველ ტურში სხვა დებიუტანტებიც უნდა გამოვარჩიოთ. მოდი, ჯერ მწვრთნელებზე ვთქვათ, მით უფრო, რომ ერთდროულად რამდენიმე სპეციალისტმა პირველად გამოიყვანა თავისი გუნდი საქართველოს ჩემპიონატში! თუმცა, ყველა მათგანს სხვადასხვა "ხასიათის" დებიუტი ჰქონდა: ესპანელმა ალექს გარსიამ ("დინამო") საქართველოს ჩემპიონატში პირველი გამარჯვება მოიპოვა აი, გია ცეცაძეს ("დილა"), მალხაზ ჟვანიას ("მარტვილი") და ჯონი ჯაგიდისისა და ვახტანგ ჩაგელიშვილის "დუეტის" ("სიონი") დებიუტი კი მარცხიანი აღმოჩნდა.</p><p>ეგ არაფერი - წინ უამრავი მატჩია და ამ მწვრთნელების პირველი გამარჯვებებიც, როგორც იტყვიან, დროის საქმეა. აქვე, კიდევ ერთი სამწვრთნელო დებიუტიც უნდა ვახსენოთ: ტურის ცენტრალურ მატჩში ("ტორპედო"-"ზესტაფონი") სტუმართა გუნდს გია გეგუჩაძის არყოფნაში ახალგაზრდა სპეციალისტი გია ჭიაბრიშვილი მოძღვრავდა და გადახალისებული შემადგენლობით მოასპარეზე ქვეყნის მოქმედმა ჩემპიონმა სეზონი ძლიერ მეტოქესთან გამარჯვებით დაიწყო.</p><p>ახლა კი სადებიუტო გოლებზეც, თანაც საქართველოს ჩემპიონატის ისტორიაში "ესპანური გოლებიც" ვნახეთ: "დინამოს" ესპანელმა ლეგიონერებმა, 23 წლის კოტომ და 30 წლის ჩისკომ ევროპის ლიგაზე დაწყებული შედეგიანი თამაში საქართველოს ჩემპიონატშიც გააგრძელეს! კოტოსა და ჩისკოს გარდა, საქართველოს ჩემპიონატში სადებიუტო მატჩები ჩაატარეს 26 წლის ესპანელმა იაგუემ ("დინამო"), 26 წლის უკრაინელმა ვლადიმირ ორდინსკიმ ("გაგრა") და მარტვილის კოტ"დივუარელმა ლეგიონერებმაც - 22 წლის იატრომ და 20 წლის ტაპემ.</p><p>ასევე გვინდა აღვნიშნოთ 24 წლის ნოდარ ნოზაძის სადებიუტო გოლ(ებ)ი უმაღლეს ლიგაში, - გორის "დილას" ნახევარმცველი ჩემპიონატში პირველი "დუბლის" ავტორიც გახდა! ასევე პირველი გოლი გაიტანა საქართველოს ჩემპიონატში "ვიტ ჯორჯიას" 21 წლის ცენტრალურმა მცველმა ლაშა კასრაძემ; გაგრძელება კიდევ იქნება.</p><p><strong>დაბრუნებები...</strong></p><p>"ვიტ ჯორჯია" სამწლიანი პაუზის მერე დაუბრუნდა თავის მშობლიურ სტადიონს და ზუსტად ამდენი ხანი ველოდით უმაღლეს ლიგაში გორის "დილას" გამოჩენასაც. სხვათა შორის, ფეხბურთის გულშემატკივრებს გვინდა შევახსენოთ, რომ უმაღლეს ლიგაში ჩატარებული სეზონების მიხედვით "დილა" მხოლოდ სამ გუნდს ჩამორჩება - თბილისის "დინამოს", "ტორპედოსა" და ბათუმის "დინამოს".</p><p>უფრო ნაკლები, ორწლიანი პაუზის შემდეგ დაუბრუნდნენ უმაღლეს ლიგას გიორგი კიკნაძე და ზაზა ზამთარაძე, - ეს ახალგაზრდა მწვრთნელთა "დუეტი" ამჯერად ქუთაისის "ტორპედოს" მოძღვრავს. აი, რაც შეეხება ანატოლი პისკოვეცს, უკრაინელი სპეციალისტი უმაღლეს ლიგაში "გაგრასთან" ერთად ერთწლიანი პაუზის შემდეგ დაბრუნდა და პირველსავე ტურში დიდი ანგარიშითაც გაიმარჯვა!</p><p>და კიდევ ერთ "დაბრუნებულზეც": გორის "დილას" გამოცდილ შემტევს, 30 წლის რომან ახალკაცს საქართველოს ჩემპიონატის უმაღლეს ლიგაში უკანასკნელად გოლი 7 წლის წინათ ჰქონდა გატანილი და აი, ამხელა პაუზის მერე პირველად გამოიჩინა თავი.</p><p><strong>გამორჩეული მატჩები</strong></p><p>რატი წინამძღვრიშვილს უმაღლეს ლიგაში დებიუტი 17 წლის ასაკში ჰქონდა, როცა "ამერის" ღირსებას იცავდა. მერე იყო უმძიმესი ტრავმები, რის გამოც, ფაქტობრივად, ორწელიწადნახევარი გაუცდა; თუმცა "ზესტაფონის" მთავარმა მწვრთნელმა გია გეგუჩაძემ ახალგაზრდა ფორვარდს ფეხბურთში დაბრუნების შანსი მისცა და წინამძღვრიშვილმაც ეს ნდობა გოლებით გაამართლა! შეგახსენებთ, რომ წინა სეზონში წინამძღვრიშვილმა მეტოქეთა კარში 13 გოლი გაიტანა და ცამეტივეჯერ შეცვლაზე შემოსულმა მოახერხა! და აი, 23 წლის ფორვარდის პირველი გოლი "ზესტაფონის" შემადგენლობაში, ოღონდ, როგორც ძირითადის ფეხბურთელის "როლში"!..</p><p>I ტურის ერთ-ერთ მთავარ მოულოდნელობად, ვინმემ, შესაძლოა, ფოთის "კოლხეთის" სტუმრად მოპოვებული ქულა მიიჩნიოს. თუმცა, ვინც "მეტალურგისა" და "კოლხეთის" მატჩს თვალი მიადევნა, დაგვეთანხმება, რომ ფოთელებმა რუსთავიდან დამსახურებული ქულა წაიღეს.</p><p>ეგ კი არა, სტუმრებს რომც მოეგოთ, არც ეს იქნებოდა გასაკვირვი - "კოლხეთის" მთავარმა მწვრთნელმა, გამოცდილმა სპეციალისტმა სოსო ფილიამ აბსოლუტურად სწორი ტაქტიკური სქემა აირჩია და ევროპალიგაგამოვლილ მეტოქეს აქეთ "მოახვია" აგრესიული თამაში. ისე, რაც ფილია "კოლხეთში" დაბრუნდა, რუსთავულმა გუნდმა ვერც ერთი მატჩის მოგება ვერ შეძლო: წინა სეზონში ერთი მატჩი ფრედ დამთავრდა (ფოთში), მეოთხე წრის შეხვედრა კი ფოთელებმა სტუმრად მოიგეს. ნუ დაგვავიწყდება, რომ სწორედ წინა სეზონში იყო (ოღონდ, ორივე გუნდს სხვა მწვრთნელები მოძღვრავდნენ), როცა პირველი წრის შეხვედრაში ფოთის "კოლხეთმა" მართლაც სასტიკი მარცხი აგემა რუსთავის "ოლიმპს" (5:1). ჰოდა, რუსთაველებისთვის თუ რომელიმე გუნდზე ითქმის უხერხული მეტოქეაო, ასეთი სწორედ "კოლხეთია".</p><p><strong>ყოველდღიური სპორტული გაზეთი "ლელო"</strong></p>
-
giorgi giorgadze
ვიტ ჯორჯიასა და გორის დილას მატში გასული გოლები შეგიძლიათ ნახოთ აქ http://www.facebook.com/video/video.php?v=243988815633717&oid=128188180559897&comments
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ