"შალახო ერთად უნდა გვეცეკვა, მაგრამ..." - მერაბ დვალიშვილმა არმან ცარუკიანის შესახებ ისაუბრა

<p>UFC-ის სუპერმსუბუქი წონითი დივიზიონის ჩემპიონმა, მერაბ დვალიშვილმა მანუკ ჰაკობიანთან ინტერვიუში უმარ ნურმაგომედოვთან ბრძოლა გაიხსენა და არმან ცარუკიანზეც ისაუბრა.</p><p>"ვიცოდი, რომ უმარს დავამარცხებდი. ჩხუბით ვისიამოვნე და ადამიანებს, რომლებიც სომხეთიდან მგულშემატკივრობდნენ, მინდა მადლობა გადავუხადო. ლოს-ანჯელესშიც დარბაზში ბევრი სომეხი იყო და მათგან მხარდაჭერას ვგრძნობდი.</p><p>იმ საღამოს გამარჯვება ქართველებსა და სომხებს უნდა გვეზეიმა, მე და არმანს გამარჯვებების შემდეგ შალახო ერთად უნდა გვეცეკვა, მაგრამ მოულოდნელი რაღაც მოხდა", - განაცხადა დვალიშვილმა.</p><p>შეგახსენებთ, მერაბმა უმარ ნურმაგომედოვი 18 იანვარს UFC 311-ზე დაამარცხა და საჩემპიონო ქამარი დაიცვა, ამავე ღონისძიებაზე ცარუკიანი მახაჩევს უნდა დაპირისპირებოდა, თუმცა სომეხი ჯანმრთელობის პრობლემების გამო ბრძოლას ჩაეხსნა.</p><p><p><p><p><br></p>