ახსენით თეოს ბორკილები

თეო უოლკოტი „არსენალის“ კრიზისიდან გამოყვანისთვის თავდაუზოგავ ბრძოლას კისრულობს, ოღონდ ამისათვის მწვრთნელს თავდასხმაში გადაყვანას, შემოქმედებით თავისუფლებას სთხოვს თეო უოლკოტი „არსენალის“ კრიზისიდან გამოყვანისთვის თავდაუზოგავ ბრძოლას კისრულობს, ოღონდ ამისათვის მწვრთნელს თავდასხმაში გადაყვანას, შემოქმედებით თავისუფლებას სთხოვს.22 წლის ფეხბურთელი „მეთოფეთა“ გუნდში სულ ერთსა და იმავე პოზიციაზე თამაშობს - ჰაფბეკია, მაგრამ ახლა არსენ ვენგერს ოდინდელი დანაპირების შესრულებას სთხოვს: 2005 წელს, როდესაც ფრანგმა სპეციალისტმა ის „საუთჰემპტონისგან“ იყიდა, 16 წლის ბიჭს მომავალი ცოტა სხვანაირად დაუხატა.სამშაბათს, ჩემპიონთა ლიგის პლეი-ოფში, „უდინეზეს“ კარში ერთადერთი გოლის ავტორმა ძველი ამბავი გაიხსენა: „არ დავმალავ, დაე, ყველამ იცოდეს, რომ თავდასხმაში მინდა თამაში. უკვე ექვსი წელიწადია რაც „არსენალში“ გადმოვედი და მწვრთნელს ჯერ არ აუსრულებია დაპირება, რომ მოედნის შუაში გადამიყვანს. თუ გამიმართლებს და გოლებს კიდევ გავიტან, იქნებ მართლაც შემიცვალონ ამპლუა. სწორედ გამიგეთ, არანაირ ულტიმატუმს არ ვაყენებ, მაგრამ მინდა ბოსს ხმა მივაწვდინო და ვუთხრა, რომ თავდასხმაში თამაში უფრო მეხერხება. იქნებ დაფიქრდეს ამაზე“.თუმცა, უოლკოტმა კარგად იცის, რომ მარტო „არსენალის“ პრობლემებს ვერ მოერევა და ამიტომაც ემუდარება ვენგერს ახალი ფეხბურთელების დამატებას. ბოლოს და ბოლოს ის ახალგაზრდობის მიუხედავად გუნდის ერთ-ერთი ყველაზე ასაკოვანი ფეხბურთელი გახდა. უოლკოტმა ნახა, რომ კლუბი ერთ ზაფხულში დატოვეს სესკ ფაბრეგასმა, გაელ კლიშიმ, დენილსონმა, ემანუელ ებუემ და, ალბათ არ შევცდებით თუ ვიტყვით, რომ სამირ ნასრიმაც. აშკარაა, რომ ამ დანაკლისს რამენაირად შევსება სჭირდება.„რასაკვირველია, ფეხბურთელები გაოცებულები ვართ და გვაინტერესებს, რა მოხდება. არ გვინდა ჩვენი თამაშის ხარისხი დაეცეს და გუნდი სულ ცუდად და ცუდად გამოვიდეს. იმ დღეს, ნიუკასლთან თამაშის წინ, ბიჭები სადილად რომ დავსხედით სუფრასთან ყველაზე ასაკოვანი მე ვიყავი, არადა ჯერ მხოლოდ 22 წლის ვარ. ეს საშიში მდგომარეობაა. წარმატებას რომ მიაღწიო, აუცილებელია ახალგაზრდები გამოცდილ მოთამაშეებს შეუზავო, თუმცა მწვრთნელმა იცის რას აკეთებს. წარსულში მას გუნდში მოუყვანია ფეხბურთელები, რომელთა შესახებ არაფერი ვიცოდით და გარკვეულა, რომ ისინი დიდი მოთამაშეები არიან. რა ხდება ამჟამად ჩვენს თავს მხოლოდ გარკვეული დროის შემდეგ გაირკვევა, მაგრამ მაინც მგონია, რომ ვენგერი ახალ ფეხბურთელებს იყიდის. თუკი რამდენიმე საუკეთესო მოთამაშეს ჰყიდი, რასაკვირველია, მათი შემცვლელიც უნდა მოიყვანო“.თეო უოლკოტი „არსენალის“ ბედზე ძალიან რომ ღელავს ჯერ კიდევ რამდენიმე კვირის წინ გამოჩნდა, როდესაც მან საუკეთესო ფეხბურთელების გაყიდვის წინააღმდეგ აიმაღლა ხმა. ამის მიუხედავად, ის ოპტიმისტურად არის განწყობილი, და ფიქრობს, რომ საერთო განწყობის მიუხედავად, „მეთოფეები“ ამ სეზონში ყურებს არ ჩამოყრიან.1997 წლის შემდეგ „არსენალს“ ჩემპიონთა ლიგის ჯგუფური ეტაპის გარეშე ერთი სეზონიც კი არ ჩაუტარებია, ახლა კი ამისი რეალური საშიშროებაა: „უდინეზესთან“ 1:0 გამარჯვება იმას ნიშნავს, რომ შემდეგ ოთხშაბათს „მეთოფეებს“ უდინეში დიდი ბრძოლა გადახდებათ თავს. უოლკოტი დასძენს:„მოწინააღმდეგე ტექნიკურად ძალიან ძლიერი და სწრაფი გუნდია. უდინელებმა, პირველ შეხვედრაში, ნახევარდაცვაში გვაჯობეს. საპასუხოში, რასაკვირველია, უფრო რთული თამაში გველის, რადგან ვიცით, რომ მოწინააღმდეგე მთელი ძალით შემოგვიტევს. თუმცა, ჩვენ ამ ბრძოლისთვის მზად ვართ. ბოლოს და ბოლოს სამშაბათს ჩვენ მოვიგეთ და თან ისე, რომ გოლი არ გაგვიშვია. თან, ჩვენ ბევრი ახალგაზრდა ფეხბურთელი გვყავს, რომლებმაც იმ დღეს კარგად წარმოაჩინეს თავი და მეტოქისთვის ხიფათს წარმოადგენენ. მაგალითად, კარლ ჯენკინსონი და ემანუელ ფრიმპონგი. კარგია, რომ საპასუხო მატჩში რობინ ვან პერსი დაგვიბრუნდება - მას დისკვალიფიკაციის ვადა გაუვიდა. მეც ყველა ღონეს ვიხმარ, ყმაწვილებს მხარში რომ ამოვუდგე. ძალიან კარგად ვიცი თუ რა მნიშვნელოვანია ვინმე, შენზე გამოცდილი რომ გეხმარება. „არსენალი“ ყოველთვის ახალგაზრდა გუნდად იყო ცნობილი, მაგრამ თუკი აქამდე ამას ერთგავრი გამართლების სახეც ჰქონდა, ამიერიდან ასე არ იქნება. დროა ჩვენმა გუნდმა ტიტულების მოგება დაიწყოს“.„ემირეიტ სთედიუმზე“ უოლკოტისა და კომპანიის თამაშს ინგლისის ნაკრების მწვრთნელი ფაბიო კაპელოც ესწრებოდა. ბრიტანული პრესა ამტკიცებს, რომ კაპელო უკმაყოფილო დარჩა უოლკოტის წიგნით, სადაც ფეხბურთელს აღწერილი აქვს იტალიელის რთული ხასიათი და ინციდენტები, რომლებიც ნაკრებში მომხდარა. უოლკოტმა თქვა:„დღეს წიგნზე ლაპარაკს არ ვაპირებ, მაგრამ გეტყვით, რომ ფაბიოს უდიდეს პატივს ვცემ და ძალიან მიხარია „უდინეზესთან“ ჩვენს თამაშსა ჩემს გოლს თვალი ტრიბუნიდან რომ ადევნა“.ყოველდღიური სპორტული გაზეთი "ლელო"

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა