საქართველოს 20-წლამდელთა ნაკრებმა შვეიცარია დამაჯერებლად დაამარცხა

საქართველოს 20-წლამდელთა ნაკრებმა შვეიცარია დაამარცხა და ჯგუფიდან გასვლის შანსი რეალური გახადა. პირველ ტურში ავსტრიასთან დამარცხების შემდეგ პლეი ოფში გასვლას ჩრდილი მიადგა, თუმცა კოტე ტუღუშის გაწვრთნილმა გუნდმა მეორე ტურის მატჩში სოლიდურ მეტოქეს სძლია. შვეიცარიას პირველ ტურში დანია ჰყავდა დამარცხებული, შესაბამისად, ურიგო ოპონენტი არ გახლდათ, თუმცა ქართველებმა მოინდომეს და მეტოქე ისე დაამარცხეს, შანსი არ მიუციათ – 96:81.   ქართველებმა პირველი, მეორე და მესამე პერიოდები მოიგეს. საქართველოს ლიდერობამ ბოლო ათწუთეულის წინ მთლიანობაში 25 ქულა შეადგინა, რაც გამარჯვებას ნიშნავდა. ბოლო პერიოდში შვეიცარიელებმა ჩამორჩენა მხოლოდ შეამცირეს, თუმცა საბოლოოდ 15 ქულით მაინც დამარცხდნენ.   საქართველოს ნაკრებში საუკეთესო შედეგი ჰქონდა თენგო გოგიშვილს რომელმაც 23 ქულა, 5 მოხსნა და 4 პასი მიითვალა. ორმაგი დუბლი გაიფორმა ალექსანდრე დაუშვილმა, რომელმაც 22 ქულა და 10 მოხსნა მიითვალა. ავთანდილ ბახტაძის ანგარიშზე 20 ქულა, 7 მოხსნა და 4 პასი დაგროვდა.    სანამ ჯგუფის დღევანდელი მატჩები დასრულდებოდეს, საქართველოს ნაკრებმა ჯგუფში პირველ ადგილზე გადაინაცვლა. დღეს ნიდერლანდები დანიას შეხვდება, ავსტრია კი ჩრდილოეთ მაკედონიას.   GBF.GE

.

დღეს დანიელებთან მათ თამაშს ვუყურე და ნეტავი არ მეყურებინა!ორი წუთის დაწყებული იყო,ბახტაძემ თან ჯარიმა მიიღო და თან ტრავმა,ისეთი,რომ სკამზეც კი აღარ გამოჩენილა.მატჩის ბოლოს დანიელი კალათბურთელი სულაც საკაცით გაიტანეს.არ ვიცი,ბახტაძის გამოკლებამ იმოქმედა თუ სულ ასე თამაშობენ,მაგრამ ქართული კალათბურთის მომავალზე,კაი ხანს, საიმედოს ვეღარაფერს ვიტყვი.კალათბურთის აკადემიაო და აკადემიას რომ უძახი და ბავშვს ფულს ართმევ,ცოტა კალათბურთის თამაშიც ხომ უნდა ასწავლო?!კომბინაცია არ იცი,შეტევაში თამაში არ იცი,დაცვაში დაზღვევა არ იცი,სროლაც რომ არ იცი,რაღაში ახარჯვინებ მშობლებს ფულს?უამრავი დაკარგვა გვქონდა!კოლია დერიუგინი,16 წლისა მიიყვანეს დინამოში და სასწაულებს აკეთებდა,გელა დარსაძე 19 წლისა,სსრკ ნაკრების კანდიდატი იყო,დონჩიჩი,საბონისი,სულაც სუპერვარსკვლავი გახდა მაგ ასაკში,ესენი კი,თითქოს პირველად მიაწოდეს კალათბურთის ბურთიო,ისე ესვრიან.დავიჯერო აკადემიაში ბურთებიც არა აქვთ?ერთადერთი მეტნაკლებად იმედიანი სროლა,ფარქვეშიდან აქვთ,7 მეტრიდან კი,ეტყობა საერთოდ ვერ ხედავენ ფარს.გაუშვან ეგ მწვრთნელები,ამ ბიჭებს მისცენ ბურთები და დაავალონ რამდენიმე დღით მხოლოდ სროლებზე ვარჯიში,რომ მანძილი შეიგრძნონ.მატჩის წინა გახურებს დროსაც კი,მხოლოდ ფარქვეშ შესვლებზე ვარჯიშობდნენ და სამქულიანიდან სროლა არც უცდიათ.თამაშშიც არაფერი ჩაუგდიათ,რაც ესროლეს,ყველაფერი უიმედოდ ააცდინეს და მრავალი ჯარიმაც ზედ დაუმატეს.ერთი სიტყვით,ამ ბიჭებს,მწვრთნელების მუშაობისა არაფერი ეტყობათ,ბრძოლით კი იბრძოდნენ,მაგრამ კალათბურთში ბურთი კალათში უნდა ჩააგდო და ეს როცა არ შეგიძლია,ყველაფერი აზრს ჰკარგავს.წინა თამაშები არ მინახია და არ ვიცი ვაიძულებ თუ ვერა,საკუთარ თავს,კიდევ ვუყურო ამ საცოდაობას.რა ვიცი,სკოლაში სწავლის დროს,18 მეტრიანი დარბაზი გვქონდა და მხოლოდ ერთი კალათბურთის ბურთი.მაშინ არც სამქულიანი სროლები არსებობდა,მაგრამ ამათზე ზუსტად ცენტრიდანაც ,ესე იგი 9 მეტრიდან კარგად ვესროდით და საჯარიმოებიდანაც,თანაც ყოველგვარი მწვრთნელის გარეშე.ამათ კი,ან არ ასწავლიან,ან კიდევ არასწორად ასწავლიან.ვიღაცას ეგონება,ეს ვინ არის და რა თავი მოაქვსო,მაგრამ ასე არ არის.ჩემ რაიონში სხვა სკოლის ფიზკულტურის მასწავლებელი,კალათბურთელი იყო და მისი ბავშვები,მართლაც თამაშობდნენ კალათბურთს.მოედანზე ისეთ ტრიუკებს ატარებდნენ,ისეთ კომბინაციებს,ფინტებს და სროლებს,რომ მეტოქეებიც სიამოვნებით ვუყურებდით.უბრალოდ იმის თქმა მინდა,რომ როცა მასწავლებელი გულიანად მუშაობს და საქმეც იცის,ბავშვებს მისი ხელი,აუცილებლად დაეტყობათ.ჩვენი მასწავლებელი,ფეხბურთელი იყო და ყოველთვის ვუგებდით ფეხბურთში თუ ხელბურთში,თუმცა ფეხბურთში,სხვა სკოლებიც გვიწევდნენ წინააღმდეგობას.ამ ბიჭებს,მწვრთნელის ხელი აკლიათ. პ.ს.ეს რომ ნაკრებია,მათ უკან რა დონეა,წარმომიდგენია!

ასაკობრივ B ლიგებში მოსახვედრად საკვალიფიკაციო ტურნირები ჩატარდება

დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა

საქართველომ ეს შეძლო | 16-წლამდელთა ნაკრებმა ელიტაში ადგილი შეინარჩუნა

მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს

"ნოტინგემს ფორესტს" ზინჩენკოს იჯარის ვადაზე შეწყვეტა სურს

პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა

ოფიციალურად: კონორ გალაჰერი ინგლისის პრემიერ ლიგას დაუბრუნდა

ფუტსალის ნაკრები ევროპის ჩემპიონატისთვის 18 ფეხბურთელით ემზადება

[VIDEO] ლუკა ბერულავამ და ანასტასია მეტელკინამ ევროპის ჩემპიონატზე მოკლე პროგრამა პირველ ადგილზე დაასრულეს

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

დიდი დებიუტის მოლოდინში - გულიაშვილი "ბარსელონასთან" სათამაშოდ მზადაა

"იბერია 1999"-მა ბართიშვილი და ღუდუშაური დაიმატა

"რუსეთში დაბრუნების ვარიანტს არ განვიხილავთ" - საზონოვის მამა შვილის შესაძლო ტრანსფერზე

"ვიღაც ნახევრად მელოტმა ბეჰემოთმა ხვიჩაზე ეს თქვა" - ძიუბა კვარაცხელიას განვითარებაში სლუცკის წვლილზე

"ნებისმიერი თანხა მოითხოვოს" - საუდის არაბეთის კლუბის პრეზიდენტის შეთავაზება მესის

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

უარი ბერძნულ გრანდს - დავითაშვილისთვის ბრძოლა გადამწყვეტ ფაზაში შედის

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

ალონსოს პენალტით "ვიგომ" "სევილია" მატჩის მიწურულს დაამარცხა

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა

დავით უსტიაშვილი: მიზანია, ნაკრებმა ოპტიმალურ კონდიციებს ივლისის დასაწყისისთვის მიაღწიოს

საქართველოს 20-წლამდელთა ნაკრებს 3 ლიდერი გამოაკლდა

U20 ნაკრებმა ევროპის ჩემპიონატის B დივიზიონში ასპარეზობა მე-20 ადგილზე დაასრულა

U20. საქართველოს ნაკრებმა ალბანეთი გაანადგურა და ჯგუფიდან გასვლა გაინაღდა

საქართველოს U20 ნაკრები დანიასთან დამარცხდა და ჯგუფიდან გასვლის შანსი დაკარგა

საქართველოს U20 ნაკრები ავსტრიასთან ბრძოლაში დამარცხდა