ყოფილი ვარსკვლავის შეტევა

სამირ ნასრიმ, რომელიც რამდენიმე დღის წინ „არსენალიდან“ „მანჩესტერ სიტიში“ გადავიდა, თავის ყოფილ გუნდზე მწარე-მწარეების ლაპარაკი დაიწყო 24 წლის ფრანგმა ნახევარმცველმა, სამირ ნასრიმ, რომელიც რამდენიმე დღის წინ „არსენალიდან“ „მანჩესტერ სიტიში“ გადავიდა, თავის ყოფილ გუნდზე მწარე-მწარეების ლაპარაკი დაიწყო. ის ამტკიცებს, რომ „მეთოფეები“ უამბიციონი არიან და მიზნის მისაღწევად მონდომებაც აკლიათ. შეგახსენებთ, რომ ნასრიში ისტლენდელებმა „არსენალს“ 24 მილიონი ფუნტი გადაუხადეს.ინგლისური გაზეთები ხუმრობენ, როგორც კი ფრანგი ნახევარმცველი მანქანაში ჩაჯდა და ლონდონიდან მანჩესტერისკენ მიმავალ ტრასაზე გავიდა, იმ წუთას თავისი ყოფილი გუნდის კრიტიკას შეუდგაო - ეტყობა ყელში ჰქონდა მოწოლილი და „ეტიჰედ სთედიუმამდეც“ ვერ მოითმინა.ნასრიმ თქვა: „კონტრაქტის გახანგრძლივებაზე „არსენალს“ თავად დავუწყე ლაპარაკი. ეს ჯერ კიდევ შარშან, ოქტომბერში მოხდა, მაგრამ თვე თვეს მოსდევდა, ხოლო, როდესაც ივნისი დადგა, დავინახე, რომ არც პასუხს მცემს ვინმე და არც გუნდის ახალი ფეხბურთელებით გასაძლიერებლად ადებენ თითს თითზე. ნებისმიერი კლუბის ცხოვრებაში დგება მომენტი, როდესაც ინვესტიციის ჩადებაა საჭირო, მე კი დროგამოშვებით მესმოდა ლაპარაკი იმის შესახებ, რომ „არსენალს“ ფული არ აქვს.რასაკვირველია, „მანჩესტერ სიტიში“ გაცილებით დიდი ხელფასი დამინიშნეს და იმის თქმა, რომ აქ უკეთესი ცხოვრება მექნება, სამართლიანია, მაგრამ მთავარი მაინც სხვა რამ გახლავთ: 24 წლისამ ვიგრძენი, რომ დროა კარიერაში ახალი ნაბიჯი გადავდგა. სწორედ ახლა იყო მნიშვნელოვანი ისეთ კლუბში გადასვლა, რომელიც ჩემს ამბიციებს შეესაბამება და ტიტულების მოპოვებაში დამეხმარება. ვფიქრობ, „სიტის“ შემადგენლობაში ჯილდოების მოგების გაცილებით უკეთესი შანსი მაქვს, ვიდრე „არსენალში“ დარჩენის შემთხვევაში მექნებოდა“.სხვათა შორის, ნასრიმ ისიც აღიარა, რომ „ემირეით სთედიუმზე“ საკუთარ თავს ძალას აღარ ატანდა და ადრინდელი მონდომებით აღარ ვარჯიშობდა, რადგან კონკურენციას ვერ გრძნობდა.„ჩემს ახალ გუდს უძლიერესი შემადგენლობა ჰყავს, სადაც ძირითადი შემადგენლობის თითოეული პოზიციისთვის დიდი ბრძოლა მიმდინარეობს. „სიტიში“ იძულებული ვიქნები ჩემი დონე დავხვეწო და ადგილი დავიმკვიდრო. აქ, კომფორტულ ადგილას ვერ მოვკალათდები. ამას „არსენალში“ ვაკეთებდი, რადგან საშუალება მქონდა. ამიტომ, „სიტიში“ გადასვლა ჩემთვის, რასაკვირველია, რისკთან იყო დაკავშირებული, მაგრამ ადამიანმა ცხოვრებაში ხანდახან უნდა გარისკო კიდეც. კონკურენციის ნამდვილად არ მეშინია. სანამ მანჩესტერელებს მათთან გადასვლაზე თანხმობას ვეტყოდი, ყველაფერი ავწონ-დავწონე“.გეხსომებათ, ამ ზაფხულში ბევრს ლაპარაკობდნენ იმაზე, რომ ნასრის „მანჩესტერ იუნაიტედშიც“ შეეძლო გადასვლა. ნასრი ამბობს, რომ ეს მართლაც დიდი არჩევანი იქნებოდა, მაგრამ... სერ ალექს ფერგიუსონს მის თაობაზე არავისთვის მიუმართავს.„ინგლისიდან არსად წამსვლელი რომ არ ვიყავი იმთავითვე ცხადი იყო. საკითხი ასე იდგა: „იუნაიტედი“ თუ „სიტი“. თუმცა, ამ შემთხვევაშიც უპირატესობას „სიტის“ ვანიჭებდი, რადგან მირჩევნია კლუბის ისტორიის შექმნაში მივიღო მონაწილეობა, ვიდრე უკვე არსებულ სისტემაში მრავალთა შორის ერთ-ერთი გავხდე. მე პატრიკ ვიეირას ველაპარაკე. მან მითხრა, რომ „მანჩესტერ სიტი“ მომავლის კლუბია. მოკლედ, ჩემი ტრანსფერი ნამდვილი საგა გამოვიდა და ბედნიერი ვარ საბოლოოდ ყველაფერი კარგად რომ დასრულდა“.დაბოლოს, ნასრიმ „არსენალის“ მწვრთნელის, არსენ ვენგერისადმი გამოხატა დიდი სიყვარული და პატივისცემა. ფეხბურთელმა თქვა: „არსენის წინაშე დიდ ვალში ვარ. ნაკრების დონის ფეხბურთელი რომ გავხდი, მისი დამსახურებაა. დღეს თუ რამე შემიძლია, მისი წყალობითაა და ამისათვის მთელი ცხოვრება მადლობელი ვიქნები. მან იცის რასაც აკეთებს. ვენგერი საოცარი ადამიანია და უდიდეს პატივისცემას იმსახურებს“.ყოველდღიური სპორტული გაზეთი "ლელო"

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!

18 წ. | 3 ლელო საფრანგეთთან

"მამარდაშვილი მთავარი დამნაშავე არ არის" - ინგლისური მედია

გოჩოლეიშვილი შეცვლაზე და "ჰამბურგის" ფრე "აუგსბურგთან"

ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო

როგორი შეფასებები მიიღო მამარდაშვილმა "სიტისთან" მატჩში?

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა