<p>პიტერ კრაუჩმა "სტოკ სიტის" თავკაც ტონი პულისს ოთხწლიანი კონტრაქტი გაუფორმა <br> "სტოკ სიტიმ" საკუთარი სატრანსფერო რეკორდი მოხსნა - ფეხბურთელებით ვაჭრობის ბოლო დღეს "ტოტენჰემ ჰოთსპურისგან" 10 მილიონ ფუნტად პიტერ კრაუჩი, ხოლო 8 მილიონად ჰონდურასელი უილსონ პალასიოსი იყიდა. კრაუჩი 30 წლის გახლავთ, პალასიოსი კი 27 წლისაა.</p><p>კრაუჩმა სტოკელთა თავკაც ტონი პულისს ოთხწლიანი კონტრაქტი გაუფორმა.</p><p>ოთხი წლით გადავიდა "სტოკ სიტიში" კიდევ ერთი ფეხბურთელი. კემერონ ჯერომი პულისმა 3,5 მილიონ ფუნტად "ბირმინგემისგან" შეიძინა.</p><p>ამბობენ, რომ კრაუჩი თავოდან "სტოკში" გადასვლაზე უარს ამბობდა, მაგრამ როდესაც მხარეები თანხებზე შეთანხმდნენ ის ჩრდილოეთის გზას გაუდგა. მისმა სატრანსფერომ თანხამ პულისის მიერ კინუეინ ჯონსში გადახდილი 8 მილიონი ფუნტი გადაჩრდილა. კრაუჩმა არც ის დამალა, რომ მის გადაწყვეტილებაზე დიდი როლი ითამაშა მისი ყოფილი თანაგუნდელის, ჯონათან ვუდგეიტის აგიტაციამ. სწორედ ვუდგეიტი მოუწოდებდა 201 სანტიმეტრი სიმაღლის ფორვარდს "სტოკ სიტიში" გადასვლისკენ.</p><p>"ვუდი საათში ერთხელ მირეკავდა და მიჩიჩინებდა, რომ ეს ნაბიჯი გადამედგა - მოყვა კრაუჩმა - ის "სტოკ სიტის" შესახებ მხოლოდ კარგ ამბებს მიყვებოდა და მეც გადავწყვიტე დამეჯერებინა მეგობრისთვის.</p><p>ის მიამბობდა კლუბის ტრადიციებისა და მწვრთნელის შესახებ. ახლა უკვე ერთი სული მაქვს როდის შევუდგები საქმეს. თან, სასიხარულოა, რომ "სტოკ სიტიში" ბევრ ფეხბურთელს ვიცნობ. ბევრი მათგანი ადრე, ამა თუ იმ კლუბში ჩემი თანაგუნდელი იყო. რასაკვირველია, კარგია, რომ უილსონიც ჩემთან ერთად იქნება.</p><p>მნიშვნელოვანია, რომ "სტოკ სიტი" უკვე რამდენიმე სეზონია პრემიერლიგაში მყარად ინარჩუნებს ადგილს. დარწმუნებული ვარ, რომ კლუბს დიდი მომავალი აქვს. ვიცი, "სტოკს" ძალიან მფარველობს კლუბის თავმჯდომარე და გულშემატკივრებიც ერთგულებით გამოირჩევიან.</p><p>თუ დავაკვირდებით როგორ აქტიურობდა კლუბი სატრანსფერო ბაზარზე და როგორი ფეხბურთელები იყიდა, იოლად დავასკვნით, რომ აქაურებს სწორი გეზი აქვთ აღებული. გარდა ამისა, ჩემთვის ძალიან მნიშვნელოვანია, რომ მწვრთნელმა ყველა ღონე იხმარა, რათა მე აქ გადმოვეყვანე.</p><p>როდესაც ადამიანი ასეთ ნდობას ამჟღავნებს, რასაკვირველია, ვალდებული ხარ პატივი სცე და მოედანზე თავდადებითა და გოლებით დაუბრუნო. "სტოკ სიტის" შემადგენლობაში მომდევნო კვირებშივე მიწევს დიდ შეხვედრებში მონაწილეობა, რასაც მოუთმენლად ველი. ერთი სიტყვით, ჩემს კარიერაში ახალი და ძალიან საინტერესო ეტაპი იწყება".</p><p>პიტერ კრაუჩი შემდეგ კვირას, პრემიერლიგაში, თავის ყოფილ გნდს, "ლივერპულს" უნდა შეხვდეს. გარდა ამისა "სტოკ სიტი" ევროლიგაშიც მონაწილეობს.</p><p>"გასულ სეზონში, კარიერაში ძალიან სერიოზული გამოცდილება მივიღე, ეს ჩემპიონთა ლიგა გახლდათ. ვფიქრობ, სტოკელებს იქ მიღებული გამოცდილებით ევროლიგაში გამოვადგები".</p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ