7-კაცა | მე-5 ადგილისთვის ესპანეთს ვეთამაშებით

საქართველოს 7-კაცამ 2026 წლის რაგბი ევროპის ჩემპიონატის ჯგუფურ ეტაპზე სამივე თამაში მოიგო, თუმცა 1/4-ფინალი ერთი გარდასახვით დათმო და დასკვნით დღეს მე-5-მე-8 ადგილებისთვის იბრძოლებს.   გერმანიის ქალაქ ჰამბურგში, პირველ დღეს ბელგიის 14:12 და იტალიის 26:19 დამარცხების შემდეგ, მეორე დღეს ჯგუფური ეტაპის დასკვნით მატჩში ლიეტუვას ვძლიეთ. პირველი ტაიმის მიწურულს ნიკოლოზ ნოქარაშვილი მბოჭავს ამოუხტა და ლელო გაიტანა. ეს მატჩის ერთადერთი ლელო აღმოჩნდა და 5:0 გამარჯვების შემდეგ, ჯგუფში პირველი ადგილი დავიკავეთ.   1/4-ფინალში ნაცნობ იტალიას შევხვდით, პირველსავე წუთზე მეტოქეს ბურთი ავართვით, გაგა ქევხიშვილი ორ მბოჭავს გაექცა და ანგარიში გახსნა. ქევხიშვილმა ჯარიმის სწრაფად გათამაშების შემდეგ მეორე ლელოც გაიტანა, ტაიმის ბოლოს კი შერკინებიდან მატიას მოდებაძემ შეუტია და მესამე ლელო გაიტანა, რომელსაც ზუსტი გარდასახვაც მოყვა და ტაიმი 17:0 მოვიგეთ.   სამწუხაროდ, მეორე ტაიმში სამი ლელო მივიღეთ, საიდანაც ორს ზუსტი გარდასახვა მოყვა და იტალიამ 19:17 გაიმარჯვა. შედეგად, მე-5 ადგილის ნახევარფინალში გადავინაცვლეთ, რომელშიც 12:36 საათზე ესპანეთს შევხვდებით. მეორე ნახევარფინალში დიდი ბრიტანეთი პორტუგალიას შეხვდება.   თასის ნახევარფინალში ბელგია, გერმანია, საფრანგეთი და იტალია გავიდნენ.   საქართველოს 7-კაცა რაგბი ევროპის ჩემპიონატის პირველ ეტაპზე ჰამბურგში   ნიკოლოზ რეხვიაშვილი, ზურა ძნელაძე, გაგა ქევხიშვილი, ბექა სამსიანი, ლუკა ალიბეგაშვილი, დავით კვრიკაშვილი, ლაშა ბარბაქაძე, მატის მოდებაძე, გიორგი ბაბუნაშვილი, სოსო მათიაშვილი (კაპ.), ნიკოლოზ ნოქარაშვილი, ლაშა კაკაურიძე, საბა არჩვაძე.   Rugby.ge

.

ორი წუთის წინ,ბოლო თამაშიც წავაგეთ,ინგლისთან.მათთანაც ვიგებდით 12-5,მაგრამ ჯერ ძირითად დროში კაცნაკლულ ინგლისელებს ძელებს შორის გავატანინეთ ლელო და ფრედ დამთავრდა,ძირითადი დრო.მერე კი,უკვე დამატებით დროში ჯერ ჩვენი გაასინბინა,შერკინებიდან გამოტანილ ბურთზე კი,არც მორკინალებს უცდიათ დროზე უკან დახევა და დარჩენილმა სამმა კაცმაც ისე გაატარა ინგლისელი,მხოლოდ მზერით გააცილეს.სოსო მათიაშვილი,მეორე ტაიმში შევიდა და ფაქტობრივად ვერაფერი მოასწრო.ჩვენგან დადებული მეორე ლელოს გარდასახვის მცდელობისას მუხლის ტრავმა ისევ ეტკინა და შეცვალეს.ორ ტაიმზე ძალები არ გვკმაროდა.მეორე ტაიმის დაახლოებით 3 წუთის შემდეგ,უკვე არაქათი გვეცლება და თამაში გვიფუჭდება.მოგებულ თამაშებში,თავიდან ვუშვებდით ელემენტარულ ლელოებს და ბოლოსკენ ვასწორებდით მდგომარეობას,ბოლო თამაშებში კი კი,თავიდანვე ვერთვებოდით ბრძოლაში და უკვე მეორე ტაიმის შუადან ვაგებდით თამაშებს.
.

ეეჰ,ესეც წავაგეთ 12-14!არადა ვიგებდით,12-7 და მეორე ტაიმში,მეტოქეც გაასინბინეს.არ ვიცი ეს რა გვჭირს.ჯერ იყო და სინბინის დროს,საერთოდ ვერაფერი შევქმენით,მერე,ჩვენი შერკინებიდან ბურთის გამოტანისას,ხელიდან გაუვარდა,როგორც იქნა ბურთი დავიბრუნეთ,მაგრამ მარაოს გაშლისას ყოველი პასი რატომღაც ხელიდან გავარდნილი,მიწაზე დაცემით მიდიოდა პარტნიორთან და ბოლოს დავკარგეთ.მოკლედ,სულ ავირიეთ და ბოლოს, ძელებთან ლელოც მივიღეთ.ბოლოს, ბოლო შეტევაშიც მიყოლა დავაგვიანეთ,ბურთი დავკარგეთ და თამაშიც დამთავრდა.წინა თამაშშიც მეორე ტაიმი 17-0 დან წავაგეთ.არ ვიცი,ფიზიკა აღარ გვკმარა თუ ფსიქოლოგიური მდგრადობა,მაგრამ ძალიან გულდასაწყვეტი წაგებები კი იყო,ორივე.ახლა საუკეთესო შემთხვევაში,7 ადგილზე თუ გავალთ,არადა ოთხეულში თავისუფლად შეგვეძლო,შესვლა.ფაქტია,რომ ანგარიშს ვერ ვინარჩუნებთ და მიზეზი რაც არის,იმაზე გვაქვს სამუშაო.სოსო მათიაშვილიც სრული სიმძლავრით ვერ გვეხმარება,აშკარაა რომ მუხლი ისევ აწუხებს.ჩვენი 7 კაცას თამაშების ნახვა,ხშირად არ მიხერხდება,მაგრამ რაც მინახია,ეს ნაკრები სხვებზე მეტად მომწონს,რადგან საკმაოდ დალაგებულად და ნაკლები შეცდომით თამაშობს.ჩანს,რომ მეტიც შეუძლიათ და რაღაცა დეტალები გვიშლის.მათ შორის ბოჭვიდან ბურთის ამოგდებაცაა.ჩვენებიც ახერხებენ,მაგრამ აშკარად ჩანს,რომ სამხრეთული ამოგდებები,გაცილებით უფრო ეფექტური და შეტევის დამაჩქარებელია,ვიდრე ჩვენგან გაკეთებული.თუ კარგად ავითვისებთ,საგრძნობ უკეთესობას მოგვცემს.გამარჯვებას ვუსურვებ ჩვენ ბიჭებს,7 ადგილისთვის ბრძოლაში.თუ ეს ბოლო თამაში მაინც მოვიგეთ და მეშვიდე ადგილი ავიღეთ,ჩვენთვის ეგეც საუკეთესო შედეგი იქნება.არადა,ორი წაგებულიდან,არც ერთი არ იყო წასაგები.სამ კვირაში მეორე რაუნდი გაიმართება და იქ,ნამდვილად შეგვიძლია უკეთესი გამოსვლა.

"შავი ლომი" | განახლებული შემადგენლობით ახალი სეზონისთვის

ნიკა ამაშუკელი სამხრეთ აფრიკაში - ხუთი მატჩი "ოლ ბლექსის" ისტორიულ ტურნეზე

შავი ლომი | სექტემბერში პრემიერშიფის ჩემპიონთან

"ბორჯღალოსნები" | მეორე ტესტი "ვოლაბებთან" - 2029 წელს ავსტრალიაში

"მანჩესტერ სიტი" რეინდერსის არაბეთში გაყიდვაზე თანახმაა

მარცხი თურქეთთან: საქართველოს მეტოქე ისრაელია

რასელ უესტბრუკმა კალათბურთელის კარიერა დაასრულა

სამედიცინო შემოწმება გავლილია - წიტაიშვილი კარიერას ლა ლიგაში გააგრძელებს

[VIDEO] თავის სტილში - ხვიჩა კვარაცხელიამ "ასტონ ვილას" გაუტანა

"ასტონ ვილასთან" მატჩში პსჟ-ს შემადგენლობა ცნობილია

შეთანხმება მიღწეულია - ფერან ტორესი პსჟ-ის ფეხბურთელი გახდება

ლორიას შეცვლის - თბილისის "დინამომ" ბრაზილიელი მეკარე დაიმატა

"ეს ომია - ფეხბურთელები განებივრებულები არიან" - მოურინიომ კასილიასთან კონფლიქტზე ისაუბრა

"პორნოს" ვერ ვუყურებ" - პიტმა გადაწყვიტა ნეიმარს სიმულანტობის გაკვეთილები ჩაუტაროს

ტრაფორდის შემცვლელი - მანჩესტერ "სიტიმ" მეკარე დაიმატა

მარტინესი შეიძლება "ბარსელონაში" გადაბარგდეს

სლოტმა ნიდერლანდების ნაკრებში მუშაობაზე უარის მიზეზი განმარტა

"სელტას" ციგანკოვის ახლავე გაყიდვა სჭირდება

ზედიზედ მესამედ ჩემპიონთა ლიგის მოგება? - პსჟ-იდან სეზონის წინ გზავნილები გაავრცელეს

[VIDEO] "პატივისცემა ხვიჩას" - კვარაცხელიას ამ ქმედებას 1 დღეში ნახევარ მილიონზე მეტი მოწონება აქვს

U16 ევრობასკეტი: საქართველოს ნაკრები საფრანგეთთან დამარცხდა და ბრძოლას 9-16 ადგილებისთვის გააგრძელებს

"შავი ლომი" | განახლებული შემადგენლობით ახალი სეზონისთვის

ჰარი კეინი "ბაიერნთან" კონტრაქტს გაახანგრძლივებს

7-კაცა | საფრანგეთს მეორედ ვეღარ ვაჯობეთ

7-კაცა | სამი წლის შემდეგ - პორტუგალია და საფრანგეთი დამარცხებულია!

7-კაცა | მეორე ეტაპზე სპლიტში

7-კაცა | სტაბილურად მერვე ადგილი

7-კაცა | მე-8 ადგილი ჰამბურგში

7-კაცამ ჩემპიონატი ბელგიისა და იტალიის ძლევით გახსნა