<p>საქართველოს დავით ყიფიანის სახელობის თასის გათამაშების 1/8 ფინალურ ეტაპზე "დინამო" "დილასთან" გაარკვევს ურთიერთობას <br> საქართველოს დავით ყიფიანის სახელობის თასის გათამაშების 1/8 ფინალურ ეტაპზე თბილისის "დინამო" გორის "დილასთან" გაარკვევს ურთიერთობას.</p><p>"დინამო" მცირე დროის მონაკვეთში უკვე მეორედ დაუპირისპირდება "დილას" და სათასო შეხვედრების სპეციფიკიდან გამომდინარე, 28 სექტემბერს გასამართი მატჩი უფრო დაძაბული და საინტერესო იქნება.</p><p>მას შემდეგ, რაც "დინამომ" მეტოქე მისსავე არენაზე მიკელ ალვაროს თავური გოლით უკანასკნელ წამებზე დაამარცხა, "დილას" ფარ ხმალი არ დაუყრია და ფერფლიდან აღმდგარი ფენიქსის სახით მოგვევლინა თასისა თუ ჩემპიონატის შეხვედრებში.</p><p>"დინამოსთან" მარცხის შემდეგ "დილამ" ჯერ თასსზე სოხუმის "აიეტთან" 3:0 იმარჯვა და ორი მატჩის ჯამში დებიუტანტი მეტოქე 5:0 გაანადგურა. შემდეგ კი სტუმრად მარტვილის "მერანს" 2:2 დაუზავდა. არადა გორელები შეხვედრის მსვლელობისას ორჯერ გაიჭრნენ წინ ჯერ ჩაგელიშვილის გოლით - 1:0, შემდეგ კი - რაჟამაშვილის მიერ გატანილი ბურთის წყალობით. თუმცა უმაღლესი ლიგის დებიუტანტთა დაპირისპირება ფრედ დასრულდა და განგებამ მეტოქეებს ქულათა მარაგის შევსების საშუალება მისცა.</p><p>მარტვილთან ფრედ დასრულებულ შეხვედრას კი უმაღლესი ლიგის 2011/2012 წლების გათამაშების ყველაზე ხმაურიანი გამარჯვება მოჰყვა. მესამე ტურის გადადებულ შეხვედრაში, რომელიც 21 სექტემბერს გაიმართა, გორელებმა მოქმედი ჩემპიონი "ზესტაფონი", მათსავე მშობლიურ არენაზე დიდი ანგარიშით - 4:0 დაამარცხეს და სატურნირო ცხრილში მდგომარეობაც გაიუმჯობესეს.</p><p>"დიანმოსთან" შეხვედრამდე "დილამ" მეშვიდე ტურის შეხვედრაშიც მოასწო მორიგი გამარჯვების მოპოვება. გათამაშების აუტსაიდერთან, ბოლნისის "სიონთან", გორის "დილამ" მიმდინარე ჩემპიონატში პირველი საშინაო გამარჯვებაც აღნიშნა და მოპოვებული სამი ქულით ექვსი საუკეთესო გუნდის ჩამონათვალშიც აღმოჩნდა.</p><p>სათამაშო ფორმის პიკზე მყოფი "დილა", თასის გათამაშების 1/8 ფინალური ეტაპის პირველ შეხვედრას ამაღლებული განწყობით ხვდება, რაც კიდევ უფრო მეტ ინტერესს მატებს "დინამო"-"დილას" ორრაუნდიან დაპირისპირებას.</p><p>შეგახსენებთ, რომ ეროვნული ჩემპიონატის ეგიდით გამართული "დინამოსა" და "დილას" ურთიერთშეხვედრები წლების მანძილზე დინამოელთა კარნახით მიმდინარეობს. 42 ჩატარებული შეხვედრიდან თბილისელებმა გორელები 39-ჯერ დაამარცხეს, 3 მატჩი კი ფრედ დასრულდა.</p><p>რაც შეეხება სათასო დაპირისპირებას "დინამო" "დილას" უკვე მეოთხედ დაუპირისპირდება. თბილისელი და გორელი ფეხბურთელების გზები ჯერ კიდევ შორეულ 1995/96 წლების სეზონში გადაიკვეთა, როდესაც "დინამომ" მეტოქე გათამაშებიდან უპრობლემოდ გამოთიშა - 4:0 და 3:0.</p><p>სათასო დაპირისპირება 1997/98 წლების სეზონშიც გაგრძელდა და მაშინ გორელებმა ფინალში გასვლისთვის საკმაოდ დიდი ნაბიჯი გადადგეს პირველივე შეხვედრაში, მათ "დინამო" საკუთარ მოედანზე 2:1 დაამარცხეს, თუმცა საპასუხო შეხვედრაში ყველაფერი თავის ადგილზე დალაგდა და დინამოელებმა ზედიზედ მეექვსე ფინალში გააღწიეს, სადაც გუნდი მეექვსეჯერ გახდა ტრიუმფატორი.</p><p>გორის "დილას" სავარაუდო შემადგენლობა: მერლანი, გველესიანი, ქარქუზაშვილი, მაჭავარიანი, ლომიძე, ახალკაცი, პ.ხორგუაშვილი, ნოზაძე, რაჟამაშვილი, ჯოჯუა, ჩაგელიშვილი</p><p>გასულ სეზონში "დილა" პირველივე ეტაპიდან გამოეთიშა თასის გათამაშებას. მაშინ, ჯერ კიდევ პირველ ლიგაში მოთამაშე "დილა", ასევე პირველ ლიგელ "ლოკომოტივთან" დამარცხდა. ერთ მატჩიან დაპირისპირებაში "დილამ" პენალტების სერიაში თბილისურ გუნდთან 3:4 წააგო და გათამაშებას გამოეთიშა.</p><p>თბილისის "დინამომ" საქართველოს დავით ყიფიანის თასის გათამაშება გასულ სეზონშიც პირდაპირ მეორე ეტაპიდან დაიწყო. გუნდმა სტუმრად საჩხერის "ჩიხურა" 4:0 დაამარცხა, მეოთხედფინალში კი მომავალ ჩემპიონთან - "გაგრასთან" ორ რაუნდიან დაპირისპრებაში (2:1, 1:2) პენალტებით წააგო 2:4 და გათამაშებას დაემშვიდობა.</p><p>გორის "დილას" რიგებში მოთამაშე ოლეგ გველესიანი, ბექა შეყრილაძე და ვაჟა ნემსაძე სხვადასხვა დროს "დინამოს" ღირსებას იცავდნენ.</p><p>მეტიც 2007/2008 წლების სეზონში ოლეგ გველესიანი, რომელსაც "დინამოს" მაისურით 2007 წლიდან 2009 წლამდე 26 შეხვედრა აქვს ჩატარებული და მეტოქეთა კარში სამი გოლიც აქვს გატანილი, ”დინამოსთან” ერთად საქართველოს ჩემპიონის ტიტულსაც დაეპატრონა.</p><p>"დინამო" არენაზე მიმდინარე სარეკონსტრუქციო სამუშაოების გამო დინამოელები კვლავ ბასაზე ითამაშებენ. "დინამო"-"დილას" დაპირისპირება 28 სექტემბერს, ეროვნული ნაკრების ტექნიკურ ბაზაზე გაიმართება და თბილისის დროით შეხვედრა 16:00-ზე დაიწყება.</p><p><strong></p><p>fcdinamo.ge</strong></p>
კალანდაძე თბილისის "დინამოში" დაბრუნდა
[VIDEO] "რამდენიმე ფეხბურთელს ვესაუბრებით" - "ტორპედოს" მწვრთნელმა შესაძლო ტრანსფერებზე ისაუბრა და შეკრება შეაფასა
თბილისის "დინამომ" ბოსნიელი მცველი დაიმატა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა