არტეტა ფაბრეგასი არ არის

„არსენალის“ ახალმა შენაძენმა, 29 წლის ესპანელმა მიკელ არტეტამ განაცხადა, რომ „ემირეიტ სთედიუმზე“ სესკ ფაბრეგასს ვერასდროს შეცვლის „არსენალის“ ნახევარმცველმა, „მეთოფეთა“ ახალმა შენაძენმა, 29 წლის ესპანელმა მიკელ არტეტამ განაცხადა, რომ „ემირეიტ სთედიუმზე“ სესკ ფაბრეგასს ვერასდროს შეცვლის - ასე რომ ვიფიქრო, სულელი უნდა ვიყოო.შეგახსენებთ, რომ გამთამაშებელი „არსენალში“ „ევერტონიდან“ სატრანსფერო ბაზრის დახურვის დღეს 10 მილიონ ფუნტად გადავიდა. ამას წინ „მეთოფეთა“ კაპიტნის ფაბრეგასის „ბარსელონაში“ გადაბარგება, უძღოდა. ფაბრეგასის სანაცვლოდ ჩრდილოლონდონურმა გუნდმა კატალონიელებისგან 40 მილიონი ფუნტი მიიღო.ამრიგად, არტეტა „არსენალშია“ და არსენ ვენგერის გუნდს უმძიმესი პერიოდის დაძლევაში ეხმარება. თან, როგორც ზემოთ მოგახსენეთ, თავისი შესაძლებლობების ზღვარიც კარგად მოეხსენება. ის ამბობს:„მე აქ სესკის შესაცვლელად არ გამოვსულვარ. ამას არც შევეცდები. სესკი არსენალის საუკეთესო ფეხბურთელი გახლდათ, მთელ პრემიერლიგაში კი მისი ბადალი სულ ორი კაცი თუ იყო. მე ასეთ გეგმებს არც ვისახავ. ჩემი ამოცანაა როგორც ფეხბურთელი რაც შეიძლება სრულყოფილი გავხდე და გუნდს საუკეთესო შედეგის მიღწევაში დავეხმარო. მე სხვა პიროვნება ვარ, სესკისგან ხასიათითაც განვსხვავდები და თამაშის სტილითაც. მე „არსენალში“ წარმატებით დამკვიდრების სხვა გზა უნდა ვნახო“.დღეისათვის, „მეთოფეები“ პრემიერლიგის ცხრილში მათთვის სრულიად შეუფერებელ, მე-15 ადგილზე არიან. კატასტროფაა - „არსენალმა“ შვიდი თამაშიდან ოთხი წააგო. არტეტა „ევერტონში“ გატარებული ექვსი წლის შემდეგ ახალ გარემოს ჯერ კიდევ ეგუება და ამბობს, რომ მისი „არსენალში“ გადასვლა კინაღამ ჩაიშალა.„სატრანსფერო ბაზრის ბოლო დღეს დიდი სტრესი გადავიტანე. ძალიან დიდი გაურკვევლობა იყო. შუადღის სამ საათზე მეგონა, რომ ყველაფერი მოგვარებული იყო და უკვე „არსენალის“ ფეხბურთელი ვიყავი, ექვსზე კი ისე ჩანდა, რომ მოლაპარაკება ჩაიშალა და მე „ევერტონში“ ვრჩებოდი. საღამოს ცხრის ნახევარზე მითხრეს, რომ ყველაფერი თავის ადგილზე დაბრუნდა - საქმე ისევ აეწყო და „ემირეიტზე“ გადადვლის ვარიანტაი რეალური გახდა, მაგრამ სამედიცინო შემოწმებისთვის აღარ რჩებოდა დრო. მომიწია „არსენალის“ ოფისში მისვლა და ხვეწნა - სიტყვაზე მენდეთ, რომ ჯანმრთელი ვარ, მეთქი. თორმეტის ათ წუთზე, როდესაც თითქოსდა ყველაფერი მოგვარდა და ჩემს ტრანსფერს ოფიციალური გაფორმების მეტი აღარაფერი აკლდა, ფაქსის აპარატი გაფუჭდა. კიდევ კარგი, დროულად შეაკეთეს.„ევერტონის“ მწვრთნელი, დევიდ მოიესი ძალიან ვაჟკაცურად მომექცა. 31 აგვისტოს, როდესაც „არსენალისგან“ ჩემს შესახებ წინადადება მოვიდა, მან თვალებში ჩამხედა და პირდაპირ ასე მითხრა: წასვლა გინდა, არა? მე ვუპასუხე, რომ ეს ჩამთვისაც დიდი შანსი იყო და „ევერტონიც“ გვარიან ფულს იშოვნიდა. მოკლედ, ჩემი ლონდონში გადასვლა ორივესთვის კარგი ვარიანტი ჩანდა“.მოგეხსენებათ, „არსენალმა“ გასულ ზაფხულს იყიდა გერმანელი მცველი პერ მერტეზაკერიც, რომელიც ამბობს, რომ ენობრივი პრობლემის წინაშე დგას. 27 წლის ფეხბურთელმა ტაბლოიდებს განუცხადა:„სულ ერთი თვეა რაც გერმანიიდან წამოვედი და ახალ გარემოსთან შეგუების პრობლემა მაქვს. ხანდახან მეუფლება შეგრძნება, რომ შვებულება გამიგრძელდა და მალე შინ უნდა დავბრუნდე, მაგრამ საკუთარ თავს შევუძახებ ხოლმე. ვცდილობ, ერთხელ და საბოლოოდ ჩავიბეჭდო გონებაში, რომ ამიერიდან მე ლონდონში ვცხოვრობ“.ყოველდღიური სპორტული გაზეთი "ლელო"

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

"მანჩესტერ იუნაიტედს" ახალი მწვრთნელი ჰყავს

იუნაიტედი FA თასზე მესამე წრიდან გამოვარდა

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

"გალათასარაი"? - ფაბიან რუისს პსჟ არ ეთმობა

ფრანგული კლუბის ექს-პრეზიდენტი დედის დაკრძალვაზე მოკლეს

საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა

ევროპის ჩემპიონატი. საქართველოს ნაკრები ხორვატიასთან დამარცხდა

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!

[VIDEO] დონჩიჩის სუპერმატჩი საკმარისი არ აღმოჩნდა - "საკრამენტომ" "ლეიკერსი" დაამარცხა

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა

ვერნერი კარიერას ქართველებისთვის კარგად ნაცნობ გუნდში გააგრძელებს

"არსენალს" რეკორდსმენი აუტების მწვრთნელი ეყოლება