<p>ლონდონის ოლიმპიადაზე საქართველოს ქალ მშვილდოსანთა ნაკრებში იულია ლობჟანიძის გამოსვლას საფრთხე შეექმნა <br> ლონდონის ოლიმპიადაზე საქართველოს ქალ მშვილდოსანთა ნაკრებში იულია ლობჟანიძის გამოსვლას საფრთხე შეექმნა. მიზეზი მშვილდოსნობის მსოფლიო ფედერაციის დებულებაა, რომლის მიხედვითაც სხვა ქვეყანაში გადასვლის შემთხვევაში სპორტსმენს ოლიმპიადამდე ერთი წლით ადრე მაინც უნდა ჰქონდეს მიღებული ახალი პასპორტი, წინააღმდეგ შეხვედრაში მშვილდოსნობის მსოფლიო ფედერაციის ეგიდით გამართულ ტურნირებში მონაწილეობის უფლება არ აქვს.</p><p>ცოტა უცნაური სიტუაციაა - ლობჟანიძეს ოლიმპიადაზე გამოსვლა შეუძლია, ბევრად დაბალი რანგის სალიცენზიო ტურნირებში - არა. ამ რებუსის გასაღები იმაშია, რომ საერთაშორისო ფედერაციების გავლენა თამაშებზე არ ვრცელდება, რადგან მას საერთაშორისო ოლიმპიური კომიტეტი ატარებს, მისი დებულება კი ათლეტს არ ზღუდავს, თუ ორი წელიწადი ძველი ქვეყნის სახელით არსად უასპარეზია.</p><p>ლობჟანიძე უკრაინის მოქალაქეა, მაგრამ ზუსტად ორი წელიწადი მათი სახელით უცხოეთში არსად გამოსულა. ამდენად, ამ ორწლიან მოთხოვნას კი აკმაყოფილებს, მაგრამ ვერ იასპარეზებს სალიცენზიო ტურნირებში.</p><p>სავარაუდოდ, მისთვის მოქალაქეობის მინიჭება დროში არ გაიწელება - ფედერაციის ხელმძღვანელობას თუ სპორტის მმართველთ ამ პროცესის დაჩქარება არ გაუჭირდებათ, მაგრამ დღესვეც რომ მისცენ, ერთწლიან ვადებში მაინც ვერ ეტევა და ვერც სალიცენზიო შეჯიბრებებში გამოვა.</p><p>ამის მიუხედავად, ლონდონში გამოსვლის შანსი მაინც რჩება, თუ ჩვენები სამივე გუნდურ საგზურს მოიპოვებენ (შეგახსენებთ, რომ ჯერჯერობით ერთი გვაქვს, რომელიც მსოფლიოს პირველობის ვერცხლის მედალთან ერთად ქრისტინე ესებუამ მოინადავლა). ამ შემთხვევაში მონაწილის შეცვლა ეროვნული ფედერაციის პრეროგატივაა, რადგან საგზურს ფედერაცია იღებს და არა - სპორტსმენი, მაგრამ აქ საქმეში უკვე ჩვენი ნაკრების კორეელ მწვრთნელ ან ჰიუნ სანის პირადი პოზიცია ერევა - მისი თქმით, ოლიმპიადაზეც ის წავა, ვინც ლიცენზიას მოიპოვებს და მონაწილეს არ შეცვლის.</p><p>ადამიანურად კორეელის პოზიცია გასაგებია - მართლაც ძნელია, არ წაიყვანო ის, ვინც საგზურს გაინაღდებს და მის ნაცვლად სხვა დააყენო; ეს მართლაც დიდი მორალური დარტყმა იქნება, მაგრამ ერთია პირადი მომენტი და მეორე - გუნდის ინტერესები. იქნებ ისე გამოგვდის, ბავშვის დაბადებამდე სახელზე რომ მსჯელობენ - ჯერ ის ორი ლიცენზიაა მოსაპოვებელი, მაგრამ, იმედია, ამასაც შევძლებთ. ვფიქრობთ, მაშინ ამ საკითხზე ფედერაციასა და ნაკრებში მსჯელობა კვლავაც გაგრძელდება და არ გამოვრიცხავთ, კორეელმა პოზიციაც შეიცვალოს.</p><p>მოკლედ, ლობჟანიძეს ჯერ კიდევ რჩება ოლიმპიადაზე ჩვენი სახელით გამოსვლის უფლება, მაგრამ მანამდე ან ჰიუნ სანმა ის კორეაში წამსვლელი ოთხეულიდან ამოაგდო.</p><p>შეგახსენებთ, რომ მას ქალთა ნაკრები იქ ორთვიან შეკრებაზე მიჰყავს და შემადგენლობაში ესებუასთან, ხათუნა ნარიმანიძესა და ასმათ დიასამიძესთან ერთად ლობჟანიძეც იყო, მაგრამ ახლა მის ნაცვლად ნათია ცინცაძეს უხმო. ჩვენები კორეაში, სავარაუდოდ, ნოემბრის შუა რიცხვებში გაემგზავრებიან, რადგან მანამდე საბუთების მოგვარება ვერ მოესწრება.</p><p>ზემოთქმულის მიუხედავად, ლობჟანიძის გადმოყვანის საკითხი დღის წესრიგიდან მაინც არ მოხსნილა - ჩვენებს სჯერათ მისი შესაძლებლობის, სჯერათ ისიც, რომ სჭირდება ნაკრებს და აქცენტს 2016 წელს გასამართ რიო დე ჟანეიროს ოლიმპიადაზე აკეთებენ.</p><p><strong>ყოველდღიური სპორტული გაზეთი "ლელო"</strong></p>
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო