<p>სენსაცია არ შედგა - თურქებმა დაგეგმილი გამარჯვება ჩაიწერეს და ჯგუფში პირველობა განიმტკიცეს <br> მატჩის წინ "არმიას" კალათბურთელებისთვის რომ გეკითხათ, თურქეთში "ბეშიქთაშის" კალათში 82 ქულის მოთავსება დაგაკმაყოფილებთ თუ არაო, დადებითი პასუხი არ დააყოვნებდა.</p><p>ასეთი გუნდის წინააღმდეგ 82 ქულის მოგროვება ხუმრობა როდია?! თუმცა ეს ის შემთხვევაა, როცა შეტევაში კარგი გარჯა გამარჯვებისთვის საკმარისი არ არის.</p><p>არადა, სტატისტიკაც პოზიტიური იყო: არმიელებმა 47-დან 27 ორქულიანი (57.4 პროცენტი), 27-დან 8 სამიანი ჩააგდეს. ეს, პირველ რიგში, "არმიას" კალათბურთელთა მაღალი კლასის შედეგია. ბეშიქთაშელთა კლასს არ იკითხავთ - 43-დან 30 ორქულიანი და 23-დან 9 სამქულიანი გამოიყენეს, საერთოდ კი 103 ქულამდე ავიდნენ. ამერიკელმა ვარსკვლავმა დერონ უილიამსმა სრულად გამოამჟღავნა შესაძლებლობები, ეფექტური დრიბლინგებითაც დაგვამახსოვრა თავი, პასებითაც და სამქულიანებს მაინცდამაინც მაშინ აგდებდა, როცა "არმია" სხვაობას მეტ-ნაკლებად ამცირებდა. მის ანგარიშზე 31 ქულა და 6 პასია. აკი დაწერა გამოცემა "ევრობასკეტმა" - "ბეშიქთაშის" მაისურით უილიამსმა საუკეთესო მატჩი სწორედ ქართველებთან ჩაატარაო.</p><p>ფარქვეშ სემიჰ ერდენს უილიამ ტომასი და იოაკიმ შელბომი ებრძოდნენ. თურქმა 20 ქულა ჩააგდო, ხოლო "არმიას" მეფარეთა დუეტმა ჯამში 32 ქულა მიითვალა. მესამე პერიოდში ტომასმა ჩატენვა ჩატენვას მიაყოლა და 17-ქულიანი ჩამორჩენა შვიდამდე დაიყვანა. უილიამმა ერთ ეპიზოდში მონდომებით ჩატენა, შემდეგ ემოციები ვერ შეიკავა და მსაჯებისგან ტექნიკური შენიშვნა დაიმსახურა.</p><p>პერიმეტრიდან ჯერემი რიჩარდსონი ისროდა ზუსტად - 8-დან 4 სამქულიანი, ხოლო შეტევათა წარმართვა სანდიატა გეინსს როგორ გამოსდის, ამას მის მიერ მოგროვილი პასების რაოდენობით მიხვდებით - 8.</p><p>აქამდე მხოლოდ შეტევაზე ვლაპარაკობდით. წაგება კი დაცვაში სუსტი თამაშის ბრალია. ისევე როგორც "არმია", ასევე "ბეშიქთაში" ძირითადად ხუთი კალათბურთელის იმედადაა და ორივე გუნდი ხისტ თამაშს ერიდებოდა, რათა რომელიმე ლიდერს ხუთი ჯარიმა არ მიეღო და მოედანი ნაადრევად არ დაეტოვებინა.</p><p>ასეა თუ ისე, სენსაცია არ შედგა - "ბეშიქთაშმა" დაგეგმილი გამარჯვება ჩაიწერა და ჯგუფში პირველი ადგილი განიმტკიცა. თავის მხრივ ჰოლანდიურმა ლეიდენმა გერმანიაში "გოტინგენი" დაამარცხა და "არმიას" დარად თითო მოგება წაგება მოუგროვდა. მომდევნო ტურში სწორედ ჰოლანდიელები გვეწვევიან. მატჩი 22 ნოემბერს სპორტის სასახლეში ჩატარდება.</p><p><strong>ყოველდღიური სპორტული გაზეთი "ლელო"</strong></p>
Temo
ჩვენი და მათI სათადარიგოების ქულები 25-5ზე იყო თურქების სასარგებლოდ. დასკვნა ჩვენმა სათადარიგოებმა ვერ ივარგეს ან მწვრთნელი შეცდა
"NBA-ის ჩემპიონებს, მსოფლიო ჩემპიონებს არ უნდა ვუწოდებდეთ, მათ ევროლიგის ბევრი გუნდი დაამარცხებდა" - თურქეთის ნაკრებისა და "პანათინაიკოსის" მწვრთნელი
[VIDEO] იოკიჩი VS დონჩიჩი - სერბეთის ნაკრებმა სლოვენია 34 ქულით დაამარცხა
3x3Geotour2025-ის ბათუმის ტურის გამარჯვებული გახდა ჩეტი | 12 ფინალისტი შეიკრა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!