<p>ხაჩიძის გუნდმა უმნიშვნელოვანესი მატჩი მოუგო უშუალო კონკურენტს და ცხრილში ადგილიც "გაუცვალა" <br> 11.12. თბილისი. ეროვნული ნაკრების ტექნიკური ცენტრი "ბასა". 300 მაყურებელი</p><p><em><strong>სპარტაკი-გაგრა 2:1</strong></em></p><p>0:1 ჯერემია (13, ჯიშკარიანის პასით), 1:1 შალამბერიძე (49, პენალტით), 2:1 მაისურაძე (63).</p><p>სპარტაკი გაგრა</p><p>4-2-3-1 4-4-1-1</p><p>ძაგანია ბეგაშვილი</p><p>თიბილაშვილი ხუციძე</p><p>ტეტუნაშვილი ტყეშელაშვილი</p><p>ბოიომო კალანდაძე</p><p>ნ. მაისურაძე ჯგერენაია</p><p>ვ კილასონია გაბედავა</p><p>თ. შონია ნაკონეჩნი</p><p>შალამბერიძე ყურულაშვილი</p><p>ჯიქია ჯიშკარიანი</p><p>შარაშენიძე შარიქაძე</p><p>მეტრეველი ჯერემია</p><p>მწვრთნეშლი: მწვრთნელი:</p><p>ვ. ხაჩიძე ზ. ჯელაძე</p><p>სპარტაკი</p><p>46. კილასონია - მამუჩიშვილი</p><p>82. ჯიქია - ბურძენაძე</p><p>89. შარაშენიძე - დ. გელაშვილი</p><p>სათადარიგოები: დაუშვილი, ლობჯანიძე, დეკანოიძე, მერეჩკო</p><p>გაგრა</p><p>65. ყურულაშვილი - ზ. ჩხეტიანი</p><p>70. ნაკონეჩნი - კვანტალიანი</p><p>84. ხუციძე - ზვიადაძე</p><p>სათადარიგოები: მაღრაძე, ჭკუასელი, ხოჯაშვილი, სიჭინავა</p><p>გაფრთხილება: ტყეშელაშვილი (49), კვანტალიანი (73)</p><p>არბიტრი: ლ. კვარაცხელია</p><p>ზედიზედ მესამე გამარჯვება და "სპარტაკიც" საუკეთესო რვა გუნდშია! ვლადიმერ ხაჩიძის გუნდმა გუშინ უმნიშვნელოვანესი მატჩი მოუგო თავის ერთ-ერთ უშუალო კონკურენტს "გაგრას" და სატურნირო ცხრილში ადგილიც "გაუცვალა".</p><p>არც ის იყო უმნიშვნელო ფაქტი, "სპარტაკმა" წაგებული პირველი ტაიმის შემდეგ თამაში რომ შემოაბრუნა: შესვენების შემდეგ მასპინძლები ბევრად უფრო მოტივირებულნი ჩანდნენ და საბოლოოდ, ეს მონდომება დაუფასდათ. აი, რაც შეეხება "გაგრას", ამ ახალგაზრდული გუნდის ხელმძღვანელობა კი ნამატჩევს უკმაყოფილებას არ მალავდა მსაჯობის გამო, თუმც სჯობს თანმიმდევრულად მივყვეთ.</p><p>მატჩის პირველივე სახიფათო მომენტი გოლით დასრულდა: მარცხენა ფლანგზე ნიკა ჯიშკარიანმა იაქტიურა, რომლის გადაცემის შემდეგაც ჯონი ჯერემია "სპარტაკის" მეკარესთან, ფაქტობრივად, პირისპირ აღმოჩნდა და ახალგაზრდა ნიგერიელმა ფორვარდმა ზუსტად დაარტყა. "სპარტაკს" ერთ წუთშივე შეეძლო ანგარიშის გათანაბრება, მაგრამ თეიმურაზ შონიას შორეული დარტყმა გიორგი ბეგაშვილმა მოიგერია, მერე კი, კუთხურის შემდეგ, ბადრი ტეტუნაშვილმა გააცუდა ხელსაყრელი მომენტი.</p><p>"სპარტაკი" არ ეპუებოდა წაგებას და მარჯვენაფლანგელი კობა შალამბერიძის აქტიურობით რევაზ ჯიქიას ორჯერ შეეძლო თავის გამოჩენა, მაგრამ უშედეგოდ. პირველი ტაიმის ბოლომდე ანგარიში აღარ შეცვლილა, თუმცა ერთ ეპიზოდში მასპინძლები აშკარა გოლს გადაურჩნენ: ვერცხლისწყალივით მოძრავი ჯონი ჯერემია კიდევ ერთხელ დაუსხლტა მეურვეებს, მაგრამ ხეირიანად ვერც თვითონ დაარტყა და ვერც ლევან შარიქაძემ.</p><p>არანაკლებ საინტერესოდ წარიმართა მეორე ტაიმიც და მატჩის საბოლოო შედეგზე სპარტაკელთა სწრაფმა გოლმაც დიდი გავლენა იქონია. სწორედ ამ ეპიზოდს აპროტესტებდნენ მატჩის შემდგომ "გაგრას" ხელმძღვანელებიც. სტუმართა საჯარიმოში რევაზ ჯიქიას წინააღმდეგ წესები დაირღვა, მაგრამ ბურთი "სპარტაკის" კაპიტანს თეიმურაზ შონიას დარჩა, ვინც ზუსტადაც დაარტყა. თუმცა გოლი არ ჩათვლილა - მანამდე მსაჯის სასტვენი გაისმა;</p><p>სხვათა შორის, თავდაპირველად ტრიბუნებზე მყოფთა უმრავლესობას (ისე, როგორც "გაგრას" ფეხბურთელებს) გვეგონა, რომ პენალტი კი არა, სტუმართა სასარგებლოდ ჯარიმა ინიშნებოდა (არბიტრის ჟესტიკულაციდან გამომდინარე). თუმცა, არბიტრმა სტუმართა ფეხბურთელს ყვითელი ბარათი უჩვენა და პენალტიც დანიშნა, რომელიც უნაკლოდ და ერთობ ეფექტურად კობა შალამბერიძემ შეასრულა.</p><p>ეს უკანასკნელი მთელი მატჩის განმავლობაში აქტიურობდა, ისევე როგორც ამპლუაშეცვლილი ნიკოლოზ მაისურაძე, რომელიც უკვე მეორე მატჩია მარცხენა მცველის პოზიციაზე ასპარეზობს. მაისურაძემ გუშინ შთამბეჭდავი მეორე ტაიმი ჩაატარა: ჯერ იყო ჩინებული შორეული გადაცემით რევაზ ჯიქია გაიყვანა დასარტყამ პოზიციაზე, მაგრამ ამ უკანასკნელმა "გაგრას" ახალგაზრდა მეკარეს გიორგი ბეგაშვილს ვერ აჯობა. თუმცა, ამ ეპიზოდიდან წუთიც არ იყო გასული, მაისურაძემ ჩინებული გოლი რომ გაიტანა: ეფექტური დრიბლინგით ჯერ ორ მეურვეს გასცდა, მერე კი საკმაოდ მახვილი კუთხიდან ზუსტად და ძლიერად დაარტყა!</p><p>ამ ორი ეპიზოდის გარდა მაისურაძის ორი ჩინებული გადაცემაც უნდა აღვნიშნოთ, რის შემდეგაც ზვიად მეტრეველსა და ბადრი ტეტუნაშვილს უაღრესად ხელსაყრელი მომენტები შეექმნათ. საერთოდაც, მეორე ტაიმში სახიფათო მომენტი მრავლად ვნახეთ: ერთ ეპიზოდში შონიამ ვერ მოახერხა გოლის გატანა (კვლავაც ჩინებულად ითამაშა ბეგაშვილმა), აი, "გაგრას" ნიგერიელი ლეგიონერი ჯონი ჯერემია კი, სულ მცირე, სამჯერ აღმოჩნდა უაღრესად ხელსაყრელ პოზიციაზე, მაგრამ ვერც ერთხელ ივარგა.</p><p><strong>ყოველდღიური სპორტული გაზეთი "ლელო"</strong></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!