- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დღეს ლიდერთა მატჩია - მერანი VS ზესტაფონი
<p>მარტვილში დღეს გასამართი გამოტოვებული მატჩით ჩვენი საფეხბურთო 2011 წელიწადი მთავრდება! <br> ყველა კეთილ თუ "ბოროტ" ზღაპარს აქვს დასასრული და აი, დღევანდელი მატჩით ("მერანი"-"ზესტაფონი") საფეხბურთო 2011 წელიწადი მთავრდება!</p><p>სამწუხაროდ, იმას ვერავინ იტყვის, საფეხბურთო წარმატებების მხრივ განსაკუთრებული წელიწადი გვქონდაო; თანაც, ეს უფრო ნაკრებ(ებ)ის გამოსვლას ეხება, რამეთუ, ერთი-ორი გამონაკლისის გარდა, მთელი წელიწადი იმედგაცრუება ჭარბობდა სიხარულს. სამაგიეროდ, ხანგრძლივი პაუზის მერე პირველად მოხდა, როცა ევროტურნირებზე ქართული გუნდების ასპარეზობის გამო სირხცვილის გრძნობა აღარ გვქონია;</p><p>რაც შეეხება ეროვნულ ჩემპიონატს, ამ მხრივ მართლაც "გამორჩეულ ფენომენთან" გვაქვს საქმე, - ყოველ შემთხვევაში, გათამაშება ისეთი "ორიგინალური" რეგლამენტით ტარდება, რომ ფეხბურთის გულშემატკივრებს კი არა,კლუბების წარმომადგენლები დღესაც ბევრ რამეში ვერ გარკვეულან. ისევ და ისევ, იმ "ნოვატორულ" იდეაზე ვამახვილებთ ყურადღებას, რასაც "ორცხრილიანობა" ჰქვია! აბა, სად გაგონილა, ჩემპიონატს ერთდროულად ორი ცხრილი ჰქონდეს - "ჩვეულებრივი" (გნებავთ, "ტრადიციული") და "ვირტუალური" (გნებავთ, ბევრად უფრო მნიშვნელოვანი)?!.</p><p>ეგ კი არა, სწორედ რომ ის "ვირტუალური" ცხრილია გადამწყვეტი მნიშვნელობის: ამ შემთხვევაში იმას ვგულისხმობთ, როცა ამა თუ იმ გუნდს კონკრეტული მატჩის წინ გარკვეული არჩევანის საშუალებაც ეძლევა; ანუ, წყვილის უპირობო ფავორიტმა თავისზე ბევრად სუსტ მეტოქესთან ასტრონომიული ანგარიშით რომც წააგოს, იმ "ვირტუალური" ცხრილის სატურნირო მდგომარეობაზე ეს მარცხი არაფრით აისახება. სამაგიეროდ, თუ კარგად განჭვრეტ და "გამოთვლი" საუკეთესო რვა გუნდში მოხვედრის პოტენციურ კანდიდატებს, აი, იმათთან პაექრობაში უკვე მხოლოდ და მხოლოდ მოგებაზე უნდა იფიქრო და ასე შემდეგ.</p><p>როდემდე გაგრძელდება მსგავსი "სტრატეგიული გათვლები"? როდემდე და, ვიდრე პირველი ეტაპი არ მორჩება, - ანუ, მომავალი წლის დასაწყისში ოთხი ჩასატარებელი ტური ხომ გვაქვს, არანაკლებ "უცნაურობასა" თუ კურიოზებს მაშინ უნდა ველოდოთ. თუმცა, მანამდე ხომ 2011 წლის ბოლო საფეხბურთო მატჩია და აქვე, ბარემ ისიც ვთქვათ, რომ სეზონის დაწყებამდე მართლაც ვერაფრით წარმოვიდგენდით მოვლენების ისეთ განვითარებას, რის მიხედვითაც "მერანი"-"ზესტაფონის" დაპირისპირებას ლიდერთა პაექრობას დავარქმევდით!</p><p>ამ შემთხვევაში, რაღა თქმა უნდა, იმ სასიამოვნო მოულოდნელობას ვგულისხმობთ, მარტვილელთა გუნდის წარმატებული ასპარეზობის შეფასებისას ხშირად რომ ვახსენებთ ხოლმე; თუმცა, მოულოდნელობა (გნებავთ, სიურპრიზი თუ სენსაცია), შეიძლება ერთხელ ან ორჯერ შემოგვთავაზოს გუნდმა, მაგრამ როცა 17 ტურის განმავლობაში სტაბილურად და წარმატებით ასპარეზობს, ესე იგი, კანონზომიერებასთან გვქონია საქმე. აი, ისეთივე კანონზომიერებასთან, "ზესტაფონის" ამბიცია-მიზნებთან რომ "პირდაპირ კავშირშია": ორივე ცხრილში მეწინავეობას სწორედ ეს გუნდი ინარჩუნებს; თანაც, დამსახურებულადაც და ისეთი თამაშითაც, ქვეყნის მოქმედ ჩემპიონს რომ "ეკადრება".</p><p><strong>მასპინძელი თუ სტუმარი?</strong></p><p>დეკემბერში ყველაზე გადატვირთული კალენდარი "ზესტაფონს" ჰქონდა: გიორგი ჭიაბრიშვილის გუნდს, ფაქტობრივად, ყოველ მესამე დღეს უწევდა თამაში. ამის მიუხედავად, "ზესტაფონმა" ოქტომბრის ბოლოს დაწყებული წაუგებელი სერია გააგრძელა და ყოველივე ეს ცხრილ(ებ)შიც აისახა: ორივე ვერსიით ("ჩვეულებრივითაც" და "ვირტუალურითაც") საქართველოს ჩემპიონატს დამსახურებული ლიდერი ჰყავს! ამასთან, ამ ლიდერობას მომავალი წლის თებერვლამდე საფრთხე არ ემუქრება - დღევანდელი მატჩი როგორი შედეგითაც არ უნდა დასრულდეს, ორივე ცხრილში "ზესტაფონს" ვერც ერთი გუნდი დაეწევა.</p><p>ეგ კი არა, საქართველოს ჩემპიონატის პირველი ეტაპის, უდავოდ, საუკეთესო გუნდს იმის მშვენიერი შანსიც ეძლევა, ბევრად უფრო მნიშვნელოვან (ანუ, ვირტუალურ) ცხრილში უშუალო კონკურენტებთან სხვაობაც გაზარდოს. თავად განსაჯეთ: "ზესტაფონის" გამარჯვების შემთხვევაში მოქმედ ჩემპიონსა და თბილისის "დინამოს" შორის სხვაობა 12 ქულა იქნება! თუმცა, იმის თქმა, რომ დღევანდელ მატჩში სტუმრებს უპირობო ფავორიტის სტატუსი უნდა მივანიჭოთო, ცოტა არ იყოს, ძნელი იქნება; ამის უმთავრესი მიზეზი კი, რაღა თქმა უნდა, მეტოქის ფაქტორია: საშინაო მატჩებში პროცენტულად საუკეთესო მაჩვენებელი ხომ "მერანს" აქვს!</p><p>ჰო, ამას კი ბევრი ვერაფრით წარმოიდგენდა, რომ რვა ჩატარებულ საშინაო მატჩში მარტვილელები შვიდს მოიგებდნენ და ერთს ფრედ დაამთავრებდნენ; თუმცა, "მერანის" ქომაგები, ალბათ, არც მორიგ ზეიმზე იტყოდნენ უარს: სულ ახლახანს მარტვილელებმა ხომ თბილისის "დინამო" დაამარცხეს! სხვათა შორის, ამ გამარჯვებას "ისტორიული მნიშვნელობის" გარდა სხვა დატვირთვაც ჰქონდა: "ვირტუალურ" ცხრილში "მერანმა" თბილისის "დინამოს" 5 ქულით გაუსწრო; თუმცა, ჯერ სადა ხართ: "მერანმა" დღესაც თუ გაიმარჯვა, "ვირტუალურ" ცხრილში მეორე ადგილზე გადაინაცვლებს და აბა, ამაზე მეტი სენსაცია რაღა უნდა მომხდარიყო ჩემპიონატის პირველ ეტაპზე?!.</p><p>მაგრამ, ზემოთაც ხომ "შევთანხმდით", რომ მალხაზ ჟვანიას გუნდის საამსეზონო ასპარეზობას მოულოდნელ-სენსაციური აღარ უნდა ვუწოდოთ და, საერთოდაც, "მერანის" ესა თუ ის წარმატებაც, ალბათ, კანონზომიერ მოვლენად უნდა შეფასდეს.</p><p>დღევანდელ მატჩში მასპინძლებს საკადრო პრობლემები არ აწუხებთ, მაშინ როცა "ზესტაფონს" ტრავმირებულთა გარდა, დისკვალიფიცირებული ფეხბურთელებიც (თორნიკე გორგიაშვილი, ნიკოლოზ გელაშვილი) დააკლდებიან. თუმცა, "ზამთრის ჩემპიონი" გუნდის მთავარმა მწვრთნელმა გიორგი ჭიაბრიშვილმა ამ სეზონში ხომ არაერთხელ დაამტკიცა, რომ ძირითად შემადგენლობაში როტაციას გონივრულად და "უმტკივნეულოდ" აკეთებს.</p><p>დაბოლოს, დღევანდელი მატჩის კიდევ ერთ ინტრიგაზეც, რასაც ძმების დაპირისპირება უნდა ვუწოდოთ: "მერანის" წარმატებული თამაშის ერთ-ერთი სულისჩამდგმელი გუნდის 21 წლის ნახევარმცველი ელგუჯა გრიგალაშვილია, ხოლო "ზესტაფონისა" და საქართველოს ნაკრების 25 წლის ნახევარმცველი შოთა გრიგალაშვილი კარიერაში ერთ-ერთ გამორჩეულ სეზონს ატარებს.</p><p>P.S. "მერანს" საკუთარ მოედანზე პროცენტულად საუკეთესო მაჩვენებელი აქვს, "ზესტაფონს" კი უმაღლესი ლიგის გუნდებს შორის საუკეთესო შედეგი აქვს სტუმრად ჩატარებული მატჩებში; "მერანი" შინ არ დამარცხებულა, "ზესტაფონი" - სტუმრად.</p><p><span style="color: #ff0000;"><strong>საქართველოს ჩემპიონატი. გამოტოვებული მატჩი</strong></span></p><p>22.12. მარტვილი. ცენტრალური</p><p><em><strong>მერანი-ზესტაფონი </strong></em></p><p><strong>სატურნირო ცხრილი</strong></p><p><em>გ თ მ ფ წ ბ ქ</em></p><p>1. ზესტაფონი 17 12 3 2 35-15 39</p><p>2. ტორპედო 18 12 2 4 26-13 38</p><p>3. დინამო 18 10 3 5 34-22 33</p><p>4. მეტალურგი 18 8 6 4 21-18 30</p><p>5. მერანი 17 9 2 6 22-19 29</p><p>6. ბაია 18 7 3 8 19-20 24</p><p>7. ვიტ ჯორჯია 18 6 5 7 21-22 23</p><p>8. გაგრა 18 6 3 9 18-23 21</p><p>9. სპარტაკი 18 5 4 9 16-25 19</p><p>10. დილა 18 5 3 10 23-25 18</p><p>11. კოლხეთი 18 4 6 8 15-24 18</p><p>12. სიონი 18 1 4 13 11-35 7</p><p><strong>ვირტუალური ცხრილი</strong></p><p><em>გ თ მ ფ წ ბ ქ</em></p><p>1. ზესტაფონი 10 7 2 1 22-8 23</p><p>2. მეტალურგი 12 6 3 3 14-12 21</p><p>3. ტორპედო 12 6 2 4 12-10 20</p><p>4. მერანი 11 5 1 5 12-13 16</p><p>5. დინამო 11 4 2 5 19-19 14</p><p>6. ვიტ ჯორჯია 12 3 3 6 8-13 12</p><p>7. ბაია 11 3 2 6 9-14 11</p><p>8. გაგრა 11 3 1 7 8-15 10</p><p><strong>ყოველდღიური სპორტული გაზეთი "ლელო"</strong></p>
-
vasiko basiladze
ყოჩაგ ბიჭებო მაგრები ხართ,კარგ ფეხბურთს გაუმარჯოს,მიაწექით ბოლომდე,ვირტუალური კიარა რაც არ უნდა მოიგონოს ფედერაციამ მაინც ზესტაფონი გახდება ჩემპიონი,ქეცბაია შეხედე კარგად როგორ უნდა ათამაშო გუნდი
-
დევიდ აირონს
ყოჩაღ "ზესტაფონს"! მართლაც რომ ღირსეული ჩემპიონია! წელს დუბლს შეასრულებს, ზესტაფონი.... "დაადო" მერანს 2 უპასუხო!
-
დევიდ აირონს
ბატონო ავტორო, ერთი რაღაც ვერ გვიგე და იქნებ ამიხსნათ-(თუ შეცდომაა ჩაასწორეთ!)-მერანს ვირტუალურ ცხრილში უწერია: 11 5 1 5...თუ 5 მოგება და ერთი ფრე აქვს, ქულა როგორღა გამოდის 19? იქნებ მოგება უნდა ეწეროს 6, ან ქულა 16? მადლობა წინასწარ...
-
vasiko basiladze
ზესტაფონი კარგი გუნდია და კარგ ფეხბურთს თამაშობს,ამიტომ დგეს აუცილებლად უნდა მოიგოს,ეს ვირტუალური ცხრილი რაა რა ხდება კარგად გაარკვიეთ ხალხი,ფეხბურთის ფედერაციის გასაგონად,მემგონი რაგაც აქვთ ჩადებული მახინაცია
-
დევიდ აირონს
"მერანი" შინ არ დამარცხებულა. "ზესტაფონი" კი სტუმრად, აქედან გამომდინარე, ალბათ ფრე ლოგიკური და ორივესთვის "მისაღები" შედეგი იქნება... თუმცა რატომღაც მგონია, რომ "ზესტაფონი" გაიმარჯვებს...
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ