<p>"მანჩესტერ იუნაიტედის" 21 წლის თავდამსხმელი კლუბისგან ახალ კონტრაქტსა და ხელფასის მომატებას ითხოვს <br> მას მერე, რაც "მანჩესტერ იუნაიტედის" 21 წლის თავდამსხმელმა, დენი უელბეკმა ბოლო შეხვედრებში სასტარტო შემადგენლობაში ადგილი დაიმკვიდრა (დიდწილად თანაგუნდელთა ტრავმების გამო), კლუბისგან ახალ კონტრაქტსა და ხელფასის მომატებას ითხოვს.</p><p>"ეშმაკები" მას ამჟამინდელი 15 ათასის ნაცვლად კვირაში 45 ათას ფუნტს სთავაზობენ, თუმცა ფეხბურთელი 60-ს ითხოვს. როგორც სპორტული ვებგვერდები წერენ, აღნიშნული მოთხოვნის გამო მოლაპარაკებები საერთოდ შეწყდა, რის განახლებასაც კლუბი თავისი ინიციატივით არ აპირებს.</p><p>უელბეკის მოქმედ ხელშეკრულებას ვადა 2013 წლის ივლისში გასდის, ასე რომ, დრო შესათანხმებლად ჯერ კიდევ არის. მიმდინარე სეზონში ფეხბურთელის ანგარიშზე 8 გოლია - 5 პრემიერლიგაში, 1 ინგლისის თასსა და 2 ჩემპიონთა ლიგაში. სერ ალექს ფერგიუსონი უელბეკს დიდ მომავალს უწინასწარმეტყველებს. იმისთვის, რომ მან თუნდაც უეინ რუნის დონეს მიაღწიოს, ჯოჯოხეთუში შრომა მართებს და ეს თავადაც უწყის, მაგრამ ეტყობა არ ითვალისწინებს, რომ შოტლანდიელ მწვრთნელთან ასეთი ტონით ლაპარაკს ხეირი ჯერ არავის მოუტანია... ფერგის პასუხი შეიძლება ძალიან მწარე იყოს.</p><p>31 დეკემბერს "ბლექბერნთან" შინ 2:3 წაგების შემდეგ ფერგიუსონი დავიდ დე ხეას გაუწყრა და სკამზე გადასვა. ზედიზედ 3 თამაშია, ძირითად შემადგენლობაში ანდერს ლინდეგორი დგას. მთავარი მწვრთნელი თავდაპირველად იმას ამბობდა, ესპანელი მაინც პირველ ნომრად რჩებაო, მაგრამ ბოლო ხანს ამასაც აღარ იმეორებს.</p><p>დანიელი გოლკიპერი კი განაგრძობს კარგად თამაშს და დე ხეას პერსპექტივა თანდათან ბურუსში ეხვევა. ყოველივეს მიუხედავად, დავიდსა და დანიელს შორის ურთიერთობაზე ამას არ უმოქმედია. ლინდეგორი ამბობს, რომ თანაგუნდელთან ყველაფერი რიგზე აქვს: "დავიდს სპეციფიკური ღირსებები გააჩნია. მაგალითად ფეთქებადია და ფიზიკურად ძალიან ძლიერი. ჯერ 21 წლისაა, წინ დიდი მომავალი აქვს. ერთ დღეს ის აუცილებლად გახდება "მანჩესტერ იუნაიტედის" ძირითადი მეკარე.</p><p>ჩემი მიზანია, ეს არ მოხდეს უახლოესი 10 წლის განმავლობაში. თამაში ყველას სურს და გამონაკლისი არც მე ვარ, ასე რომ, ეს ბუნებრივია. 3 წლის წინ დანიის მეორე დივიზიონში ვთამაშობდი, ჩემი სახელი არავინ იცოდა. ხოლო როცა ინგლისში პირველად ჩამოვედი, ჩემს გვარს სწორედ ვერც კი გამოთქვამდნენ. ახლა კი სიტუაცია შეიცვალა," - განუცხადა "ტელეგრაფს" 27 წლის ფეხბურთელმა.</p><p>Goal.com-ის ინფორმაციით, "მანჩესტერ იუნაიტედი" მზადაა "კრისტალ პალასისა" და ინგლისის 21-წლამდელთა ნაკრების 20 წლის მარჯვენა მცველ ნათანიელ კლაინში 3 მილიონი ფუნტი გადაიხადოს. ნათანიელს ლონდონურ კლუბთან ხელშეკრულება სეზონის ბოლოს უმთავრდება, რაც ტრანსფერის ალბათობას ზრდის. კლაინით დაინტერესებულები არიან ასევე "ნიუკასლი", "ფულჰემი" და "ევერტონი".</p><p><strong>ყოველდღიური სპორტული გაზეთი "ლელო"</strong></p>
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
მამის ნაკვალევზე - ისაგო სილვამ "ჩელსისთან" კონტრაქტი გააფორმა
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს