- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
უმაღლესი ლიგა. XXI ტურის წინათქმა: გადამწყვეტი ბრძოლა რვიანისთვის
<p>"ბაია", "ვიტ ჯორჯია", "კოლხეთი", "სპარტაკი", "გაგრა" და "დილა" ზედა რვაში მოსახვედრად იბრძვიან <br> უმაღლესი ლიგის პირველი ეტაპის დასრულებამდე ორიოდე ტურიღა დარჩა და ამ პერიოდის განმავლობაში ჩვენი ყურადღება უპირველესად, ჩემპიონატის რვა საუკეთესო გუნდში დასამკვიდრებლად გაჩაღებული ბრძოლისკენ იქნება მიპყრობილი.</p><p>ბუნებრივია, დიდი ინტერესით მივადევნებთ თვალს ჩემპიონობისთვის მებრძოლი გუნდების თამაშსაც, მაგრამ ჩემპიონატის ახალი ფორმატიდან გამომდინარე, სატურნირო ცხრილის ქვედა ნაწილში მიმდინარე ამბები მხოლოდ იქ დამკვიდრებულთა კი არა, ლიდერთა დიდ ინტერესსაც იწვევს.</p><p>მოკლედ, პირველი ეტაპის ბოლომდე დარჩენილ ორ ტურში ძალიან საინტერესო ამბებს უნდა ველოდოთ. თუკი მეორე ეტაპზე ნელ-ნელა მომრავლდება უმოტივაციო მატჩები, უახლოეს ორ ტურში თითქმის ყველა შეხვედრის ფასი ძალიან მაღალი იქნება.</p><p>"ბაია", "ვიტ ჯორჯია", "კოლხეთი", "სპარტაკი", "გაგრა", "დილა" - ეს ის ექვსი კლუბია, რომლებიც ზედა რვაში მოსახვედრად იბრძვიან და საამისო შანსი ზოგს მეტი აქვს, ზოგს კი ნაკლები. ამ ექვსიდან მიზანს მხოლოდ სამი მიაღწევს, დანარჩენ სამს კი უმაღლეს ლიგაში დასარჩენად ბრძოლა ბოლნისის "სიონსა" და პირველი ლიგის ოთხ საუკეთესო კლუბთან მოუწევს.</p><p>რაც შეეხება უშუალოდ ხვალინდელ ტურს, აქ გამოკვეთილ ცენტრალურ მატჩს ვერ ვხვდებით. ექვსიდან ხუთ წყვილში რვა საუკეთესოსთვის მებრძოლი კლუბები თამაშობენ და, შესაბამისად, ხუთივე მატჩის შედეგს უდიდესი მნიშვნელობა აქვს.</p><p><strong><span style="color: #ff0000;">მერანი-მეტალურგი</span></p><p></strong><em>26.02.<strong> </strong>ზუგდიდი. ბაიას ბაზა. 14:00</em></p><p>არანაკლებ საინტერესოა "მერანისა" და "მეტალურგის" დაპირისპირება. მათ ზემოთ ნახსენები გუნდებისგან განსხვავებით უფრო მაღალი მიზნები აქვს და 26 თებერვალს გამოჩნდება, ცხრილში მეზობლად მყოფთაგან ვისი ამბიციები უფრო მართებულია. მარტვილის სტადიონი "სათამაშო კონდიციებში" ისევ ვერაა და ამიტომაც "მერანი" საშინაო შეხვედრას კვლავ ზუგდიდში, "ბაიას" ბაზაზე გამართავს.</p><p><span style="color: #ff0000;"><strong>ზესტაფონი-სპარტაკი</strong></span></p><p><em>26.02. ზესტაფონი. დ.აბაშიძე. 14:00</em></p><p>"სპარტაკი", რომელსაც ქულები ჰაერივით ესაჭიროება, ზესტაფონს ესტუმრება და თავად განსაჯეთ, რა შანსი აქვს <strong>ვლადიმერ ხაჩიძის</strong> გუნდს საიმისოდ, რომ "დავით აბაშიძეზე" თუნდაც ქულა მოიპოვოს. არადა, "სპარტაკს" უკანდასახევი გზა მოჭრილი აქვს და კონკურენტებთან შედარებით, კალენდარიც მეტისმეტად უხერხული დარჩა - "ზესტაფონის" შემდეგ ამბიციამოძალებულ გორის "დილასთან" ელის ბრძოლა.</p><p>"ზესტაფონმა" ამ სეზონში ორი მატჩი მოიგო ანგარიშით 5:1 - შინ "დინამოსთან" და თბილისში "სპარტაკთან", სადაც <strong>გიორგი ჭიაბრიშვილის</strong> გუნდმა თავისი საუკეთესო თვისებები წარმოაჩინა და მაყურებელს ჩინებული სანახაობა შესთავაზა. "ზესტაფონს" რამდენიმე წამყვანი ფეხბურთელი მომავალ მატჩშიც დააკლდება, მაგრამ "ბაიასთან" საშინაო მატჩში ფეროელებმა მაღალ დონეზე ითამაშეს და სავარაუდოდ, მათგან ახლაც იგივეს უნდა ველოდოთ.</p><p><span style="color: #ff0000;"><strong>დინამო-ბაია</strong></span></p><p><em>26.02. თბილისი. დინამო არენა. 14:00. (რეპორტაჟი პირველ არხზე)</em></p><p>დინამოელები სარევანშოდ არიან განწყობილნი - პირველ წრეში ხომ მათ ზუგდიდში მარცხი იწვნიეს. რევანშიც რომ არა, "დინამოს" სამი ქულა ძალიან სჭირდება.</p><p>"ბაია" ზემოთ საშიშ ზონაში მყოფთა შორის კი ვახსენეთ, მაგრამ ზუგდიდელები კონკურენტებთან შედარებით უკეთეს მდგომარეობაში არიან და სავარაუდოდ, რვა საუკეთესო გუნდში მაინც მოხვდებიან. აქედან გამომდინარე, <strong>გიორგი დევდარიანის </strong>გუნდს, რომელიც აშკარად უკეთ გამოიყურება, გამარჯვება სჭირდება როგორც განწყობის ასამაღლებლად, ასევე პრაქტიკული თვალსაზრისითაც.</p><p>დისკვალიფიკაციის გამო "დინამოს" <strong>მიკელ ალვარო </strong>დააკლდება, მაგრამ დედაქალაქელებს გრძელი სათადარიგოთა სკამი აქვთ და ესპანელის სრულფასოვნად შეცვლა არ უნდა გაუჭირდეთ.</p><p>"დინამომ", "ზესტაფონისა" არ იყოს, მეორე ეტაპის საწყისი შეხვედრები გოლგაუშვებლად მოიგო და ვნახოთ, ვის გამოუვა ამ მშრალი სერიის გაგრძელება.</p><p><span style="color: #ff0000;"><strong>ტორპედო-ვიტ ჯორჯია</strong></span></p><p><em>26.02. ქუთაისი. ტორპედო. 14:00</em></p><p>უმაღლესი ლიგის სატურნირო ცხრილში ზამთრის პაუზისას რომ ჩაგეხედათ, იტყოდით, რომ "ვიტ ჯორჯია" მიზნამდე ძალიან ახლოს იყო, მაგრამ ვეტერინარებმა წელს ჩატარებულ ორ ტურში მხოლოდ ერთი ქულა მოიპოვეს და პლეი-აუტში მოხვედრის რეალური საფრთხეც გაუჩნდათ.</p><p>"ტორპედომ" წინა ტურში "გაგრას" ისე შთამბეჭდავად მოუგო, რომ წყვილის გამოკვეთილ ფავორიტად სწორედ <strong>გია გეგუჩაძის</strong> გუნდი უნდა მივიჩნიოთ, პირველი ეტაპის ბოლო ტურში კი "ვიტ ჯორჯია" "ზესტაფონს" მასპინძლობს. მოკლედ, <strong>ზურაბ ბერიძის</strong> გუნდი ძალიან რთული ამოცანის წინაშე დადგა და მიზნის მისაღწევად მინიმუმ ერთი სენსაციის ავტორობა დასჭირდება.</p><p><span style="color: #ff0000;"><strong>სიონი-კოლხეთი</strong></span></p><p><em>26.02. ბოლნისი. თ.სტეფანია. 14:00</em></p><p>კიდევ ერთი გამარჯვება და "კოლხეთს" რვა საუკეთესოში შეღწევაში ხელს, ალბათ, ვეღარავინ შეუშლის. ჩემპიონატის განახლებამდე ფოთელთა შანსები არც ისე მაღალი იყო, მაგრამ <strong>დავით მახარაძის </strong>გუნდმა ორივე მატჩი დამაჯერებლად მოიგო და არც ის უნდა გაგვიკვირდეს, ბოლნისიდანაც სამ ქულას თუ წაიღებს.</p><p>"სიონს" მეორე ეტაპამდე ქულების დაგროვების საჭიროება არ აქვს, მაგრამ ბოლნისელები რომ პროგრესირებენ, ეს "დინამოსთან" გასვლითმა შეხვედრამაც დაადასტურა, სადაც <strong>ხვიჩა ქასრაშვილის</strong> გუნდი მატჩის მიწურულს მიღებული ბურთით დამარცხდა. ასე რომ, ბოლნისში წარმატების მიღწევა იოლი არც მასპინძლებისთვის იქნება და არც სტუმრებისთვის.</p><p><span style="color: #ff0000;"><strong>დილა-გაგრა </strong></span></p><p><em>26.02.მცხეთა. მცხეთა პარკი. 14:00</em></p><p>"დილა" საშინაო მატჩს "მიხეილ მესხზე" ვერც ამჯერად ჩაატარებს, რადგან ვაკის სტადიონს ეროვნული ნაკრების მოახლოებული შეხვედრისთვის ამზადებენ. თუკი ამ მიზეზით "დილა"-"მეტალურგი" გადაიდო, ამჯერად გორელებს დასვენება აღარ მოუწევთ და "გაგრას" "მცხეთა პარკზე" უმასპინძლებენ. ზუგდიდში დაკარგული ქულების შემდეგ "დილას" უკანდასახევი გზა მოჭრილი აქვს - გამარჯვება მართებს ხვალაც, "მეტალურთან" გადადებულ მატჩშიც და პირველი ეტაპის ბოლო ტურში "სპარტაკთანაც".</p><p>"დილას" ჩინებული შემადგენლობა ჰყავს, მაგრამ საკითხავი ის არის, მოასწრებს თუ არა ახლად შეკრებილი კონტინგენტი ისე შეთამაშებას, დარჩენილ შეხვედრებში ქულათა მაქსიმუმისთვის რომ იბრძოლოს.</p><p>"გაგრას" კი "დილას" შემდეგ "დინამოსთან" დაპირისპირება ელის, ყოველივე ამას საქართველოს თასის მფლობელთა მიერ განვლილ ორ შეხვედრაში ნაჩვენები თამაშის ხარისხი დავუმატოთ და გამოდის, რომ "გაგრას" რვა საუკეთესოში მოხვედრის უმცირესი შანსიღა დარჩა.</p><p>XXI ტურის ყველა მატჩი ერთდროულად, 14 საათზე დაიწყება, რაც უთუოდ სწორი გადაწყვეტილებაა - პრივილეგირებულ მდგომარეობაში არავინ უნდა იყოს და ყველამ საკუთარ თამაშზე უნდა მოახდინოს კონცენტრაცია. იმის იმედსაც ვიტოვებთ, რომ "დილა"-"მეტალურგი" პირველი ეტაპის უკანასკნელი გადადებული თამაში იქნება.</p><p><span style="color: #ff0000;"><strong>სატურნირო ცხრილი</strong></span></p><p>გ თ მ ფ წ ბ ქ</p><p>1.ზესტაფონი 20 15 3 2 39-15 48</p><p>2.ტორპედო 20 13 2 5 31-17 41</p><p>3.დინამო 20 12 3 5 37-22 39</p><p>4.მერანი 20 9 3 8 22-23 30</p><p>5.მეტალურგი 19 8 6 5 21-20 30</p><p>6.ბაია 20 7 4 9 19-21 25</p><p>7.კოლხეთი 20 6 6 8 19-24 24</p><p>8.ვიტ ჯორჯია 20 6 6 8 21-24 24</p><p>9.სპარტაკი 20 6 5 9 18-25 23</p><p>10.გაგრა 20 6 3 11 20-29 21</p><p>11.დილა 19 5 4 10 23-25 19</p><p>12.სიონი 20 1 5 14 11-36 8</p><p><strong>ყოველდღიური სპორტული გაზეთი "ლელო"</strong></p>
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!