- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლომი და ქურციკი
<p>ერთა თასის გათამაშების მეხუთე ტურში საქართველოს ნაკრებმა რუსეთის ეროვნული გუნდი პირველ რიგში, ფსიქოლოგიურად დაჩაგა <br> საქართველო-რუსეთის სარაგბო დაპირისპირების დასრულებისთანავე "ფეისბუქზე" გამოქვეყნდა ორი პარალელური ფოტო. ერთში ლომი შეშინებულ ქურციკს მისდევს, მეორეში: საქართველოს ნაკრების მორაგბე შეშინებულ რუსს. კარგი შედარებაა - შაბათის მეტოქე, პირველ რიგში, ფსიქოლოგიურად დავჩაგრეთ.</p><p>სტუმრებს ახალი, უელსელი მწვრთნელი ჰყავთ, რომელმაც აქცენტი გუნდის გაახალგაზრდავებაზე გააკეთა და 17 მარტს შეგირდები პირდაპირ ლომის ხახაში მოაქცია.</p><p>შიშის გრძნობას რაც შეეხება, ერთი ლიტველის ნათქვამი მახსენდება: ქართველები მთის ხალხი ხართ და შიშის გრძნობა არ იცით, არც მოწინააღმდეგის სიძლიერეს აგდებთ რამედ და არც მათ სიმრავლესო.</p><p>მართლაც, საქართველოს ნაკრებმა ოქტომბერში, ინგლისსაც ისე თამამად შეუტია, თითქოს რუსეთის ნაკრები ყოფილიყო. რაგბშიც, ალბათ, იმიტომ ვართ ერთ-ერთი ყველაზე წარმატებულები, რომ საბრძოლო სპორტია, მეომარი სულის ადამიანებისთვის.</p><p>ქართველ გულშემატკივარსაც ამ მიზეზების გამო იზიდავს რაგბი და ნაკრების თანამგზავრადაც იქცა. შაბათს "მიხეილ მესხის" 30-ათასიანი არენა ბოლომდე გაივსო.</p><p><strong></p><p>* * *</strong></p><p>რუსეთის ნაკრები ყველაზე დიდი სხვაობით, 46:0 სწორედ ამჯერად დავამარცხეთ. ასე რომ, ფსიქოლოგიური ფაქტორის გარდა, იყო კიდევ უამრავი გარემოება, რამაც ასეთი უპირატესობა განაპირობა. ერთ-ერთზე ნამატჩევს რუსების თავკაცმა კინგსლი ჯონსმა გაამახვილა ყურადღება: მსოფლიო დონის სამი მორაგბე გყავთ, კვირიკაშვილი, ქუბრიაშვილი და გორგოძე. ამ უკანასკნელის შეჩერება ვერაფრით მოვახერხეთო.</p><p>სხვათა შორის, მამუკა გორგოძემ შაბათს საკუთარ აქტივს ორი ლელო მიამატა, მესამის გატანაც შეეძლო, მაგრამ ჩათვლის მოედანში მდგომმა ბურთი ირაკლი მაჩხანელს გადააწოდა და ამით დაგვანახა, რომ მისთვის მთავარი არა პირადი გამორჩენა, არამედ გუნდური წარმატებაა.</p><p>საბოლოოდ იგი შეხვედრის საუკეთესო მორაგბედ აღიარეს. პირველი აცილებილი საჯარიმოს შემდეგ მერაბ კვირიკაშვილმა ქარიან ამინდს ალღო აუღო და ამიტომაც ათქმევინა ჯონსს - მაღალი დონის მორაგბეაო. რუსეთთან შეხვედრა გუნდური მოქმედებით მოვიგეთ, მაგრამ კიდევ ერთი მორაგბე უნდა გამოვარჩიოთ - ირაკლი აბუსერიძე, რომელმაც ნაკრებში ერთ-ერთი საუკეთესო შეხვედრა ჩაატარა. ძალიან სწრაფად, გააზრებულად და მართებულად მოქმედებდა.</p><p>მეექვსე ლელოც ხომ მისი მონაგარია - მყისიერად რომ მოსწყდა გუნდს და რუსების ჩათვლის ხაზს მიუახლოვდა. მან სხვა, მნიშვნელოვანი საქმეც შეასრულა: "ბიჭებმა ემოციები კარგად აკონტროლეს, რაც უმთავრესად აბუსერიძის დამსახურებაა. იგი მოსამზადებელი პერიოდის განმავლობაში ამ მიმართულებით ბევრს მუშაობდა და თამაშისასაც სათანადოდ მართავდა სიტუაციას", - აღნიშნა საქართველოს ნაკრების თავკაცმა მილტონ ჰეიგმა.</p><p>მწვრთნელის სიტყვებს კიდევ დავუბრუნდები. აქ კი სატურნირო სიტუაციას შევეხოთ. საქართველოს ნაკრებს ოთხი ლელოს დადება ჰაერივით სჭირდებოდა, რათა აქტივში დამატებითი ხუთი ქულა ჩაეწერა (ასეთი წესია რაგბიში).</p><p>ეს ქულები კი ჩემპიონობის გზაზე მდგარი გუნდისთვის ძალიან მნიშვნელოვანია: წლეულს ერთა თასს ერთმანეთს საქართველოსა და ესპანეთის ნაკრებები ეცილებიან.</p><p>ჩვენებს პირენეებზე წაგებული აქვთ. ამიტომ სხვა მატჩებიდან მაქსიმუმი უნდა გამოწურონ, რათა თასი ესპანეთს არ დარჩეს. მიუხედავად იმისა, რომ შაბათსვე ესპანელებმა რუმინელები 13:12 დაამარცხეს, ქართველებს სატურნირო ცხრილში ერთი ქულით მაინც ჩამორჩებიან. ჩვენ 15 ქულა გვაქვს, დასავლელ იბერებს - 14.</p><p>თასის მფლობელის ბედს ბოლო ტურის მატჩები გადაწყვეტს: 19 მაისს ესპანეთი რუსეთს ესტუმრება, ხოლო 9 ივნისს საქართველო - უკრაინას. ერთა თასის ჩემპიონობა რომ გაინაღდოს, ჩვენს ნაკრებს უკრაინის დამარცხება სჭირდება, თანაც ისე, რომ 4 ლელო დადოს და დამატებით ხუთი ქულა მიითვალოს (რაც რეალურია). ასეთ შემთხვევაში რუსეთში გასამართი შეხვედრის შედეგზე დამოკიდებულები არ ვიქნებით. თუმცაღა, ჯერ რუსები და ესპანელები თამაშობენ, შემდეგ - ჩვენ.</p><p><strong></p><p>* * *</strong></p><p>საქართველოს ნაკრების თავკაცმა მილტონ ჰეიგმა მატჩის გარდა გლობალურ საკითხზეც ილაპარაკა: "შესაძლებლობების მხოლოდ 30 პროცენტი გამოვავლინეთ. როცა პოტენციალს მეტ-ნაკლებად სრულად გამოვიყენებთ, იტალიისა და შოტლანდიის დარ გუნდებს დავამარცხებთ, ხოლო უფრო ძლიერებს ღირსეულ ბრძოლას გავუჩაღებთ. საქართველოს ნაკრები მძინარე გიგანტია. მერწმუნეთ, მალე გამოიღვიძებს".</p><p>ახლა, მთავარია, ჩვენი პროგრესი რაგბის საერთაშორისო ორგანიზაციამაც სათანადოდ შეაფასოს და იტალია-შოტლანდიასთან თამაშის უფლება მოგვცეს. ასეთი დონის გუნდებთან 4 წელიწადში ერთხელ მსოფლიოს თასზე დაპირისპირება საკმარისი ნამდვილად არ არის.</p><p><strong></p><p>kvirispalitra.ge</strong></p>
-
danielle
მართლა მაგარი ფოტოა :))
-
alexaaaa
ბევრი შეცდომა გაქვს. I გორგოძემ დადო არა 2 არამედ 1 ლელო.. II მე–6 ლელოს დროს აბუ გამოცვლილი იყო და გარღვევა მალაღურაძემ მოაწყო.
-
zuzu
ავტორო ბევრი შეცდომა გაქვს. I გორგოძემ დადო არა 2 არამედ 1 ლელო.. II მე–6 ლელოს დროს აბუ გამოცვლილი იყო და გარღვევა მალაღურაძემ მოაწყო.
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა