<p>საქართველოს ჩემპიონატი. უმაღლესი ლიგა. გამოტოვებული მატჩების წინათქმა <br> ახლა უკვე დარწმუნებით შეგვიძლია იმის თქმა, რომ დიდთოვლობა ეროვნულ ჩემპიონატს ვეღარ შეაფერხებს და თუ რაიმე სხვა მიზეზი არ გამოჩნდა, სეზონი კალენდრის დაურღვევლად ჩამთავრდება.</p><p>დღეს კი უხვი ნალექის მიზეზით გადადებული რამდენიმე მატჩი გაიმართება, რის შემდეგაც სატურნირო ცხრილი კიდევ უფრო დალაგდება და რამდენიმე კლუბის ამბიციების მართებულობაზე მსჯელობა უფრო თამამად შეგვეძლება.</p><p><span style="color: #ff0000;"><strong>ზესტაფონში დიდი მატჩია</strong></span></p><p>ეს შეფასება, შესაძლოა, ცოტა ხმამაღალი იყოს, მაგრამ მატჩის მნიშვნელობა ისეთია, რომ ორივე გუნდისთვის ძალიან ბევრი რამ წყდება. თუკი "ზესტაფონის" წევრებმა საკუთარ თავს მცირე დანაკარგების უფლება შეიძლება მისცენ, "ტორპედოს" უკან დასახევი გზა მოჭრილი აქვს - <strong>გია გეგუჩაძის</strong> გუნდი მხოლოდ ჩემპიონატს შემორჩა და გააფთრებით იბრძვის ევროპის ლიგის საგზურის მოსაპოვებლად. ასე რომ, ქუთათურებს "დავით აბაშიძეზე" გამარჯვება სჭირდებათ.</p><p>კომფორტული სატურნირო მდგომარეობის მიუხედავად, ფეროელთა ამოცანაც სამი ქულის მოპოვებაა - გამარჯვების შემთხვევაში <strong>გიორგი ჭიაბრიშვილის</strong> გუნდი ჩემპიონობისკენ კიდევ ერთ დიდ ნაბიჯს გადადგამს. თუ "ზესტაფონმა" გაიმარჯვა, ვფიქრობთ, ოქროს მედლების მოპოვებაზე თვით მისი მდევრებიც კი ხელს ჩაიქნევენ და ბრძოლას ვერცხლისთვის გააგრძელებენ.</p><p>"ტორპედოსთან" შეხვედრით "ზესტაფონი" ურთულეს სამმატჩიან მონაკვეთს დაასრულებს. შეგახსენებთ, საქართველოს მოქმედმა ჩემპიონებმა თბილისში "დინამოს" ქულა აართვეს, შემდეგ შინ "მეტალურგს" სძლიეს და თუ ახლაც პოზიტიურ შედეგს მიაღწიეს, თავი, ალბათ, უკვე ქუდში ექნებათ.</p><p>"იმერულ დერბის" დიდი ტრადიციები აქვს, ბოლო ორ სეზონში კი "ზესტაფონისა" და "ტორპედოს" დაპირისპირებებს ჟინი და ჯანსაღი ემოცია კიდევ უფრო გაუძლიერდა.</p><p>შეხსენება არ უნდა სჭირდებოდეს იმ ამბავს, თუ როგორი დრამატული იყო ზესტაფონელთა და ქუთაისელთა სათასო ჭიდილი როგორც წინა, ასევე მიმდინარე სეზონში. პირველ ჯერზე გამარჯვება "ტორპედოს" დარჩა, ამ სეზონში კი დრამატული დუელი "ზესტაფონის" გამარჯვებით დასრულდა. მიმდინარე ჩემპიონატში კი ამ გუნდების აქტივში ერთმანეთის მოედანზე მოგებული შეხვედრებია.</p><p>მოკლედ, ამ მატჩის ნახვა ერთ რამედ ღირს და კარგია, რომ საზოგადოებრივი მაუწყებელი მის პირდაპირ რეპორტაჟს ახორციელებს.</p><p>უყურადღებოდ ვერც "დინამო"-"დილას" დავტოვებთ, თუმცა, დაგეთანხმებით, ამ მატჩს არ ახლავს იმხელა ინტრიგა, რასაც "იმერული დერბი" იწვევს.</p><p>"დილას" ბოლოდროინდელმა შედეგებმა ქართული საფეხბურთო საზოგადოება კიდევ ერთხელ დაარწმუნა, რომ რაგინდ ძლიერი შემადგენლობა შეკრიბო, უცბად ძლიერი გუნდის ჩამოყალიბება წარმოუდგენელია. გორელები ჩემპიონატში უმოტივაციოდ დარჩნენ და თასის ნახევარფინალის მოლოდინში არიან.</p><p>ვნახოთ, როგორი იქნება "დილა" ახალი სამწვრთნელო შტაბის ხელში.</p><p><span style="color: #ff0000;"><strong>დინამოს ფინალები</strong></span></p><p>"დინამოსთვის" კი ყოველი მატჩი კვლავ ფინალივითაა - დედაქალაქელებს საჩემპიონო შანსი, ფაქტობრივად, დაკარგული აქვთ. სამაგიეროდ, ევროპის ლიგის საგზურისთვის მართებთ დიდი ბრძოლა და სწორედ ამიტომ მოდუნების უფლება არ აქვთ.</p><p>შეგახსენებთ, <strong>გიორგი დევდარიანის</strong> გუნდმა ჩემპიონატის მეორე ეტაპის სამ ტურში მხოლოდ სამ ქულას მოუყარა თავი.</p><p>იმერულთან ერთად, ამ ტურში "მეგრული დერბიც" გველის, ოღონდ ამჯერად განსაკუთრებული ინტრიგის გარეშე - "კოლხეთი"-"ბაიას" შედეგს გადამწყვეტი მნიშვნელობა ნამდვილად არ აქვს.</p><p><span style="color: #ff0000;"><strong>პლეი აუტში კვლავ დაძაბულობაა</strong></span></p><p>ოზურგეთის "მერცხალი" ქვედა რვიანში, ჯერჯერობით უიმედო აუტსაიდერად მოჩანს და თუ 29 თებერვალსაც ვერ გაიმარჯვა, საბოლოოდ გაიმყარებს ამ სტატუსს. "ჩიხურას" კი კარგი შანსი აქვს, ბოლო დროს აკრეფილი ტემპი განაგრძოს და უმაღლეს ლიგაში გადმოსვლაზე რეალური პრეტენზია განაცხადოს.</p><p>"სიონს" სატურნირო მდგომარეობა სამი ქულისთვის ბრძოლას ავალდებულებს, თუმცა ბათუმში გამარჯვება იოლი სულაც არ იქნება. მით უფრო იმიტომ, რომ გასულ ტურში საკუთარი ძალა ზღვისპირელებმაც გვიჩვენეს.</p><p>დიდთოვლობისგან ყველაზე დიდი დისკომფორტი სწორედ ბოლნისელებმა მიიღეს - "სიონმა" რამდენიმე დღის წინ ბათუმამდე და უკან ფუჭად იმგზავრა, რასაც ფეხბურთელთა ენერგია ტყუილუბრალოდ შეეწირა.</p><p><span style="color: #000000;"><strong>საქართველოს ჩემპიონატი. გამოტოვებული მატჩები </strong></span></p><p><strong><span style="color: #ff0000;">პლეი ოფი (1-8 ადგილები)</span></strong></p><p>29.03.ზესტაფონი. დ.აბაშიძე. 18:00</p><p><em><strong>ზესტაფონი-ტორპედო </strong></em></p><p>29.03.თბილისი. დინამო არენა. 18:00</p><p><em><strong>დინამო-დილა</strong></em></p><p>29.03.ფოთი. ფაზისი. 15:00</p><p><em><strong>კოლხეთი-ბაია</strong></em></p><p><span style="color: #000000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1.ზესტაფონი 17 11 4 2 31-14 37</p><p>2.მეტალურგი 18 10 2 6 26-21 32</p><p>3.დინამო 17 7 5 5 31-24 26</p><p>4.ტორპედო 16 7 4 5 18-14 25</p><p>5.ბაია 17 5 5 7 14-21 20</p><p>6.დილა 17 4 5 8 17-19 17</p><p>7.კოლხეთი 17 3 7 7 9-20 16</p><p>8.მერანი 17 4 2 11 15-28 14</p><p><span style="color: #ff0000;"><strong>პლეი აუტი (9-16 ადგილები)</strong></span></p><p>29.03. ოზურგეთი, მეგობრობა. 15:00</p><p><em><strong>მერცხალი-ჩიხურა </strong></em></p><p>29.03. ბათუმი. ადელი 15:00</p><p><em><strong>ბათუმი-სიონი</strong></em></p><p><strong>სატურნირო ცხრილი</strong></p><p><em>ა გ თ მ ფ წ ბ ქ</em></p><p>1.ვიტ ჯორჯია 4 3 1 0 4-0 10</p><p>2.სპარტაკი 4 2 1 1 5-4 7</p><p>3.გაგრა 4 1 2 1 5-4 5</p><p>4.გურია 4 1 2 1 7-8 5</p><p>5.ჩიხურა 3 1 1 1 3-3 4</p><p>6.დინამო (ბთ) 3 1 1 1 1-2 4</p><p>7.სიონი 3 1 0 2 5-5 3</p><p>8.მერცხალი 3 0 0 3 0-4 0</p><p><strong>ყოველდღიური სპორტული გაზეთი "ლელო"</strong></p>
kapo
წარმატებები ზესტაფონს!
ოფიციალურად: "კოლოსმა" ზურაბ რუხაძე წარადგინა
საქართველოს ახალგაზრდული ნაკრების ფეხბურთელი უკრაინულ კლუბში გადავიდა
თემურ ქეცბაიამ შესაძლოა, ქართული გუნდი ჩაიბაროს - მან "ანორთოსისში" დაბრუნებაზე უარი თქვა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია