<p>გორელებმა თუ ასე გააგრძელეს, ჩვენს საფეხბურთო რუკაზე საკმაოდ სიმპათიური გუნდი გაჩნდება <br> 02.04. თბილისი. "მიხეილ მესხი". 1500 მაყურებელი.</p><p><em><strong>დილა-მერანი 4:2</strong></em></p><p>1:0 ვაწაძე (35. კახელიშვილის პასით), 2:0 ბეჭვაია (48), 3:0 ვაწაძე (67. ახალკაცის პასით), 3:1 მანწკავა (76), 4:1 ვაწაძე (83. ლექვთაძის პასით), 4:2 ტორონჯაძე (90. მანწკავას პასით).</p><p><em>დილა 4-3-3 მერანი 4-3-3</em></p><p>სკენდერი შეროზია</p><p>ალადაშვილი გეგეჭკორი</p><p>სალუქვაძე იობაშვილი</p><p>ინწკირველი ჟვანია</p><p>მეგრელიშვილი სუხიაშვილი</p><p>ბეჭვაია დიდავა</p><p>კაშია ფონიავა</p><p>ხოჯავა ე. გრიგალაშვილი</p><p>გურული მანწკავა</p><p>ვაწაძე ტაპე</p><p>კახელიშვილი ამბროლაძე</p><p>მწვრთნელი: მწვრთნელი:</p><p>თ. შალამბერიძე მ. ჟვანია</p><p><em>დილა</em></p><p>60. გურული - ლექვთაძე</p><p>62. ხოჯავა - ახალკაცი</p><p>84. კაშია - კანდელაკი</p><p>სათადარიგოები: შეყრილაძე, ქარქუზაშვილი, ნ. ნოზაძე, ბარაბაძე.</p><p><em>მერანი</em></p><p>46. ფონიავა - ტორონჯაძე</p><p>52. ამბროლაძე - ბოხუა</p><p>65. ტაპე - ჩალაძე</p><p>სათადარიგოები: შენგელია, წოწორია, ვართაგავა, კიკალიშვილი</p><p>გაფრთხილება: ალადაშვილი (53), მანწკავა (72), კანდელაკი(90).</p><p>არბიტრი: გ. ვადაჭკორია.</p><p>მატჩი უხვგოლიანი გამოდგა, მეტოქეებმა ღია ფეხბურთი აჩვენეს და მაყურებელს არ მოუწყენია. შეხვედრის დასაწყისში მარტვილელებმა ისე აქტიურად დაიწყეს, ვერავინ წარმოიდგენდა, საბოლოოდ ასეთი ანგარიშით თუ წააგებდნენ.</p><p>"დილას" საკუთარი საჯარიმოდან ბურთის გამოტანა უჭირდა. მშვენიერი საგოლე მომენტი ჰქონდა <strong>ვალერი იობაშვილს</strong>, რომელმაც ახლო მანძილიდან სცადა კარის აღება. მცველი ეფექტური მოძრაობით ჩამოიცილა და მეკარესთან პირისპირ დარჩა, მაგრამ სუსტად დაარტყა და შანსი ხელიდან გაუშვა.</p><p>ამას <strong>გიგა ამბროლაძის</strong> მომენტი მოჰყვა, რომელმაც მოედნის ცენტრში ბურთი <strong>მათე ვაწაძეს</strong> აართვა, მაგრამ გორელთა მეკარე მარინ სკენდერს ვერ აჯობა.</p><p>ტაიმის შუაგულში <strong>თემურ შალამბერიძისა</strong> და <strong>გია ცეცაძის</strong> გაწვრთნილები გამოფხიზლდნენ, შეტევები გაამწვავეს და ნამდვილი, სანახაობრივი ფეხბურთი აჩვენეს - მშვენივრად გამოიყურებოდნენ საყრდენები, <strong>შოთა კაშია </strong>და <strong>გიგა ბეჭვაია</strong>. აღსანიშნავია მათი არა მხოლოდ მონდომება, არამედ აზრიანი თამაშიც. <strong>კაშია</strong> იყო ყველგან: იბრძოდა, შეტევებს იწყებდა და ამწვავებდა და თანაგუნდელებიც აიყოლია.</p><p><strong>მათე ვაწაძემ</strong> კი "მერანის" კარს იმდენი უტრიალა, სანამ არ გაიტანა: 35-ე წუთზე მარჯვენა ფლანგიდან <strong>გიორგი კახელიშვილის</strong> მშვენიერი გადაცემის შემდეგ კარის წინ მარტო დარჩენილმა თავით ზუსტად დაარტყა.</p><p>შესვენების შემდეგ "დილას" უპირატესობა შთამბეჭდავი გახდა. გორელები მომენტს მომენტზე ქმნიდნენ. თამაში ახალი განახლებული იყო, როდესაც მცველის მიერ საკუთარ საჯარიმოში დაუდევრად მოგერიებული ბურთი <strong>ბეჭვაიამ</strong> კარში გააგზავნა.</p><p>კარგად ჩაერთო თამაშში <strong>რომან ახალკაცი</strong>, რომელმაც ბურთთან პირველივე შეხებით <strong>კახელიშვილი</strong> მეკარესთან პირისპირ დატოვა, მაგრამ "დილას" ფორვარდმა ჩინებული გადაცემა ვერ გამოიყენა.</p><p>სამაგიეროდ, <strong>ვაწაძემ</strong> ისარგებლა <strong>ახალკაცის </strong>გადაცემით: ამ უკანასკნელმა ბოლომდე იბრძოლა. მცველებს ბურთი გადასული რომ ეგონათ და გაჩერდნენ, ხაზზე გააჩერა და <strong>ვაწაძე</strong> მოძებნა, რომელმაც ახლო მანძილიდან ზუსტად გაისროლა - 3:0.</p><p>"მერანმა" შედეგიანი შეტევა მხოლოდ ამის შემდეგ განახორციელა: <strong>გიორგი მანწკავას</strong> დარტყმის შემდეგ ბურთი გორელ მცველს მოხვდა, მიმართულება შეიცვალა და "დილას" კარში აღმოჩნდა.</p><p>გორელებმა სხვაობა მალე აღადგინეს: <strong>ირაკლი ლექვთაძის</strong> გადაცემის შემდეგ <strong>ვაწაძემ </strong>ჰეთ-თრიქი შეასრულა.</p><p>საბოლოო წერტილი მარტვილელმა <strong>მამუკა ტორონჯაძემ</strong> დასვა, რომელმაც კუთხურიდან <strong>მანწკავას</strong> მოწოდებული ბურთი კარში ზუსტად გააგზავნა.</p><p>შეიძლება ითქვას, რომ "დილამ" შთამბეჭდავი ფეხბურთი აჩვენა და თუ სამომავლოდაც ასე გააგრძელა, საფეხბურთო რუკაზე საკმაოდ სიმპათიური გუნდი გაჩნდება.</p><p><strong></p><p>ყოველდღიური სპორტული გაზეთი "ლელო"</strong></p>
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
87-ე წუთი... "ტორპედომ" ფოთში მოიგო, "გაგრამ" "გარეჯთან" ქულა გადაარჩინა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა